երեխաների միության երեխաները դասարանում

Ինչպես օգտագործել Եկ, հետևիր ինձ․ Երեխաների միության համար ծրագիրը

Պատրաստվեք ուսուցանել Երեխաների միությունում

Տանը անձնական և ընտանեկան ուսումնասիրությունը պետք է լինի ավետարանի ուսումնասիրման կենտրոնը: Սա կիրառելի է նաև է ձեր և ձեր կողմից ուսուցանվող երեխաների համար: Երբ պատրաստվում եք ուսուցանել, սկսեք սուրբ գրությունների հետ ունեցած ձեր անձնական փորձառություններից: Ձեր ամենակարևոր նախապատրաստությունը տեղի կունենա, երբ դուք ապրեք ավետարանով, ուսումնասիրեք սուրբ գրությունները և փնտրեք Սուրբ Հոգու ոգեշնչումը։

Եկ, հետևիր ինձ. Անհատների և ընտանիքների համար ձեռնարկը նույնպես ձեր նախապատրաստության կարևոր մասն է` ինչպես ձեր անհատական ուսումնասիրության, այնպես էլ ուսուցմանը նախապատրաստվելու համար: Այն կօգնի ձեզ ավելի խորը ըմբռնել սուրբ գրություններում գտնվող վարդապետական սկզբունքները: Եկ, հետևիր ինձ․ Երեխաների միության համար ձեռնարկը գործնական աշխատանքներ կապահովի սուրբ գրությունների և պատմությունների մեծ մասի համար, որոնք երեխաները տանը ուսումնասիրում են շաբաթվա ընթացքում:

Նախապատրաստվելիս դուք կստանաք մտքեր ու տպավորություններ ձեր կողմից ուսուցանվող երեխաների մասին: Դուք գաղափարներ կստանաք այն մասին, թե սուրբ գրությունների սկզբունքներն ինչպես կօրհնեն նրանց կյանքը: Դուք առաջնորդություն կստանաք, որպեսզի ոգեշնչեք նրանց բացահայտել այդ սկզբունքները, մինչ նրանք ինքնուրույն կամ իրենց ընտանիքի անդամների հետ կուսումնասիրեն սուրբ գրությունները:

կինը ուսումնասիրում է սուրբ գրությունները

Ուսուցման գաղափարներ

Երբ պատրաստվում եք ուսուցանել, կարող եք ձեռք բերել լրացուցիչ ոգեշնչում՝ հետազոտելով այս սկզբնաղբյուրի ուսուցման համառոտ շարադրանքը: Մի մտածեք այս գաղափարների մասին որպես քայլ առ քայլ հրահանգների, այլ որպես առաջարկների, որոնք ձեր մեջ կառաջացնեն անձնական ոգեշնչում: Դուք ճանաչում եք այդ երեխաներին և կճանաչեք նրանց ավելի լավ, երբ դասարանում շփվեք նրանց հետ։ Տերը նույնպես ճանաչում է նրանց, և Նա կոգեշնչի ձեզ, որպեսզի դուք լավագույն եղանակներով ուսուցանեք և օրհնեք նրանց։

Դուք ունեք բազմաթիվ այլ մատչելի աղբյուրներ, երբ նախապատրաստվում եք, ներառյալ գաղափարներ Եկ, հետևիր ինձ. Անհատների և ընտանիքների համար ձեռնարկից, ինչպես նաև Եկեղեցու ամսագրերից։ Այս և այլ նյութերի մասին ավելին իմանալու համար տես այս նյութում ընդգրկված Երեխաներին ուսուցանելու օժանդակ նյութեր բաժինը։

Որոշ գաղափարներ, որոնք պետք է հիշեք

• Ամեն անգամ երեխաների հետ հանդիպելիս խորհեք եղանակների մասին, որոնցով կարող եք օգնել նրանց զգալ Երկնային Հոր ու Հիսուս Քրիստոսի սերը և ճանաչել Սուրբ Հոգու ազդեցությունը։

• Ծնողներն են կրում հիմնական պատասխանատվությունն իրենց երեխաներին ուսուցանելու համար: Որպես ուսուցիչ, դուք կարևոր պարտականություն ունեք աջակցելու, քաջալերելու և կառուցելու ավետարանի ուսումնասիրությունը տանը: Եղեք նրբանկատ այն երեխաների հետ, ում ծնողները տանը չեն ուսումնասիրում ավետարանը: Բոլոր երեխաներին ներառեք ավետարանի քննարկումների մեջ` անկախ նրանց ընտանեկան հանգամանքներից:

• Կրկնությունը օգտակար է։ Երեխաներն ավելի արդյունավետ են սովորում ավետարանի ճշմարտությունները, երբ այդ ճշմարտություններն ուսուցանվում են հաճախակի և զանազան վարժությունների միջոցով: Եթե զգում եք, որ սովորելու եղանակներից մեկն արդյունավետ է երեխաների համար, կարող եք կրկնել այն, հատկապես, եթե ուսուցանում եք փոքր երեխաներին: Նաև կարող եք վերանայել նախորդ դասի վարժությունը:

• Երկնային Հայրը կամենում է, որ որպես ուսուցիչ, դուք հաջողության հասնեք: Նա տրամադրել է շատ աղբյուրներ՝ օգնելով ձեզ հաջողության հասնել, ներառյալ ուսուցիչների խորհրդի ժողովները: Այս ժողովներում դուք կարող եք խորհրդակցել մյուս ուսուցիչների հետ այն մարտահրավերների վերաբերյալ, որոնց բախվում եք։ Դուք կարող եք նաև քննարկել և կիրառել Քրիստոսանման ուսուցման սկզբունքներ:

• Եթե ուսուցանում եք փոքր երեխաներին և ունեք հավելյալ աջակցության կարիք, տեսեք «Հոգալ փոքր երեխաների կարիքները» բաժինը այս նյութում:

Այս աղբյուրը ներառում է համառոտ շարադրանքներ տարվա ամեն շաբաթվա համար։ Այն կիրակիները, երբ Երեխաների միության դաս չի անցկացվում գերագույն համաժողովի, ցցի համաժողովի կամ այլ պատճառներով, ընտանիքներին խրախուսվում է շարունակել և տանը ուսումնասիրել Նոր Կտակարանի պատմությունները՝ համաձայն Եկ, հետևիր ինձ․ Անհատների և ընտանիքների համար ժամանակացույցի: Մի անհանգստացեք այն դասերի համար, որ բաց եք թողել, ուսուցանեք այդ շաբաթվա նշանակված համառոտ շարադրանքը: