Punaoa

Mauaina o le Fesoasoani Faapolofesa Sao

A e faia se filifiliga e saili se fesoasoani faapolofesa, ia iloa ua avea oe ma se tagata e faaaogaina se auaunaga ma maua le aiā tatau e fai ai ni fesili. Mafaufau e vaavaai mo se tagata tomai faapitoa e fetaui ma uiga nei:

• Malamalama ma faaaloalo i ou tulaga faatauaina. A e filifili e saili se fesoasoani, e te fesoasoani e fuafua ia taunuuga manaomia. Saili se tagata tomai faapitoa e faaaloalogia le naunautaiga o le tagata lava ia, po o lou tomai e filifili ai mea e te manao e aluese ai mai le polokalama, togafitiga, po o isi ituaiga o fesoasoani.

• E mafai ona faamatala lana aoaoga ma le poto masani ma pe faapefea ona fesootai ma ou manaoga. O nisi o tagata tomai faapitoa ua agavaa e aofia ai ni fomai ua laiseneina o faaipoipoga ma fomai o aiga, tagata faigaluega faaagafesootai i le falemai ua laiseneina, tagata tomai faapitoa o le mafaufau, faufautua faapolofesa, ma isi.

• E i ai vasega e fetaui mo oe. Mafaufau i le umi, tau, ma le faisoo o vasega taitasi ma isi mea moni a o e filifili po o a mea e fetaui ma ou manaoga.

• Ua naunau e feutagai ma lou taitai o le Ekalesia i lou alualu i luma, pe a e manao ai. E aofia ai i lenei mea le ofoina atu o fautuaga i le auala e mafai ai e ia ma lou taitai ona galulue faatasi e fesoasoani ia te oe.

Sini, Penefiti, ma Tulaga Lamatiaga

O le a sili atu ona e ausia au sini pe a e malamalama i le natura ma tapulaa o fautuaga. O le fefautuaai ua faamoemoe e fesoasoani ia te oe e aoao ai pe faapefea ona malamalama ma uunaia ou mafaufauga, lagona, ma amioga. E toatele tagata e oo i le faaleleia pe foia o latou atugaluga e ala i le faagasologa o fautuaga. I le iuga, o le faavaeina o se sootaga o le faatuatuaina o le a tāua tele i le faia o le alualu i luma i togafitiga. Ia mataitū lau uluai tali faalelagona pe a e talanoa i le fomai. Ia faatuatuaina oe lava ma lau faamasinoga a o e vaavaai mo se tasi o le a fetaui lelei mo ou manaoga ma uiga faaletagata. Afai e te lē lagona le toafimalie, vaavaai pea. E ui e lē mafai ona faamaonia taunuuga o fautuaga, ae o lou tuuto i le faagasologa o le a matuā faatosinaina ai le aogā mo oe.