« មេរៀនទី ៤ ៖ Family and Friends » កម្មវិធី EnglishConnect ២ សម្រាប់អ្នករៀន ( ឆ្នាំ២០២២ )

« មេរៀនទី ៤ » កម្មវិធី EnglishConnect ១ សម្រាប់អ្នករៀន

Lesson 4

Family and Friends

គោលបំណង ៖ ខ្ញុំនឹងរៀនពិពណ៌នាអំពីសមាជិកគ្រួសារជិតដិត ។

Personal Study

រៀបចំសម្រាប់ក្រុមសន្ទនារបស់អ្នកដោយការបំពេញសកម្មភាព ក ដល់ ង ។

Study the Principle of Learning: Love and Teach One Another

ស្រឡាញ់ និងបង្រៀនគ្នាទៅវិញទៅមក

I can learn from the Spirit as I love, teach, and learn with others.

ខ្ញុំអាចរៀនពីព្រះវិញ្ញាណ នៅពេលខ្ញុំស្រឡាញ់ បង្រៀន និងរៀនជាមួយអ្នកដទៃ ។

នៅក្នុងកម្មវិធី EnglishConnect យើងដឹងថា ព្រះ គឺជាគ្រូបង្រៀនដ៏ពិត ហើយទ្រង់បង្រៀនយើងតាមរយៈ ព្រះវិញ្ញាណ របស់ទ្រង់ ។ ព្រះវិញ្ញាណនាំមកនូវអារម្មណ៍នៃអំណរ សេចក្តីសុខសាន្ដ និងសេចក្ដីស្រឡាញ់ ។ ព្រះវិញ្ញាណជួយយើងយល់ពីសេចក្ដីពិត ហើយអាចចម្រើនសមត្ថភាពរបស់យើងក្នុងការរៀនសូត្រ ។ វិធីមួយដែលយើងអាចយាងអញ្ជើញព្រះវិញ្ញាណឲ្យគង់នៅជាមួយនឹងយើង គឺតាមរយៈការស្រឡាញ់ ការបង្រៀន និងការរៀនសូត្រជាមួយគ្នា ។ ព្យាការី អាលម៉ានៅក្នុង ព្រះគម្ពីរមរមន មានទំនួលខុសត្រូវក្នុងការបង្រៀនប្រជាជន ។ លោកបានបែងចែកមនុស្សជាក្រុមៗ ហើយជ្រើសរើសអ្នកដឹកនាំម្នាក់សម្រាប់ក្រុមនីមួយៗ ។ អាលម៉ាបានបង្រៀនពួកគេ ៖

« អ្នកផ្សាយសាសនាមិនប្រសើរជាងអ្នកស្ដាប់ទេ ឯគ្រូបង្រៀនក៏មិនប្រសើរជាងអ្នករៀនដែរ ម្ល៉ោះហើយ ពួកគេស្មើគ្នាទាំងអស់ » (អាលម៉ា ១:២៦ ) ។

នៅក្នុងកម្មវិធី EnglishConnect យើងជឿថា គ្រូបង្រៀន និងអ្នករៀន គឺមានសារៈសំខាន់ស្មើគ្នា ។ យើងទាំងអស់គ្នាគឺជាគ្រូបង្រៀន និងអ្នករៀន ។ យើងគោរព និងស្ដាប់គ្នាទៅវិញទៅមក ។ យើងបង្រៀនគ្នាទៅវិញទៅមក ។ យើងស្រឡាញ់ និងឲ្យតម្លៃគ្នាទៅវិញទៅមក ។ យើងអាចអបអរសាទរដល់អ្នកដទៃ នៅពេលពួកគេជោគជ័យ ហើយលើកទឹកចិត្តពួកគេនៅពេលពួកគេធ្វើកំហុសឆ្គង ។ យើងក៏អាចស្វែងរកវិធីដើម្បីគាំទ្រគ្នាទៅវិញទៅមក ហើយរៀបចំពេលវេលាដើម្បីហាត់ជាមួយគ្នាអំឡុងសប្ដាហ៍ផងដែរ ។ ព្រះនឹងប្រទានពរយើងឲ្យមានព្រះវិញ្ញាណរបស់ទ្រង់ នៅពេលយើងរៀនស្រឡាញ់ និងបង្រៀនគ្នាទៅវិញទៅមក ។

Ponder

តើអ្នកអាចធ្វើអ្វីខ្លះដើម្បីស្រឡាញ់ និងគាំទ្រដល់អ្នកដែលមានសមត្ថភាពភាសាអង់គ្លេសខុសពីគេ ?
តើបទពិសោធន៍នៃការរៀនសូត្រនៅក្នុងកម្មវិធី EnglishConnect អាចមានភាពខុសពីថ្នាក់រៀនដែលមានពីមុនមកយ៉ាងដូចម្ដេចខ្លះ ?

Memorize Vocabulary

រៀនអំពីអត្ថន័យ និងការបញ្ចេញសំឡេងនៃពាក្យនីមួយៗ ពីមុនក្រុមសន្ទនារបស់អ្នក ។

extended family	គ្រួសារសាច់ញាតិ
eyes	ភ្នែក
hair	សក់

Adjectives

artistic	សិល្បៈ
athletic	អត្តពលិក
intelligent	ឈ្លាសវៃ
loud	ខ្លាំងៗ
silly	រឡេះរឡោះ

short	ខ្លី
tall	ខ្ពស់

old	ចាស់
young	ក្មេង

black	ខ្មៅ
blonde	ទង់ដែង
brown	ត្នោត
gray	ប្រផេះ
red	ក្រហម
white	ស

hazel	ស៊ីលៀប
blue	ខៀវ
green	បៃតង

សូមមើលឧបសម្ព័ន្ធសម្រាប់ numbers ។

សូមមើលឧបសម្ព័ន្ធសម្រាប់ family nouns ។

Practice Pattern 1

ហាត់ប្រើលំនាំរហូតដល់អ្នកអាចសួរ និងឆ្លើយសំណួរដោយទំនុកចិត្ត ។ អ្នកអាចជំនួសពាក្យដែលមានគូសបន្ទាត់ពីខាងក្រោមជាមួយនឹងពាក្យនៅក្នុងវគ្គ « Memorize Vocabulary » ។

Q: How many (noun) do you have?A: I have (number) (noun).

សំណួរលំនាំទី ១ how many noun do you have

Examples

Q: How many cousins do you have?A: I have fifteen cousins.

Q: How many nephews does she have?A: She has two nephews.

Q: How many aunts and uncles does he have?A: He has ten aunts and uncles.

Practice Pattern 2

ហាត់ប្រើលំនាំរហូតដល់អ្នកអាចសួរ និងឆ្លើយសំណួរដោយទំនុកចិត្ត ។ ព្យាយាមធ្វើសកម្មភាពក្រុមសន្ទនា ១ និង ២ ពីមុនជួបក្រុមរបស់អ្នក ។

A: Tell me about your (noun).B: They are (number) years old, (adjective), and (adjective).They have (adjective) hair and (adjective) eyes.

ចម្លើយលំនាំទី ២ they are number years old adjective and adjective they have adjective hair and adjective eyes

Examples

A: Tell me about your cousin.B: She is twenty-four years old, tall, and athletic.She has blonde hair and green eyes.

A: Tell me about your nephews.B: They are three and two years old.They have black hair and brown eyes.

Use the Patterns

សរសេរសំណួរចំនួនបួន ដែលអ្នកអាចសួរដល់នរណាម្នាក់ ។ សរសេរចម្លើយចំពោះសំណួរនីមួយៗ ។ អានវាឲ្យឮៗ ។

Additional Activities

បំពេញសកម្មភាពមេរៀន និងការវាយតម្លៃតាមអនឡាញនៅលើគេហទំព័រ englishconnect.org/learner/resources ឬនៅក្នុង សៀវភៅលំហាត់ EnglishConnect ២ ។

Act in Faith to Practice English Daily

សូមបន្ដហាត់រៀនភាសាអង់គ្លេសប្រចាំថ្ងៃ ។ សូមប្រើ « ការតាមដានការសិក្សាផ្ទាល់ខ្លួន » របស់អ្នក ។ សូមរំឭកអំពីគោលដៅការសិក្សារបស់អ្នកឡើងវិញ ហើយវាយតម្លៃអំពីការខិតខំរបស់អ្នក ។

Conversation Group

Activity 1: Practice the Patterns

(10–15 minutes)

រំឭកបញ្ជីវាក្យសព្ទជាមួយដៃគូ ។

ហាត់តាមលំនាំទី ១ ជាមួយដៃគូ ៖

ហាត់សួរសំណួរ ។
ហាត់ឆ្លើយសំណួរ ។
ហាត់សន្ទនាដោយប្រើលំនាំ ។

សូមធ្វើលំនាំទី ២ ឡើងវិញ ។

Activity 2: Create Your Own Sentences

(10–15 minutes)

Part 1

មើលទៅរូបភាព ។ ជ្រើសរើសគ្រួសារមួយ ។ កុំប្រាប់ដៃគូរបស់អ្នកថាអ្នកជ្រើសរើសគ្រួសារមួយណា ។ សួរ និងឆ្លើយសំណួរដើម្បីទស្សន៍ទាយពីគ្រួសារនោះ ។ ប្តូរវេនគ្នា ។

Example

A: Tell me about the family.
B: This family has a grandmother.
A: Is it family 5?
B: No. The family also has an aunt, an uncle, and three cousins. They have black hair.
A: Is it family 4?
B: Yes!

Part 2

សូមមើលរូបភាពនៅក្នុងផ្នែកទី ១ ។ ជ្រើសរើសបុគ្គលម្នាក់នៅក្នុងគ្រួសារមួយ ។ សួរ ហើយឆ្លើយសំណួរអំពីបុគ្គលិកលក្ខណៈរបស់បុគ្គលនោះ និងរូបរាងខាងក្រៅ ។ ចូរមានការច្នៃប្រឌិត ! និយាយឲ្យបានច្រើនតាមដែលអ្នកអាចធ្វើបាន ។ ប្តូរវេនគ្នា ។

New Vocabulary

funny	កំប្លែង
kind	ល្អ

Example

A: Tell me about the grandmother in family 4.
B: The grandmother in family 4 is short. She is 70 years old. She has black hair and brown eyes. She is funny and kind.

Activity 3: Create Your Own Conversations

(15–20 minutes)

ជ្រើសរើសមិត្តភក្តិ ឬសមាជិកគ្រួសារបីនាក់ សួរ ហើយឆ្លើយសំណួរអំពីបុគ្គលិកលក្ខណៈរបស់បុគ្គលម្នាក់ៗ និងរូបរាងខាងក្រៅ ។ សូមប្រើសំណួរចេញពីបញ្ជីនេះ ឬគិតពីសំណួររបស់អ្នកផ្ទាល់ ។ និយាយឲ្យបានច្រើនតាមដែលអ្នកអាចធ្វើបាន ។ ប្តូរវេនគ្នា ។

New Vocabulary

calm	ស្ងប់ស្ងាត់

Questions List

Tell me about your cousins.
What are their names?
Where are they from?
How old are they?
What do they like doing?
Are they tall or short?
Are they athletic?
Do they have black hair?

Example

A: Tell me about your grandfather.
B: His name is John. He is 80 years old. He is kind and calm.
A: What does he like doing?
B: He likes to play chess.
A: Is he tall or short?
B: He is tall.

Act in Faith to Practice English Daily

« ព្រះវិញ្ញាណបរិសុទ្ធគឺជាគ្រូបង្រៀនពិតប្រាកដ ។ គ្មានគ្រូបង្រៀនណាក្នុងជីវិតរមែងស្លាប់នេះ ទោះបីគ្រូបង្រៀននោះមានជំនាញ ឬបទពិសោធន៍ខ្លាំងប៉ុនណាក្តី ក៏ពុំអាចជំនួសតួនាទីរបស់ទ្រង់នៅក្នុងការថ្លែងទីបន្ទាល់អំពីសេចក្តីពិត ការថ្លែងទីបន្ទាល់អំពីព្រះគ្រីស្ទ និងការផ្លាស់ប្តូរដួងចិត្តបានឡើយ ។ ប៉ុន្តែគ្រូបង្រៀនទាំងអស់អាចធ្វើជាឧបករណ៍ក្នុងការជួយបុត្រាបុត្រីរបស់ព្រះឲ្យរៀនសូត្រដោយព្រះវិញ្ញាណ » ( ការបង្រៀនតាមរបៀបរបស់ព្រះអង្គសង្គ្រោះ ៖ សម្រាប់អ្នកទាំងអស់ដែលបង្រៀននៅក្នុងគេហដ្ឋាន និងសាសនាចក្រ [ ឆ្នាំ២០២២ ] ១៦ ) ។