Fakamatala Fakalahi E

Ngaahi Fehuʻi ki hono ʻInitaviu ʻo e Kau Mēmipa ʻo e Fāmilí

ʻOku hiki atu ʻi lalo ha ngaahi fehuʻi te ke lava ke fakaʻaongaʻi ʻi hoʻo ʻinitaviu e kau mēmipa ʻo e fāmilí. ʻOku nofotaha e ngaahi fehuʻi ko ʻení ʻi hono maʻu ha fakamatala ki he tohi hohokó ʻa ia ʻe tokoni ki hono fakakakato hoʻo saati hokohoko fakafāmili mo e lekooti kulupu fakafāmilí pea ʻoatu e ngaahi hingoá ki he temipalé. Te ke lava ke ʻeke e ngaahi fehuʻi ʻoku ʻaongá pea liliu e ngaahi fehuʻí ke feʻunga.

ʻI hoʻo fai ʻa e ngaahi fehuʻí ni, te ke fanongo ki ha ngaahi talanoa kau ki he kau mēmipa ʻo e fāmilí mo e ngaahi meʻa naʻe hokó. Lekooti pea tauhi e ngaahi talanoá ni maʻá e kau mēmipa kehe ʻo e fāmilí pea mo hoʻo fānaú. ʻE tokoni e ngaahi talanoá ni ke liliu ai ho lotó ki ho kāingá mo e ngaahi kuí.

1. Ko e hā ho hingoa kakató?

2. Ko e hā e ʻaho mo e feituʻu naʻe fāʻeleʻi ai koé?

3. Ko hai hoʻo fineʻeikí?

4. Ko e hā e ʻaho mo e feituʻu naʻe fāʻeleʻi ai hoʻo fineʻeikí?

5. Ko e hā ha meʻa te ke lava ʻo fakamatalaʻi mai kau ki he kāinga hoʻo faʻeé?

6. Ko hai hoʻo tangataʻeikí?

7. Ko e hā e ʻaho mo e feituʻu naʻe fāʻeleʻi ai hoʻo tangataʻeikí?

8. Ko e hā e meʻa te ke lava ʻo fakamatalaʻi mai kau ki he kāinga hoʻo tamaí?

9. Ko e hā ʻa e hingoa kakato ho ngaahi tokouá mo e tuofāfiné?

10. Ko e hā e ʻaho mo e feituʻu kotoa naʻe fāʻeleʻi ai ho ngaahi tokouá mo e tuofāfiné?

11. Ko e hā e ngaahi meʻa ʻokú ke manatuʻi kau ki ho ngaahi tokouá mo e tuofāfiné?

12. Ko fē ʻa e ako naʻá ke ako ai mo ho ngaahi tokouá mo e tuofāfiné?

13. Ko hai e mali ho ngaahi tokouá mo e tuofāfiné?

14. Ko hai ho malí?

15. Ko e hā ʻa e hingoa kakato hoʻo fānaú takitaha?

16. Ko e hā e ʻaho mo e feituʻu naʻe fāʻeleʻi ai hoʻo fānaú?

17. Ko hai e mali hoʻo fānaú?

18. Ko hai ho ngaahi makapuná?

19. Ko e hā hoʻo manatu ki ho kāingá, hangē ko e mehikitangá, faʻētangatá, niʻihi ʻokú ke tokoua ʻakí, mo e ngaahi kuí?

20. ʻOku nofo ʻi fē ʻa e niʻihi ʻo e kāinga ko ʻení?

21. Ko e hā e meʻa ʻe lava ke ke manatuʻi ʻo kau ki he ʻaho fāʻeleʻi, mali, mo e pekia ʻa e kau mēmipa kehe ʻo e fāmilí?

22. ʻOku tanu ʻi fē ʻa e kau mēmipa ʻo e fāmilí?

23. Naʻá ke ngāue fakakautau pe ha taha ho kāingá?

24. Ko e hā e ngaahi tau naʻá ke kau ki aí pe ko ho kāinga kehé?

25. Te ke lava ʻo vahevahe mai kiate au ha niʻihi ʻo ʻenau ngaahi talanoa kau ki he taú?

26. Ko e hā ha ngāue ʻokú ke manatuʻi naʻe fai ʻe hoʻo mātuʻá mo e kau mēmipa kehe ʻo e fāmilí?

27. Ko e hā e tui fakalotu pe faʻahinga lotu naʻe fakahoko ʻi homou ʻapí?

28. Ko e hā nai haʻo ngaahi aʻusia fakalaumālie?

29. Naʻe ʻi ai nai ha taha ʻi he fāmilí naʻe saiʻia he hisitōlia fakafāmilí?

30. Naʻe ʻi ai nai ha mēmipa ʻo e fāmilí naʻá ne tauhi ha tohinoa pe hiki ha fakamatala fakahisitōlia ho fāmilí? Ko hai kinautolu? ʻE lava nai ke u lau ha faʻahinga fakamatala mei ai?

31. ʻOkú ke ʻiloʻi ha taha ʻi hoʻo ngaahi kuí naʻe hiki mai mei hono fonua totonú ki he fonuá ni?

32. ʻOku ʻi ai nai ha taha ʻi he fāmilí ʻoku ʻi ai haʻane Tohitapu fakafāmili, hisitōlia fakafāmili, pe ngaahi lekooti tohi hohoko? Ko hai e kau mēmipa ko ʻeni ʻo e fāmilí, pea ʻoku nau nofó ʻi fē?

33. Te ke lava ʻo fakahaaʻi mai hoʻo ngaahi lekooti pe ngaahi koloa fakafāmili motuʻá?

34. Te ke lava ke fakahaaʻi mai ha niʻihi e ngaahi laʻi tā motuʻa ho fāmilí?