Գործք Առաքելոց 9.10–31

«Նա ինձ համար ընտրուած անոթ է, որ իմ անունը տանէ»

Քրիստոսը պատվիրում է Անանիային գտնել Սողոսին և տալ նրան տեսողություն, որպեսզի նա կարողանա քարոզել Քրիստոսի մասին:

Երբ տեսիլքի միջոցով Տերը խնդրեց Անանիային գտնել և օրհնել Սողոսին, Անանիան սկզբում երկմտում էր, քանի որ լսել էր, թե «որչափ չարիք [Սողոսն] արաւ» (Գործք Առաքելոց 9.13): Հիսուս Քրիստոսն օգնեց Անանիային տեսնել Սողոսին այնպես, ինչպես Ինքն էր նրան տեսել: Այս դասի նպատակն է օգնել ձեզ տեսնել այն ներուժը, որը Տերն է տեսնում ուրիշների մեջ՝ անկախ նրանց թուլություններից և անցյալ սխալներից:

Բանտարկյալները և ընձառյուծները

Մի ամերիկացի բանտապետի, ով ջանք չէր խնայում բանտում մարդկանց ուղղելու համար, մի անգամ ասացին. «Դու պետք է իմանաս, որ ընձառյուծները չեն փոխում իրենց բծերը» (տես Թոմաս Ս. Մոնսոն, «Տեսեք ուրիշներին այնպես, ինչպիսին նրանք կարող են դառնալ», Լիահոնա, նոյ. 2012, 69):

• Ձեր կարծիքով, այդ մարդն ի՞նչ նկատի ուներ իր այդ դիտողությամբ:

• Դուք երբևէ տեսե՞լ եք կամ զգացե՞լ եք նմանատիպ վերաբերմունք:

Բանտապետը պատասխանեց. «Բայց ես ընձառյուծների հետ չէ, որ գործ ունեմ: Ես գործ ունեմ մարդկանց հետ, իսկ մարդիկ փոխվում են ամեն օր» («Տեսեք ուրիշներին այնպես, ինչպիսին նրանք կարող են դառնալ», 69)։

• Ինչո՞ւ է կարևոր հավատալ, որ մարդիկ կարող են փոխվել: Ի՞նչն է խանգարում, որ մենք հավատանք դրան:

Այսօրվա դասի ընթացքում մենք կհամեմատենք մարդկանց կարծիքը Սողոսի մասին Փրկիչի կարծիքի հետ: Սողոսը դաժանաբար հետապնդում էր այն տղամարդկանց և կանանց, ովքեր հետևում էին Հիսուս Քրիստոսին: Տեսեք, թե ինչ կարող եք սովորել Փրկիչից այն մասին, թե ինչպես եք վերաբերվում ինքներդ ձեզ և ուրիշներին:

Հիսուս Քրիստոսը պատասխանեց Սողոսի աղոթքներին

Փրկիչը հայտնվեց Սողոսին, երբ նա գնում էր Դամասկոս՝ ձերբակալելու Քրիստոսի Եկեղեցու անդամներին: Այդ փորձառությունը կուրացրեց Սողոսին: Երեք օր նա ոչինչ չէր ուտում և չէր խմում, միայն աղոթում էր Աստծուն օգնության համար (տես Գործք Առաքելոց 9.1–9, 11):

Կարդացեք Գործք Առաքելոց 9.10-12-ը՝ փնտրելով, թե Աստված ինչպես պատասխանեց Սողոսի աղոթքին:

• Ինչ եք նկատել այս հատվածներում, որը ձեզ կարևոր է թվացել:

• Ձեր կարծիքով, Աստված ինչո՞ւ մարդ ուղարկեց Սողոսին օգնելու համար՝ նրա կուրությունը ինքնուրույն վերացնելու փոխարեն:

Կարդացեք Գործք Առաքելոց 9.13-15-ը և գտեք, թե ինչով էին տարբերվում Անանիայի և Տիրոջ կարծիքները Սողոսի մասին: (Կարևոր է իմանալ, որ Անանիայի տեղեկությունները Սողոսի մասին ճշգրիտ էին [տեսԳործք Առաքելոց 8.3, 9.1-2]):

Ձեր օրագրում նկարեք մի պարզ նկար, որը ներկայացնում է Սողոսին: Պատկերի մի կողմում գրեք մի արտահայտություն, որը ամփոփում է, թե ինչ կարծիք ունեին Անանիան և ուրիշները Սողոսի մասին: Մյուս կողմում գրեք մի արտահայտություն, որը կամփոփի Տիրոջ կարծիքը:

Անանիան վստահում էր Տիրոջ կարծիքին: Կարդացեք Գործք Առաքելոց 9.17-20 հատվածները և տեսեք, թե ինչ պատահեց հաջորդիվ:

Կարող եք դիտել «Դամասկոս տանող ճանապարհը» տեսանյութը ChurchofJesusChrist.org կայքում 1:55-ից մինչև 5:21-ը:

• Ձեր կարծիքով, ի՞նչն է կարևոր Սավուղի մասին Հիսուսի կարծիքի մեջ: Ինչո՞ւ:

• Ի՞նչ սկզբունքներ կարող ենք իմանալ Հիսուս Քրիստոսի մասին այս պատմությունից:

Հիսուս Քրիստոսը կարող է օգնել մեզ տեսնել ուրիշներին Իր աչքերով

Մի պահ մտածեք, թե դուք ինչպես եք վերաբերվում այն մադկանց, ում հետ պարբերաբար շփվում եք: Կարդացեք մարդկանց հետևյալ ցուցակը և երկու բառով նկարագրեք ձեր կարծիքը յուրաքանչյուրի մասին:

• Ծնող

• Եղբայր կամ քույր

• Ուսուցիչ

• Ընկեր

• Դուք

Այլ սուրբ գրությունները և մարգարեների խոսքերը կարող են մեզ օգնել ավելի լավ հասկանալ, թե Երկնային Հայրը և Փրկիչը ինչպես են վերաբերվում յուրաքանչյուր անհատի: Կարդացեք ԱԹագավորաց 16.7, Վարդապետություն և Ուխտեր 18.10-13 և Տասներկու Առաքյալների Քվորումից երեց Ջեֆրի Ռ. Հոլլանդի հետևյալ հայտարարությունը։

Երեց Ջեֆրի Ռ. Հոլլանդի պաշտոնական դիմանկարը: Լուսանկարված է 2018թ. հունվարին:

«Եկեք այնպիսին, ինչպիսին կաք», - սիրող Հայրն ասում է մեզանից յուրաքանչյուրին, բայց ավելացնում է. «Մի ծրագրեք մնալ այնպիսին, ինչպիսին կաք»: Մենք ժպտում ենք և հիշում, որ Աստված վճռական է, որ մեզ դարձնի ավելին, քան մենք պատկերացնում ենք, որ կարող ենք լինել:

(Ջեֆրի Ռ. Հոլլանդ, «Երգված և չերգված երգեր», Լիահոնա, մայիս 2017թ., 51):

Հիմնվելով ձեր սովորածի վրա՝ վերադարձեք մարդկանց նախորդ ցուցակին և նորից երկու բառով նկարագրեք նրանցից յուրաքանչյուրին այնպես, ինչպես Երկնային Հայրը և Հիսուս Քրիստոսն են նրանց տեսնում:

1. Ձեր օրագրում պատասխանեք հետևյալ հարցերին.

• Ի՞նչ կարող եք անել՝ մարդկանց Երկնային Հոր և Հիսուս Քրիստոսի աչքերով տեսնելու համար:

• Ինչո՞ւ կարող է դժվար լինել մշտապես ուրիշներին տեսնել Փրկիչի աչքերով:

• Ինչո՞ւ արժե փորձել ուրիշներին տեսնել Փրկիչի աչքերով:

Նույնիսկ, եթե մարդ փոխվել է՝ ընտրելով հետևել Հիսուս Քրիստոսին, երբեմն դժվար է հավատալ, որ նա իսկապես փոխվել է: Որոշ մարդկանց համար դժվար էր հավատալ, որ Սավուղը, ով հետապնդում էր քրիստոնյաներին, Հիսուս Քրիստոսի աշակերտն էր դարձել:

Կարդացեք Գործք Առաքելոց 9.20-22, 26-27-ը՝ փնտրելով մարդկանց արձագանքն այն լուրին, որ Սողոսը սկսել էր քարոզել Հիսուս Քրիստոսի ավետարանը:

• Ի՞նչ եք նկատել մարդկանց արձագանքի մասին:

• Ի՞նչ կարող ենք սովորել Բառնաբասի օրինակից:

2. Ձեր օրագրում կատարեք հետևյալը.

Գրանցեք այն, ինչ ցանկանում եք անել կամ հիշել այսօրվա ուսումնասիրության արդյունքում: Դա կարող է ներառել Տիրոջ օրինակով մարդկանց վերաբերվելու ջանքեր:

Ընտրովի. ցանկանո՞ւմ եք ավելին իմանալ

Գործք 9.15-17: Ուրիշներին Երկնային Հոր օրինակով վերաբերվելն ինչպե՞ս կարող է մեծացնել մեր հնազանդությունը

Տասներկու Առաքյալների Քվորումից երեց Դեյլ Գ․ Ռենլանդը կիսվել է հետևյալ պատմությամբ՝ այս հարցը պարզաբանելու համար.

Տասներկու առաքյալների քվորումից երեց Դեյլ Գ. Ռենլանդի պաշտոնական դիմանկարը, 2016 թ. հունվար։

Մի քանի տարի առաջ մի հոյակապ երիտասարդ՝ Կուրտիս անունով, կանչվեց միսիա ծառայելու: Նա այնպիսի միսիոներ էր, որի համար ամեն միսիայի նախագահ աղոթում է: Նա կենտրոնացած էր և աշխատում էր տքնաջանորեն: Մի անգամ նրան զուգընկեր նշանակեցին մի ընկերակից միսիոների, ով հասուն չէր, շփվող չէր և այնքան էլ խանդավառ չէր աշխատանքն անելիս:

Մի օր, երբ նրանք վարում էին իրենց հեծանիվները, Կուրտիսը հետ նայեց և տեսավ, որ զուգընկերը, չգիտես ինչու, իջել էր հեծանիվից և քայլում էր: Կուրտիսը լուռ արտահայտեց իր վրդովմունքը Աստծուն. ինչ գործ էր ծանրաբեռնված լինել մի զուգընկերոջով, որին ստիպված էր քարշ տալ իր հետ՝ ինչ-որ բանի հասնելու համար: Քիչ անց Կուրտիսը մի խորը տպավորություն զգաց, կարծես Աստված ասում էր նրան. «Գիտե՞ս Կուրտիս, իմ համեմատ դուք երկուսդ էլ այդքան տարբեր չեք»:

(Դեյլ Գ. Ռենլանդ, «Վերջին Օրերի Սրբերը շարունակում են ճիգ թափել», Լիահոնա, մայիս 2015, 58)

Գործք 9.26-27: Ինչպե՞ս կարող եմ օգնել մեկին, ով ցանկանում է փոխվել

Տասներկու Առաքյալների Քվորումից երեց Ջեֆրի Ռ. Հոլլանդը բացատրել է.

Երեց Ջեֆրի Ռ. Հոլլանդի պաշտոնական դիմանկարը: Լուսանկարված է 2018թ. հունվարին:

Թույլ տվեք մարդկանց ապաշխարել։ Թույլ տվեք, որ մարդիկ աճեն։ Հավատացեք, որ մարդիկ կարող են փոխվել և ավելի լավը դառնալ։ Սա հավա՞տք է: Այո՜: Սա հո՞ւյս է: Այո՜: Սա գթությո՞ւն Է: Այո՜: Եվ ամենից կարևորը գթությունն է՝ Քրիստոսի մաքուր սերը: Եթե ինչ-որ բան թաղված է անցյալում, թող թաղված մնա: Մի վերադարձեք ավազի դույլիկով և լողափի շերեփիկով, որպեսզի այդ բանը հանեք և ուրիշի վրա գցելով, ասեք. «Հե՛յ, Հիշո՞ւմ ես սա »: Շրմփ:

Գիտե՞ք ինչ կլինի: Ի պատասխան՝ այդ մարդը կարող է մի զզվելի բան հանել ձեր աղբակույտից և ասել. «Այո, ես հիշում եմ: Իսկ դու հիշո՞ւմ ես սա»: Շրմփ:

Եվ արդյունքում բոլորը կեղտոտ, դժբախտ և վիրավորված կլինեն, այնինչ մեր Երկնային Հայրը մաքրության, բարության, երջանկության և բժշկման կոչ է անում:

Անցած կյանքով ապրելը, ներառյալ անցած սխալներով, պարզապես ճիշտ չէ։ Դա Հիսուս Քրիստոսի ավետարանն է:

(Ջեֆրի Ռ. Հոլլանդ, «Լավագույնը դեռ պիտի լինի», Ensign, հունվար 2010, 26 -27)