“Punaoa Faaopoopo mo le Aoaoina o Tamaiti,” Sau, Mulimuli Mai ia te A’u—Mo le Peraimeri: Mataupu Faavae ma Feagaiga 2021 (2020)
“Punaoa Faaopoopo mo le Aoaoina o Tamaiti,” Sau, Mulimuli Mai ia te A’u—Mo le Peraimeri: 2021
Punaoa Faaopoopo mo le Aoaoina o Tamaiti
O nei punaoa e mafai ona maua i le polokalama o le Potutusi a le Talalelei [Gospel Library app] ma i luga o le ChurchofJesusChrist.org.
Sau, Mulimuli Mai ia te A’u—Mo Tagata Taitoatasi ma Aiga
E mafai ona fetuunai ni gaoioiga mai le Sau, Mulimuli Mai ia te A’u—Mo Tagata Taitoatasi ma Aiga mo le faaaogaina i lau vasega Peraimeri. Aua e te popole pe afai ua uma ona faia e tamaiti nei gaoioiga ma o latou aiga i le fale; o le fai soo e fesoasoani ai i tamaiti e aoao. I taimi o le Peraimeri, atonu e mananao tamaiti e faasoa atu i isi mea latou te aoaoina i le fale e uiga i le Faaola ma Lana talalelei.
Viiga ma le Tusipese a Tamaiti
O musika paia e valaaulia ai le Agaga ma aoao atu ai aoaoga faavae i se ala e manatua pea. E faaopoopo i tusi lolomi o Viiga ma le Tusipese a Tamaiti, e mafai ona e maua lipine faalogologo ma vitio o le tele o viiga ma pese a tamaiti i le music.ChurchofJesusChrist.org ma i polokalama o le Sacred Music ma le Gospel Media.
Vaai Ia I O Outou Tamaiti
E tele autu o loo aoao i le Vaai Ia I O Outou Tamaiti: Tusi Lesona Vasega Pepe e pei foi o lesona o loo e aoao atu i le Peraimeri. Aemaise pe a o e faiaoga i tamaiti laiti, mafaufau e vaavaai i le tusi lesona a le vasega pepe mo ni pese faaopoopo, gaoioiga, ma ata.
Mekasini o le Uo ma le Liahona
O mekasini o le Uo ma le Liahona e maua ai tala ma gaoioiga e mafai ona faaopoopo i mataupu faavae o loo e aoao atu mai le Sau, Mulimuli Mai ia te A’u—Mo le Peraimeri.
Tala o le Mataupu Faavae ma Feagaiga
O Tala o le Mataupu Faavae ma Feagaiga e faaaogaina ata ma le gagana faafaigofie e fesoasoani ai i tamaiti e aoao mai le Mataupu Faavae ma Feagaiga. E mafai foi ona e mauaina vitio o tala nei i le polokalama o le Gospel Library ma i le Gospel Media Library i le ChurchofJesusChrist.org.
Scripture Stories Coloring Book: Doctrine and Covenants
O lenei punaoa o loʻo i ai itulau o gaoioiga e fuafuaina e faʻaleleia ai le aʻoaʻoina o tamaiti mai le Mataupu Faavae ma Feagaiga.
Vitio ma Ata
O faatufugaga, vitio, ma isi faasalalauga e mafai ona fesoasoani ia i latou e te aoaoina e vaai faalemafaufau ai i aoaoga faavae ma tala o loo maua i tusitusiga paia. Asiasi i le Gospel Media Library i le ChurchofJesusChrist.org e mataʻituina le aoina mai e le Ekalesia o punaoa a le aufaasālalau. O nei punaoa o loʻo avanoa foi i le polokalama o le Gospel Media, ma o le tele o ata o loʻo maua foi i le Tusi Ata o le Talalelei.
Aoao Atu i le Ala a le Faaola
O le Aoao Atu i le Ala a le Faaola e mafai ona fesoasoani ia te oe e aoao ai e uiga i mataupu o le aoao atu faapei o Keriso ma le faaaogaina. O nei mataupu faavae o loo talanoaina ma faata’ita’i i fonotaga faaaufono a faiaoga.
Au Paia
O le Au Paia o se tusiga e tele voluma o le tala faasolopito o le Ekalesia. Voluma 1, Tagavai o le Upumoni, ma le voluma 2, Leai Se Lima Eleelea, e aofia ai vaitaimi tutusa o le talafaasolopito o le Ekalesia ma le Mataupu Faavae ma Feagaiga. O nei talafaasolopito e mafai ona tuuina atu ia te oe malamalamaaga i le siosiomaga o loo siomia ai faaaliga o loo e suesueina i le Mataupu Faavae ma Feagaiga.