Mga Ehemplo alang sa Pakisayran

Sa ubos mao ang pipila ka ehemplo nga mahimong gamitong pakisayran sa ubang mga file ug gisulod sa kinatibuk-an niini—diha sa Gospel Library nga “hunos.”

Set 1 nga Ehemplo

Istorya 1—Maria

Si Maria nakat-on unsaon sa pagdawat og tabang gikan sa Dios aron makakat-on og Iningles. Ang iyang hugot nga pagtuo ug pagsalig sa Dios milambo, ug siya nangayo sa Iyang tabang sa ubang aspeto sa iyang kinabuhi. Karon gigamit na niya ang mga baroganan sa pagkat-on aron mapauswag ang iyang pagtuon sa ebanghelyo.

Istorya 2—Koffi

Si Koffi dili aktibo sa Simbahan hangtod nga adunay miyembro nga midapit niya sa usa ka grupo sa EnglishConnect. Ang iyang nahimong kasinatian kauban sa ubang partisipante nakatabang nga mabalik ang iyang tinguha nga mas mopaduol ni Kristo. Karon kanunay na siya nga nagtambong sa simbahan, matinud-anon nga nagserbisyo sa usa ka calling, ug nangalagad sa uban.

Set 2 nga Ehemplo

Istorya 1—Excellent

Si Excellent sa Democratic Republic of the Congo nakakompleto sa EnglishConnect 2 ug napalambo ang iyang negosyo nga magserbisyo sa internasyonal nga mga turista, nga nakapadoble sa iyang kinitaan. Si Excellent mitabang usab nga makaatiman sa uban pinaagi sa pagserbisyo isip magtutudlo sa EnglishConnect.

Istorya 2—Zheng Min

Si Zheng Min nakapalambo sa iyang abilidad sa Iningles pinaagi sa EnglishConnect ug mi-enrol sa BYU–Pathway Worldwide. Tungod kay makahibalo siya sa Iningles, nakakita siya og trabaho nga maayo og sweldo samtang nag-eskwela siya sa BYU–Pathway Worldwide.

Set 3 nga Ehemplo

Istorya 1—Lucas

Gidapit ni Lucas ang iyang mga higala sa social media nga moapil sa grupo sa EnglishConnect kauban niya. Nakit-an ni Maria ang iyang post ug midesisyon nga mokuyog niya. Nadasig si Maria sa hugot nga pagtuo ug pakigdait nga iyang nabati ug midesisyon nga magkat-on pa og dugang mahitungod sa Simbahan gikan sa mga misyonaryo. Midesisyon siya nga magpabunyag ug karon nagserbisyo na isip magtutudlo alang sa EnglishConnect 1.