Հիսուսը՝ երեխային գրկած

Դուք երեխաների ուսուցիչ եք

Դուք կանչվել եք Աստծո կողմից՝ ուսուցանելու Նրա զավակներին Փրկիչի ձևով։ Դուք ի սպաս եք դրվել այս կոչմանը Նրա սուրբ քահանայության իշխանությամբ։ Եթե դուք անգամ փորձառու ուսուցիչ չեք, եթե դուք ապրում եք արժանավոր կյանքով, ամեն օր աղոթում եք և ուսումնասիրում սուրբ գրությունները, Երկնային Հայրը կշնորհի ձեզ ազդեցություն և Սուրբ Հոգու զորությունը` օգնելով ձեզ հաջողության հասնել (տես 2 Նեփի 33.1):

Նրանք, ովքեր վստահված են ձեր խնամքին, Աստծո զավակներն են, և Նա գիտի, թե ինչի կարիք ունեն և ինչպես լավագույնս հասնել նրանց: Երբ աղոթքով փնտրեք Սուրբ Հոգու ազդեցությունը, Նա կառաջնորդի ձեր նախապատրաստության ընթացքում և ուսուցման ժամանակ: Նա կհայտնի ձեզ, թե ինչ պիտի ասեք և ինչ պիտի անեք (տես 2 Նեփի 32․5)։

Երբեք մի թերագնահատեք ավետարանը հասկանալու երեխայի ունակությունը: Այս թանկագին երեխաները շարունակաբար կլանում են տեղեկություններ, որոնք վերաբերում են իրենց կյանքի բոլոր կողմերին` կազմելով ու վերամշակելով իրենց կարծիքները և բացահայտումներ անելով ու դրանցով կիսվելով: Սա հատկապես ճշմարիտ է ավետարանի հարցում, քանի որ երեխաները պատրաստ են ու ցանկանում են սովորել նրա պարզ ճշմարտությունները: Նրանց հավատքը հոգևոր բաների հանդեպ ամուր է և մաքուր, ու ցանկացած պահ սովորելու հնարավորություն է: Նրանք պատրաստակամ գործում են համաձայն իրենց սովորածի, նույնիսկ եթե իրենց հասկացողությունը դեռ լիարժեք չէ: Ահա թե ինչպես պետք է մենք բոլորս ընդունենք ավետարանը: Ինչպես Փրկիչն է ուսուցանել. «Ով որ Աստուծոյ արքայութիւնը չընդունի ինչպէս երեխայ` նա չի մըտնիլ նորա մէջ» (Ղուկաս 18.17):

Երեխաներին ուսուցանելու կոչումը սրբազան պարտք է և ծանրաբեռնվածության զգացումը երբեմն նորմալ է: Բայց հիշեք, որ Երկնային Հայրը կանչել է ձեզ, և Նա կաջակցի ձեզ: Սա Տիրոջ աշխատանքն է, և եթե դուք ծառայեք «ձեր ողջ սրտով, զորությամբ, մտքով և ուժով» (Վարդապետություն և Ուխտեր 4.2), Նա կմեծացնի ձեր ունակությունները, պարգևները և տաղանդները, իսկ ձեր ծառայությունը կօրհնի ձեր ուսուցանած երեխաների կյանքը: