Fakamanatu Hono 19 ʻo e Fakataukei Fakatokāteliné
Ako Maʻuloto e Ngaahi Fakamoʻoni Fakafolofolá mo e Ngaahi Kupuʻi Lea Tefitó
ʻE lava ke tokoniʻi koe ʻi ha ngaahi founga lahi ʻi hono ako maʻuloto e ngaahi potufolofolá mo e ngaahi moʻoni ʻoku nau akoʻí. ʻOku fakataumuʻa ʻa e lēsoni ko ʻení ke tokoni atu ke ke ako maʻuloto ha niʻihi ʻo e ngaahi potufolofola fakataukei fakatokāteline ʻo e Fuakava Foʻoú mo e ngaahi kupuʻi tefito ʻi he folofolá.
Ako maʻuloto e ngaahi kupuʻi lea tefito ʻo e folofolá
-
Ko e hā ha ngaahi founga naʻe fakaʻaongaʻi ai ʻe he Fakamoʻuí ʻa e folofolá lolotonga ʻEne moʻui fakamatelié?
ʻI he taimi naʻe ʻahiʻahiʻi ai ʻa e Fakamoʻuí ʻe Sētané, naʻá Ne fakaʻaongaʻi e ngaahi moʻoni mei he folofolá ke tokoni kiate Ia ke Ne ikunaʻi e ngaahi ʻahiʻahi ko iá (vakai, Mātiu 4:1–11). Naʻá Ne faʻa fakaʻaongaʻi foki ʻa e folofolá ʻi Heʻene akonakí (vakai, Luke 4:17–27; Mātiu 19:4–5; Mātiu 24:37–40; Maʻake 12:26). ʻI hoʻo ako maʻuloto e ngaahi fakamoʻoni fakafolofola ʻo e fakataukei fakatokāteliné mo e ngaahi kupuʻi lea tefito ʻi he lēsoni ko ʻení, fakakaukau ki he founga ʻe lava ke tokoniʻi ai koe mo e niʻihi kehé ʻe he ngaahi potufolofola ko ʻení. Kapau kuo teʻeki ai ke ke fakaʻilongaʻi e ngaahi potufolofola ko ʻení mo honau ngaahi kupuʻi lea tefitó ʻi hoʻo folofolá, fakakaukau ke fai ia.
|
Fakamoʻoni Fakafolofolá |
Kupuʻi Lea Tefito mei he Folofolá |
|---|---|
Fakamoʻoni Fakafolofolá | Kupuʻi Lea Tefito mei he Folofolá Ko e ʻOtuá “ko e Tamai ʻo e ngaahi laumālié.” |
Fakamoʻoni Fakafolofolá | Kupuʻi Lea Tefito mei he Folofolá “Ka ai hamou taha ʻoku masiva ʻi he potó, ke kole ʻe ia ki he ʻOtuá.” |
Fakamoʻoni Fakafolofolá | Kupuʻi Lea Tefito mei he Folofolá “Tuí, kapau ʻoku ʻikai ʻi ai ʻa e ngaahi ngāué, ʻoku mate ia.” |
Fakamoʻoni Fakafolofolá | Kupuʻi Lea Tefito mei he Folofolá “Naʻe malanga ʻaki ai ʻa e ongoongoleleí kiate kinautolu foki kuo maté.” |
Fakamoʻoni Fakafolofolá | Kupuʻi Lea Tefito mei he Folofolá “Pea naʻe fakamāuʻi ʻa e pekiá … ʻo fakatatau ki heʻenau ngaahi ngāué.” |
Hiki ʻi hoʻo tohinoa akó ʻa e saati ki muʻá. ʻI hoʻo lea leʻo lahi ʻaki e ngaahi foʻi leá ʻi hoʻo tohi kinautolú mahalo ʻe tokoni ia ke ke manatuʻi ai kinautolu. Toe lau leʻolahi e ngaahi potufolofolá mo e ngaahi kupuʻi lea tefitó hili hono tohi kinautolú.
Fakahoko ha ongo ‘ekitiviti ‘e ua pe toe lahi ange:
-
Fakaʻaongaʻi ha ngaahi miniti siʻi ke feinga ke ako maʻuloto ʻa e ngaahi fakamoʻoni fakafolofola ki he potufolofola fakataukei fakatokāteliné mo e ngaahi kupuʻi lea fakafolofola mahuʻingá. Hili iá pea fūfuuʻi e ngaahi potufolofolá pea feinga ke lea ʻaki e ngaahi veesi folofolá ʻi hoʻo sio pē ki he ngaahi kupuʻi lea tefitó. Hili ia peá ke fakapuliki e ngaahi kupuʻi lea tefitó pea feinga ke lea ʻaki ia lolotonga hoʻo sio pē ki he ngaahi potufolofolá.
-
ʻI he ngāue mo ha hoá, ʻai ha taha ke ne lea leʻo lahi ʻaki ha fakamoʻoni fakafolofola pea lau leva ʻe he tahá ʻa e kupuʻi lea fakafolofola mahuʻinga ʻoku hoa mo iá. Toutou fai ʻeni ki he potufolofola fakataukei fakatokāteline mo e kupuʻi lea tefito takitaha, ʻo feinga ke ako maʻuloto e ngaahi potufolofolá mo e ngaahi kupuʻi leá. Hili iá pea feinga ke fai ʻeni ʻo ʻoua ʻe toe sio ki he sātí. Hili ia peá mo fetongi.
-
Hili hano fakaʻaongaʻi ha ngaahi miniti siʻi ke ako maʻuloto ʻa e ngaahi fakamoʻoni fakafolofola ʻo e fakataukei fakatokāteliné mo e ngaahi kupuʻi lea fakafolofola mahuʻingá, feinga ke fakafonu ʻa e ngaahi foʻi lea ʻoku puliá ʻi he ngaahi fakamoʻoni fakafolofola taʻe-kakato ko ʻení mo e ngaahi kupuʻi lea fakafolofola mahuʻingá. Te ke lava foki ʻo fakaʻaongaʻi ʻa e polokalama Fakataukei Fakatokāteliné ke akoako hono fakafonu ʻo e ngaahi feituʻu ʻoku ʻataá.
-
Hepelū :9. ʻOtuáʻo e.
-
1:5–6. Kahamoumasiva, keʻe iaʻOtuá.
-
Sēmisi 2:–. Tuí,ʻokuʻikai, ʻoku.
-
1 Pita:6. Naʻeʻa ekinautoluʻoku.
-
20:12. Peapekiá…fakatatauheʻenaungāué.
-
-
Fili ha taha ʻo e ngaahi potufolofola fakataukei fakatokāteliné pea feinga ke ako maʻuloto ʻa e vēsí kakato pe ngaahi vēsí. Hiki ki he lahi tahá ʻa e ngaahi potufolofola fakataukei fakatokāteline mo e ngaahi kupuʻi lea fakafolofola mahuʻinga ʻe nimá mei hoʻo manatú.
Fakakaukauloto
Fili ha potufolofola fakataukei fakatokāteline ʻe taha pe ua naʻá ke ngāue ki ai he ʻahó ni pea lau ʻa e potufolofolá kakato. Fakakaukau ki he ʻuhinga ʻoku mahuʻinga ai ke manatuʻi ʻa e potufolofola ko ʻení.
1. Tali e ngaahi fehuʻi ko ʻení ʻi hoʻo tohinoa akó:
-
ʻI he ngaahi moʻoni naʻe akoʻi ʻi he ngaahi potufolofola fakataukei fakatokāteline ʻe nima ko ʻení, ko e fē ʻa e moʻoni ʻoku mahuʻingamālie taha kiate koé? Ko e hā hono ʻuhingá?
-
ʻE tokoniʻi fēfē koe ʻe hoʻo ʻiloʻi e ngaahi moʻoni ko ʻení ke ke tokoniʻi ai ha niʻihi kehe?
-
Ko e hā te ke lava ʻo fai ke manatuʻi mo fakaʻaongaʻi lelei ange ai e ngaahi potufolofola fakataukei fakatokāteliné?