Մատթեոս 23

Փրկիչը դատապարտում է կեղծավորությունը

Jesus talking to Pharisees in Jerusalem. Movie still from The Life of Jesus Christ Bible Videos.

Իր մահկանացու ծառայության վերջին շաբաթվա ընթացքում Փրկիչը դատապարտեց դպիրների և փարիսեցիների կեղծավորությունը: Այս դասը կօգնի ձեզ խուսափել կեղծավորությունից և դառնալ Հիսուս Քրիստոսի խոնարհ հետևորդ:

Հասկացեք սուրբ գրությունների համատեքստը Նոր Կտակարանի ժամանակների մշակույթի ու սովորույթների ուսումնասիրությունը կարող է օգնել ուսանողներին ավելի լավ հասկանալ Նոր Կտակարանը: Սուրբ գրությունների բովանդակության հասկացողությունը կօգնի ուսանողներին ճանաչել ոգեշնչված հեղինակների ուղերձները։

Ուսանողի պատրաստում. Ուսանողներին առաջարկեք հիշել այն մարդկանց, ովքեր անկեղծությամբ և մաքուր մտադրությամբ հետևում են Փրկիչին՝ ծառայելով ուրիշներին:

Հնարավոր ուսումնական վարժություններ

Եթե ուսանողներն ավելի շատ օգուտ կքաղեն՝ սովորելով այն պաշտպանության մասին, որը Փրկիչը առաջարկում է մեզ, քան սովորելով կեղծավորությանը վերաբերող Նրա ուսմունքների մասին, կարող եք ուսուցանել Մատթեոս 23.37-ին վերաբերող վարժությունը «Օժանդակ ուսումնական վարժություններ» բաժնից:

Ի՞նչ է կեղծավորությունը

Պատրաստեք երեք ոչ թափանցիկ բաժակ: Կեղտոտեք առաջին բաժակի դրսի կողմը և երկրորդ բաժակի ներսի կողմը, իսկ երրորդ բաժակը մաքուր թողեք: Ցույց տվեք բաժակները և հարցրեք դասարանի անդամներին, թե նրանք որ բաժակից կցանկանային խմել։ Հրավիրեք որևէ ուսանողի ստուգել բաժակների ներսը և մեկնաբանել, թե որ բաժակից կնախընտրեին խմել և ինչու։

Photo of three cups. One that is dirty on the inside, one that is dirty on the outside, and one that is clean

• Ինչպե՞ս են կեղտոտ բաժակները խորհրդանշում կեղծավորներին։

Կեղծավորության մասին խոսելիս ուսանողները պետք է կենտրոնանան իրենց ներքին զգացմունքների վրա: Թույլ մի տվեք, որ ուսանողները մատնանշեն կեղծավորությունը ուրիշների մեջ:

Կեղծավոր բառը հունարենից թարգմանվում է «դերասան» և վերաբերում է մեկին, ով ձևացնում է, ինչ-որ չափով չափազանցնում է կամ խաբեությամբ անհետևողական է իր գործողություններում: «Ընդհանուր առմամբ բառը վերաբերում է նրան, ով ձևացնում է, որ կրոնասեր է, բայց իրականում այդպիսին չէ» (Աստվածաշնչի բառարան, « Կեղծավոր »): Դա կարող է նաև վերաբերել մեկին, ով ձևացնում է, որ կրոնասեր չէ, երբ նա իրականում կրոնասեր է:

Մատթեոս 23 գլուխը ուսումնասիրելիս ուշադրություն դարձրեք ճշմարտություններին, որոնք կօգնեն ձեզ խուսափել կեղծավորությունից և ավելի շատ նմանվել Հիսուս Քրիստոսին:

Իր մահկանացու ծառայության վերջին շաբաթվա ընթացքում, որպես Իր վերջնական հասարակական ուղերձի մաս Երուսաղեմի տաճարում, Փրկիչը դատապարտեց դպիրների և փարիսեցիների կեղծավորությունը: Նա նշեց, որ դպիրները և փարիսեցիները «Մովսեսի աթոռի վրա նստեցին» ( Մատթեոս 23.2), ինչը նշանակում է, որ նրանք ձեռք բերեցին վարդապետությունը ուսուցանելու, ինչպես նաև օրենքը մեկնաբանելու և սպասավորելու իշխանությունը: Նրանք իրենց համարում են ավելի արժանավոր, քան որևէ մեկը ժողովարանում:

Կարդացեք Մատթեոս 23.3-7-ը՝ փնտրելով, թե ըստ Տիրոջ, դպիրները և փարիսեցիները ինչպես էին կեղծավորաբար վարվում: Կարդալուց առաջ օգտակար կլինի իմանալ, որ «գրապանակները» ( հատված 5) կաշվե արկղիկներ էին, որոնք հրեաները ամրացնում էին ճակատին և ձախ ձեռքին: Այդ գրապանակների ներսում մագաղաթե փոքր գլանափաթեթներ էին դրված, որոնք Հին Կտակարանից հատվածներ էին պարունակում: Հրեաները կրում էին գրապանակները, որպեսզի դրանք իրենց հիշեցնեին Աստծո պատվիրաններին հետևելու պարտավորության մասին:

Combined image of two men wearing phylacteries and an image of the wailing wall in Jerusalem

Կարդալուց հետո կարող եք դիտել նաև «Գրապանակներ» տեսանյութը (1:06) ChurchofJesusChrist.org կայքում:

Combined image of two men wearing phylacteries and an image of the wailing wall in Jerusalem

• Ըստ հատված 5 , ինչո՞ւ էին դպիրներն ու փարիսեցիները լայնացրել իրենց գրապանակները և «հանդերձի քղանցքները»։

Տերը չէր դատապարտում նրանց, ովքեր կրում էին գրապանակներ, սակայն Նա դատապարտում էր նրանց, ովքեր կեղծավորությամբ էին օգտագործում դրանք կամ լայնացնում էին դրանք, որպեսզի նկատելի լինեին ուրիշների աչքում կամ ավելի կարևոր տեսք ունենային։

• Որո՞նք են արտաքին գործողությունների միջոցով երկրպագելու վտանգները, երբ դուք երկրպագում եք Աստծուն, որպեսզի ուրիշները նկատեն դա:

• Ձեր կարծիքով, Աստված ինչո՞ւ է ցանկանում, որ դուք երկրպագեք Իրեն անկեղծությամբ և արդար մտադրությամբ:

Բացի նրանից, որ Փրկիչը զգուշացրեց մարդկանց չվարվել այնպես, ինչպես դպիրներն ու փարիսեցիներն էին վարվում, Նա նաև ուղղակիորեն դիմեց դպիրներին և փարիսեցիներին: Նա հայտարարեց, թե ինչ վայեր կգան նրանց գլխին՝ իրենց կեղծավորության պատճառով (տես Մատթեոս 23.13-33): Վայը նշանակում է դժբախտության, փորձանքի ու վշտի վիճակ:

Կարդացեք Մատթեոս 23.23-28-ը փնտրելով, թե Փրկիչն ինչ ասաց դպիրներին և փարիսեցիներին:

• Այս հատվածներն ինչպես են օգնում ձեզ ավելի լավ հասկանալ, թե ինչ է կեղծավորությունը:

Օգնեք ուսանողներին հասկանալ, որ կեղծավորությունը խանգարում է մեզ իսկապես նմանվել Երկնային Հորը և Հիսուս Քրիստոսին: Երբ մենք կեղծավոր ենք, ավելի շատ կենտրոնանում ենք այն բանի վրա, թե ինչպես ենք մենք ներկայանում մարդկանց, քան այն բանի վրա, թե ինչ ենք մենք իրականում դառնում:

• Ի՞նչ կասեիք այն մարդուն, ով անհանգստանում է կեղծավոր լինելու մասին, սակայն սխալներ է թույլ տալիս՝ ձգտելով ապրել ավետարանով:

Եթե ուսանողները օգնության կարիք ունենան, կիսվեք Երեց Ջեֆրի Ռ. Հոլլանդի հայտարարությամբ «Բացատրական և պատմական տեղեկություններ» բաժնից:

Մենք ինչպե՞ս կարող ենք խուսափել կեղծավորությունից և հաղթահարել այն

Ի տարբերություն դպիրների և փարիսեցիների, Փրկիչը երբեք կեղծավորություն չի դրսևորել իր գործողություններում: Նա Իր ժողովրդին ուսուցանում էր չհամարել իրենց ուրիշներից լավը, քանզի նրանք բոլորը Աստծո զավակներն էին և հավասար էին Նրա աչքում: Նա վկայել է, որ Երկնային Հայրը մեր Արարիչն է, և որ Ինքը՝ Քրիստոսը, ուղարկվել է Հոր կողմից, և մեր ճշմարիտ Տերն է, ով մեզ կյանք է պարգևում (տես Ջոզեֆ Սմիթի Թարգմանություն, Մատթեոս 23.6 [ Մատթեոս 23.9 , ծանոթագրություն ա ], Մատթեոս 23.8-10):

Կարդացեք Մատթեոս 23.11-12-ը՝ փնտրելով ուսմունքները, որոնք կարող են օգնել մեզ հաղթահարել կեղծավորությունը և խուսափել դրանից: Հատված 12 -ում բարձրացնել բառը նշանակում է վեր դնել, իսկ խոնարհեցնել նշանակում է իջեցնել, նվաստացնել:

• Ձեր կարծիքով, Փրկիչն ի՞նչ սկզբունքներ է ուսուցանում այս հատվածներում:

Փրկիչն ուսուցանել է, որ եթե մենք խոնարհ ենք և ծառայում ենք ուրիշներին, Տերը կբարձրացնի մեզ: Նա կօգնի մեզ ավելի նմանվել Իրեն, և Իր պատվիրաներին հնազանդվելու և ճշմարիտ ապաշխարության շնորհիվ Աստված մեզ վեհացում կպարգևի սելեստիալ արքայությունում:

• Հիսուս Քրիստոսն ինչպե՞ս է օրինակ ծառայում, թե ինչպես կարելի է խոնարհ լինել, ծառայել ուրիշներին և խուսափել կեղծավորությունից:

• Խոնարհ լինելով և ուրիշներին ծառայելով՝ ինչպե՞ս եք օգնում ձեզ խուսափել կեղծավորությունից և ավելի նմանվել Փրկիչին:

Ցուցադրեք հետևյալ հայտարարությունները և ուսանողներին առաջարկեք խորհել, թե որոնք են արտացոլում իրենց իրավիճակը: Ուսանողներին հորդորեք խորհելիս փնտրել Սուրբ Հոգու առաջնորդությունը: Հիշեցրեք, որ Երկնային Հայրը և Հիսուս Քրիստոսը սիրում են նրանց և ցանկանում են օգնել նրանց հաղթահարել կեղծավորությունը: Ուսանողները կարող են գրել իրենց մտքերը օրագրում:

• Ես ձևանում եմ, որ այն չեմ ինչ կամ:

• Ես բարի գործեր եմ անում, որպեսզի ուրիշները նկատեն ինձ:

• Ես հաճախ մտածում եմ, որ ավելի լավն եմ քան ուրիշները:

• Չնայած ես սխալներ եմ գործում, սակայն ազնվորեն ձգտում եմ ավետարանով ապրել:

• Ես փորձում եմ ծառայել ուրիշներին և բարի գործեր անել առանց ճանաչում փնտրելու:

• Ես փորձում եմ խոնարհ լինել և ինքս ինձ չհամարել ուրիշներից լավը:

Փնտրեք Սուրբ Հոգու առաջնորդությունը, երբ բացահայտեք, թե որ ոլորտներում կարող եք ավելի լավը դառնալ: Հիշեք, որ Երկնային Հայրը և Հիսուս Քրիստոսը սիրում են ձեզ և ճանաչում ավետարանով ապրելու ցանկացած անկեղծ ջանքը: Եթե դուք Երկնային Հորից օգնություն խնդրեք, Նա կօգնի ձեզ հաղթահարել ցանկացած թուլություն կամ կեղծավորություն:

Բացատրական և պատմական տեղեկություններ

Փրկիչն ինչպե՞ս էր վերաբերվում կեղծավոր դպիրներին և փարիսեցիներին

Իր «Զգուշացման ձայնը» ելույթում երեց Դ. Թոդ Քրիստոֆերսոնը՝ Տասներկու Առաքյալների Քվորումից, ուսուցանել է, թե Հիսուսն ինչպես է դատապարտել դպիրներին և փարիսեցիներին (Ensign կամ Լիահոնա, մայիս 2017, 108-11):

Արդյո՞ք ես կեղծավոր եմ, եթե սխալներ եմ գործում, երբ ձգտում եմ ապրել ավետարանով

Տասներկու Առաքյալների Քվորումից Երեց Ջեֆրի Ռ. Հոլլանդն ուսուցանել է.

Official Portrait of Elder Jeffrey R. Holland. Photographed January 2018.

Եղբայրնե՛ր և քույրե՛ր, մեզանից յուրաքանչյուրը ձգտում է ապրել ավելի Քրիստոսանման կյանքով, քան մեզ սովորաբար հաջողվում է ապրել: Եթե մենք անկեղծորեն ընդունում ենք սա և փորձում կատարելագործվել, ուրեմն մենք կեղծավորներ չենք, մենք մարդիկ ենք:

(Ջեֆրի Ռ. Հոլլանդ, «Արդ դուք կատարեալ եղիք, ի վերջո», Ensign կամ Լիահոնա, նոյեմբեր 2017, 42)

Օժանդակ ուսումնական վարժություններ

Դասը սկսելու այլընտրանքային եղանակ

Ուսանողներին օգնեք գնահատել հնարավոր խնդիրը հետևյալ իրավիճակներից յուրաքանչյուրում: (Ցանկության դեպքում կարող եք փոխել իրավիճակները, որպեսզի արտացոլեք ուսանողներին համապատասխան տեղական սովորույթներն ու ավանդույթները):

1. Մեկը, ով հաճախում է եկեղեցու ժողովներին, բայց ավելի շատ մտահոգված է նրանով, որ իրեն տեսնեն ուրիշները, քան Աստծուն երկրպագելը

2. Անդամ, ով պնդում է, որ սատարում է Եկեղեցու ղեկավարներին, բայց քննադատում է նրանց որոշումները

3. Անձ, ով սոցիալական ցանցերում հրապարակում է նրանց արժանիքները չափազանցնող տեղեկություններ

Երբ ուսանողները գնահատեն այս իրավիճակները, բացատրեք, թե ով է կեղծավորը և տեսեք՝ արդյոք ուսանողները կկարողանան նկարագրել, թե այս սցենարներն ինչպես են ցուցադրում կեղծավորությունը: Այնուհետև սկսեք ուսումնասիրել Մատթեոս 23 գլուխը:

Պոտյոմկին գյուղերը և կեղծավորությունը

Առաջին Նախագահությունում ծառայելիս Նախագահ Դիտեր Ֆ. Ուխդորֆն օգտագործում էր Պոտյոմկին գյուղերի օրինակը՝ կեղծավորության վտանգների մասին ուսուցանելու համար: Կարող եք դիտել «Անկեղծ լինելու մասին» տեսանյութը ChurchofJesusChrist.org կայքում 0:00-ից մինչև 4:59-ը: Այնուհետև ուսանողները կարող են կիսվել, թե ինչ սովորեցին կեղծավորության և դրանից խուսափելու հնարավորությունների մասին:

Մատթեոս 23.37 «Ինչպէս հաւը ժողովում է իր ձագերը թեւերի տակը»

Մատթեոս 23.34-39-ում Փրկիչը զգուշացրել է Երուսաղեմի բնակիչներին, որ քանի որ նրանք մերժեցին մարգարեներին, նրանց տունը ավերված կթողնվի իրենց:

A mother hen and her baby chicks.

Կարող եք հավի և իր ճուտիկների նկար ցուցադրել և հարցնել. «Հավն ինչպե՞ս է պաշտպանում իր ճուտիկներին»:

Ուսանողներին առաջարկեք կարդալ Մատթեոս 23.37-39-ը՝ ուշադրություն դարձնելով, թե Երուսաղեմի ժողովուրդն ինչպես արձագանքեց Հիսուսի ջանքերին՝ ժողովել իրենց, ինչպես հավն է ժողովում իր ճուտիկներին:

Հիսուսը նմանատիպ ուղերձով դիմեց նաև Մորմոնի Գրքի ժողովրդին: Նրանք, ովքեր մերժեցին մարգարեներին, կործանվեցին Նրա մահից հետո (տես 3 Նեփի 9.1-12): Այնուհետև Քավիչը հրավեր ուղարկեց նրանց, ովքեր փրկվել էին:

Ուսանողներին առաջարկեք կարդալ 3 Նեփի 9.13-14 Նեփի 9.13-14,10.4-6-ը՝ ՝ փնտրելով Փրկիչի հրավերը:

Կարող եք տալ նմանատիպ հարցեր.

• Այս հատվածներն ի՞նչ են ուսուցանում ձեզ Փրկիչի մասին:

• Փրկիչն ինչպե՞ս կարող է ժողովել, պաշտպանել և փրկել մեզ:

• Ձեր կարծիքով, մարգարեներին հետևելն ինչպե՞ս կարող է ապահովել Փրկիչի պաշտպանությունը:

• Ի՞նչ եք անելու Փրկիչի շուրջը հավաքվելու համար, որպեսզի կարողանաք ստանալ Նրա խնամքն ու պաշտպանությունը:

• Ինչպե՞ս են այս հատվածներն ազդում Հիսուս Քրիստոսի հանդեպ ձեր վերաբերմունքի վրա: