« ថ្ងៃទី ៩–១៥ ខែ សីហា គោលលទ្ធិ និង សេចក្តីសញ្ញា ៨៨ ៖ ‹ ចូរតាំង… គេហដ្ឋាននៃព្រះ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ឆ្នាំ ២០២១ ( ឆ្នាំ ២០២០ )

« ថ្ងៃទី ៩–១៥ ខែ សីហា ។ គោលលទ្ធិ និង សេចក្តីសញ្ញា ៨៨ »ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១

រូបភាព

បន្ទប់ពេញដោយកៅអី និងជើងម៉ាវែង

ថ្ងៃទី ៩–១៥ ខែ សីហា

គោលលទ្ធិ និង សេចក្តីសញ្ញា ៨៨

« ចូរតាំង… គេហដ្ឋាននៃព្រះ »

ក្នុងនាមជាគ្រូបង្រៀនដំណឹងល្អ អ្នកមានទំនួលខុសត្រូវមួយដើម្បីជួយថ្នាក់របស់អ្នក « បង្រៀនគ្នាទៅវិញទៅមកនូវគោលលទ្ធិនៃនគរ » និង « ពាក្យសម្ដីនៃប្រាជ្ញាវាងវៃចេញពី »( គោលលទ្ធិ និង សេចក្តីសញ្ញា ៨៨:៧៧, ១១៨ ) ។ បន្ថែមពីលើការចែកចាយអ្វីដែលអ្នកបានបំផុសគំនិតដើម្បីបង្រៀនចេញពី គោលលទ្ធិ និង សេចក្តីសញ្ញា ៨៨ សូមលើកទឹកចិត្តសិស្សឲ្យបង្រៀនគ្នាទៅវិញទៅមក នូវអ្វីដែលពួកគេបានរៀន ។

កត់ត្រាចំណាប់អារម្មណ៍របស់អ្នក

រូបភាព

រូបតំណាងការចែកចាយ

អញ្ជើញឲ្យចែកចាយ

នៅពេលខ្លះរូបភាពអាចជួយជំរុញឲ្យមានការចែកចាយ ។ អ្នកអាចបង្ហាញរូបភាពនៃដើមអូលីវ ( ឬគូររូបដើមអូលីវនៅលើក្តារខៀន ) ហើយអញ្ជើញសិស្សឲ្យចែកចាយខគម្ពីរទាំងឡាយចេញពី គោលលទ្ធិ និង សេចក្តីសញ្ញា ៨៨ ដែលជួយពួកគេយល់ពីមូលហេតុដែលយ៉ូសែប ស្ម៊ីធ អាចត្រូវបានហៅវិវរណៈនេះថាជា « ‹ស្លឹកអូលីវ › … សារលិខិតរបស់ព្រះអម្ចាស់ពីសេចក្តីសុខសាន្តចំពោះយើង » ( ក្បាលជំពូក ) ។

រូបភាព

រូបតំណាងការបង្រៀន

បង្រៀនគោលលទ្ធិ

គោលលទ្ធិ និង សេចក្ដីសញ្ញា ៨៨:៦–៥០

ពន្លឺ និងក្រឹត្យវិន័យមកពីព្រះយេស៊ូវ គ្រីស្ទ ។

ដើម្បីជួយសិស្សរបស់អ្នកយល់ គោលលទ្ធិ និង សេចក្ដីសញ្ញា ៨៨:៦-៥០ អ្នកអាចសរសេរ ពន្លឺ និង ក្រឹត្យវិន័យ នៅលើក្តារខៀន ហើយបំបែកថ្នាក់ទៅជាពីរក្រុមតូចៗ ។ ក្រុមមួយអាចមើលគោលលទ្ធិ និង សេចក្ដីសញ្ញា ៨៨:៦–១៣; ៤០–៥០ ដោយរកមើលអ្វីដែលពួកគេបានរៀនអំពីព្រះយេស៊ូវ គ្រីស្ទ ចេញពីសេចក្តីយោងដើម្បីធ្វើឲ្យមានពន្លឺក្នុងខគម្ពីរទាំងនេះ ។ ក្រុមផ្សេងអាចស្រាវជ្រាវគោលលទ្ធិ និង សេចក្ដីសញ្ញា ១៣–២៦; ៣៤-៤២ ដោយរកមើលអ្វីដែលពួកគេបានរៀនអំពីសារៈសំខាន់នៃការធ្វើតាមក្រឹត្យវិន័យរបស់ទ្រង់ ។ តើសេចក្តីពិតអំពីពន្លឺ និងក្រឹត្យវិន័យនៅក្នុង កណ្ឌទី ៨៨ បង្រៀនយើងអ្វីខ្លះអំពីព្រះអង្គសង្រ្គោះ ? តើកណ្ឌនេះបំផុសគំនិតយើងឲ្យក្លាយកាន់តែដូចទ្រង់យ៉ាងដូចម្តេច ?

គោលលទ្ធិ និង សេចក្ដីសញ្ញា ៨៨:៦២-៧៦, ១១៩-២៦

យើងប្រែក្លាយជាជ្រះស្អាត តាមរយៈដង្វាយធួនរបស់ព្រះយេស៊ូវ គ្រីស្ទ ។

ព្រះអម្ចាស់បានបញ្ជាឲ្យ « ញែកខ្លួនអ្នករាល់គ្នាចេញជាបរិសុទ្ធ » បាននិយាយពីរដងនៅក្នុងកណ្ឌទី ៨៨( ខទី ៦៨, ៧៤ ) ។ ប្រសិនបើអ្នកមានអារម្មណ៍បំផុសគំនិតដើម្បីពិភាក្សាពីអត្ថន័យនោះ អ្នកអាចចាប់ផ្តើមស្វែងយល់ជាមួយគ្នានូវនិយមន័យនៃពាក្យ ញែកចេញជាបរិសុទ្ធ ឬ រំឭកឡើងវិញនូវវគ្គគម្ពីរទាំងឡាយដែលបានសរសេរនៅក្រោម « ញែកចេញជាបរិសុទ្ធ » នៅក្នុងសេចក្តីយោងដល់បទគម្ពីរទាំងឡាយ ( scriptures.ChurchofJesusChrist.org ) ។ អ្នកក៏អាចអញ្ជើញសិស្សឲ្យអាន គោលលទ្ធិ និង សេចក្ដីសញ្ញា ៨៨:៦២-៧៦, ១១៩-២៦ហើយពិភាក្សាពីសំណួរដូចនេះជាមួយដៃគូ ៖ តើយើងអាចត្រូវបានញែកចេញជាបរិសុទ្ធយ៉ាងដូចម្តេច ? តើសេចក្តីសន្យាអ្វីខ្លះមកពីព្រះអម្ចាស់ដែលយើងរកឃើញនៅក្នុងខគម្ពីរទាំងនេះ ? ហេតុអ្វីព្រះអម្ចាស់មានព្រះទ័យចង់ឲ្យយើងជ្រះស្អាត ? ពួកគេក៏អាចរកឃើញចម្លើយដ៏មានប្រយោជន៍នានាចំពោះសំណួរទាំងនេះនៅក្នុងសារលិខិតរបស់អែលឌើរ ដាល្លិន អេក អូក « Cleansed by Repentance » ( Ensign ឬ Liahona ខែ ឧសភា ឆ្នាំ ២០១៩ ទំព័រ ៩១–៩៤ សូមមើលផងដែរ « ធនធានបន្ថែមទាំងឡាយ » ) ។

គោលលទ្ធិ និង សេចក្ដីសញ្ញា ៨៨:៧៧-៧៨, ១១៨-២៦

ព្រះអម្ចាស់ មានព្រះទ័យចង់ឲ្យយើងស្វែងរកការរៀនសូត្រ តាមរយៈការសិក្សា និងតាមរយៈសេចក្តីជំនឿ ។

ការប្រឹក្សាដែលព្រះអម្ចាស់បានប្រទានដល់យើងស្ថាបនា « សាលានៃពួកព្យាការី » នៅខឺតឡង់ ( ខទី ១៣៧ ) អាចជួយថ្នាក់របស់អ្នកនៅក្នុងការខិតខំ ដើម្បី « បង្រៀនគ្នាទៅវិញទៅមកនូវគោលលទ្ធិនៃនគរ » ( ខទី ៧៧ ) ។ ប្រហែលជាអ្នកអាចស្វែងយល់ខទី ៧៧–៧៨ និង ១១៨–២៦ ហើយពិភាក្សាពីរបៀបដើម្បីធ្វើឲ្យថ្នាក់របស់អ្នកជា « គេហដ្ឋាននៃការរៀនសូត្រ » ( ខទី ១១៩ ) ។ សិស្សអាចសរសេរ « បទបញ្ជារបស់ថ្នាក់រៀន » ឬ គោលការណ៍ទាំងឡាយ យោងតាមខគម្ពីរទាំងនេះដែលនឹងដឹកនាំការរៀនសូត្រនៅក្នុងថ្នាក់របស់អ្នក ។ អ្នកក៏អាចសួរសិស្សឲ្យចែកចាយពីរបៀបដែលពួកគេកំពុងព្យាយាមអនុវត្តគោលការណ៍ទាំងនេះនៅពេលដែលពួកគេ « ស្វែងរកការរៀនសូត្រ » ( ខទី ១១៨ ) ។

រូបភាព
កុមារកំពុងសិក្សាព្រះគម្ពីរ

គេហដ្ឋានរបស់យើងអាចជាកន្លែងរៀនសូត្រខាងវិញ្ញាណ ។

គោលលទ្ធិ និងសេចក្ដីសញ្ញា ៨៨:១១៩

ព្រះវិហារបរិសុទ្ធគឺជាដំណាក់នៃព្រះ ។

ប្រសិនបើអាច សូមដាក់តាំងរូបភាពនៃព្រះវិហារបរិសុទ្ធដែលនៅជិតអ្នកបំផុតនៅលើក្តារខៀន ហើយសូមអញ្ជើញថ្នាក់ឲ្យសរសេរនៅជិតពាក្យចេញពី ខទី ១១៩ ដែលបានប្រើដើម្បីពិពណ៌នាអំពីដំណាក់នៃព្រះអម្ចាស់ ។ សូមអញ្ជើញពួកគេឲ្យចែកចាយបទពិសោធន៍ទាំងឡាយដែលបង្ហាញពីរបៀបដែលព្រះវិហារបរិសុទ្ធត្រូវនឹងការពិពណ៌នានីមួយៗ ។ អ្នកក៏អាចពិភាក្សាពីរបៀបដែលខគម្ពីរទាំងនេះអាចដឹកនាំជីវិតរបស់អ្នក ។

រូបភាព

រូបតំណាងធនធានបន្ថែមនានា

ធនធានបន្ថែមទាំងឡាយ

បានស្អាតស្អំតាមរយៈការប្រែចិត្ត ។

ប្រធាន ដាល្លិន អេក អូក បានបង្រៀនថា

« ការប្រែចិត្តចាប់ផ្ដើមជាមួយនឹងព្រះអង្គសង្គ្រោះរបស់យើង ហើយវាគឺជាអំណរមួយ ពុំមែនជាបន្ទុកនោះទេ ។…

« ដើម្បីបានស្អាតស្អំតាមរយៈការប្រែចិត្ត យើងត្រូវតែបោះបង់ចោលអំពើបាបរបស់យើង ហើយសារភាពវាចំពោះព្រះអម្ចាស់ និងចំពោះចៅក្រមរបស់ទ្រង់ ប្រសិនបើតម្រូវឲ្យមាន ( សូមមើល គោលលទ្ធិ និង សេចក្ដីសញ្ញា ៥៨:៤៣ ) ។ អាលម៉ាបានបង្រៀនផងដែរថា យើងត្រូវតែ ‹ នាំមកនូវកិច្ចការទាំងឡាយនៃសេចក្ដីសុចរិត › ( អាលម៉ា ៥:៣៥ ) ។ អ្វីៗទាំងនេះគឺជាផ្នែកមួយនៃការអញ្ជើញជាញឹកញាប់នៅក្នុងបទគម្ពីរឲ្យមករកព្រះគ្រីស្ទ ។

« យើងចាំបាច់ត្រូវទទួលទានសាក្រាម៉ង់រៀងរាល់ថ្ងៃឈប់សម្រាក ។ នៅក្នុងពិធីបរិសុទ្ធនោះ យើងចុះសេចក្ដីសញ្ញា ហើយទទួលពរជ័យដែលជួយយើងឲ្យយកឈ្នះលើរាល់ទង្វើ និងបំណងប្រាថ្នាដែលរារាំងយើងពុំឲ្យឆ្ពោះទៅរកភាពល្អឥតខ្ចោះដែលព្រះអង្គសង្គ្រោះរបស់យើងអញ្ជើញយើងឲ្យសម្រេចកិច្ចការនេះ( សូមមើល ម៉ាថាយ ៥:៤៨, នីហ្វៃទី៣ ១២:៤៨ ) ។ នៅពេលយើង ‹ លះបង់ចោលនូវអស់ទាំងអំពើដ៏ឥតបរិសុទ្ធ [ ចេញពីខ្លួនយើង ] ហើយស្រឡាញ់ព្រះឲ្យអស់ពីសមត្ថភាព អស់ពីគំនិត និងអស់ពីកម្លាំង [ យើង ] › នោះយើងអាចនឹងបាន ‹ ល្អឥតខ្ចោះនៅក្នុងព្រះគ្រីស្ទ › ហើយបាន ‹ ញែកចេញជាបរិសុទ្ធ › តាមរយៈការបង្ហូរព្រះលោហិតរបស់ទ្រង់ ដើម្បី ‹ បានបរិសុទ្ធ ដោយគ្មានប្រឡាក់អ្វីសោះឡើយ › ( មរ៉ូណៃ ១០:៣២–៣៣ ) ។ ឱ នេះជាការសន្យាដ៏អស្ចារ្យអ្វីម៉្លេះ ! ឱ នេះជាអព្ភូតហេតុមួយដ៏អស្ចារ្យអ្វីម៉្លេះ ! នេះជាពរជ័យដ៏អស្ចារ្យណាស់ !» ( Cleansed by Repentance » Ensignឬ Liahonaខែ ឧសភា ឆ្នាំ ២០១៩ ទំព័រ ៩២ ) ។

ការអភិវឌ្ឍន៍ការបង្រៀនរបស់យើង

ស្វែងរកធនធានទាំងឡាយដែលគាំទ្រដល់គោលការណ៍នានា ។ ជាការបន្ថែមពីលើសំណើរទាំងឡាយដែលមាននៅក្នុងគម្រោងមេរៀននេះ នោះអ្នកអាចរកមើលនូវវីដេអូរបស់សាសនាចក្រ តន្រ្តី ឬគំនូរដើម្បីបង្រៀនពីគោលការណ៍នេះនៅក្នុង គោលលទ្ធិ និងសេចក្តីសញ្ញា ៨៨ ។ ( សូមមើល ការបង្រៀនតាមរបៀបរបស់ព្រះអង្គសង្គ្រោះទំព័រ ១៧–១៨ ) ។