Fakafuofuaʻi Hoʻo Akó 2

Mātiú 3–7; Luke 3–6; Ma‘aké 1; Sione 2–4

Jesus is in the background with the group sitting in the foreground.

ʻOku fakataumuʻa ʻa e lēsoni ko ʻení ke tokoniʻi koe ke ke vakaiʻi ʻa e ngaahi taumuʻa kuó ke fokotuʻú, meʻa ʻokú ke akó, pea mo e tupulaki fakataautaha kuó ke aʻusia lolotonga hoʻo ako ki he Fuakava Foʻoú ʻi he taʻu ní.

ʻOku fakataumuʻa e meʻa ʻokú ke ako mei he Fuakava Foʻoú ʻi he seminelí ke tokoniʻi koe ke ke haʻu kakato ange kia Sīsū Kalaisi pea hoko ko ʻEne ākonga, pe ko ʻEne tokotaha muimui. Fai ha taha ʻo e ngaahi ʻekitivitī ʻe tolu ko ʻení, ʻo kumi e ngaahi tāpuaki ʻoku muimui mai ʻi he taimi ʻoku tau muimui ai ki he Fakamoʻuí ʻaki hono fai ʻEne ngaahi akonakí. Hili ia pea tali ʻa e ongo fehuʻi ʻe ua ʻoku hoko maí.

1. Hivaʻi pe fanongo ki he hiva ʻa e Palaimelí “Ko e Tangata Potó mo e Tangata Valé” (Tohi Hiva ʻa e Fānaú, 281), pea lau ʻa e Mātiú 7:24–27 .

2. Tā ha fakatātā faingofua ʻi ha laʻipepa pe ʻi hoʻo tohinoa akó ʻo e ngaahi akonaki ʻa e Fakamoʻuí ʻi he Mātiú 7:24–27 .

3. Fakaʻaongaʻi ha ngaahi poloka pe ha ngaahi ipu ke langa ha kiʻi fale faingofua pe fa’unga ʻi ha fakavaʻe mālohi, hangē ko e falikí pe funga tesí pe tēpilé. Langa leva ha faʻunga faingofua ʻe taha ʻi ha fakavaʻe ʻoku ʻikai fefeka, hangē ko ha mohenga, kafu pelupelu, pe pilo. Ngaue’aki ho’o ongo nimá ke tekeʻi ki lalo ʻa e tafaʻaki ʻo e faʻungá takitaha, pea fakatokanga’i e meʻa ʻe hokó. Lau ʻa e Mātiú 7:24–27, ʻo kumi ki he ngaahi faitatau ʻi he ʻekitivitī ko ʻení mo e talanoa fakatātā ʻa e Fakamoʻuí.

• Ko e hā naʻá ke ako mei he ʻekitivitī ko ʻení?

• Ko e hā ha ngaahi tāpuaki te tau maʻu kapau te tau fai e ngaahi akonaki ʻa e Fakamoʻuí?

Fakakaukau ki he tupulaki kuó ke aʻusia ʻi hoʻo ako mo feinga ke fakaʻaongaʻi e ngaahi akonaki ʻa e Fakamoʻuí mei he Fuakava Foʻoú he taʻu ní. Tali ha fehuʻi ʻe taha pe lahi ange ʻi he ngaahi fehuʻi ko ʻení:

• Ko e hā ha ngaahi akonaki ʻa Sīsū Kalaisi kuó ke ako ʻoku mātuʻaki mahuʻingamālie kiate koe?

• Ko e hā ha ngaahi founga kuó ke toe ofi ange ai ki he Fakamoʻuí ʻi hoʻo ako ʻEne folofolá?

• Ko e hā ha ngaahi akonaki na’a ke ako he taʻú ni kuó ke lava ʻo fakaʻaongaʻi ʻi hoʻo moʻuí? Ko e hā ha ngaahi tāpuaki kuó ke aʻusia ko hono olá?

ʻE tokoni atu e lēsoni ko ʻení ke ke vakaiʻi ha ngaahi founga ʻokú ke langa ai hoʻo moʻuí ʻi he makatu’u ʻo Sīsū Kalaisí kae lava ke ke matuʻuaki e ngaahi faingataʻa ʻe ala hoko maí.

Fakakaukau ke fakaafeʻi e kau akó ke nau fakahoko fakatulamaʻi tautau toko ua pe fakakulupu iiki ʻa e ʻekitivitī ko ʻení.

ʻE lava ke tokoni atu ʻa e ʻekitivitī ko ʻení ke ke fakafuofuaʻi ʻa e tuʻunga hoʻo mahinó mo lava ke fakamatalaʻi ʻa e tokāteline ʻa e Fakamoʻuí ki he fakatomalá, papitaisó, mo e hilifakinimá. Fakakaukau ki he ongo fakamatala ‘e ua ko ʻení, pea hiki ha tali ki he ongo fakamatala takitaha ke tokoni ke fakaleleiʻi ʻa e hohaʻa ʻoku hā hení. Fakaʻaongaʻi ha potufolofola ʻe taha pe lahi ange mei hoʻo ako fakamuimuitahá. ʻE ala tokoni ʻa e ngaahi potufolofola ‘oku ʻi he haʻí. Ongoʻi tauʻatāina ke fakakau ha faʻahinga aʻusia fakatāutaha pe fakamoʻoni.

Christ standing on a rocky ledge as He rebukes Satan who appears below Him. The painting depicts the event wherein Satan tried to tempt Christ after Christ’s forty day fast in the wilderness. Christ is commanding Satan to depart from His presence.

1. Ko ha tokotaha lelei ‘aupito au. Ko e hā ʻoku tonu ai ke u hohaʻa ki he fakatomalá kapau ʻoku ʻikai ke u fai ha ngaahi angahala lalahi? (Vakai, Mātiú 3:1–8 ; Luké 3:7–14 .)

2. ʻOku ou tui kia Sīsū Kalaisi, ka ʻoku ʻikai ke u tui ʻoku fie maʻu ke papitaiso mo hilifakinima au ke u foki ʻo nofo mo e ʻOtuá. (Vakai, Ma‘aké 1:1–9 ; Sione 3:5 ; 2 Nīfai 31:5–12, 17–18 .)

2. Complete the following in your study journal: