Jesus Christ seated at a table. In one hand He is holding a piece of bread. With the other He is gesturing towards Himself. There is a plate of bread on the table in front of Him and a goblet.
Հինգ հազար մարդու կերակրելու հրաշքից հետո շատերը որոնում էին Հիսուսին, «ոչ թէ նորա համար որ նշաններ տեսան, բայց որ հացիցը կերան եւ կշտացան» (Հովհաննես 6.26): Փրկիչն ուսուցանեց նրանց. «Ես եմ կեանքի հացը. ինձ մօտ եկողը չի սովիլ» (Հովհաննես 6.35): Այս դասը կարող է օգնել ձեզ բացահայտել, թե ինչպես կարող եք գալ Փրկիչի մոտ, որպեսզի Նա հագեցնի ձեր հոգևոր կարիքները:
Գրավոր վարժություններ Հրավիրելով ուսանողներին գրավոր պատասխանել մտածելու տեղիք տվող հարցերին՝ կարող եք օգնել նրանց խորացնել և հստակեցնել իրենց մտքերը։ Երբ ուսանողները գրավոր պատասխանեն հարցերին՝ նախքան իրենց մտքերով դասարանի հետ կիսվելը, դա նրանց ժամանակ կտա ձևակերպել իրենց գաղափարները և Սուրբ Հոգուց հուշումներ ստանալ։
Ուսանողի պատրաստում. Ուսանողներին առաջարկեք մտածել, թե ինչու է Հիսուս Քրիստոսը խորհրդանշում հացը, և խնդրեքպատրաստ գալ՝ մտքերով կիսվելու համար:
Հնարավոր ուսումնական վարժություններ
«Ես եմ կեանքի հացը»
Կարող եք հաց բերել (և, անհրաժեշտության դեպքում, այլընտրանք այն ուսանողների համար, որոնք ի վիճակի չեն գլյուտեն ընդունել): Ցուցադրեք հետևյալ հարցերը, որպեսզի ուսանողները դրանք տեսնեն դասարան մտնելիս: Առաջարկեք նրանց դասի ընթացքում օգտագործել իրենց մտքերը ուսանողի պատրաստման վարժությունից:
Նկար
Bread
Ձեր կարծիքով, որքա՞ն հաց կարող եք ուտել:
Անկախ նրանից, թե որքան հաց եք ուտում այս պահին, ի՞նչ կլինի ի վերջո:
Երբ Փրկիչն ավելի քան հինգ հազար մարդու կերակրեց ընդհամենը հինգ հացով և երկու ձկով, որոշ մարդիկ առձագանքեցին այս հրաշքին՝ որոնելով Նրան՝ ևս մեկ կերակուր ստանալու համար, այլ ոչ թե հոգևոր նպատակներով ( Հովհաննես 6.5-14 , Ջոզեֆ Սմիթի Թարգմանություն, Հովհաննես 6.26 [ Հովհաննես 6.26 , ծանոթագրություն ա]): Հիսուսը պատժեց նրանց, ովքեր փնտրում էին Իրեն ոչ թե հավերժական կյանք, այլ ավելի շատ հաց ստանալու համար: Նրանք կասկածի տակ դրեցին Նրա ինքնությունը և իրենց հավերժական կյանք տալու ունակությունը (տես Հովհաննես 6.30, 41-42):
Կարդացեք Հովհաննես 6.32, 35-ը և տեսեք, թե Փրկիչն ինչպես պատժեց այդ մարդկանց: Կարող եք ձեր սուրբ գրություններում նշել Փրկիչի՝ «երկնքից ճշմարիտ հաց» և «կեանքի հաց» տիտղոսները: Այս տիտղոսները ավելացրեք ձեր օրագրի «Հիսուս Քրիստոսի տիտղոսները և դերերը» գրառումին: (Կարող եք սկսել այս գրառումը Հովհաննես 1.1-51 դասի ժամանակ):
Ձեր կարծիքով, Փրկիչն ինչո՞ւ է Իրեն անվանում «երկնքից ճշմարիտ հաց» և «կեանքի հաց»:
Ի՞նչ եք սովորում Հիսուս Քրիստոսի մասին հատված 35 -ից:
Հովհաննես 6.35 գլուխն ուսուցանում է, որ եթե մենք գանք Հիսուս Քրիստոսի մոտ և հավատանք Նրան, Նա կարող է հագեցնել մեր հոգևոր քաղցն ու ծարավը:
Կարող եք գրատախտակին գրել կամ ցուցադրել հետևյալ հարցերը:
Ձեր օրագրում պատասխանեք հետևյալ հարցերին.
Ի՞նչ պատճառներով եք դուք ամեն օր Հիսուս Քրիստոսի կարիքը զգում: Ինչպե՞ս է արտահայտվում ձեր հոգևոր «քաղցն» այս պահին:
Դուք ի՞նչ եք անում, որպեսզի Փրկիչն օգնի ձեզ հագեցնել այդ քաղցը: Ի՞նչն է լավ ստացվում: Ի՞նչը՝ ոչ:
Ձեր ուսումնասիրությունը շարունակելիս փնտրեք Սուրբ Հոգու ազդեցությունը, որպեսզի կարողանաք բացահայտել, թե ինչպես կարող եք գալ Փրկիչի մոտ, որպեսզի Նա հագեցնի ձեզ հոգևոր քաղցը:Կարդացեք Հովհաննես 6.47-58-ը՝ փնտրելով, թե Փրկիչն ինչ է առաջարկում մեզ անել և ինչ է խոստանում փոխարենը: Մտածեք, թե ինչպես են այդ առաջարկներն ու խոստումները օգնում ձեզ ավելի լավ հասկանալ, թե ինչպես ընդունել ձեր քաղցն ու ծարավը հագեցնող Փրկիչի պարգևը: Կարող եք նաև դիտել ChurchofJesusChrist.org կայքում գտնվող «Ես եմ կեանքի հացը» տեսաֆիլմը, 3:20-5.08-ը և զուգահեռ հետևել ձեր սուրբ գրություններին: Կարող եք նմանատիպ օժանդակ աղյուսակ ստեղծել:
Նկար
Bread
Կարող եք ցուցադրել այդ աղյուսակը գրատախտակին և լրացնել այն դասարանի հետ միասին: Փրկիչի որոշ առաջարկներն են՝ հավատալ Իրեն ( Հովհաննես 6.47) և ուտել կյանքի հացը ( հատված 51): Որոշ խոստումներ ներառում են՝ հավիտյան ապրելը ( հատված 50) և Իր հետ լինելը ( հատված 56):
Փրկիչի առաջարկները
Փրկիչի խոստումները
Նրա առաջարկներն ու խոստումները ձեզ ի՞նչ են ուսուցանում Իր մասին:
Մորմոնի Գրքում ներկայացված Ենովսի մասին պատմությունը լուսաբանում է, թե Փրկիչն ինչպես կարող է հագեցնել մեր հոգևոր քաղցը: Կարող եք ուսանողներին առաջարկել կարդալ Ենովս 1.1-8 հատվածները և կիսվել իրենց գտածով: Ուսանողները կարող են քննարկել, թե Ենովսն ինչ արեց՝ իր քաղցը հագեցնելու համար, և Տերն ինչպես օրհնեց նրան: Ուսանողները կարող են նաև մտածել, թե Ենովսի օրինակն ինչպես կարող է օգնել իրենց հոգևոր սնունդ ստանալ Կյանքի Հացից:
Ճաշակեք Փրկիչի մարմինն ու արյունը
Բազում մարդիկ, ովքեր լսել էին Փրկիչի քարոզը հարցեր ունեին, թե ինչ է նշանակում ուտել Փրկիչի մարմինը և խմել Նրա արյունը (տես Հովհաննես 6.52, 60):
Կարդացեք Տասներկու Առաքյալների Քվորումից Երեց Դ. Թոդ Քրիստոֆերսոնի հետևյալ հայտարարությունը, որպեսզի ավելի լավ հասկանաք, թե ինչ են նշանակում Փրկիչի խոսքերը, և ինչպես կարող ենք ընդունել Նրա հրավերը:
Նկար
Portrait of Elder D. Todd Christofferson. Photographed in March 2020.
Ուտել Նրա մարմինը և խմել Նրա արյունը անսովոր եղանակ է, որով արտահայտում ենք, որ Փրկիչին ամբողջապես պիտի բերենք մեր կյանք ու մեր գոյություն, որ մենք մեկ լինենք: …
Մենք ճաշակում ենք Նրա մարմնից ու արյունից, երբ Նրանից ստանում ենք Քավության զորությունն ու օրհնությունները:
Քրիստոսի վարդապետությունը արտահայտում է, թե մենք ինչ պիտի անենք՝ քավիչ շնորհը ստանալու համար: Դրանք են՝ հավատալ և հավատք ունենալ Քրիստոսի հանդեպ, ապաշխարել, մկրտվել և ստանալ Սուրբ Հոգին, «ապա գալիս է ձեր մեղքերի թողությունը՝ կրակով և Սուրբ Հոգով» [ 2 Նեփի 31.17 ] …
Ես խոսեցի Փրկիչի քավիչ շնորհը ստանալու մասին, որը վերցնում է մեր մեղքերը և դրանց հետևանքները, որոնք մեր մեջ են: Բայց փոխաբերականորեն՝ նրա մարմինն ուտելը և Նրա արյունը խմելը ունի լրացուցիչ իմաստ, այն է՝ անձնավորել Քրիստոսի հատկանիշներն ու բնավորությունը, հանելով բնական մարդուն և դառնալով Սուրբ՝ «Տեր Քրիստոսի քավության միջոցով» [ Մոսիա 3.19 ]: …
Ուտելով Քրիստոսի միսը և խմելով Քրիստոսի արյունը մենք ձգտում ենք սրբության:
Ինչպե՞ս կբացատրեք, թե ինչ է նշանակում ուտել Աստծո Որդու մարմինը և խմել Նրա արյունը:
Ե՞րբ եք դուք և ուրիշները հետևել Երեց Քրիստոֆերսոնի խորհրդին և զգացել, որ Փրկիչը հագեցնում է ձեր հոգևոր քաղցը: Ի՞նչ եք արել այդ փորձառությունների ժամանակ, որը հրավիրել է Փրկիչին՝ ձեր քաղցը հագեցնելու համար:
Պատկերացրեք, որ դուք ներկա էիք Փրկիչի՝ Հովհաննես 6.22-58 հատվածներում ներկայացված քարոզին: Օրագրում գրառում կատարեք՝ պատկերացնելով, որ այնտեղ էիք: Ձեր գրառման մեջ ներառեք հետևյալը.
Ինչ եք սովորել Փրկիչի մասին և ինչ եք սովորել Նրանից:
Յուրաքանչյուր փորձառություն, որ դուք կամ ուրիշներն ունեցել են, երբ Հիսուս Քրիստոսը հոգացել է ձեր կամ նրանց հոգևոր կարիքները :
Ինչ գործողություններ եք կատարել Սուրբ Հոգու ոգեշնչմամբ և ինչու
Ժամանակի առկայության դեպքում հորդորեք ուսանողներին կիսվել իրենց գրառումներով դասարանի հետ կամ զույգերով ու փոքր խմբերով: Կարող եք ամփոփել Փրկիչի՝ որպես Կյանքի Հացի մասին վկայությամբ և առաջարկել ուսանողներին նույնպես վկայել:
Բացատրական և պատմական տեղեկություն
Հիսուսն ինչո՞ւ մարդկանց ուշադրությունը կենտրոնացրեց նրանց հոգևոր, այլ ոչ թե ֆիզիկական կարիքների վրա
Յոթանասունի անդամ ծառայելիս Երեց Կարլոս Հ. Ամադոն ուսուցանել է.
Նկար
Former official portrait of Elder Carlos H. Amado of the First Quorum of the Seventy, 2008. Retouched version done in March 2009.
Որպես Եկեղեցի՝ մենք պետք է կերակրենք քաղցածներին, սփոփենք հիվանդներին, հագցնենք մերկերին և ապաստան տանք անտուններին: Արագ առաջարկներով մենք հագեցնում ենք մեր անդամների հիմնական և անհապաղ կարիքները, իսկ բարօրության ծրագրով մենք հոգում ենք նրանց երկարաժամկետ կարիքնեերը: Բնական աղետների ժամանակ մարդասիրական ծառայության միջոցով մենք օգնություն ենք տրամադրում մեր եղբայրներին և քույրերին, ովքեր մեր հավատքից չեն:
Չանտեսելով այս ժամանակավոր կարիքները, Վերջին Օրերի Սրբերի Եկեղեցին՝ Տիրոջ պատվիրանով շարունակում է իր ամենավսեմ ծառայությունը՝ օրհնել բոլոր մարդկանց, ուսուցանելով նրանց Քրիստոսի վարդապետությունը և առաջարկելով նրանց ընդունել փրկիչ արարողությունները՝ «անմահությունն ու հավերժական կյանք» ձեռք բերելու համար ( Մովսես 1.39):
(Կարլոս Հ. Ամադո, «Ծառայություն՝ աստվածային որակ», Ensign կամ Լիահոնա, մայիս 2008, 35-36)
Հովհաննես 6.56 Փրկիչն ի՞նչ նկատի ուներ, երբ ասաց, որ լինելու մեզ հետ
Երեց Դեյվիդ Ա. Բեդնարը՝ Տասներկու Առաքյալների Քվորումից, ուսուցանել է.
Նկար
Former official portrait of Elder Carlos H. Amado of the First Quorum of the Seventy, 2008. Retouched version done in March 2009.
Մենք պետք է իմանանք, որ Հիսուս Քրիստոսը եկավ երկիր մեզ համար մահանալու նպատակով, և դա Քրիստոսի վարդապետության հիմքն է: Բայց մենք պետք է նաև գնահատենք, որ Տերը, Իր Քավության և Սուրբ Հոգու զորության միջոցով, ցանկանում է ապրել մեր մեջ՝ ոչ միայն մեզ առաջնորդելու, այլև զորացնելու համար:
(Դեյվիդ Ա. Բեդնար, «Քավությունը և մահկանացու ճամփորդությունը», Ensign, ապրիլ 2012, 42)
Օժանդակ ուսումնական վարժություններ
Հայրը ցանկանում է, որ բոլորը գան Իր Որդու մոտ՝ փրկվելու համար
Կարող եք ուսանողներին առաջարկել ուսումնասիրել Հովհաննես 6.39-40 հատվածները և խաչաձև հղումներ գտնել Մովսես 1.39 և Հովհաննես 3.16-17 հատվածների հետ: Խնդրեք նրանց մտածել, թե ինչպես են այս հատվածները օգնում իրենց ավելի լավ հասկանալ Երկնային Հոր ցանկությունը՝ փրկել Իր բոլոր զավակներին: Նրանք կարող են կենտրոնանալ այն բանի վրա, թե այս հատվածներն ու դրանցում ներկայացված խոստումներն ինչ են ուսուցանում Երկնային Հոր և Հիսուս Քրիստոսի՝ Կյանքի Հացի առաքելության մասին:
Կարող եք ուսանողներին առաջարկել ուսումնասիրել այս հատվածները և մտածել, թե մենք ինչու ենք աշխարհիկը կամ ժամանակավորը նախընտրում հոգևորից: Նրանք կարող են խաչաձև հղուները գտնել այս հատվածների և հետևյալ սուրբ գրությունների միջև. Ա Կորնթացիս 4.18 , Մոսիա 2.41 , Վարդապետություն և Ուխտեր 25․10 և այլն: Կարող եք նրանց խնդրել վերլուծել իրենց սեփական առօրյա որոշումները: Առաջարկեք նրանց խորհել, թե ինչ գիտեն Փրկիչի և փրկության ծրագրի մասին, որը կարող է նրանց օգնել ավելի շատ կենտրոնանալ հոգևոր բաների վրա: Նրանք կարող են բացահայտել, թե ինչպես կարող են նախապատվություն տալ հոգևոր բաներին՝ իրենց ներկայիս աշխարհիկ գործելակերպի փոխարեն:
Եթե ուսանողներին օգտակար կլինի ուսումնասիրել, թե ինչպես Հիսուս Քրիստոսը Բեթհեզդայի ավազանում մի մարդու բժշկեց, կարող եք օգտագործել այս ուսումնական փորձառությունը՝ այլ դասերի փոխարեն:
Ուսանողներին առաջարկեք կարդալ Հովհաննես 5.2-9-ը՝ փնտրելով «առողջանալ» և «բժշկվել» բառերի յուրաքանչյուր օգտագործումը: Հարցրեք, թե, իրենց կարծիքով, ինչ են նշանակում այդ բառերը: Կարող եք նաև դիտել «Հիսուսը բժշկում է կաղին Հանգստության օրը» տեսաֆիլմը (2:23) ChurchofJesusChrist.org կայքում: Քննարկեք ուսանողների հետ, թե ինչ կարող են սովորել Փրկիչի մասին և Փրկիչից՝ այդ մարդու հետ Նրա շփումից:
Կարդացեք հատված 14 -ը և հարցրեք ուսանողներին, թե ինչ է այն ավելացնում «առողջանալ» և «բժշկվել» բառերի նրանց ընկալմանը: Չապաշխարած մեղքի ազդեցությունն ինչպե՞ս կարող է «ավելի վատ բան» լինել, քան մարդու 38-տարվա հյուծիչ հիվանդությունը: Օգնեք ուսանողներին հասկանալ, որ Հիսուս Քրիստոսն Իր իմաստությամբ ոչ միշտ է անմիջապես բժշկում բոլոր ֆիզիկական արատները, ինչպես Նա չբժշկեց բոլորին այդ օրը (տես հատված 3): Այնուամենայնիվ, մեր սիրող Փրկիչը կարող է բժշկել և կբժշկի բոլորին մեղքի ազդեցություններից, եթե նրանք ապաշխարեն և գործադրեն իրենց հավատքը Իր հանդեպ:
