Mataio 21–23; Mareko 11; Luka 19–20; Ioane 12

Vaaiga Aoao

Na faia e Iesu Keriso Lana ulufale faatupu i totonu o Ierusalema e amata ai le vaiaso mulimuli o Lana galuega i le lalolagi. Sa faamamaina e le Faaola le malumalu ma faamalolo i latou o e na o ane ia te Ia i le malumalu. Sa Ia aoao atu poloaiga sili e lua ma tausalaina le faafiaamiotonu o le au tusiupu ma le au Faresaio.

Sauni e Aoao Atu

O nei faamatalaga e tuuina atu ai i faiaoga ia latou iloa ai po o a ni mea e ao ona saunia mamao iai mo lesona taitasi.

Mataio 21:1–11; Ioane 12:27–36

Faamoemoega o le lesona: O lenei lesona o le a fesoasoani i tagata aoga ia lagonaina se faaaloalo sili atu ma le matau mo Iesu Keriso ma Lana misiona e laveai ia i tatou.

Sauniuniga a le tagata o le vasega: Valaaulia tagata aoga e o mai saunia e faasoa mai e uiga i se taimi na latou manaomia ai le fesoasoani a se isi tagata ina ia ona alofia ai se tulaga faigata. Ina ia vaai i se faataitaiga o lenei ituaiga o tulaga, e mafai ona latou matamata “Where Justice, Love , and Mercy Meet,” o lo o maua i luga o le ChurchofJesusChrist.org, mai le faailotaimi 0:00 i le 5:01.
Anotusi e faaalia: Ata o faamatalaga o loo aofia i le lesona; ata o mea mulimuli na tutupu i le soifuaga o le Faaola

Fautuaga mo aoaoga i fesootaiga faavitio: Mafaufau e faaaoga le auaunaga e faasoa ai le lau o le komepiuta e faaalia ai le ata o faamatalaga. E ono mafai lea e tagata aoga ona faaaoga le polokalama talanoa e faasoa ai fesili latou te mananao e taliina pe faasoa mea latou te fiafia e aoao atili i ai.

Mataio 21:12–16

Faamoemoega o le lesona: O lenei lesona o le a fesoasoani i tagata aoga ia lagonaina se naunautaiga siitia e aloaia le malumalu o se nofoaga paia ma ia maua le mana faamalolo o le Faaola e ala i le faia o galuega faalemalumalu.

Sauniuniga a le tagata o le vasega: Valaaulia tagata aoga e mafaufau loloto i la latou asiasiga lata mai i le malumalu. Afai latou te lei o atu lava i le malumalu, valaaulia i latou e mafaufau loloto pe faapeī le o i le malumalu.
Anotusi e faaali: Ata o le malumalu, e aofia ai ata o potu eseese i totonu o le malumalu

Fautuaga mo aoaoga i fesootaiga faavitio: Mafaufau e fatu se aoaoga e aofia ai ata o potu eseese i le malumalu, o upusii a Peresitene Nelson ma Elder Renlund, ma ni nai fesili mo talanoaga a le vasega.

Mataio 22:34-40

Faamoemoega o le lesona: E mafai ona fesoasoani lenei lesona i tagata aoga ia malamalama i le ala e ola ai i poloaiga sili e lua.

Sauniuniga a le tagata o le vasega: Valaaulia tagata aoga e o mai saunia e faasoa mai e uiga i se tasi latou te iloa na faaalia lo latou alolofa moni i le Atua ma isi.
Vitio: “Realizing What God Has Done, How Could I Not Help?” (2:50), e maua i le ChurchofJesusChrist.org; “Spiritual Whirlwinds” (15:54; matamata mai le faailotaimi 7:40 i le 9:13), e maua i le ChurchofJesusChrist.org

Faataitaiga patino ma aafiaga: Sauni e faasoa atu aafiaga patino ma isi faataitaiga o tagata o e faaalia i upu ma galuega latou te alolofa i le Atua ma o latou tuaoi.

Fautuaga mo aoaoga i fesootaiga faavitio: Mafaufau e valaaulia tagata aoga e mafaufau i se tagata na faaalia lo latou alolofa i le Atua ma isi. Valaaulia tagata aoga, pe a mafai, e talanoaina ma lenei tagata pe na faapefea ona ia faaalia le alofa mo le Atua ma isi. Tuu atu i tagata aoga e o mai saunia i le vasega e faasoa.

Atamai i Aoaoga Faavae: Mataio 22:36-39

Faamoemoega o le lesona: O lenei lesona o le a fesoasoani ia te oe e faataitai ai le faaaogaina o le aoaoga faavae o loo aoao mai i lenei fuaitau ma mataupu faavae o le mauaina o le malamalama faaleagaga e malamalama ai i le ala e usitai ai i poloaiga uma e lua ia alofa i le Atua ma alofa i lou tuaoi.

Sauniuniga a le tagata o le vasega: Valaaulia tagata aoga e toe iloilo mau faasino o le atamai i aoaoga faavae ma fasifuaitau autu o mau i le fale e ala i le fai atu i se tasi e fai se suega mo i latou pe faaaoga le polokalama faatekinolosi mo le Atamai i Aoaoga Faavae. E mafai foi ona valaaulia tagata aoga e faatino la latou fuafuaga e tausia poloaiga sili e lua.

Fautuaga mo aoaoga i fesootaiga faavitio: I le taimi o le faataitaiga o le vaega o le lesona, faataga le faaogaina o laupapa papae ma le auaunaga e faasoa ai le lau o le komepiuta mo tagata aoga. Tofi tagata aoga i vaega o potu e taapeape i ai, ma tofi se taitai. E mafai e le taitai ona faasoa atu a latou laupapa paepae ma le vaega, ma e mafai e le vaega ona fuafuaina le ata faataitai ma tusi o latou manatu i luga o le laupapa paepae i taualumaga o le lesona. E mafai e taitai o vaega taitasi ona faasoa atu se ata o taunuuga faaiu o le laupapa paepae a la latou vaega ma faamatala puupuu mea na tusia e le latou vaega.

Mataio 23

Faamoemoega o le lesona: O le a fesoasoani lenei lesona i tagata aoga e aloese mai le pepelo ma avea ai ma soo lotomaualalo o Iesu Keriso.

Sauniuniga a le tagata o le vasega: Valaaulia tagata aoga e mafaufau i tagata o e taumafai e mulimuli i le Faaola ma le faamaoni ma le manatu mama a o latou auauna atu i isi.

Anotusi e faaali:O le ata o se tagata Iutaia o loo ofuina se filateri
Vitio: “Phylacteries” (1:05), e maua i le ChurchofJesusChrist.org

Fautuaga mo aoaoga i fesootaiga faavitio:Faaaoga le auaunaga faatekinolosi o le laupapa paepae e lisi ai mataupu faavae na faailoa mai e tagata aoga i le taimi o le lesona. Tuu atu i tagata aoga se taimi e tusi ai se lauga e uiga i se tasi o nei mataupu faavae. Mafaufau e taina musika i tua ao latou tusitusi. A uma, valaaulia tagata aoga e naunau e faasoa mai nisi o o latou manatu i le vasega.