Mataio 22:34-40

O Poloaiga Sili e Lua

Ata

Jesus is shown with a group of people speaking to a scribe about the two great commandments. Outtakes: include close ups of people in the crowd. (Scene filmed at ext. the temple court of the Women)

I le saili e tofotofoina le Faaola, na fesili ai se tasi o le au Faresaio po o le fea o poloaiga i le tulafono e sili. I le tali atu, na aoao mai ai e le Faaola o le poloaiga muamua o le alofa lea i le Atua ma o tatou loto atoa, agaga, ma le mafaufau atoa ma o le lona lua o le alofa atu i o tatou tuaoi e pei o i tatou lava ia i tatou. O lenei lesona e mafai ona fesoasoani e te malamalama ai i le ala e ola ai i nei poloaiga sili e lua.

Fesoasoani i tagata aoga ia lagona le moni ma le taua o aoaoga faavae ma mataupu faavae. O le a ono sili atu ona faaaoga e tagata aoga ia upumoni i tusitusiga paia pe a latou lagonaina lo latou taua ma lagona le faanatinati e faaaoga ai i o latou olaga. O se tasi o auala e fesoasoani ai i tagata aoga e fai lenei mea o le uunaia lea o i latou e tomanatu i le auala e talafeagai ai upumoni i o latou olaga ma faasoa atu aafiaga patino e faatatau i nei upumoni.

Sauniuniga a le tagata o le vasega: Valaaulia tagata aoga e o mai saunia e faasoa mai e uiga i se tasi latou te iloa na faaalia lo latou alolofa moni i le Atua ma isi.

Gaoioiga e ono Mafai Ona Aoao Ai

O poloaiga sili

Mafaufau e faaaoga le vaaiga faataitai lenei e amata ai le lesona pe valaaulia tagata aoga e faasoa mai ni faataitaiga o tagata e faapei o Keriso latou te iloaina ma fesoasoani ia i latou ia iloa pe mafai faapefea e poloaiga sili e lua ona fesoasoani ia i tatou ia avea faapei o le Faaola.

Vaai faalemafaufau o loo e talanoa ma se uo e uiga i ou talitonuga faalelotu. A o talanoaina le taua o poloaiga a le Atua, ua fesili atu lau uo po o a poloaiga patino o loo aoaoina e lau ekalesia.

Faaaoga se minute e lisi ai se aofaiga o poloaiga ma tulaga faatonuina a le Atua e mafai ona e mafaufau i ai.

A uma ona e faasoa atu lau lisi o poloaiga a le Atua, e fesili ane lau uo po o fea poloaiga e sili ona taua.

Toe iloilo lau lisi ma mafaufau pe faapefea ona e tali atu i lana fesili.

A o aoao atu Iesu i tagata, e toatele le au Faresaio na fesili atu ia te ia, ma saili ina ia faalumaina o ia i luma o tagata. Faitau le Mataio 22:36–40, ma vaavaai mo se fesili se tasi na fesiligia ai le Faaola ma pe na faapefea ona Ia tali atu iai.

O a ni ou manatu po o ni lagona e uiga i le ala na tali atu ai le Faaola?

Sa faamalamalama e le Faaola o le poloaiga sili muamua lava o le alofa atu i le Atua ma o tatou loto atoa, agaga, ma le mafaufau atoa. O le poloaiga sili lona lua o le alofa atu i o tatou tuaoi e pei o i tatou lava ia i tatou. O poloaiga e lua e mai i le Teuteronome 6:5 ma le Levitiko 19:18 . O le “tulafono” o loo taua i le Mataio 22:36 o le tulafono a Mose.

Mafaufau i manaoga o tagata aoga, ma talanoaina nisi po o fesili uma o loo i lalo i mataupu o loo mulimuli mai. Mafaufau po o le a le metotia o le a fesoasoani i tagata aoga e tali ai fesili. Mo se faataitaiga, o nisi e mafai ona talanoaina o se vasega, i ni vaega toalaiti, pe taitoatasi i api faamaumau suesuega.

O le a le uiga o le alofa atu i le Atua ma lou loto atoa, agaga atoa, ma le mafaufau atoa? (Afai e te fia malamalama atili i nei upu, mafaufau e sue o latou faauigaga e faaaoga ai fesoasoaniga mo suesuega e pei o le Taiala i Tusitusiga Paia.)
O a nisi o faataitaiga mai le soifuaga o Keriso ina ua Ia faaalia faapea sa Ia alofa i le Atua i lenei auala?
O le a sou manatu i le uiga o le alofa atu i lou tuaoi e pei o oe lava ia te oe?
E mafai faapefea e le usiusitai i nei poloaiga sili e lua ona fesoasoani ia i tatou ia avea faapei o Iesu Keriso?

Matau i le Mataio 22:40, na aoao mai ai e Iesu o poloaiga uma a le Atua ua mamanuina e fesoasoani ai i tagata e faaali atu lo latou alolofa i le Atua ma o latou tuaoi.

E mafai faapefea e le usiusitai i poloaiga sili e lua ona fesoasoani ia i tatou e usiusitai ai i isi poloaiga uma?

Na faamatala e Peresitene Russell M. Nelson le auala e fesootai ai lo tatou alofa mo le Atua ma lo tatou alofa mo isi.

Ata
Official portrait of President Russell M. Nelson taken January 2018

A tatou alolofa i le Atua ma o tatou loto atoa, Na te liliu atu o tatou loto i le tulaga manuia o isi i se taamilosaga matagofie ma mama.

(Russell M. Nelson, “O Poloaiga Sili Lona Lua,” Ensign po o le Liahona, Nov. 2019, 97)

Aisea e ono liliu atu ai e lo tatou alofa i le Atua o tatou loto i isi?

Faaaoga le fautuaga faafaiaoga ma tapenaga a le tagata o le vasega mo lenei lesona e ala i le uunaia o tagata aoga e faasoa mai faataitaiga o tagata e alolofa i le Atua ma isi. O le faia o lena mea e mafai ona fesoasoani i tagata aoga ia lagona le moni ma le taua o nei poloaiga ma faailoa mai ai auala e mafai ona latou faaaogaina ai. Faalogo lelei ia latou tali, ma faafetai atu i tagata aoga mo le fetufaaiga.

O ai e te iloa o se faataitaiga lelei i le tausiaina o poloaiga sili e lua?
O a ni auala latou te faaalia ai lenei alofa? E mafai faapefea ona e mulimuli ia latou faataitaiga i le faaalia o le alofa i isi i ni auala faigofie i aso uma?

Atonu e te manao e matamata i le “Realizing What God Has Done, How Could I Not Help? | His Hands” (2:50) e vaai ai i se faataitaiga o le auala e mafai ai e le alofa o le Atua mo i tatou ona liliu atu o tatou loto ia te Ia ma isi. O loo maua lenei vitio i le ChurchofJesusChrist.org.

I lau api faamaumau suesuega, tusi i lalo mea e te iloa e uiga i le Tama Faalelagi ma Iesu Keriso e uunaia ai oe e tausia poloaiga sili e lua. Atonu e aoga le manatunatu faapitoa i aafiaga na e lagonaina ai lo La alofa mo oe.

Valaaulia ni tagata aoga naunau e faasoa mai mea sa latou tusia.

O le alofa i le Atua e tatau ona avea ma o tatou faamuamua

E ui e taua le usiusitai i poloaiga sili e lua, ae o Peresitene Dallin H. Oaks na faasoa mai se lapataiga:

Ata
Official Portrait of President Dallin H. Oaks taken March 2018.

O lo tatou maelega e tausia lenei poloaiga lona lua e le tatau ona mafua ai ona tatou faagalo le muamua, ia alofa i le Atua ma o tatou loto atoa, agaga atoa, ma mafaufau atoa. Tatou te faaalia lena alofa i le “tausia[ina] o [Ana] poloaiga” [ Ioane 14:15 ].

(Dallin H. Oaks, “O Poloaiga Sili E Lua,“ Ensign po o le Liahona, Nov. 2019, 73–74)

Aisea e ono taua ai le faatulagaga o nei poloaiga?
O ā faafitauli e ono oo mai pe a tatou faamuamua le alofa i o tatou tuaoi nai lo le alofa i le Atua?
O ā tulaga po o taualumaga e te ono faafesagaʻi e manaʻomia ai ona e mautinoa e faamuamua le alofa i le Atua?

Afai e manaomia e tagata aoga se faataitaiga o le ala na faamuamua ai e se tasi le alofa i le Atua, mafaufau e matamata i le “Spiritual Whirlwinds” mai le faailotaimi 7:40 i le 9:13. E mafai ona maua lenei vitio i le ChurchofJesusChrist.org.

Fai se fuafuaga

Mafaufau i avanoa na e mauaina talu ai nei e usitai ai i poloaiga sili e lua. I se fua faatatau o le tasi i le lima, fua oe lava i le lelei o lou usitaia o nei poloaiga taitasi, o le tasi e “matua lelei” ma le lima “e le lelei.”

Fatuina se fuafuaga i lau api faamaumau suesuega e usiusitai atoatoa ai i nei poloaiga sili e lua.

Lisi ni faatinoga patino e mafai ona e faia e ola atili ai i nei poloaiga sili e lua. Faalogo lelei mo uunaiga mai le Agaga Paia, ma filifili se tasi e mulimuli ai.
Tusi i lalo pe faapefea ona e mulimuli i lena faatinoga. Mafaufau e faasoa atu lau fuafuaga i ou matua po o se uo faatuatuaina ma valaaulia i latou e fesoasoani ia te oe. Ia e iloa o le a fesoasoani le Atua ia te oe a o e faia mea uma e te mafaia (tagai i le Mataupu Faavae ma Feagaiga 123:17).

Uunaia tagata aoga e mulimuli ia latou fuafuaga, ma faailoa atu ia i latou i se lesona o iloiloga i le lumanai (“Iloilo Lou Aoaoina 5”) atonu latou te maua se avanoa e tulitatao ai i lea fuafuaga. Faaali atu le talitonuga ia i latou, ma faamautinoa atu ia i latou o le a fesoasoani le Alii ia i latou ia latou taumafaiga.

Tala Auiliili ma Faamatalaga o Talaaga

E faapefea ona ou aoao ia ou alofa ia te au lava?

I lana lauga “O Lo Tatou Taimi Lenei!” o loo saunoa Elder S. Gifford Nielsen o le Fitugafulu e uiga i le taua o le alolofa ia i tatou lava (Liahona, Me 2021, 64–67). E mafai ona e matamata i le vitio, o loo maua i le ChurchofJesusChrist.org, mai le faailotaimi 7:36 i le 9:32. O loo aoao mai foi e le tusiga o loo sosoo ai le auala e mafai ai ona tatou aoao e alolofa ia i tatou lava: “How to Love Yourself Like God Loves You” (ChurchofJesusChrist.org).

E faapefea ona galulue faatasi poloaiga sili e lua? (tagai foi i le 1 Ioane 4:7–11, 20–21)

Na aoao mai Elder Peter M. Johnson o le Fitugafulu:

Ata
Official portrait of Peter M. Johnson. Sustained April 6, 2019 as a General Authority Seventy.

Manatua o le poloaiga sili muamua o le alofa i le Atua ma o tatou loto, manatu, mafaufau, ma le malosi [tagai i le Mataio 22:37–38 ]. O mea uma tatou te faia, e tatau ona faaosofia e lo tatou alolofa ia te Ia ma Lona Alo. A o tatou atiina ae lo tatou alolofa mo i Laua e ala i le tausia o a Laua poloaiga, o le a faateleina lo tatou gafatia e alolofa ai ia i tatou lava ma alolofa atu ai i isi. O le a amata ona tatou auauna atu i aiga, uo, ma tuaoi aua o le a tatou vaai atu ia i latou e pei ona silasila mai le Faaola ia i latou—o ni atalii ma ni afafine o le Atua. [tagai i le Ioane 3:16 ; 1 Ioane 4:19 ; Mosaea 2:17 ].

(Peter M. Johnson, “Mana e Faatoilalo ai le Fili,” Ensign po o le Liahona, Nov. 2019, 111)

E mafai faapefea e le usiusitai i poloaiga ia alofa i le Atua ma isi ona aafia ai lou olaga?

Na faamalamalama mai e Peresitene M. Russell Ballard, le Sui Peresitene o le Korama o Aposetolo e Toasefululua:

Ata
Official portrait of President M. Russell Ballard of the Quorum of the Twelve Apostles, 2004.

O le usiusitai ai i na poloaiga sili e lua e saunia ai se auala ia lagona atili ai le filemu ma le olioli. Pe a tatou alolofa ma auauna atu i le Alii ma alolofa ma auauna atu i o tatou tuaoi, o le a tatou lagonaina lava le fiafia atili lea e oo mai ia i tatou i se auala e sili atu.

(M. Russell Ballard, “O Le Talalelei Moni, Mama, ma Faigofie a Iesu Keriso,” Ensign po o le Liahona, Me 2019, 29)

Aisea ua faamamafaina ai le alofa i nei poloaiga uma e lua?

Matamata i le vitio “Love and Law” (3:21). E mafai ona maua lenei vitio i le ChurchofJesusChrist.org.

E faapefea ona uunaia i tatou e le alofa o le Atua e usiusitai i poloaiga sili e lua?

Na molimau mai Elder Jeffrey R. Holland o le Korama a Aposetolo e Toasefululua:

Ata
Official Portrait of Elder Jeffrey R. Holland. Photographed January 2018.

O le poloaiga muamua ma le sili o le faavavau atoa o le alofa atu lea i le Atua ma o tatou loto atoa, manatu, mafaufau, ma le malosi atoa—o le poloaiga muamua ma le sili lena. Ae o le upumoni muamua ma le sili o le faavavau atoa, e alofa le Atua ia i tatou ma Lona finagalo atoa, manatu, mafaufau, ma le malosi atoa. O lena alofa o le mataupu faavae autu lena o le faavavau, ma e tatau ona avea ma faavae autu o o tatou olaga i aso uma. O le mea moni ua na o le pau lena o le faamautinoaga o loo mumu pea i o tatou loto e mafai ona tatou maua ai le mautinoa e taumafai ai pea ia faaleleia atili, ia saili ai pea le faamagaloga mo a tatou agasala, ma ia faaauau ai pea ona faailoa atu lena alofa tunoa i o tatou tuaoi.

(Jeffrey R. Holland, “O a Taeao e Faia ai e le Alii o Vavega i o Outou Luma,” Ensign po o le Liahona, Me 2016, 127)

Gaoioiga Faaopoopo e Aoao Mai Ai

Tausia pea muamua o le poloaiga sili muamua: isi taulaiga o lesona

Valaaulia tagata aoga e faailoa mai tu ma aga faalelalolagi, tulafono, po o tu masani ia e ono faatosinaina i tatou e faamuamua le alofa i o tatou tuaoi nai lo le alofa i le Atua. O faataitaiga e mafai ona aofia ai faaipoipoga a le itupa e tasi, o isi solitulafono o le tulafono o le legavia, ma le solia o le Upu o le Poto.

Mafaufau e faaaoga ia punaoa nei e taiala ai se talanoaga a le vasega e faavae i le taua o le mautinoa tatou te tausia muamua le poloaiga muamua ma aua nei faatagaina faatosinaga faalelalolagi e aveesea i tatou mai lo tatou alofa i le Atua. Taulai atu i le Faaola ma le ala na Ia faaali mai ai ia i tatou e ala i Lana faataitaiga le ala e muai alofa ai i le Atua a o alofa pea i o tatou tuaoi.

Dallin H. Oaks, “O Poloaiga Sili E Lua,” Ensign po o le Liahona, Nov. 2019, 73–76
Lynn G. Robbins, “O Fea le Itu o E Faasaga I Ai?,” Ensign po o le Liahona, Nov. 2014, 9–11