Genesis 24–33

Genesis 24–33

Kinatibuk-ang Pagpasabot

Ang Ginoo nag-andam og paagi aron makasulod si Isaac sa mahangtoron nga kaminyoon. Siya ug si Rebeca sa kataposan nanganak og kaluha, si Jacob ug Esau. Apan, samtang nagdako si Esau, wala niya giuna ang pagdawat sa iyang katungod sa pagkamagulang o ang iyang mahangtoron nga mga panalangin. Gidawat ni Jacob ang katungod sa pagkamagulang ug mibiyahe paingon sa yutang natawhan sa iyang inahan aron mangita og asawa. Samtang nagbiyahe, nakakita siya og panan-awon nga midala niya sa pagsulod sa pakigsaad ni Abraham uban sa Dios. Naningkamot siya pag-ayo aron maminyo diha sa pakigsaad, maangkon ang mga panalangin sa Ginoo diha sa iyang adlaw-adlaw nga buluhaton, ug mohimo sa unsay gipabuhat kaniya sa Ginoo aron maayo ang mga relasyon sa iyang pamilya.

Awhaga ang mga Tigkat-on sa Pagpakigbahin sa mga Kamatuoran nga Ilang Nakat-onan. Pagdapit sa mga estudyante nga ipakigbahin sa usag usa ang unsay ilang nakat-onan nga makatabang nila nga mobati og dugang nga kompiyansa diha sa klase. Aron makakat-on pa og dugang, tan-awa sa “Giawhag sa Manluluwas ang Uban sa Pagpakigbahin sa mga Kamatuoran nga Ilang Nakat-onan” (Pagtudlo Sumala sa Pamaagi sa Manluluwas p. 26). Usa ka pananglitan kon unsaon kini paghimo makita diha sa Leksiyon 31: “Genesis 28.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong kinahanglan nga andamon alang sa matag leksiyon.

Genesis 24

Tumong sa leksiyon: Aron tabangan ang mga estudyante nga makasabot sa kaimportante sa usa ka mahangtoron, pakigsaad nga kaminyoon diha sa plano sa Langitnong Amahan.

• Pagpangandam sa estudyante: Dapita ang mga estudyante sa pagsulat og pangutana nila o sa usa ka tawo nga ilang kaila bahin sa kaminyoon sa templo ug mosulod sa klase nga mainampoong tinguhaon ang tubag niana nga pangutana.

• Mga imahe: Usa ka kaminyoon sa templo, “Rebekah at the Well [Si Rebeca diha sa Atabay], usa ka yano nga drowing sa templo

• Handout: Handout nga giulohan og “Mahangtoron nga Kaminyoon”

Genesis 25–27

Tumong sa leksiyon: Aron tabangan ang mga estudyante nga hatagan og bili ang mahangtoron nga mga panalangin sa Ginoo kay sa kalibotanong mga tinguha.

• Pagpangandam sa estudyante: Awhaga ang mga estudyante nga mainampoong susihon ang pagkabalanse sa ilang mga kinabuhi tali sa mga butang sa Dios (e.g., pag-ampo, pagtuon sa kasulatan, kalihokan sa simbahan) ug sa mga butang sa kalibotan. Dapita sila nga ilhon ang bisan unsang kalibotanong mga babag nga tingali nahimo na nilang prayoridad kay sa mahangtoron nga mga butang.

• Mga bidyo: “Jacob ug Esau” (2:06), “Walay Gimahayan” (5:38)

Genesis 28

Tumong sa leksiyon: Aron tabangan ang mga estudyante nga mobati og dugang nga tinguha sa paghimo og mga pakigsaad uban sa Dios diha sa templo.

• Pagpangandam sa estudyante: Ikonsiderar ang pagdapit sa mga estudyante nga rebyohon ang mga saad sa pakigsaad ni Abraham (Abraham 2:8–11). Pwedeng awhagon ang mga estudyante nga sulayan ug ipasabot ngadto sa usa ka sakop sa pamilya ang bahin sa pakigsaad ni Abaraham ug kon nganong importante kini para nila.

• Imahe: Litrato sa templo

Genesis 29–33

Tumong sa leksiyon: Aron tabangan ang mga estudyante nga madugangan ang ilang kaandam sa pagpatigbabaw sa Dios diha sa ilang kinabuhi.

• Pagpangandam sa estudyante: Ikonsiderar ang pagdapit sa mga estudyante nga ilista ang mga paagi nga naimpluwensiyahan sa Dios ang ilang kinabuhi. Kon gustong makakat-on og dugang ang mga estudyante bahin niini nga hilisgotan, pwede nilang paminawon, tan-awon, o basahon ang mga bahin sa pakigpulong ni Presidente Russell M. Nelson nga, “Ipatigbabaw ang Dios Labaw sa Tanan” (18:51).

Kon modesisyon ka nga ipatudlo sa mga estudyante o grupo sa mga estudyane ang materyal sa tulo ka handout diha sa leksiyon, ihatag kini ngadto sa mga estudyante og una sa dili momenos usa ka klase. Alang sa ilang pagpangandam sa estudyante, dapita sila nga tun-an ang materyal ug mangandam sa pagdumala sa klase.

• Mga bidyo: “Ipatigbabaw ang Dios Labaw sa Tanan” (18:51) gikan sa time code nga 12:18 hangtod 13:02, “Si Jacob ug ang Iyang Pamilya” (3:00)

• Mga handout: “Si Jacob mihimo og dagkong mga sakripisyo aron maminyo diha sa pakigsaad,” “Mga panalangin sa atong temporal nga kinabuhi,” ug “Si Jacob nangandam sa pakighimamat ni Esau”