Jesus is shown with a group of people speaking to a scribe about the two great commandments. Outtakes: include close ups of people in the crowd. (Scene filmed at ext. the temple court of the Women)
I le Mataio 22:36–39, na aoao mai ai e le Faaola poloaiga sili e lua. O lenei lesona o le a fesoasoani ia te oe e faataitai ai le faaaogaina o le aoaoga faavae o loo aoao mai i lenei fuaitau ma mataupu faavae o le mauaina o le malamalama faaleagaga e malamalama ai i le ala e usitai ai i poloaiga e lua ia alofa i le Atua ma alofa i lou tuaoi.
Fesoasoani i tagata aoga e aoao pe faapefea ona maua tali i fesili. O le faamoemoega o le atamai i aoaoga faavae o le aoao lea o tagata aoga “pe faapefea ona saili mo le upumoni, pe faapefea ona mafaufau e uiga i faamatalaga fou, ma pe faapefea ona tali a latou lava fesili.” Nai lo le tuuina atu i tagata aoga o tali i fesili uma, mafaufau pe o a fesili e ono fesoasoani i tagata e faata’ita’i ai i mataupu faavae o le mauaina o le malamalama faaleagaga ma taitai atu ai i latou e ala i “le faagasologa tofia musuia o le mauaina o le upumoni” mo i latou lava (tagai i le Chad H Webb, “Atamai i Aoaoga Faavae” [lauga na tuuina atu i le faasalalauga faaleaoaoga faaletausaga a Seminare ma Inisitituti o Mataupu Faalelotu, Iuni 14, 2016], broadcasts.ChurchofJesusChrist.org).
Suniuniga a le tagata o le vasega: Valaaulia tagata aoga e iloilo mau faasino o le atamai i aoaoga faavae ma fasifuaitau autu i le fale e ala i le fai atu i se tasi e fai ni fesili mo i latou pe faaaoga le polokalama o le Atamai i Aoaoga Faavae. E mafai foi ona valaaulia tagata aoga e faatino la latou fuafuaga e tausia poloaiga sili e lua.
Gaoioiga e ono Mafai Ona Aoao Ai
Ua mamanuina lenei lesona ina ia aoao atu pe a maea le lesona e uiga i le Mataio 22:34–40, o le lesona faalematalalaga mo le fuaitau lenei o le atamai i aoaoga faavae. Afai e manaomia le tuu o le lesona lenei o le atamai i aoaoga faavae i se isi vaiaso ia faaofitonu ai faasologa o taimi o le aoga, ia mautinoa e aoao atu ai foi le lesona faalematalalaga e o faatasi ai i le vaiaso foi lena.
Tauloto ma faamatala
Mafaufau e faaaoga le gaoioiga lenei po o se isi gaoioiga puupuu e fesoasoani ai i tagata aoga e tauloto le mau faasino o le atamai i aoaoga faavae ma le fasifuaitau autu.
Faataitai le taulotoina o le fasifuaitau autu “E te alofa atu i le Alii lou Atua. … Ia e alofa atu i le lua te tuaoi” mo le mau faasino Mataio 22:36–39 .
Tusi se ata o se fatu ma tusi le numera 1 ma le 2 i ona lalo ifo. I talaane o le numera 1, tusi ai, “E te alofa atu i le Alii lou Atua”;i talaane o le numera 2, tusi ai,“Ia e alofa atu i le lua te tuaoi.” Faasino i le fatu, ma tau mai le mau faasino. O le isi mea e sosoo ai, faasino i numera taitasi. A o e faia, tau mai le vaega o le fasifuaitau autu e fesootai ma le numera. Toe fai le faagasologa mo ni nai isi taimi.
O le faamoemoega o le vaega lenei o le valaaulia lea o tagata aoga e faataitai le faamatalaina atu o upumoni i isi, o lea e mafai ona sili atu le tofiaina o paga po o vaega mo le faatinoina o lenei vaega.
Faitau le Mataio 22:36–39, ma faamanatua lau suesuega talu ai o nei fuaiupu.
O a ni auala e mafai ai ona tatou alolofa ai i le Atua ma o tatou loto atoa? E mafai faapefea ona tatou alolofa i o tatou tuaoi e pei o i tatou lava?
Aisea e te manatu na tuuina mai ai nei poloaiga e lua i lenei faatulagaga?
Faata’ita’i le faaaogaina
Mafaufau e iloilo puupuu faatasi ma tagata aoga ia mataupu faavae e tolu o le mauaina o le malamalama faaleagaga. Ona vaevae lea o le vasega i ni paga po o ni vaega laiti ma valaaulia tagata aoga e feauauai i le tauina mai o mataupu faavae mai mea latou te manatua. Fai atu i volenitia e fai se aotelega mai ia latou lava upu.
A manaomia, toe iloilo parakalafa 5–12 o le “Mauaina o le Malamalama Faaleagaga” i le vaega o le Pepa Autu o le Atamai i Aoaoga Faavae (2022).I nisi o tulaga, atonu tatou te tauivi e iloa pe faapefea ona mulimuli i poloaiga a le Atua ma faaali atu le alofa mo i latou e le usiusitai i poloaiga a le Atua.
Na aoao mai Elder Lynn G. Robbins o le Fitugafulu:
Ata
Former Official Portrait of Elder Lynn G. Robbins. Photographed March 2017. Replaced October 2019 (with Telescope ID: 2298123)
O le taumafai e faamalie muamua isi i lo le faamalieina o le Atua o le fesuiaia lea o le poloaiga sili muamua ma le lua (tagai i le Mataio 22:37–39). O le faagaloina lea o le itu e ao ona tatou faasaga i ai. Ae peitai, ua tatou faia uma lena mea sese ona o le fefe i tagata. …
O faaiuga a tagata ua faia e ala i le manatuaina o le faatulagaga sao o poloaiga sili muamua ma le lona lua. …
O le Faaola, lo tatou Faataitaiga sili, na faasaga atu i Lona Tama i taimi uma. Na Ia alofa ma auauna atu i Ona uso a tagata ae na fetalai mai, “Ou te le manao i le viiga mai tagata” ( Ioane 5:41).
Mafaufau loloto i fesili nei ae e te lei faia le gaoioiga lenei.
Pe na e fefe ea e faasao pe fautuaina ma le alofa se uo ona e te le i manao e faatiga ia i latou?
Pe na e lagonaina ea e tatau ona e filifili i le va o mea ua faamoemoeina e isi mai ia te oe ma mea ua faamoemoeina e le Alii mai ia te oe?
Mafaufau e saunia ni pepa po o ni kata mo faamatalaga mo tagata aoga e tusitusi ai ina ia mafai ona latou faafesuiai ma isi tagata aoga.
Tusi se vaaiga faataitai e ono faigata ai i se tasi ona alofa i le Atua ma mulimuli i Ana poloaiga ma faaali atu foi le alofa i isi. (Manatua: Aua le faia se vaaiga faataitai e mafai ona iloa e isi e faatatau i se tagata patino po o se tupulaga.)
Afai e manaomia, o faataitaiga o vaaiga faataitai e mafai ona aofia ai i le vaega o le “Gaoioiga Faaopoopo e Aoao ai”.
Mafaufau e valaaulia tagata aoga e faafesuiai ma talanoaina vaaiga faataitai ma isi tagata o le vasega. O le faia o lena mea e mafai ona fesoasoani i tagata aoga e fesootai ai le tasi ma le isi ma maua ai se vaaiga sili atu. E mafai ona aoina vaaiga faataitai ma toe faafoi atu i soo se faasologa (o le tumau o le le mailoa e mafai ona fesoasoani i tagata aoga ia lagona atili ai le lagona o le faamaoni).
Iloilo manatu ma fesili ma se vaaiga e faavavau
Mafaufau i le tagata i lau vaaiga faataitai ao e taliina fesili nei.
O a ni manatu e ono faatosinaina ai se tagata e filifili e faafiafia isi nai lo le faafiafiaina o le Atua?
E mafai faapefea e le malamalama i le ata o le faaolataga a le Tama Faalelagi po o isi aoaoga o le talalelei ona fesoasoani e foia nei manatu sese?
O a upumoni e uiga i le Tama Faalelagi ma Iesu Keriso e mafai ona fesoasoani i le tagata e vaai atu ai i isi mai la Laua silafaga?
Saili le malamalama atili e ala i punaoa paia ua filifilia
E mafai faapefea e upumoni o loo i le Mataio 22:36–39 ona fesoasoani e taiala lenei tagata?
Faitau saunoaga nei mai perofeta o aso e gata ai e iloa ai po o a ni malamalamaaga e ono fesoasoani mo le tagata i lau vaaiga faataitai.Na aoao mai e Peresitene Russell M. Nelson:
Ata
Official portrait of President Russell M. Nelson taken January 2018
O nisi taimi, i le avea ai o i tatou o ni taitai e faitioina ona o le taofiofimamau i tulafono a le Atua, puipuia o le aoaoga faavae autu a le Faaola, ma le tetee atu i uunaiga faaleagafesootai o o tatou taimi. …
… Ae pe le sili atu ea ona tatou faaleano i le le tauina atu o le upumoni—le aoao atu o mea ua faaalia mai e le Atua?
(Russell M. Nelson, “The Love and Laws of God” [faigalotu a le Iunivesite o Polika Iaga, Sept. 17, 2019], 3, speeches.byu.edu.)
Na aoao mai Peresitene Dallin H. Oaks o le Au Peresitene Sili:
Ata
Official Portrait of President Dallin H. Oaks taken March 2018.
E tatau ona tatou taumafai ia tausia poloaiga sili uma e lua. O le faia o lena mea, tatou te savavali faapaleni ai i le va o le tulafono ma le alofa—tausia o poloaiga ma savavali i le ala o feagaiga, a o alolofa atu i o tatou tuaoi i lenei soifuaga. O lenei savaliga, e manaomia ai lo tatou sailia o musumusuga faalelagi i mea e lagolago ai ma mea e tetee atu ai ma le auala e alofa atu ai ma faalogo ma le faaaloalo ma aoao atu ai i le faagasologa.
E mafai faapefea e le iloaina o upumoni o loo aoao mai i nei faamatalaga ona fesoasoani i le tagata i lau vaaiga faataitai?
Faatino le faatuatua
O le a se mea e mafai ona fai e le tagata i lau vaaiga faataitai e maua ai le fesoasoani a le Tama Faalelagi ina ia iloa ai le auala e faatino ai?
E mafai faapefea ona latou galulue i se auala o le a tausia uma ai poloaiga sili e lua?
Afai na faafesuiai e tagata aoga vaaiga faataitai, ao mai vaaiga faataitai ma toe tuu atu i tagata o le vasega o e na tusia, pe tuu i luga o se laulau ma fai atu i tagata aoga ina ia latou aveina.
Iloiloga o le atamai i aoaoga faavae
I se isi vasega mulimuli ane, toe iloilo le mau o le atamai i aoaoga faavae ma fasifuaitau autu o mau e ala i le valaaulia o tagata aoga e fai se gaoioiga e pei o loo mulimuli mai:
Tusi le mau ma le fuaitau lenei i lau api faamaumau suesuega ona faatumu lea o avanoa.
Mataio 22:36–39 : “Ia e_____ le _______ lou _____. … Ia e alofa i lou________.”
Pe a manaomia, tauloto le mau faasino ma le fasifuaitau autu o le mau.
Gaoioiga Faaopoopo e Aoao Ai
Vaaiga faataitai e mafai ona faaaoga
Mafaufau e faaaoga se tasi o vaaiga faataitai nei:
Ua tatala le faaipoipoga a matua o Stanton, ma e mafuta o ia i le tele o faaiuga o vaiaso ma lona tamā. E le fiafia lona tama ia Stanton e alu i le lotu ma fuafua ma le loto i ai mea i le taimi e tasi o sauniga lotu. E manao Stanton e mafuta mo se taimi ma lona tama, ae e manao foi o ia e usiusitai i le Alii e ala i le alu i le lotu.
O loo lagonaina pea e Sara ia uunaiga mai le Agaga Paia e valaaulia ai lana uo o Gabe e faitau le Tusi Mamona, ae na te le amanaiaina lava ia uunaiga ona ua ia iloa o Gabe e malosi tele ma lona aiga i se isi lotu ma e le manao e faatiga ia te ia.