Toe Vakaiʻi Fakataukei Fakatokāteline 1

Kumi mo Ako maʻuloto: Luke 2:10–12 ki he Luke 24:36–39

Seminary class.

Ko e taha ʻo e ngaahi taumuʻa ʻo e fakataukeiʻi fakatokāteline ke tokoniʻi koe ke ako maʻuloto ʻa e ngaahi fakamoʻoni fakafolofolá mo e ngaahi kupuʻi lea mahuʻinga ki he ngaahi veesi folofola fakataukei fakatokāteline ko iá. ʻOku fakataumuʻa ʻa e lēsoni ko ʻení ke tokoniʻi koe ke ke kumi mo ako maʻuloto ʻa e ngaahi fakamoʻoni fakafolofolá mo e ngaahi kupuʻi lea mahuʻinga ki he ʻuluaki potufolofola fakataukei fakatokāteline ʻe 11 ʻo e Fuakava Foʻoú.

Final official portrait of Elder Richard G. Scott of the Quorum of the Twelve Apostles, 2004. Passed away 22 September 2015.

Great power can come from memorizing scriptures. To memorize a scripture is to forge a new friendship. It is like discovering a new individual who can help in time of need, give inspiration and comfort, and be a source of motivation for needed change.

(Richard G. Scott, “The Power of Scripture,” Ensign or Liahona, Nov. 2011, 6)

• Ko e hā ʻe ʻaonga ai ke ʻiloʻi e ngaahi fakamoʻoni fakafolofolá mo e ngaahi kupuʻi lea mahuʻinga ki he ngaahi potufolofola fakataukei fakatokāteliné?

Mahalo te ke manatuʻi ʻa e lea ko ʻeni meia ʻEletā Richard G. Scott (1928–2015) ʻo e Kōlomu ʻo e Kau ʻAposetolo ʻe Toko Hongofulu Mā Uá fekauʻaki mo e mahuʻinga ʻo hono ako maʻuloto ʻo e folofolá:

Ke tokoni atu ke ke ako ʻa e ngaahi fakamoʻoni fakafolofolá mo e ngaahi kupuʻi lea mahuʻinga ki he ʻuluaki potufolofola fakataukei fakatokāteline ʻe 11, fakakaukau ke hiki ha tatau ʻo e saati ko ʻení ki hoʻo tohinoa akó pe taunilouti ʻa e polokalama Fakataukei Fakatokāteliné ʻi ha telefoni toʻotoʻo pea fakaʻaongaʻi e ngaahi ʻekitivitī ʻi he polokalamá ke tokoni atu ʻi hoʻo ako maʻulotó.

Fakamoʻoni Fakafolofolá	Kupuʻi Lea Mahuʻinga mei he Folofolá
Luke 2:10–12	“He kuo ʻaloí kiae kimoutolu ʻi he ʻaho ní ʻi he he kolo ʻo Tēvitá, ʻa e Fakamoʻui ko Kalaisi ko e ʻEikí.”
Sione 3:5	“Kapau ʻe ʻikai fanauʻi ʻa e tangatá ʻi he vaí pea mo e Laumālié, ʻe ʻikai ʻaupito faʻa hū ia ki he puleʻanga ʻo e ʻOtuá.”
Sione 3:16	“He naʻe ʻofa pehē ʻa e ʻOtuá ki māmani naʻá ne foaki hono ʻAlo pē ʻe taha naʻe fakatupú.”
Mātiu 5:14–16	“Tuku ke ulo pehē hoʻomou māmá ʻi he ʻao ʻo e kakaí.”
Mātiu 11:28–30	“Haʻu kiate au ʻa kimoutolu kotoa pē ʻoku feinga mo mafasia, pea te u foaki ʻa e fiemālié kiate kimoutolu.”
Mātiu 16:15–19	Naʻe folofola ʻa Sīsū, “Te u ʻatu kiate koe ʻa e kī ʻo e puleʻangá.”
Sione 7:17	“Pea ko ia ia ʻe fai ki hono finangaló, te ne ʻilo ʻa e tokāteline.”
Mātiu 22:36–39	“Ke ke ʻofa ki he ʻEiki ko ho ʻOtuá. … Ke ke ʻofa ki ho kaungāʻapí.”
Luke 22:19–20	Naʻe fekau ʻe Sīsū Kalaisi, ke maʻu ʻa e sākalamēnitī “ko e fakamanatu kiate au.”
Sione 17:3	“Pea ko ʻeni ʻa e moʻui taʻengatá, ko ʻenau ʻilo koe ko e ʻOtua moʻoni pē taha, mo Sīsū Kalaisi.”
Luke 24:36–39	“He ʻoku ʻikai kakano mo hui ha laumālie, ʻo hangē ko ia ʻoku mou ʻiló ni ʻiate aú.”

Fakatatau kihe tokolahi ‘o e kalasi, vahe ki he tokotaha ako takitaha pe lahi ange ʻa e ngaahi potufolofola fakataukei fakatokāteline ‘e 11. Kapau ʻe fie maʻu, ʻe lava ke vahe ʻa e potufolofola tatau pe ki ha kau ako tokolahi.

Fakaafeʻi e kau akó ke nau ngaʻunu takai ʻi he loki akó pea ngāue mo e ngaahi hoá ke kumi, pea kapau te nau fili ia, ke fakaʻilongaʻi ʻa e ngaahi potufolofola fakataukei fakatokāteline kotoa pē ʻe 11 mo e ngaahi kupuʻi lea mahuʻingá. Poupouʻi e kau akó ke nau fetongi hoa ʻi he miniti ʻe ua kotoa pē.

Fakaafeʻi e kau akó ke fai e ngaahi me’a ni ʻi heʻenau fengāueʻakí (ʻe ala tokoni ke hiki e ngaahi fakahinohino ko ʻení ʻi he palakipoé):

1. ‘Eke ha fehuʻi ke ke feʻilongaki lelei ange ai (hangē ko ʻení, “Ko e hā ha taha ʻo e ngaahi meʻa ʻokú ke manako ke faí?” pe “Ko e hā ha taha ʻo e ngaahi feituʻu ʻokú ke saiʻia taha ke ʻeve’eva ki aí?”).

2. Fetokoniʻaki ke ʻiloʻi ʻa e potufolofola fakataukei folofola ʻo e tokāteline kuo vahé mo e ngaahi potufolofola tefitó. Fakakaukau ke fakaʻilongaʻi ʻa e potufolofolá mo e kupuʻi lea mahuʻinga ʻi hoʻo folofolá.

3. Vahevahe ʻa e ʻuhinga ʻoku mahuʻinga ai ʻa e foʻi moʻoni ʻi he kupuʻi lea mahu’inga ‘i he folofola.

4. Feinga ke ke ako maʻuloto e fakamoʻoni fakafolofolá mo e kupuʻi lea mahuʻinga he folofolá.

Fili ‘a e Fai ‘a e Siví.

Fakatauhoa ʻa e potufolofola fakataukei fakatokāteline ʻi he tafaʻaki toʻohemá mo hono kupuʻi lea mahuʻinga ʻi he toʻomataʻú.

Fili ha potufolofola fakataukei fakatokāteline ʻe tolu pe lahi ange, pea fai e ngaahi meʻá ni:

• Hiki maʻuloto ʻa e ngaahi fakamoʻoni fakafolofolá mo e ngaahi kupuʻi lea mahuʻinga mei he manatú.

• Vahevahe ʻa e ʻuhinga ʻokú ke pehē ʻoku mahuʻinga ai ke ʻiloʻi ʻa e ngaahi veesi ko ʻení.

ʻI he ngaahi ʻaho siʻi ka hokó, feinga ke ako maʻuloto ʻa e ngaahi fakamoʻoni fakafolofolá mo e ngaahi kupuʻi lea mahuʻinga ki ha ngaahi potufolofola fakataukei fakatokāteline ʻe tolu pe lahi ange. Kumi ha ngaahi founga ʻe lava ke tāpuekina ai hoʻo moʻuí mo e moʻui ʻa kinautolu ʻokú ke ʻiló ʻi hoʻo ʻiloʻi e ngaahi veesi ko ʻení.