pepe fou

Tamai Mamoe, saunia e Jenedy Paige

18–24 Tesema

Kerisimasi

“Tala Lelei e Olioli Tele Ai”

O lenei lesona o se avanoa lea e fesoasoani ai i tamaiti o loo e faiaoga ai e faamanatu le soifua mai o le Faaola, soifuaga, ma le misiona i le taimi o le Kerisimasi. Teu le manatu lea i lou mafaufau a o e tapenapena e aoao atu.

aikona o le fefaasoaai

Valaaulia le Fefaasoaai

Faaali atu le ata mai le otootoga o lenei vaiaso i le Sau Mulimuli Mai ia te A’u—Mo Tagata Taitoatasi ma Aiga, ma valaaulia tamaiti e faasoa mai mea ua latou iloa e uiga i le fanau mai o le Faaola.

aikona o le aoao atu

Aoao atu le Aoaoga Faavae: Tamaiti Laiti

Mataio 2:1–12; Luka 2:1--14

Na afio mai Iesu Keriso i le lalolagi o se pepe.

E fiafia tamaiti i le tala o le fanau mai o Iesu Keriso. O a upumoni faaleaoaoga faavae o e vaai i ai i lenei tala ua e lagona e tatau ona malamalama i ai tamaiti?

Gaoioiga e Mafai Ona Fai

• Faitau le Luka 2:1–14 i tamaiti, pe faamatala i ai mea na tutupu i fuaiupu nei e ala i le faasino atu i le “Mataupu 5: Ua Fanau Mai Iesu Keriso” (i Tala o le Feagaiga Fou, 13–15, po o le vitio e o faatasi ai i luga o le ChurchofJesusChrist.org). Valaaulia ia tamaiti e tusi ni ata o nei mea na tutupu ma faaaoga ia ata e faamatala mai ai e i latou lava le tala. Aisea tatou te fiafia ai ona sa fanau mai Iesu?

• Fai i tamaiti e faamatala atu le tala i le Au Makoi na mulimuli i le fetu e saili Iesu. Afai latou te manaomia se faamanatu o le tala, tagai i le Mataio 2:1–12 po o le “Mataupu 7: O Le Au Makoi” (i Tala o le Feagaiga Fou, 18, po o le vitio e o faatasi ai i luga o le ChurchofJesusChrist.org). Nana se ata o Iesu i le potu. Tusi se ata pe ‘oti se fetu pepa ma tuu maualuga i luga. Valaaulia ia tamaiti e faafoliga o le au makoi o loo ave ia meaalofa, ma taitai i latou faataamilo i le potu e sue Iesu. Fesoasoani i tamaiti e mafaufau i nisi o meaalofa e mafai ona tatou avatu ia Iesu.

• Usu faatasi ma tamaiti ni nai viiga po o pese o le Kerisimasi (tagai i Viiga, nu. 113-23; Tusipese a Tamaiti, 16–55).. Fai atu ia i latou e faasoa mai se mea ua aoao mai e pese taitasi latou te lagona e taua ona iloa.

O Iesu o loo tootuli i le Togalaau o Ketesemane

Ketesemane, saunia e J. Kirk Richards

Ioane 3:16

O Iesu Keriso ua mafai ai ona ou toe mau faatasi ma le Tama Faalelagi i se aso.

Pe o malamalama tamaiti o loo e faiaoga ai i le mafuaaga na afio mai ai Iesu Keriso i le lalolagi? Faaalu se taimi e mafaufau loloto ai i le mea na faia e le Faaola mo oe lava ia ma pe mafai faapefea ona e fesoasoani ia malamalama tamaiti i le mea sa Ia faia mo i latou.

Gaoioiga e Mafai Ona Fai

• Aumai se meaalofa ua afifi po o se pusa i le vasega faatasi ma se ata o Iesu Keriso i totonu. Faapipii i ai ma se pepa o tusia ai i luga le “Ioane 3:16” ma ta’u i tamaiti o se faaiteite lea po o le a le meaalofa. Faitau faatasi ma tamaiti le Ioane 3:16 ma valaaulia i latou e mate mai po o le a le meaalofa ma tatala. Aisea na auina mai ai e le Atua Lona Alo?

• Fesoasoani i tamaiti e faamaea le fuaiupu lenei: “Na afio mai Iesu Keriso i le lalolagi e .” Ona faaali lea o ata e fesootai i le taulaga togiola a le Faaola, maliu, ma le Toetu (tagai i le Tusi Ata o le Talalelei, nu .56-59), ma faamatala pupuu mai nei mea na tutupu. E mafai foi ona outou usuina se pese e uiga i le mafuaaga na afio mai ai Iesu i le lalolagi, e pei o le “Na Ia Auina Mai Lona Alo” (Tusipese a Tamaiti, 16). Tuu atu lau molimau ia Iesu Keriso ma mea ua Ia faia mo oe.

aikona o le aoao atu

Aoao atu le Aoaoga Faavae: Tamaiti Matutua

Mataio1:18–25; 2:1–12; Luka 1:26–38; 2:1–20

Na afio mai Iesu Keriso i le lalolagi o se pepe.

E mafai faapefea ona e fesoasoani i tamaiti e taulai atu ia Iesu Keriso i le Kerisimasi?

Gaoioiga e Mafai Ona Fai

• Valaaulia se tasi o tamaiti e faitau e uiga i mea na tutupu i le fanau mai o le Faaola i le (tagai Mataio 1:18–25; 2:1–12; Luka 1:26–38; 2:1–20). Fai i tamaiti e feauauai e tusi ia ata i le laupapa o mea o loo faamatala mai i mau. O a ni mea o loo aoao mai e nei tala e uiga ia Iesu Keriso?

• Valaaulia ia tamaiti e tusi ni fasipepa o mea e mafai ona latou faia e fesoasoani ai latou te taulai atu i le Faaola i le vaitau o le Kerisimasi. (E mafai ona latou maua ni manatu mai le vitio “Good Tidings of Great Joy: The Birth of Jesus Christ” i le ChurchofJesusChrist.org.) Valaaulia i latou e faasoa mai mea na latou tusia. Fautuaina tamaiti e ave fasipepa i le fale ma fai i o latou aiga ia fautuaga na latou tusia i luga o fasipepa.

• Usu pese o le Kerisimasi e uiga i le Faaola (tagai Tusipese a Tamaiti, 20-36; Viiga, nu. 113-123), ma valaaulia tamaiti e faasoa mai se laina po o se fuaiupu e fiafia i ai mai i pese.

Ioane 3:16

O Iesu Keriso ua mafai ai ona ou toe mau faatasi ma le Tama Faalelagi i se aso.

E mafai faapefea ona e fesoaoani i tamaiti e toe faamanatu mea sa latou aoaoina i lenei tausaga ma malamalama ai i le mafuaaga latou te manaomia ai Iesu Keriso i o latou olaga?

Gaoioiga e Mafai Ona Fai

• Faaigoa se fasipepa se tasi O ai Iesu Keriso? ma le isi Aisea na afio mai ai o Ia i le lalolagi? ma faapipii i puipui eseese o le potuaoga. Valaaulia ia tamaiti e faitau se tasi o mau nei: Mataio 16:15–16; Ioane 3:16; 1 Nifae 10:4; Mosaea 3:8; Alema 7:10–13; 3 Nifae 27:14–15. Fai atu i tamaiti e vaavaai mo tali, i mau latou te faitauina, i fesili e lua i luga o puipui. Valaaulia i latou e tusi a latou tali ma faapipii i le puipui i autafa o le fesili talafeagai. E mafai faapefea ona tatou faaalia lo tatou loto faafetai mo mea na faia e Iesu Keriso mo i tatou?

• Valaaulia ia tamaiti e lisi i le laupapa igoa uma po o suafa o Iesu e mafai ona latou mafaufauina (tagai Bible Dictionary, “Christ, names of”). O a mea o aoao mai ai i tatou i nei igoa e uiga i Lana misiona? Aisea tatou te manaomia ai Iesu Keriso i o tatou olaga? Ina ia fesoasoani e tali lenei fesili, faaali le vitio “Why We Need a Savior—A Christmas Message about Our Savior Jesus Christ” (ChurchofJesusChrist.org).

aikona o le aoaoina

Uunaia le Aoaoina i le Aiga

Fautuaina tamaiti e sue a itiiti o le tasi se auala e auauna atu ai i se isi tagata pe latalata atili atu ai ia Iesu Keriso i lenei Kerisimasi.

Faaleleia o Lo Tatou Aoao Atu

Valaaulia tamaiti e faasoa mai mea ua latou aoaoina. E mafai e tamaiti ona i ai se faatosinaga mamana mo le lelei i o latou aiga. Fautuaina ia tamaiti e te faiaoga ai e faasoa i o latou aiga se mea sa latou aoaoina i le Peraimeri. (Tagai i le Aoao Atu i le Ala a le Faaola,30.)

itulau o gaoioiga: Na afio mai Iesu Keriso i le lalolagi o se pepe