Photograph of actor portraying Jesus Christ in the Bible Videos.
Հռոմեացիներին ուղղված իր նամակում Պողոսը փորձեց օգնել հռոմեացի Սրբերին հասկանալ Քրիստոսի շնորհը՝ ուսուցանելով դրա կապը հավատքի և գործերի հետ: Պողոսի ուսմունքները կարող են օգնել մեզ ավելի լավ հասկանալ Հիսուս Քրիստոսի միջոցով ներման և փրկության մեր կարիքը: Այս դասը կօգնի ձեզ ավելի լավ հասկանալ և գնահատել Հիսուս Քրիստոսի շնորհը:
Հասկացեք վարդապետությունը և սկզբունքները Երբ ուսանողները բացահայտեն սուրբ գրությունների վարդապետությունն ու սկզբունքները, կարող եք օգնել նրանց քննարկումների միջոցով վերլուծել և ավելի լավ հասկանալ այդ ճշմարտությունների նշանակությունը։ Երբ ուսանողները հասկանան ավետարանի վարդապետությունը կամ սկզբունքը, նրանք կհասկանան Տիրոջ ծրագրում դրա կապը մյուս վարդապետական ճշմարտությունների հետ, և թե ինչպես այն կարելի է կիրառել իրենց կյանքում։
Ուսանողի նախապատրաստում. Ուսանողներին առաջարկեք կարդալ «Շնորհ» հոդվածը Աստվածաշնչի բառարանում կամ Սուրբ գրքերի ուղեցույցում (scriptures.ChurchofJesusChrist.org) և բացահայտել, թե ինչպես են ստացել Աստծո շնորհը իրենց կյանքում:
Հնարավոր ուսումնական վարժություններ
Ի՞նչը կփրկի ձեզ
Պատկերացրեք, որ դուք անապատում ծարավից մեռնում եք, և մոտակա բլրի վրա ջրով լի շիշ կա: Նշվածներից յուրաքանչյուրը որքանո՞վ է կարևոր ձեր փրկության համար:
Կարող եք ցուցադրել հետևյալ տեքստը և նկարը և ուսանողներին առաջարկել երկուսն էլ կրկնօրինակել իրենց օրագրերում:
Ձեր հավատքը, որ ջուրը կարող է փրկել ձեզ
Ջրին հասնելու ձեր ջանքերը
Ջուրը
Նկար
Line drawing of a stick figure man crawling in the desert to get some water. Sun and cactus are in scene
Ուսանողները կարող են դասարանով, զույգերով կամ փոքր խմբերով քննարկել, թե ինչը կարող է փրկել իրենց, ինչպես նաև հետևյալ հարցերը:
Ինչո՞ւ է ջուրը միակ բանը, որը կարող է ձեզ փրկել ծարավից մեռնելուց:
Հավատքը ջրի հանդեպ և ջրին հասնելու ջանքերն ինչո՞ւ բավարար չեն:
Ձեր հավատքը, ջանքերն ու ջուրը ինչպե՞ս են աշխատում բոլորը միասին:
Այս սցենարը կարող է օգնել ձեզ հասկանալ Պողոսի ուսմունքներն այն մասին, թե հավատքը, գործերը և շնորհն ինչ առնչություն ունեն արդարացման հետ:
Ինչպե՞ս կսահմանեիք հավատք, գործեր և շնորհ բառերը:
Օգտակար կլինի կրկնել այս բառերի սահմանումները Հռովմայեցիս 2-3-ի դասում կամ Սուրբ գրքերի ուղեցույցում (scriptures.ChurchofJesusChrist.org):
Եթե ուսանողները կարդան շնորհ բառի սահմանումը դասին պատրաստվելիս, նրանք կարող են կիսվել իրենց սովորածով:
Պողոսի ժամանակներում որոշ հրեա քրիստոնյաներ հավատում էին, որ իրենք կփրկվեն Մովսեսի օրենքին հնազանդվելուն ուղղված իրենց գործերի շնորհիվ: Պողոսը փորձեց ուղղել այդ թյուրըմբռնումը: Կարդացեք Հռովմայեցիս 4.16 հատվածի Ջոզեֆ Սմիթի Թարգմանությունը [ Հռովմայեցիս 4.16 , ծանոթագրություն ա]:
Այս հատվածն ի՞նչ է ուսուցանում այն մասին, թե մենք ինչպես ենք արդարացվում կամ ինչպես են մեր մեղքերը ներվում:
Այս հատվածում Պողոսն ուսուցանում է, որ մենք արդարացվում ենք հավատքով և գործերով՝ Հիսուս Քրիստոսի շնորհի միջոցով:
Գրեք հավատք, գործեր և շնորհ բառերը ձեր նկարի տակ գրված արտահայտության դիմաց, այնպես որ բոլոր բառերը համապատասխանեն իրար:
Ի՞նչ կարող եք սովորել հավատքի և քաջության մասին այս համեմատությունից:
Ի՞նչ կարող եք սովորել Փրկիչի մասին այս համեմատությունից:
Անհրաժեշտության դեպքում ուսանողներին օգնեք հասկանալ, որ հավատքը ջրի հանդեպ նման է հավատքին, ջրին հասնելու ջանքերը նման են գործերին կամ գործողություններին, իսկ ջուրը ներկայացնում է Աստծո շնորհը: Օգնեք նրանց հասկանալ, որ չնայած հավատքը և գործերը անհրաժեշտ են Հիսուս Քրիստոսի շնորհը ստանալու համար, ներումը գալիս է Նրա շնորհից, այլ ոչ թե հավատքից կամ գործերից:
Ավելի շատ բան հասկացեք Հիսուս Քրիստոսի շնորհի մասին
Հիսուս Քրիստոսի շնորհը մեզ հնարավորություն է տալիս արդարացվել կամ ներվել և օրհնում է մեզ տարբեր ձևերով: Հիսուս Քրիստոսը մեզ տրամադրում է ոչ միայն մեր կյանքը փրկող ջուրը, այլ նաև ամրապնդում է մեր հավատքը և ջանքերը՝ այդ ջուրը ստանալու համար: Մենք այդ շնորհի միջոցով կարող ենք օրհնված լինել Նա հանդեպ մեր հավատը գործադրելուց ու լավ գործեր կատարելուց առաջ, դրա ընթացքում և դրանից հետո:
Այն ժամանակ Առաջին Նախագահությունից նախագահ Դիտեր Ֆ․ Ուխդորֆը ուսուցանել է.
Նկար
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Մեր ողջ կյանքի ընթացքում Աստծո շնորհը աշխարհիկ օրհնություններ և հոգևոր պարգևներ է շնորհում մեզ, որոնք մեծացնում են մեր կարողությունները և հարստացնում մեր կյանքը: Նրա շնորհը մաքրում է մեզ։ Նրա շնորհն օգնում է մեզ հասնել մեր մարդկային լավագույն չափանիշին:
(Dieter F. Uchtdorf, “The Gift of Grace,” Ensign or Liahona, May 2015, 108)
Փրկիչի շնորհն ինչպե՞ս կարող օգնել ձեզ լավագույնս իրագործել ձեր ներուժը:
Կարդացեք սուրբ գրությունների հետևյալ հատվածները և որոնեք այլ օրհնություններ, որոնք առնչվում են Փրկիչի շնորհի հետ: Հռովմայեցիս 5․1-221
Ի՞նչ լրացուցիչ օրհնություններ կարող ենք ստանալ Հիսուս Քրիստոսից՝ Իր շնորհի միջոցով:
Ե՞րբ եք զգացել Փրկիչի շնորհը ձեր կյանքում:
Ինչպե՞ս է դա ազդում Փրկիչի հանդեպ ձեր զգացմունքների վրա:
Եթե ուսանողները դասից առաջ մտածել են, թե ինչպես են ստացել Փրկիչի շնորհը իրենց կյանքում, նրանք կարող են կիսվել իրենց փորձառություններով: Կարող եք նաև կիսվել ձեր անձնական փորձառությամբ կամ օրինակով:
Եթե ուսանողները չեն պատրաստվել դասից առաջ, կամ եթե մի այլ օրինակ կարող ավելի օգտակար լինել, ցուցադրեք «Հավատքի ճամփորդություն. Երբ ծնողները բաժանվում են» տեսանյութը (տես «Բացատրական և պատմական տեղեկություններ» բաժինը):
Ձեր կյանք հրավիրեք Փրկիչի շնորհը
Նախագահ Ուխդորֆը կիսվել է այս գաղափարով այն մասին, թե դուք ինչպես կարող եք լիարժեք ստանալ Հիսուս Քրիստոսի շնորհը.
Նկար
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Շնորհը Աստծո պարգև է, և Աստծո յուրաքանչյուր պատվիրանին հնազանդ լինելու մեր ցանկությունը մեր մահկանացու ձեռքը պարզելն է` մեր Երկնային Հորից այս սուրբ պարգևը ստանալու համար:
(Dieter F. Uchtdorf, “The Gift of Grace,” Ensign or Liahona, May 2015, 110)
Առաջարկեք ուսանողներին սուրբ գրությունների ուսումնասիրության իրենց օրագրերում պատասխանել հետևյալ հարցերին:
Ի՞նչ մտքեր և զգացմունքներ եք ունենում, երբ մտածում եք ձեր կյանքի վրա Հիսուս Քրիստոսի շնորհի ազդեցության մասին:
Ի՞նչ կարող եք անել, որպեսզի Հիսուս Քրիստոսի շնորհը լիարժեք հրավիրեք ձեր կյանք:
Վկայեք Աստծո շնորհի մեր կարիքի մասին և այն ուժի ու պարգևի մասին, որ այն կարող է տալ մեզ, եթե մենք լինենք հավատարիմ և հնազանդ:
Բացատրական և պատմական տեղեկություններ
Ինչպե՞ս կարող ենք ընդունել շնորհի մեր կարիքը
Նախագահ Դիտեր Ֆ. Ուխդորֆը՝ այն ժամանակ Առաջին Նախագահությունից, տվել է հետևյալ հարցերը.
Նկար
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Արդյո՞ք հասկանում ենք, որ պարտական ենք Երկնային Հորը, և մեր ամբողջ հոգով խնդրում ենք Աստծո շնորհի համար:
Երբ մենք ծնկի ենք իջնում աղոթելու, արդյո՞ք դա անում ենք՝ հնչեցնելով մեր արդար գործերի լավագույն օրինակները, թե՞ դա անում ենք` խոստովանելով մեր սխալները, խնդրելով Աստծո ողորմությունը և հեղելով երախտագիտության արցունքները՝ փրկագնման զարմանահրաշ ծրագրի համար:
Մարդու կյանքում շնորհի ազդեցության ի՞նչ օրինակ գիտեք
«Հավատքի ճամփորդություն. Երբ ծնողները բաժանվում են» տեսանյութը (3:05) ChurchofJesusChrist.org կայքում ցուցադրում է մի կնոջ փորձառությունը, ում Հիսուս Քրիստոսի շնորհն օգնեց արձագանքել իր ծնողների բաժանմանը:
Հռովմայեցիս 4.16 Ինչո՞ւ էր Աբրահամը հանդիսանում արդարացված լինելու օրինակ
Ուղղելով այն գաղափարը, որ միայն թլպատված և Մովսեսի օրենքը պահող մարդիկ կարող էին փրկվել, Պողոսն ուսուցանեց, որ Աբրահամը օրհնություններ ստացավ թլպատվելուց և Մովսեսի օրենքի ստեղծումից դարեր առաջ: Աբրահամը շարունակեց հավատարիմ լինել Աստծո հետ ուխտ կապելուց ու թլփատվելուց հետո: Այսպիսով, Պողոսը ցույց տվեց, որ մարդիկ արդարացվում էին ոչ թե Մովսեսի օրենքին հետևելու, այլ Հիսուս Քրիստոսի շնորհի միջոցով հավատալու և գործելու համար:
Աստծո շնորհն ի՞նչ կապ ունի Ադամի Անկման հետ
Հռովմայեցիս 5.12-21-ում Պողոսն ուսուցանել է, որ Հիսուս Քրիստոսն օգնում է մեզ հաղթահարել Անկման հետևանքները: Ադամի օրինազանցության պատճառով մեղքը և մահը աշխարհ մտան: Սակայն «մէկ մարդի՝ Յիսուս Քրիստոսի շնորհքով ստացած շնորհքն ու պարգեւի» շնորհիվ ( Հռովմայեցիս 5.15) բոլորը հաղթահարեցին մեղքի և մահվան հետևանքները և հավերժական կյանք ստացան: Պողոսի անդրադարձը Անկմանը օգնում է մեզ հասկանալ Փրկիչի շնորհի՝ ամեն բան հաղթահարելու ծավալուն զորությունը:
Օժանդակ ուսումնական վարժություններ
«Նեղութիւնը համբերութիւն է գործում»
Հարցրեք ուսանողներին, թե արդյոք նրանք երբևէ երախտապարտ եղել են փորձության համար: Հնարավոր քննարկման հարցերն են. «Ո՞ր պահին ձեզ երախտապարտ զգացիք» կամ «Ի՞նչ կասեիք որևէ մեկին, ով փորձության միջով է անցնում, որպեսզի օգնեք նրան դիմակայել այդ փորձությանը» (տես Վարդապետություն և Ուխտեր 151.7--8): Բացատրեք, որ Պողոսն իր կյանքում անցել է բազում փորձություններով և գրել է դրա արդյունքում ստացած օրհնությունների մասին: Ուսանողներին առաջարկեք կարդալ Հռովմայեցիս 5.3-5-ը՝ ուշադրություն դարձնելով, թե ըստ Պողոսի, մենք ինչ կարող ենք ստանալ փորձությունների կամ նեղությունների արդյունքում: Կարող եք ուսանողներին խնդրել կիսվել, թե նրանք ինչպես են ստացել այդ օրհնությունները:
Սովորեք շնորհի մասին Մորմոնի Գրքից
Մորմոնի Գրքի մարգարեները ոգեշնչվել էին ուսուցանել և գրել Հիսուս Քրիստոսի և Նրա միջոցով ստացված շնորհի մասին: Ուսանողները կարող են կարդալ հետևյալ հատվածներից առնվազն երեքը՝ մտածելով, թե այդ հատվածներն ինչ են նրանց ուսուցանում շնորհի մասին:
Այլ տարբերակն է՝ ուսանողներին խմբերի բաժանել և խմբի յուրաքանչյուր անդամի հանձնարարել մեկ կամ մի քանի հատվածներ: Խնդրեք նրանց կարդալ իրենց հատվածները և թղթի վրա գրել հղումը և սիրած բառը կամ արտահայտությունը: Այնուհետև խնդրեք նրանց փոխանակել թղթերը և կրկնել այդ գործընթացը մյուս խմբի բոլոր անդամների համար: Երբ վարժությունն ավարտվի, ուսանողները կարող են նայել իրենց սկզբնական թղթին և տեսնել բոլոր հատվածների համար ընտրված բառերը և արտահայտությունները:
Որպեսզի ուսանողներին օգնեք կիրառել այս դասի ժամանակ իրենց սովորածը, կարող եք նրանց տալ մի նոթատետր կամ թերթիկ: Առաջարկեք նրանց պահել այն իրենց մոտ մոտակա 24 ժամվա ընթացքում, որպեսզի նրանք փնտրեն Աստծո շնորհը իրենց կյանքում և գրանցեն բացահայտված փաստերը: Խնդրեք նրանց աղոթել և երախտագիտություն հայտնել յուրաքանչյուր դեպքի համար և խնդրել Երկնային Հորը օգնել իրենց ավելի լավ տեսնել Նրա շնորհը իրենց կյանքում: Ուսանողները կարող են դասարանում պատմել իրենց փորձառությունների մասին:
