វិវរណៈ ១២
« ចម្បាំងនៅលើមេឃ »
តើអ្នកមកពីណា មុនពេលអ្នកកើតមកលើផែនដីនេះ ? តើចំណេះដឹងនេះជះឥទ្ធិពលលើជីវិតរបស់អ្នកដោយរបៀបណា ? ខណៈពេលដែលពិពណ៌នាពីការនិមិត្តរបស់លោកអំពី « ការដែលត្រូវមកខាងក្រោយទៀត » ( វិវរណៈ ៤:១ ) ទាក់ទងនឹងថ្ងៃចុងក្រោយ និងការយាងមកជាលើកទីពីររបស់ព្រះយេស៊ូវគ្រីស្ទ យ៉ូហានក៏បានចែកចាយព័ត៌មានលម្អិតអំពីជីវិតមុនឆាកជីវិតរបស់យើង រួមទាំង « សង្គ្រាមនៅស្ថានសួគ៌ » ( វិវរណៈ ១២:៧ ) និងការប្រឆាំងរបស់អារក្សសាតាំងចំពោះអ្នកដើរតាមព្រះយេស៊ូវគ្រីស្ទក្នុងជីវិតរមែងស្លាប់ផងដែរ ។ គោលបំណងមេរៀននេះគឺ ដើម្បីជួយបង្កើនការតាំងចិត្តរបស់អ្នកក្នុងការដើរតាមព្រះយេស៊ូវគ្រីស្ទ ដោយជួយអ្នកឲ្យយល់អំពីជម្រើសមុនឆាកជីវិតនេះរបស់អ្នកក្នុងការដើរតាមព្រះអង្គសង្គ្រោះ ហើយបដិសេធអារក្សសាតាំង ។
តើវាមានភាពខុសគ្នាអ្វីខ្លះ ?
នៅក្នុងការប្រជុំធម្មនិដ្ឋានទូទាំងពិភពលោកសម្រាប់យុវវ័យ ស៊ីស្ទើរ វេនឌី ដបុលយូ ណិលសុន ភរិយារបស់ប្រធាន រ័សុល អិម ណិលសុន បានចែកចាយសេចក្ដីថ្លែងការណ៍ដូចតទៅ ។ សូមព្យាយាមស្រមៃមើលអ្វីដែលគាត់កំពុងអញ្ជើញអ្នកឲ្យស្រមៃមើល និងទទួលអារម្មណ៍ ។ អ្នកប្រហែលចង់មើលវីដេអូ « សង្ឃឹមអ៊ីស្រាអែល » ( ១:០១:៣៤ ) ដែលមាននៅលើគេហទំព័រ ChurchofJesusChrist.org ចាប់ពីលេខកូដម៉ោង ២០:៥២–២១:៣៧ ឬអានសេចក្ដីថ្លែងការណ៍ខាងក្រោមនេះ ។
សង្គ្រាមនៅស្ថានសួគ៌មុនជីវិតរមែងស្លាប់
ដើម្បីជួយអ្នកឲ្យរៀបចំខ្លួនសិក្សាពីការបង្រៀនរបស់យ៉ូហានអំពីសង្គ្រាមនៅស្ថានសួគ៌ នោះវាអាចនឹងមានប្រយោជន៍សម្រាប់អ្នកក្នុងការសិក្សា វិវរណៈ ១២:១–៥ ហើយបន្ទាប់មកមើលរូបភាពខាងក្រោមដែលពណ៌នាអំពីនិមិត្តសញ្ញាមួយចំនួននៅក្នុងខគម្ពីរទាំងនេះ ។ សូមប្រើតារាងខាងក្រោមដើម្បីជួយអ្នកឲ្យយល់ពីអ្វីដែលនិមិត្តសញ្ញាទាំងនេះតំណាងឲ្យ ។
|
និមិត្តសញ្ញា |
តើតំណាងឲ្យអ្វី |
|
ស្ត្រី ( វិវរណៈ ១២:១ ) |
« សាសនាចក្រនៃព្រះ » ( សូមមើល ការបកប្រែដោយយ៉ូសែប ស្ម៊ីធ វិវរណៈ ១២:៧ [ នៅក្នុង Bible appendix ] ) |
|
កូនរបស់ស្ត្រី ( វិវរណៈ ១២:២ ) |
« នគរនៃព្រះនៃយើង និងព្រះគ្រីស្ទរបស់ទ្រង់ » ( សូមមើល ការបកប្រែដោយយ៉ូសែប ស្ម៊ីធ ក្នុងវិវរណៈ ១២:៧ [ នៅក្នុង Bible appendix ] ) |
|
នាគ ( វិវរណៈ ១២:៣ ) |
អារក្សសាតាំង ( សូមមើល ការបកប្រែដោយយ៉ូសែប ស្ម៊ីធ ក្នុងវិវរណៈ ១២:៨ [ នៅក្នុង Bible appendix ] ) |
១. សូមបំពេញសកម្មភាពខាងក្រោម រួមទាំងបង្កើត និងបំពេញតារាងនេះផងដែរ រួចហើយឆ្លើយសំណួរ ៖
ដើម្បីស្វែងយល់អំពីសង្គ្រាមនៅស្ថានសួគ៌ សូមបង្កើតតារាងដូចខាងក្រោមនៅក្នុងសៀវភៅកំណត់ហេតុការសិក្សារបស់អ្នក ។ សូមមើល ការបកប្រែដោយយ៉ូសែប ស្ម៊ីធ ក្នុង វិវរណៈ ១២:៧– ១១ ( នៅក្នុង Bible appendix ) ។ សូមកំណត់ចំណាំថា « មីកែល និងពួកទេវតារបស់លោក » ( វិវរណៈ ១២:៧ ) គឺលោកអ័ដាម និងវិញ្ញាណបុត្រាបុត្រីសុចរិតផ្សេងទៀតរបស់ព្រះ ។
|
សង្គ្រាមនៅស្ថានសួគ៌ ការបកប្រែដោយយ៉ូសែប ស្មីធ វិវរណៈ ១២:៧–១១ ( នៅក្នុងBible appendix ) | |
|
ខ្ញុំបានដឹងថា អារក្សសាតាំង … | |
|
ខ្ញុំបានដឹងថា ព្រះយេស៊ូវគ្រីស្ទ … | |
|
ខ្ញុំបានដឹងថា ខ្ញុំ … | |
សូមពិចារណាពីអ្វីដែលអ្នកបានអាន និងអ្វីដែលអ្នកបានសរសេរនៅក្នុងតារាងរបស់អ្នក ។
-
តើអ្វីខ្លះលេចធ្លោចំពោះអ្នក ? តើអ្នកមានសំណួរអ្វីខ្លះ ?
-
តើ ខទី ១១ ជួយអ្នកឲ្យយល់ពីអ្វីខ្លះ នៃអ្វីដែលអ្នកមានក្នុងជីវិតមុនជីវិតរមែងស្លាប់នេះ ? តើព្រះអង្គសង្គ្រោះមានតួនាទីអ្វីខ្លះក្នុងការជួយអ្នកឲ្យយកឈ្នះលើអារក្សសាតាំង ?
ក្នុងការបង្រៀនអំពីជីវិតមុនជីវិតរមែងស្លាប់ និងសកម្មភាពរបស់យើងនៅទីនោះ ប្រធាន ដាល្លិន អេក អូក ក្នុងគណៈប្រធានទីមួយបានសង្កត់ធ្ងន់ដូចតទៅនេះ ៖
នៅក្នុងក្រុមប្រឹក្សានៅស្ថានសួគ៌ វិញ្ញាណបុត្រាបុត្រីទាំងអស់របស់ព្រះត្រូវបានណែនាំឲ្យស្គាល់ផែនការរបស់ព្រះវរបិតា រួមទាំងផលវិបាក និងការសាកល្បងនៃជីវិតរមែងស្លាប់ ជំនួយ មកពីស្ថានសួគ៌ និងជោគវាសនាដ៏រុងរឿង ។ យើងមើលឃើញទីបញ្ចប់តាំងពីដើមមក ។ អស់អ្នកដែលមានជីវិតរមែងស្លាប់ដែលបានកើតមកលើផែនដីនេះ បានជ្រើសរើសផែនការរបស់ព្រះវរបិតា ហើយបានច្បាំងសម្រាប់ផែនការនេះនៅក្នុងការប្រកួតប្រជែងនៅស្ថានសួគ៌ដែលបានកើតមានតាមក្រោយ ។
( ដាល្លិន អេក អូក « The Great Plan » Ensign ឬ Liahonaខែ ឧសភា ឆ្នាំ ២០២០ ទំព័រ ៩៣ )
-
តើអ្នកបានរៀនអ្វីខ្លះ ដែលអាចកសាងសេចក្តីជំនឿរបស់អ្នកទៅលើព្រះយេស៊ូវគ្រីស្ទ ហើយអាចជួយអ្នកឲ្យដើរតាមទ្រង់ ?
សេចក្តីពិតមួយដែលអ្នកអាចនឹងកំពុងរៀនមកពីការសិក្សារបស់អ្នក គឺថា អ្នកបានយកឈ្នះលើអារក្សសាតាំងនៅក្នុងជីវិតមុនជីវិតរមែងស្លាប់នេះ តាមរយៈដង្វាយធួនរបស់ព្រះយេស៊ូវគ្រីស្ទ ហើយដោយការនៅបន្តស្មោះត្រង់ចំពោះទីបន្ទាល់របស់អ្នក ។
២. សូមឆ្លើយសំណួរខាងក្រោមនេះ ៖
-
តើការយល់ដឹងសេចក្ដីពិតនេះមានឥទ្ធិពលលើរបៀបដែលអ្នកមើលឃើញខ្លួនអ្នក និងអ្នកដទៃយ៉ាងដូចម្ដេច ?
-
តើសេចក្ដីពិតនេះជួយអ្នកឲ្យយល់យ៉ាងណាអំពីព្រះចេស្ដានៃព្រះអង្គសង្គ្រោះ និងដង្វាយធួនរបស់ទ្រង់ ?
សូមរំឭកឡើងវិញថា បន្ទាប់ពីការបះបោររបស់អារក្សសាតាំង វា និងពួកទេវតារបស់វាត្រូវបាន « បោះទម្លាក់ទៅផែនដី » ( វិវរណៈ ១២:៩ ) ។ សូមអាន វិវរណៈ ១២:១២, ១៧ ដោយរកមើលអ្នកណាដែលអារក្សសាតាំងបានធ្វើសង្គ្រាមប្រឆាំង បន្ទាប់ពីវាត្រូវបានបោះទម្លាក់ចេញពីស្ថានសួគ៌ ។ សូមពិចារណាបន្ថែមការយល់ឃើញរបស់អ្នកទៅលើតារាងដែលអ្នកបានបង្កើត ។
៣. សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖
-
តើអ្នកមើលឃើញថា សង្រ្គាមអារក្សសាតាំងបានចាប់ផ្តើមប្រឆាំងនឹងអ្នកដើរតាមព្រះគ្រីស្ទបន្តដល់សព្វថ្ងៃនេះដោយរបៀបណា ?
-
តើការដឹងសេចក្ដីពិតដែលអ្នកបានរៀនអំពីសង្គ្រាមមុនជីវិតរមែងស្លាប់នៅស្ថានសួគ៌ អាចជួយអ្នកក្នុងសង្គ្រាមប្រឆាំងនឹងអារក្សសាតាំងនៅសព្វថ្ងៃនេះដោយរបៀបណា ?
សូមពិនិត្យឡើងវិញនូវអ្វីដែលអ្នកបានសរសេរក្នុងសៀវភៅកំណត់ហេតុការសិក្សារបស់អ្នក ហើយពិចារណាធ្វើការសញ្ជឹងគិតដោយស្ងៀមស្ងាត់ និងអធិស្ឋានអំពីជំនឿផ្ទាល់ខ្លួនរបស់អ្នកចំពោះជីវិតមុនជីវិតរមែងស្លាប់របស់អ្នក និងការពិតនៃសង្គ្រាមរវាងអារក្សសាតាំង និងអ្នកដែលដើរតាមព្រះយេស៊ូវគ្រីស្ទ ។ សូមពិចារណាពីរបៀបដែលអ្នកបានរៀននៅថ្ងៃនេះ អាចជួយអ្នកឲ្យយល់កាន់តែច្បាស់ពីការទុកចិត្ដនៅមុនជីវិតរមែងស្លាប់របស់អ្នក និងការពឹងផ្អែកទៅលើព្រះយេស៊ូវគ្រីស្ទ ។ តើអ្នកអាចទុកចិត្ត និងពឹងផ្អែកទៅលើទ្រង់ទាំងស្រុងកាន់តែខ្លាំងឡើងនៅទីនេះក្នុងជីវិតរមែងស្លាប់ដោយរបៀបណា ? សូមកត់ត្រាគំនិត និងចំណាប់អារម្មណ៍របស់អ្នកនៅក្នុងសៀវភៅកំណត់ហេតុការសិក្សារបស់អ្នក ។