វិវរណៈ ២–៣ ផ្នែកទី ២
« អស់អ្នកណាដែលឈ្នះ »
តើអ្នកធ្លាប់ឆ្ងល់ទេថា តើអ្នកអាចប្រឈមមុខនឹងបញ្ហានៃជីវិតរមែងស្លាប់ដោយជោគជ័យតាមរបៀបណា ? ព្រះអង្គសង្គ្រោះបានបង្រៀនពួកបរិសុទ្ធមកពីព្រះវិហារទាំងប្រាំពីរនៅអាស៊ីពីរបៀបដើម្បីយកឈ្នះលើការបៀតបៀន អំពើបាប និងបញ្ហាប្រឈមផ្សេងទៀត ដើម្បីទទួលបានពរជ័យដែលបានសន្យារបស់ទ្រង់ ។ មេរៀននេះអាចជួយអ្នកឲ្យមានអារម្មណ៍ថា មានបំណងប្រាថ្នាកាន់តែខ្លាំងឡើងដើម្បីយកឈ្នះលើឧបសគ្គ និងទទួលបានពរជ័យដែលព្រះអង្គសង្គ្រោះសន្យាថានឹងប្រទាន ។
ការមើលឃើញទីបញ្ចប់តាំងពីដើមមក
សូមស្រមៃគិតអំពីខ្លួនអ្នកនៅក្នុងស្ថានភាពខាងក្រោមដែលត្រូវបានពិពណ៌នាដោយបងប្រុស អាម៉េឌ អេស ខ័រប៊ីត នៃគណៈប្រធានយុវជនទូទៅ ។ សូមទស្សនាវីដេអូ « You Can Gather Israel ! » ដែលអាចរកបាននៅលើគេហទំព័រ ChurchofJesusChrist.org ចាប់ពីលេខកូដម៉ោង ៤:៤៩ ដល់ ៥:២២ ឬអានសេចក្តីថ្លែងការណ៍ខាងក្រោមនេះ ។
ការយកឈ្នះលោកិយ
អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់បានចែកចាយដូចតទៅនេះអំពីការយកឈ្នះ ៖
តើវាអាចទៅរួចទេ ដើម្បីយកឈ្នះលើលោកិយ ហើយទទួលបានពរជ័យទាំងនេះ ? បាទ ពិតជាអាច ។
អស់អ្នកដែលយកឈ្នះលើលោកិយ អភិវឌ្ឍសេចក្ដីស្រឡាញ់ដ៏ពេញលេញចំពោះព្រះអម្ចាស់ និងព្រះអង្គសង្គ្រោះរបស់យើង ព្រះយេស៊ូវគ្រីស្ទ ។ …
ការយកឈ្នះលើលោកិយពុំមែនកើតឡើងតែមួយពេលក្នុងជីវិតរបស់បងប្អូននោះទេ ប៉ុន្តែវាកើតឡើងជាច្រើនដងក្នុងជីវិតនេះ ដែលវាកំណត់នូវភាពដ៏នៅអស់កល្បជានិច្ចរបស់យើង ។
( នែល អិល អាន់ឌើរសិន « Overcoming the World » Ensign ឬ Liahona ខែ វិច្ឆិកា ឆ្នាំ ២០១៧ ទំព័រ ៥៩ )
-
តើអ្នកបានរៀនអ្វីខ្លះពីអែលឌើរ អាន់ឌើរសិន អំពីការយកឈ្នះ ?
ដោយសារព្រះវរបិតាសួគ៌ និងព្រះយេស៊ូវគ្រីស្ទស្រឡាញ់ និងយកចិត្តទុកដាក់ចំពោះយើង នោះទ្រង់ទាំងទ្វេចង់ជួយយើងឲ្យយកឈ្នះលើអ្វីៗទាំងអស់ដែលចាំបាច់ដើម្បីមានលក្ខណៈគ្រប់គ្រាន់សម្រាប់ភាពតម្កើងឡើង ។
២. សូមបំពេញសកម្មភាពខាងក្រោមនេះ ។
សូមជ្រើសរើសសកម្មភាពមួយ ឬច្រើនដូចខាងក្រោម ( ឬការជ្រើសរើសផ្សេងទៀតរបស់អ្នក ) ដើម្បីជួយអ្នកឲ្យសម្គាល់អ្វីដែលអ្នកអាចធ្វើដើម្បីយកឈ្នះលើឧបសគ្គ និងទទួលបានពរជ័យដែលបានសន្យារបស់ព្រះអង្គសង្គ្រោះ ។ សូមកត់ត្រាការយល់ឃើញរបស់អ្នក ។
-
សូមអានសុន្ទរកថាសន្និសីទទូទៅ ខែ មេសា ឆ្នាំ ២០១៧ ដែលមានចំណងជើងថា « ការយកឈ្នះលោកិយ » ដោយ អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់ ។ សូមរកមើលការយល់ដឹងអំពីអ្វីដែលអ្នកអាចធ្វើបានដើម្បីយកឈ្នះ ។
-
សូមអាន យ៉ូហាន ១៦:៣៣ រួចសិក្សាពីរបៀបដែលព្រះអង្គសង្គ្រោះយកឈ្នះលើការល្បួងរបស់អារក្សសាតាំងនៅក្នុង ម៉ាថាយ ៤:១–១១ ។ សូមរកមើលរបៀបដែលអ្នកអាចធ្វើតាមការទូន្មាន និងគំរូរបស់ព្រះអង្គសង្គ្រោះ នៅពេលអ្នកព្យាយាមយកឈ្នះលើឧបសគ្គ និងអំពើបាប ។
-
សូមស្វែងរកពាក្យ « យកឈ្នះ » នៅក្នុងកម្មវិធីបណ្ណាល័យដំណឹងល្អ ឬនៅលើគេហទំព័រ ChurchofJesusChrist.org ។ សូមសិក្សាពាក្យដកស្រង់ ឬបទគម្ពីរដែលអ្នករកឃើញដើម្បីកំណត់ពីរបៀបដែលអ្នកអាចយកឈ្នះបានផងដែរ ។ ជាជម្រើស អ្នកអាចសិក្សាវគ្គបទគម្ពីរចេញពី Topical Guide ក្រោមប្រធានបទ « Overcome, Overcame » បាន ។
សូមគិតយ៉ាងហោចណាស់ដល់រឿងមួយដែលអ្នកអាចធ្វើបាន ដើម្បីជួយអ្នកឲ្យយកឈ្នះលើឧបសគ្គ ឬអំពើបាបដែលអ្នកបានគិតពីមុននៅក្នុងមេរៀននេះ ។ នៅក្នុងសៀវភៅកំណត់ហេតុផ្ទាល់ខ្លួនរបស់អ្នក សូមសរសេរនូវអ្វីដែលអ្នកនឹងធ្វើ ហើយប្តេជ្ញាធ្វើវា ។ សូមពិចារណាចែកចាយផែនការរបស់អ្នកជាមួយឪពុកម្តាយរបស់អ្នក ឬអ្នកដឹកនាំសាសនាចក្រដែលគួរឲ្យទុកចិត្តម្នាក់របស់អ្នក ។
៣. សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖
-
តើយើងបានរៀនអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទចេញពីមេរៀននេះ ?
-
តើអ្នកដឹងអ្វីខ្លះរួចហើយអំពីព្រះយេស៊ូវគ្រីស្ទ និងដង្វាយធួនរបស់ទ្រង់ ដែលផ្តល់ឲ្យអ្នកនូវទំនុកចិត្តថា ទ្រង់អាចជួយអ្នកឲ្យយកឈ្នះលើគ្រប់រឿង ហើយទទួលបានពរជ័យដែលបានសន្យារបស់ទ្រង់ ?