Մատթեոս 8, Ղուկաս 7.11-17

Հիսուս Քրիստոսի հրաշագործ զորությունը

Հուղարկավորման հագուստով փաթաթված երիտասարդը նստած է պատգարակի վրա։ Հիսուսը ձեռքը դրել է նրա ուսին, հետևում երևում են նրա աշակերտները։

Հիսուս Քրիստոսը Իր զորությունը ցուցադրում էր նաև մարդկանց հրաշքով բժշկելով, ինչպես օրինակ` մեռելներից հարություն տալով այրու որդուն: Այս դասի նպատակն է ամրապնդել ձեր հավատքը Հիսուս Քրիստոսի՝ մեր ժամանակներում և մեր կյանքում հրաշքներ գործելու զորության հանդեպ:

Ինչպես օգտագործել ուսումնական ծրագիրը Դասին պատրաստվելիս և սուրբ գրությունների այս հատվածն ուսումնասիրելիս աղոթքով վերանայեք ծրագիրը: Երբ դուք անեք դա, Սուրբ Հոգին կօգնի ձեզ հարմարեցնել դասը ձեր ուսանողների կարիքներին։ Դուք կարող եք օգտագործել սուրբ գրության մասի համար նախատեսված ուսուցման բոլոր կամ մի քանի առաջարկները, կամ առաջարկված մտքերը կարող եք հարմարեցնել ձեր դասարանի կարիքներին և հանգամանքներին։

Ուսանողի նախապատրաստում. Առաջարկեք ուսանողներին հարցնել իրենց ընտանիքի անդամներին կամ ընկերներին, թե իրենց կյանքի կամ Եկեղեցու որ իրադարձություններն են համարում հրաշքներ: Հիշեցրեք ուսանողներին, որ գոյություն ունեն ինչպես տեսանելի, այնպես էլ աննկատ հրաշքներ:

Հնարավոր ուսումնական վարժություններ

Հրաշքներ

Կարող եք գրատախտակին գրել հետևյալ սահմանումը և ցուցադրել սուրբ գրություններում նկարագրված որոշ հրաշքների նկարները (տես կցված նկարները):

Հիսուսը ներում և բժշկում է մարդուն։

Պատկերված է Հիսուսը՝ կույրին բժշկելիս։ Մորմոնական ալիքի (Mormon Channel) օգտագործման համար է։

Հրաշքն «Աստծո զորությամբ կատարված արտասովոր իրադարձություն է: … Հրաշքները տեսնելու համար հավատք է հարկավոր» (Սուրբ գրքերի ուղեցույց, «Հրաշքներ», scriptures.ChurchofJesusChrist.org):

• Որոնք են սուրբ գրություններում գրանցված ձեր ամենասիրած հրաշքները: Ինչո՞ւ:

• Այդ հրաշքներից ի՞նչ եք սովորում Հիսուս Քրիստոսի մասին:

Եթե հանգամանքները թույլ տան, առաջարկեք նախապատրաստական վարժությունը չկատարած ուսանողներին հաղորդագրություն գրել իրենց ընտանիքի անդամին կամ ընկերոջը և հարցնել, թե նրանք որ իրադարձություններն են հրաշք համարում: Այդ պատասխաններով ուսանողները կարող են կիսվել դասի վերջում:

Իր կյանքի ընթացքում Փրկիչը բազում հրաշքներ գործեց: Այս դասում և շաբաթվա ընթացքում դրանցից մի քանիսն ուսումնասիրելիս խորհեք, թե ինչպես կպատասխանեիք հետևյալ հարցերին.

• Ի՞նչ եք հասկանում հրաշքներից:

• Ի՞նչ հարցեր ունեք հրաշքների մասին:

• Ինչպիսի՞ հրաշք(ներ) կկամենայիք, որ Աստված գործեր ձեր կյանքում:

Կարող եք ձեր պատասխանները գրել ձեր օրագրում: Փնտրեք պատասխաններ ձեր հարցերին՝ այս շաբաթ Հիսուս Քրիստոսի հրաշքներն ուսումնասիրելիս:

Ի՞նչ են ուսուցանում մեզ հրաշքները Հիսուս Քրիստոսի մասին:

Հիսուս Քրիստոսին ավելի լավ ճանաչելու համար մի պահ մոռացեք Նրա կատարած գործերի մասին և աղոթքով խորհեք, թե Նրա գործողություններն ինչ են բացահայտում Նրա բնավորության մասին: Կարդալիս հարցեր տվեք, օրինակ՝ «Ի՞նչ եմ ես սովորում Փրկիչի շարժառիթների, առաջնահերթությունների և հատկանիշների մասին՝ Իր արածներից կամ ասածներից»:

Կարդացեք Ղուկաս 7.11-17 հատվածները՝ փնտրելով այն մանրամասները, որոնք ուսուցանում են ձեզ Հիսուս Քրիստոսի մասին: Օրինակ, ուշադրություն դարձրեք, թե հատված 13-ից ինչ եք հասկանում այն մասին՝ թե Նա ինչու գործեց այդ հրաշքը: Այս պատմությունն ուսումնասիրելիս գուցե ցանկանաք դիտել “Widow of Nain” (2:22) տեսանյութը՝ ChurchofJesusChrist.org-ում։

• Ի՞նչ սովորեցիք Փրկիչի շարժառիթների, առաջնահերթությունների և հատկանիշների մասին, թե այս հրաշքը գործելիս Նա ինչ էր արեց կամ ասաց:

• Ինչպե՞ս կարող է ձեր սովորածն այժմ օգնել ձեզ կյանքում:

Հիսուսը շատ հրաշքներ է գործել

Ուսումնասիրելու համար ընտրեք հետևյալ հրաշքներից մեկը կամ մի քանիսը: Ուշադրություն դարձրեք, թե այս պատմություններից ինչ եք սովորում Փրկիչի մասին:

Կարող եք ցուցադրել հետևյալ նկարները և սուրբ գրությունների հղումները: Մատնանշեք յուրաքանչյուր նկարը՝ դրա կարճ նկարագրությունը կարդալիս: Այնուհետև բաժանեք դասարանը երեք հոգանոց խմբերի: Խմբի յուրաքանչյուր անդամին հանձնարարեք մեկ պատմություն և խնդրեք ուսանողներին իրենց խմբերի հետ կիսվել այդ պատմությունների մանրամասներով:

Մատթեոս 8․1-4, Մարկոս 1․40-42, Հիսուսը բժշկում է բորոտին։Բորոտին հեռացնում էին հասարակությունից, որովհետև բորը ցավոտ, վարակիչ և, երբեմն, մահացու հիվանդություն էր: Մարդիկ խուսափում էին նրան մոտենալուց կամ դիպչելուց:

Որպես Հիսուս Քրիստոսի Վերջին Օրերի Սրբերի Եկեղեցու անդամներ, մենք հավատում ենք Փրկչի հետ շատ անձնական կապ ունենալուն։ Նոր Կտակարանը և Մորմոնի Գիրքը կարդալիս ես հաճախ եմ մտածել, թե ինչի նման է, երբ զգում ես Փրկչի դիպչելը և ստանում ես բժշկություն՝ նրա արժանիքների միջոցով: Այս նկարը պատկերում է Նոր Կտակարանի Մատթեոս 8-ում զետեղված պատմությունը: Բորոտը, ով մոտեցավ Հիսուսին, հավատք ուներ, որ եթե կամենա, Նա կարող է մաքրել իրեն։ «Կամենում եմ, մաքրվի՛ր», - այս պարզ բառերով կյանքը հուսահատությունից վերածվեց հույսի: Ինչպիսի՞ն կարող էր լինել այդ պահը։ Նոր մաքրված մարդը՝ հայացքը հառել է աշխարհի Փրկչի դեմքին։

Մատթեոս 8․5-8, 13 Հիսուսը բուժում է հարյուրապետի ծառայինՀին հռոմեական բանակում հարյուրապետը մոտ 100 զինվորներից բաղկացած ստորաբաժանման հրամանատարն էր: Հիսուսի ժամանակներում հրեաներն ատում էին հռոմեացի զինվորներին, որովհետև նրանք այլ կրոն էին դավանում և ներկայացնում էին այն ազգին, որը նվաճել էր իրենց:

Հռոմեացի զինվորը պատրաստվում է մարտի։

Մարկոս 5․1-13, 18-20 Հիսուսը պիղծ ոգիներին վռնդում է գերեզմաններում ապրող մարդուց:Մի մարդ էր ապրում գերեզմաններում՝ շարունակ աղաղակելով և վնասելով ինքն իրեն: Շրջակայքի մարդիկ չէին կարողանում շղթաներով կապել նրան, ուստի խուսափում էին նրանից՝ մեկուսացված թողնելով գերեզմանների մեջ:

Պիղծ ոգի ունեցող մարդը - ch.25-1

Խնդրեք ուսանողներին իրենց խմբերում քննարկել հետևյալ հարցերը, որոնք նրանց կօգնեն կենտրոնանալ Փրկիչի վրա՝ Նրա գործած հրաշքի վրա կենտրոնանալու փոխարեն: Համոզվեք, որ ուսանողները հասկացան, որ Հիսուս Քրիստոսի հրաշագործությունները ցուցադրում են Նրա սերը և կարեկցանքը մեր հանդեպ:

• Ի՞նչ սովորեցիք Փրկիչի շարժառիթների, առաջնահերթությունների և հատկանիշների մասին՝ այս հրաշքը գործելիս Իր արածներից կամ ասածներից:

• Ինչպե՞ս կարող է ձեր սովորածն այժմ օգնել ձեզ կյանքում:

• Ի՞նչ եք անում, երբ Փրկիչի օգնության կարիքն եք զգում:

Հրաշքները մեր օրերում

Երբևէ մտածե՞լ եք, որ Փրկիչն այսօր էլ է հրաշքներ գործում: Չնայած շատերը չեն հանդիպել սուրբ գրություններում նկարագրված որոշ ապշեցուցիչ հրաշքներին, ինչպիսիք են՝ Կարմիր Ծովի բաժանումը կամ մահացածների հարությունը, կարևոր է հիշել, որ այսօր նույնպես, դեռևս հրաշքներ են տեղի ունենում: Փրկիչը հայտարարել է. «Ես հրաշքների Աստված եմ. և ես ցույց կտամ աշխարհին, որ ես նույնն եմ՝ երեկ, այսօր և հավիտյան» (2 Նեփի 27.23):

Առաջին Նախագահությունից նախագահ Դալլին Հ. Օուքսն ուսուցանել է.

Նախագահ Դալլին Հ. Օուքսի պաշտոնական դիմանկարը, 2018 թ․ մարտ

Շատ հրաշքներ են տեղի ունենում ամեն օր մեր Եկեղեցու աշխատանքում և մեր անդամների կյանքում: Ձեզանից շատերն ականատես են եղել, հավանաբար, ավելի շատ հրաշքների, քան իրենք գիտակցում են:

(Dallin H. Oaks, “Miracles,” Ensign, June 2001, 6)

• Ի՞նչ մտքեր կամ հարցեր ունեք նախագահ Օուքսի այս հայտարարության վերաբերյալ:

Հետևյալ հարցերը տալուց առաջ ուսանողներին հիշեցրեք ուսանողի պատրաստման առաջարկի մասին կամ խնդրեք նրանց ստուգել, թե իրենց ընտանիքի անդամը կամ ընկերը ինչ պատասխանեց դասի սկզբում ուղարկված հաղորդագրությանը: Զգուշացրեք նրանց, որ չկիսվեն խիստ անձնական կամ նվիրական մանրամասներով:

• Որո՞նք են Վերականգման շրջանակներում և Իր Եկեղեցու աշխատանքի միջոցով գործած Փրկիչի հրաշքները:

• Դուք կամ ձեր սիրելի մարդիկ ի՞նչ հրաշքներ եք տեսել ձեր կյանքում:

• Այս անձնական հրաշքներն ի՞նչ են բացահայտում Երկնային Հոր և Հիսուս Քրիստոսի մասին։

Կարող եք առաջարկել ուսանողներին մտածել, թե հրաշքների նրանց ընկալումն ինչպես աճեց այս դասի ընթացքում: Խնդրեք ուսանողներին ուշադրություն դարձնել Տիրոջ հրաշագործ ազդեցությանը իրենց կյանքի վրա: Հորդորեք նրանց Սուրբ Հոգուց ոգեշնչում փնտրել, որպեսզի կարողանան պատասխաններ գտնել հրաշքների մասին դեռևս ունեցած իրենց հարցերին:

Բացատրական և պատմական տեղեկություններ

Ո՞րն է ամենամեծ հրաշքը։

Առաջին Նախագահությունից նախագահ Դալլին Հ. Օուքսն ուսուցանել է.

Նախագահ Դալլին Հ. Օուքսի պաշտոնական դիմանկարը, 2018 թ․ մարտ

Որոշ հրաշքներ ազդում են բազում մարդկանց վրա: Ամենամեծ հրաշքը Հիսուս Քրիստոսի Քավությունն է՝ Նրա հաղթանակը ֆիզիկական և հոգևոր մահվան նկատմամբ՝ ողջ մարդկության համար: Ոչ մի հրաշք ավելի ազդեցիկ կամ ավելի փառահեղ չէ:

(Dallin H. Oaks, “Miracles,” Ensign, June 2001, 9)։

Արդյո՞ք սուրբ գրություններում գրվածների նման ուշագրավ հրաշքներ տեղի են ունենում այսօր:

Ժամանակակից ուշագրավ հրաշքի մի օրինակով կիսվել է նախագահ Գորդոն Բ. Հինքլին (1910–2008)։

Նախագահ Գորդոն Բ. Հինքլիի դիմանկարը (ճակատային, կես հասակ): Նախագահ Հինքլիի ձեռքերը դրված են աթոռի հենակին: Նախագահ Հինքլիի եկեղեցու պաշտոնական դիմանկարն է, 1995 թ: Սա նախագահ Հինքլիի վերջին պաշտոնական դիմանկարն է։ Նախագահ Հինքլին մահացել է 2008 թ․ հունվարի 27-ին։

Ինձ հարցրին՝ արդյոք կարող եմ այցելել հիվանդանոցում պառկած մի կնոջ, ում բժիշկներն ասել էին, որ նա կկուրանա մեկ շաբաթվա ընթացքում: Նա խնդրել էր, որ մենք օրհնություն տայինք իրեն, և մենք այն տվեցինք, և նա ասաց, որ հրաշքով բուժվել է: … Ես նրան ասացի. «Ես չեմ փրկել ձեր տեսողությունը: Անշուշտ Տերն է փրկել ձեր տեսողությունը: Շնորհակալ ու երախտապարտ եղեք Նրան»:

(Teachings of Gordon B. Hinckley [1997], 343)

Ինչո՞ւ մարդիկ չեն ստանում յուրաքանչյուր հրաշք, որ փնտրում են հավատքով՝ Հիսուս Քրիստոսի հանդեպ:

Առաջին Նախագահության նախագահ Դալլին Հ. Օուքսը ասել է.

Նախագահ Դալլին Հ. Օուքսի պաշտոնական դիմանկարը, 2018 թ․ մարտ

Հրաշքները չեն տրամադրվում ըստ պահանջի: … Տիրոջ կամքը միշտ գերագույնն է: Տիրոջ քահանայությունը չի կարող օգտագործվել հրաշք գործելու համար, եթե այն հակառակ է Տիրոջ կամքին: Մենք նաև պետք է հիշենք, որ եթե նույնիսկ հրաշքը պետք է տեղի ունենա, այն տեղի չի ունենա այն ժամանակ, երբ մենք ենք ուզում: Հայտնություններն ուսուցանում են, որ հրաշալի փորձառությունները տեղի են ունենում «իրենց ժամանակին, և իրենց ձևով» ( Վ&Ու 88․68)։

(Dallin H. Oaks, “Miracles,” Ensign, June 2001, 9)

Մարկոս 5․11-13-ի պատմության դևերն ինչո՞ւ ցանկացան մտնել խոզերի մեջ։

Մարգարե Ջոզեֆ Սմիթը (1805–1844) բացատրել է.

Մարգարե Ջոզեֆ Սմիթ կրտսերի կիսանկարը։ Ջոզեֆի գլուխը շրջված է դեպի կողք՝ երեք քառորդ տեսարանով, աջ ձեռքը ազդրի վրա է, իսկ ձախ ձեռքում կա թղթերի փաթեթ: Նա կրում է մուգ շագանակագույն կոստյում, սպիտակ վերնաշապիկ ու փողկապ։

«Մենք եկել ենք այս աշխարհ, որպեսզի մարմին ստանանք և այն անարատ ներկայացնենք Աստծուն սելեստիալ արքայությունում: Երջանկության մեծ սկզբունքը մարմին ունենալն է: Դևը մարմին չունի և դրանում է նրա պատիժը: Նրան հաճելի է, երբ կարողանում է տիրապետել մարդու տաճարին, և երբ Փրկիչը նրան դուրս հանեց, նա խնդրեց, որ միանա խոզերի երամակին, ցույց տալով, որ նախընտրում է խոզի մարմին ունենալ, քան մարմին չունենալ: Բոլոր արարածները, ովքեր մարմին ունեն, ավելի շատ զորություն ունեն, քան նրանք, ովքեր չունեն մարմին:…

(Եկեղեցու նախագահների ուսմունքները. Ջոզեֆ Սմիթ [2007], 211)

Արդյո՞ք կլինեն ավելի շատ հրաշքներ նախքան Փրկչի վերադարձը

Նախագահ Ռասսել Մ. Նելսոնը վկայել է․

Նախագահ Ռասսել Մ. Նելսոնի պաշտոնական դիմանկարը, 2018 թ․ հունվար

Մեր Փրկիչը և Քավիչը՝ Հիսուս Քրիստոսը, Իր հզորագույն գործերից մի քանիսը կկատարի ներկայիս և Իր գալուստի միջև ընկած ժամանակահատվածում: Մենք կտեսնենք հրաշագործ նշաններ, որ Հայր Աստված և Նրա Որդի Հիսուս Քրիստոսը նախագահում են այս Եկեղեցու վրա վեհությամբ և փառքով:

(Ռասսել Մ․ Նելսոն, «Հայտնություն Եկեղեցու համար, հայտնություն մեր կյանքի համար», Ensign կամ Լիահոնա, մայիս 2018, 96)

Օժանդակ ուսումնական վարժություններ

Հիսուս Քրիստոսը կա և կշարունակի լինել հրաշքների Աստված

Որպեսզի կարողանաք օգնել ուսանողներին տեսնել, որ հրաշքները դեռևս տեղի են ունենում, առաջարկեք նրանց ուսումնասիրել Մորմոն 9.11-21: Խնդրեք նրանց պատասխաններ գտնել հետևյալ հարցերին.

• Այս հատվածներում Հիսուս Քրիստոսի հրաշքներից որո՞նք են բացահայտված Մորոնիի կողմից:

• Ի՞նչ խորհուրդ է տալիս Մորոնին նրանց, ովքեր չեն հավատում հրաշքներին:

• Ինչո՞ւ Աստված այլևս հրաշքներ չի գործում Իր ժողովրդի առջև:

Ինչպես են վռնդվում չար ոգիները

Երբ ուսանողները իմանան, որ Փրկիչն ի զորու էր դուրս հանել չար ոգիներին, նրանք կարող են կարդալ Մոսիա 3.5-6 հատվածներում նկարագրված Բենիամին թագավորի մարգարեությունը: Առաջարկեք նրանց քննարկել, թե ինչ է նշանակում, որ Փրկիչը կարող է «դևեր կամ չար ոգիներ դուրս [գցել], որոնք բնակվում են մարդկանց զավակների սրտերում» (հատված 6): Խնդրեք նրանց խորհել` կա արդյո՞ք հոգևորապես հետ պահող ինչ-որ բան, որը նրանք կցանկանային հեռացնել իրենց սրտերից: Վկայեք, որ Փրկիչը կարող է չար ցանկությունները հեռացնել մեր սրտերից, եթե մենք Նրան դիմենք հավատքով: