« ម៉ូសេ ៦:១–៣៩ ៖ ការហៅរបស់ហេណុក » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៦ )
« ម៉ូសេ ៦:១–៣៩ ៖ ការហៅរបស់ហេណុក » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា
ពេលហេណុកត្រូវបានហៅឲ្យផ្សាយពីការប្រែចិត្តដល់ក្រុមមនុស្សទុច្ចរិត លោកមានអារម្មណ៍ថាមិនល្អគ្រប់គ្រាន់នោះទេ ។ ព្រះអម្ចាស់បានជួយ និងពង្រឹងលោកឲ្យសម្រេចនូវអ្វីដែលលោកគិតថា លោកមិនអាចធ្វើបាន ។ មេរៀននេះអាចជួយសិស្សឲ្យមានអារម្មណ៍ជឿជាក់លើព្រះអម្ចាស់ និងព្រះចេស្ដារបស់ទ្រង់ ក្នុងការជួយ និងពង្រឹងពួកគេ ។
ការរៀបចំរបស់សិស្ស ៖ សូមអញ្ជើញសិស្សឲ្យគិតអំពីគ្រាដែលមនុស្សបានដកពិសោធន៍នូវព្រះចេស្ដារបស់ព្រះអម្ចាស់ នៅពេលទ្រង់បានជួយពួកគេយកឈ្នះលើការលំបាកនានា ។ សូមលើកទឹកចិត្តពួកគេឲ្យរកមើលឧទាហរណ៍នៅក្នុងព្រះគម្ពីរ ។
សកម្មភាពរៀនសូត្រដែលអាចមាន
អារម្មណ៍នៃភាពមិនល្អគ្រប់គ្រាន់
សូមពិចារណាបង្ហាញនៅលើក្ដារខៀននូវប្រយោគដូចតទៅនេះ ៖ ខ្ញុំមិនអាច ។ ខ្ញុំមិនល្អគ្រប់គ្រាន់ទេ ។ វាលំបាកខ្លាំងណាស់ ។
អ្នកអាចបង្កើតបញ្ជីមួយអំពីស្ថានភាពដែលសិស្សចែកចាយនៅលើក្ដាខៀន ។
សូមគិតអំពីស្ថានភាពមួយក្នុងជីវិតរបស់អ្នក ដែលអាចបណ្តាលឲ្យអ្នកមានអារម្មណ៍មិនល្អគ្រប់គ្រាន់ ឬចាញ់ច្រាប ។ សូមចំណាយពេលបន្តិច ហើយពិចារណាសំណួរនេះ ៖
សូមលើកទឹកចិត្តសិស្សឲ្យគិតអំពីស្ថានភាពរបស់ពួកគេផ្ទាល់ នៅពេលពួកគេសិក្សាអំពីការហៅរបស់ហេណុក ឲ្យធ្វើជាព្យាការី ។ សូមអញ្ជើញពួកគេឲ្យស្វែងរកការណែនាំពីព្រះវិញ្ញាណបរិសុទ្ធ ដើម្បីបង្កើនទំនុកចិត្តរបស់ពួកគេលើសមត្ថភាពរបស់ព្រះអម្ចាស់ក្នុងការជួយ និងពង្រឹងពួកគេ ។
ហេណុកទទួលបទពិសោធន៍នូវព្រះចេស្ដារបស់ព្រះអម្ចាស់
ប៉ុន្មានជំនាន់ក្រោយបន្ទាប់ពីលោកអ័ដាម កូនចៅជំនាន់ក្រោយរបស់លោកម្នាក់ដែលមានឈ្មោះថាហេណុក បានរស់នៅក្នុងចំណោមមនុស្សទុច្ចរិត និងមានចិត្តរឹងរូស ។ សូមអាន ម៉ូសេ ៦:២៦–២៨ ដោយរកមើលអ្វីដែលព្រះអម្ចាស់បានហៅហេណុក ឲ្យធ្វើ ។
ដើម្បីជួយសិស្សសិក្សាអំពីបទពិសោធន៍របស់ហេណុកជាមួយនឹងព្រះអម្ចាស់ សូមពិចារណាប្រើសំណៅមេរៀនដែលមានចំណងជើងថា « ហេណុកទទួលបទពិសោធន៍នូវព្រះចេស្ដារបស់ព្រះអម្ចាស់ » ។ សិស្សអាចស្វែងយល់អំពីសំណៅមេរៀននោះជាមួយដៃគូបាន ។ ដើម្បីបានគំនិតចម្រុះ ពួកគេអាចប្តូរដៃគូបាន បន្ទាប់ពីសកម្មភាពសិក្សានីមួយៗ ។ អ្នកក៏អាចប្រើគំនិតនៅលើសំណៅមេរៀននេះ ដើម្បីជួយសិស្សសិក្សារួមគ្នាជាថ្នាក់ទាំងមូលអំពីបទពិសោធន៍របស់ហេណុក ។
សិស្សមួយចំនួននឹងជួបការលំបាកក្នុងការដឹងពីរបៀបចាប់ផ្តើមការសន្ទនាដែលផ្តោតលើដំណឹងល្អ ។ សំណួរពិភាក្សាមួយចំនួនត្រូវបានដាក់បញ្ចូលទៅក្នុងសំណៅមេរៀននោះ ។ ការផ្តល់សំណួរពិភាក្សាដូចនេះអាចជួយសិស្សឲ្យអនុវត្តការចែកចាយគំនិត និងអារម្មណ៍របស់ពួកគេអំពីអ្វីដែលពួកគេសិក្សានៅក្នុងព្រះគម្ពីរ ឬប្រសាសន៍របស់ព្យាការី ។ ( សម្រាប់ការបំពាក់បំប៉នបន្ថែមលើការពិភាក្សានេះ សូមមើល « លើកទឹកចិត្តសិស្សឲ្យចែកចាយសេចក្តីពិតដែលពួកគេកំពុងរៀន » នៅក្នុងផ្នែក ជំនាញការអភិវឌ្ឍគ្រូបង្រៀន ) ។
សូមផ្តល់ពេលវេលាដល់សិស្សដើម្បីចែកចាយនូវអ្វីដែលពួកគេបានរៀនពីការសិក្សា និងការពិភាក្សារបស់ពួកគេ រួមទាំងសេចក្ដីពិតដែលពួកគេបានរកឃើញនៅក្នុងសកម្មភាពសិក្សាទី ៤ ។ ដោយប្រើពាក្យពេចន៍ផ្ទាល់ខ្លួនរបស់ពួកគេ សិស្សអាចរកឃើញសេចក្ដីពិតមួយស្រដៀងនឹងសេចក្ដីពិតដូចតទៅនេះ ៖ ប្រសិនបើយើងធ្វើតាមព្រះបញ្ញត្តិរបស់ព្រះអម្ចាស់ដោយស្មោះត្រង់ នោះទ្រង់នឹងប្រទានជំនួយ និងកម្លាំងដល់យើង ។
ជំនួយ និងកម្លាំងរបស់ព្រះអម្ចាស់នៅក្នុងជីវិតរបស់អ្នក
ដើម្បីជួយសិស្សយល់ពីគោលការណ៍ខាងលើ អ្នកអាចបង្ហាញឧទាហរណ៍ពីបទគម្ពីរ ឬឧទាហរណ៍សម័យទំនើបមួយចំនួនបាន ។ សូមអញ្ជើញសិស្សឲ្យអាន ( ឬមើល ) ឧទាហរណ៍នោះ ហើយរៀបចំខ្លួនដើម្បីចែកចាយពីរបៀបដែលព្រះអម្ចាស់បានជួយ និងពង្រឹងមនុស្សនៅក្នុងឧទាហរណ៍នោះ ។ ឧទាហរណ៍អាចរួមមាន នីហ្វៃ និងគ្រួសារលោកនៅទីរហោស្ថាន ( សូមមើល នីហ្វៃទី១ ៥:៧–៨; ៧:១៦–១៨; ១៧:១–៣; ១៨:១–៤ ) អាលម៉ា និងប្រជាជនរបស់លោកនៅក្នុងសេវកភាព ( សូមមើល ម៉ូសាយ ២៤:១០–២២ ) ឬព្យាការី យ៉ូសែប ស្ម៊ីធ នៅក្នុងគុកលិបើទី ( សូមមើល គោលលទ្ធិ និងសេចក្តីសញ្ញា ១២១:១–១០; ១២២:៧–៩ ) ។ អ្នកក៏អាចពិចារណាបង្ហាញឧទាហរណ៍ដែលប្រធាន រ័សុល អិម ណិលសុន បានចែកចាយអំពីជីវិតរបស់លោកនៅក្នុងវីដេអូ « Becoming True Millennials » ( នាទីទី ៩:០៥ ដល់ ១២:២៩ ) ។ វីដេអូនេះមាននៅលើគេហទំព័រ ChurchofJesusChrist.org ។
30:35
សូមពិចារណាចែកចាយបទពិសោធន៍ជាមួយនឹងព្រះចេស្ដារបស់ព្រះអម្ចាស់របស់អ្នកផ្ទាល់ ។
សូមគិតពិចារណាពីអ្វីដែលអ្នកបានរៀន
សូមផ្តល់ពេលឲ្យសិស្សគិតពិចារណាពីអ្វីដែលពួកគេបានរៀន និងទទួលអារម្មណ៍នៅថ្ងៃនេះពីព្រះគម្ពីរ ពីគ្នាទៅវិញទៅមក និងពីព្រះវិញ្ញាណ ។ របៀបមួយដែលអ្នកអាចធ្វើបែបនេះ គឺបង្ហាញសំណួរខាងក្រោម ហើយផ្តល់ពេលឲ្យសិស្សកត់ត្រាចម្លើយរបស់ពួកគេនៅក្នុងសៀវភៅកំណត់ហេតុការសិក្សារបស់ពួកគេ ។
សូមពិចារណាអញ្ជើញសិស្សពីរបីនាក់ដែលស្ម័គ្រចិត្តឲ្យមកចែកចាយអំពីអ្វីដែលពួកគេបានសរសេរជាមួយនឹងថ្នាក់ទាំងមូល ។ សូមថ្លែងទីបន្ទាល់អំពីព្រះអង្គសង្គ្រោះ និងព្រះចេស្ដារបស់ទ្រង់ក្នុងការផ្តល់កម្លាំង និងជំនួយដល់យើង ។