Ko e Ngaahi Tokoni Makehe maʻá e Fānau Ako ʻoku Faingataʻaʻia Fakaesinó
Ko e taumuʻa ʻo e ngaahi tokoni makehe ʻi he Hikiʻi Hake Aʻusia ʻi he Akó (ELE) ke malava e kau ako ʻoku ʻi ai ʻenau ngaahi fie maʻu makehé, faingataʻaʻia fakaesinó, pe ngaahi tūkunga fakaemoʻui leleí, ʻo kau atu ki he ELEs ʻi ha tuʻunga tatau mo e kau ako kehé. ʻOku totonu ke fakahoko ʻe he kau faiakó ha ngaahi tokoni feʻunga ke ne feau e ngaahi fie maʻu makehé, faingataʻaʻia fakaesinó, mo e ngaahi tūkunga fakaemoʻui lelei ʻo ʻenau kau akó. Ko e ngaahi fakahinohino ʻeni ke ke fakakaukau ki ai ʻi hoʻo tokoniʻi ʻa hoʻo kau akó:
-
Feinga ke ke ʻiloʻi ʻa e kau ako ngalingali ʻe ʻi ai haʻanau fie maʻu makehe pe faingataʻaʻia fakaesinó. Talanoa fakataautaha mo e tokotaha akó ke ʻiloʻi ʻene ngaahi fie maʻu makehé. Fakafanongo lelei pea fakakaukau lelei maʻu pē.
-
Ngāue fakataha mo e mātuʻá mo e kau taki ʻo e Siasí ke faʻu ha palani feʻunga ke ne feau e (ngaahi) fie maʻu makehe ʻa e tokotaha akó. Neongo ʻe lava ke ʻave ʻe he tokotaha akó e ELE ki ʻapi, ka ke tokanga ki he mafasia ʻe ala fuesia ʻe he mātuʻá. Fai ho lelei tahá ke fakapapauʻi ʻa e fili lelei taha ki he kau akó mo e mātuʻá.
-
Fakahoko ʻa e ngaahi tokoni makehé. ʻOku totonu ke ʻoua ʻe fakahāhāholo ʻa e ngaahi tokoni makehe fakafoʻituituí. ʻOku ʻikai malava ke hiki kotoa e ngaahi tokoni makehe ʻe lava fakahokó; ka, ko ha ngaahi sīpinga ʻeni:
-
Fakamatala: ʻOange ki he tokotaha akó ha tatau hiki tepi ʻo e ELE, fakamatalaʻi ange ʻa e ngaahi fakahinohinó mo e ELE, pe ʻoange ki he tokotaha akó ha tatau ʻo e ELE kuo paaki mata lalahi.
-
Tali: Tuku ke fakamatalaʻi atu ʻe he tokotaha akó ʻene ELEs, pe fakaʻatā ʻene ngaahi talí ke tala-kae-tohi ʻe ha sikalaipe pe taha failēkooti.
-
-
Fakaʻehiʻehi mei hono fakahoko ha ngaahi tokoni makehe te ne liliu pe fakasiʻisiʻi ai ʻa e ngaahi fie maʻu fakaako ʻa e tokotaha akó.
-
Maʻu ha ʻofa faka-Kalaisi ki he tokotaha ako takitaha, pea muimui ki he ueʻi ʻa e Laumālié ʻi hoʻo fakahoko ha ngaahi tokoni makehe ke feau e ngaahi fie maʻu ʻa e kau akó.
-
Hū ki he lds.org/topics/disability ke maʻu ha ngaahi fakamatala fakalūkufua lahi ange fekauʻaki mo hono tokoniʻi ʻo e niʻihi fakafoʻituitui ʻoku faingataʻaʻia fakaesinó.