“Kapitulo 39: Ang Templo sa Kirtland Gipahinungod: Enero–Marso 1836,” Mga Istorya sa Pagtulun-an ug mga Pakigsaad (2002), 151–54
“Kapitulo 39,” Mga Istorya sa Pagtulun-an ug mga Pakigsaad, 151–54
Kapitulo 39
Ang Templo sa Kirtland Gipahinungod
(Enero–Marso 1836)
Ang Ginoo nagmando sa mga santos sa pagtukod ug usa ka templo sa Kirtland. Ang mga Santos nagtrabaho pag-ayo aron matukod ang templo sa Kirtland. Sila nakahuman ug pipila ka mga lawak.
Unya ang mga Santos nakahimo sa unang katiguman sulod sa templo. Sa katiguman ang amahan ni Joseph Smith nanalangin sa mga pangulo sa Simbahan. Ang amahan ni Joseph Smith maoy Patriarka sa Simbahan.
Unya si Joseph adunay usa ka maanindot nga panan-awon. Siya nakakita sa celestial nga ginghariang sa langit. Ang celestial nga ginghariang maoy pinuy-anan sa Dios. Nakita ni Joseph unsa ka matahum ang celestial nga gingharian. Iyang nakita ang Langitnong Amahan ug si Jesus. Nakita ni Joseph ang iyang igsoong lalaki, si Alvin, kinsa namatay na.
Si Joseph nakat-on mahitungod sa mga bata kinsa namatay sa wala pa magpanuigon ug walo ka tuig. Si Jesus miingon nga sila moadto sa celestial nga gingharian.
Si Jesus miingon nga daghan sa katawhan wala masayud mahitungod sa ebanghelyo dihang sila nagpuyo sa yuta.
Ang ubang katawhan magpuyo sa yuta ug dili masayud sa ebanghelyo.
Ang uban niining mga katawhan motuo sa ebanghelyo kon sila nasayud mahitungod niini. Kining mga katawhan makaadto sa celestial nga gingharian.
Sa katapusan ang templo sa Kirtland nahuman. Panahon na nga ang templo ipahinungod. Kana nagpasabut nga ang templo ihatag ngadto sa Ginoo. Gamiton lamang kini alang sa buluhaton sa Ginoo. Ang mga Santos mihimo ug usa ka tinuyong katiguman aron sa pagpahinungod sa templo.
Daghang mga Santos ang nanambong sa maong katiguman. Sila malipayon kaayo nga nakabaton ug usa ka templo. Ang mga Santos nanag-awit ug nanag-ampo ngadto sa Langitnong Amahan. Sila nagsaad sa paghimo unsay gisugo sa Propeta ug sa uban nga mga pangulo nga ilang himoon.
Si Joseph Smith mibasa sa usa ka pag-ampo aron sa pagpahinungod sa templo. Unya ang templo nahimong usa ka sagrado nga balay. Kini mao ang balay sa Ginoo. Mga anghel diha sa templo sa Kirtland nianang adlawa. Ang Espiritu Santo diha uban sa mga Santos. Usa kadto ka talagsaon nga adlaw.