O Lo’u Faavae: Ola i se Olaga Paleni—Taimi Aofai: 20 Minute

Mafaufau Loloto:

E faapefea ona ou faapaleniina manaoga o aso uma o le olaga?

Maimoa:

“Of Regrets and Resolutions,” o loo maua i le https://churchofjesuschrist.org/study/video/self-reliance-videos [1:25]. (E lē maua le vitiō? Faitau le tusiga mo le “Of Regrets and Resolutions.”)

E Uiga i Faanoanoaga ma Faaiuga

Afai e lē mafai ona e matamata i le vitiō, faitau le tusiga lenei.

Peresitene Dieter F. Uchtdorf

Peresitene Dieter F. Uchtdorf

Pe lē moni ea e faapea o le tele o taimi tatou te pisi ai? Ma, e faanoanoa e fai atu, o loo tatou manatu i lena pisi o se mea faamamaluina, e pei ua avea le pisi lava ia, o se mea tāua ua ausia po o se faailoga o se olaga silisili.

A ea?

Ou te mafaufau i lo tatou Alii ma le Faataitaiga Atoa, o Iesu Keriso, ma Lona soifuaga puupuu faatasi ma tagata o Kalilaia ma Ierusalema. Sa ou taumafai e vaai faalemafaufau ia te Ia a o pisi tele i va o fonotaga po o galuega e fai i le taimi e tasi ina ia faataunuu uma ni mea faavavave o loo i Lana lisi o mea e fai.

E lē mafai ona ou vaai i ai.

Ae, ou te vaaia le agaalofa ma le popole o le Alo o le Atua i Lona soifua ai ma se faamoemoe i aso taitasi. A o Ia fegalegaleai ai ma i latou o vagaia o Ia, sa latou lagonaina lo latou tāua ma le alofaina. Sa Ia silafiaina le tāua lē mafuatia o tagata na Ia feiloai i ai. Sa Ia faamanuia ia i latou, ma auauna atu i ai. Sa Ia siitiaina i latou ma faamaloloina. Sa Ia tuu atu ia i latou le meaalofa tāua o Lona taimi.

(“O Faanoanoaga ma Filifiliga,” Liahona, Nov. 2012, 22)

Talanoa:

O le a se mea e mafai ona tatou aoao mai le soifuaga o le Faaola e fesoasoani ia i tatou ia ausia se olaga paleni?

Faitau:

O fuaitau nei o mau ma saunoaga a taitai o le Ekalesia:

“Ma ia vaai ia faia nei mea uma i le poto ma le faatulagaga lelei; ona e le tatau i se tagata ona momo’e televave atu nai lo le malosi ua ia te ia” (Mosaea 4:27).

“Aua e te fefe: aua ou te ia te oe: aua le fetepatepai; auā o au o lou Atua: ou te faamalosia oe; e moni ou te fesoasoani ia te oe” (Isaia 41:10).

“Tau lava o le faia o le mea sili e te mafaia i aso taitasi. Fai mea autu ma, ae e te iloa mulimuli ane, o le a faatumuina lou olaga i le malamalama faaleagaga lea o le a faamautuina atu ia te oe e alofa lou Tama Faalelagi ia te oe. A iloa e se tagata lenei mea, ona tumu lea o le olaga i le faamoemoega ma le uiga, ma faigofie ai ona faatumauina le paleni” (M. Russell Ballard, “Tausia o Lou Olaga ia Paleni,” Liahona, Sete. 2012, 50).

“O le paleni i se fuataga tele o le iloa lea o mea e mafai ona suia, tuu i latou i se vaaiga talafeagai, ma le iloaina o mea o le a le suia” (James E. Faust, “O le Manaomia o le Paleni i o Tatou Olaga,” Ensign, Mat. 2000, 5).

Talanoa:

O a ni mea e mafai ona faafaigofieina pe aveesea mai o tatou olaga ina ia mafai ona tatou maua le olioli faateleina.

Gaoioiga

Laasaga 1: Faitau le upusii mai ia Peresitene Dallin H. Oaks: “O le aofaiga o mea lelei e mafai ona tatou faia, e sili mamao atu i lo le taimi e maua e faataunuu ai.” O nisi mea e sili atu i le na o le lelei, ma o mea nei e tatau ona ave i ai le faamuamua i o tatou olaga” (“Lelei, Lelei Sili Atu, Lelei Silisili,” Liahona, Nov. 2007, 104).

Laasaga 2: Nao oe lava, mafaufau i le ala o loo e ola ai lou olaga i vaiaso taitasi. Ia vaai faalemafaufau ua 25 ou tausaga ua faaopoopo ai lou matua ma o loo e ola ai lava i lena ala. Faauma faamatalaga e lua o loo i lalo e uiga i lou olaga.

E lei lava le taimi na ou faaaluina

Ua tele naua le taimi na ou faaaluina

Laasaga 3: Ina ia aloese mai ni faanoanoaga i le lumanai, tusi se mea se tasi pe lua e mafai ona e faia e aumaia ai le paleni faateleina i lou olaga.

Tautino:

O le a ou faatino la’u fuafuaga e aumai ai le paleni faateleina i lo’u olaga.