Malumalu o Katelani

Malumalu o Katelani, saunia e Al Rounds

30 Aokuso–5 Setema

Mataupu Faavae ma Feagaiga 94–97

“Mo le Faaolataga o Siona”

Saili musumusuga ia iloa po o a mataupu faavae mai vaega 94–97 e faamamafa atu ao e aoao atu. E mafai ona e fetuunai ia manatu o gaoioiga mo tamaiti laiti ao e aoaoina tamaiti matutua, ma le isi itu.

Tusi Faamaumau Ou Lagona Uunai

aikona o le faasoa

Valaaulia le Fefaasoaai

Faaali atu i tamaiti se ata o se malumalu, ma valaaulia i latou e faasoa mai ni mea ua latou iloa e uiga i malumalu. E mafai foi ona latou talanoa e uiga i o latou lagona pe a latou vaai i se malumalu.

aikona o le aoao atu

Aoao atu le Aoaoga Faavae: Tamaiti Laiti

Mataupu Faavae ma Feagaiga 95:8; 97:15–16

O le malumalu o le maota o le Alii.

E oo lava i tamaiti i Katelani na fesoasoani, i auala laiti ae taua, e fausia ai le Malumalu o Katelani. Fesoasoani i tamaiti o loo e aoaoina e faamalosia lo latou alofa mo le maota paia o le Alii.

Gaoioiga e Mafai Ona Fai

• Faaali atu le ata o le Malumalu o Katelani (tagai i le otootoga o lenei vaiaso i le Sau, Mulimuli Mai ia te A’u—Mo Tagata Taitoatasi ma Aiga). Faaaoga fuaitau mai le Mataupu Faavae ma Feagaiga 95:8 e aoao ai tamaiti e uiga i le poloaiga a le Alii e fausia lenei malumalu. Tuu atu i tamaiti e auauai i le uuina o le ata ma fai atu “O le malumalu o le maota o le Alii.”

  Malumalu o Katelani

  Na fausia e le Au Paia le malumalu ina ia latou lagona ai le latalata atili atu i le Atua.

• Ta’u atu i tamaiti i luga o malumalu uma o loo tusia ai upu ia “E Paia i le Alii. O Le Maota o le Alii.” Afai e mafai, faaali atu ia i latou se ata o nei upu i luga o se malumalu. Aisea e avea ai le malumalu ma se nofoaga faapitoa? Faitau fuaitau mai le Mataupu Faavae ma Feagaiga 97:15–16 o loo aoao mai e uiga i le malumalu o le maota o le Alii, ma faasoa atu ou lagona e uiga i le malumalu.

• Valaaulia tamaiti e faafoliga o loo latou fesoasoani i le fausiaina o se malumalu (tipiina laupapa, tu’itu’i fao, vali puipui, ma isi). Faamatala le taua o le malumalu i le Alii, le faigata na galulue ai le Au Paia e fausia le Malumalu o Katelani, ma le tele o mea na latou ositaulaga ai mo le malumalu (tagai Au Paia, 1:210).

• Usu faatasi se pese e fesoasoani i tamaiti ia lagona le faaaloalo mo le maota o le Alii, e pei o le “Ou Te Fia Vaai i le Malumalu” (Tusipese a Tamaiti, 99). Valaaulia tamaiti e faasoa mai o latou lagona e uiga i le malumalu.

Mataupu Faavae ma Feagaiga 97:8

E mafai ona ou faamaoni.

I le Mataupu Faavae ma Feagaiga 97:8, na faailoa mai ai e le Alii o le faamaoni o se uiga a se tasi o i latou o e ua “taliaina aʻu.”

Gaoioiga e Mafai Ona Fai

• Faamatala atu i tamaiti, na aoao mai le Atua afai tatou te faamaoni, Na te taliaina i tatou (tagai Mataupu Faavae ma Feagaiga 97:8). Fetufaai ma i latou ni nai tala pupuu e fesoasoani latou te malamalama ai i le uiga o le faamaoni. O nei tala e mafai ona sau mai lou lava olaga, mai le olaga o se tasi e te iloa, pe mai le Uo po o le Liahona. Fesoasoani i tamaiti e toe faʻamatalaina tala ia te oe pe fefaasoaaʻi aafiaga ma le faamaoni mai o latou olaga.

• Fesoasoani i tamaiti e aoao le amataga o le mataupu faavae o le faatuatua lona sefulutolu: “Matou te talitonu i le faamaoni.” Fesoasoani i tamaiti e faatino ni faataitaiga o le faamaoni ma le le faamaoni. Mo se faʻataʻitaʻiga, e mafai ona faatino e tamaiti le ave o se mea mai se uso/tuagane ma taʻu atu i o latou matua latou te lei aveina. Ona fesoasoani lea i tamaiti e faatino le tulaga lava lea e tasi ma faapea ona latou tau atu ai i o latou matua le mea moni. Faamatala atu o le faamaoni lea.

aikona o le aoao atu

Aoao atu le Aoaoga Faavae: Tamaiti Matutua

Mataupu Faavae ma Feagaiga 95:1–3, 8, 11–17; 97:10–17

O le malumalu o le maota o le Alii.

Manatunatu pe mafai faapefea ona e faaaogaina nei fuaiupu e fesoasoani ai i tamaiti ia malamalama i le taua o le malumalu i le Alii—ma le taua e tatau ona i ai ia i tatou uma.

Gaoioiga e Mafai Ona Fai

• Fai atu i tamaiti e talanoa e uiga i taimi na tatau ai ona latou faia se mea ae latou te le’i faia i le taimi lava lena. Fesoasoani i se tamaitiiti e faitau le Mataupu Faavae ma Feagaiga 95:3, 8, ma fesili atu i tamaiti po o le a le poloaiga na fetalai mai le Alii e le’i usitaia e le Au Paia. Faitau faatasi le fuaiupu 11. O le a le mea na manaomia ona faia e le Au Paia ina ia mafai ona latou fausia le malumalu? O le a se mea e mafai ona tatou aoaoina mai le folafolaga a le Alii ia i latou?

• I luga o ni kata, tusi mataupu faavae e faatatau i le malumalu o loo maua i le Mataupu Faavae ma Feagaiga 95 ma le 97, faatasi ma ni mau faasino talafeagai, ma tuu kata i totonu o se ato. Mo se faataitaiga: O le fausiaina o malumalu e moomia ai le ositaulaga (Mataupu Faavae ma Feagaiga 97:11–12) ma le E tatau ona tatou agavaa e ulu atu i le malumalu (Mataupu Faavae ma Feagaiga 97:15–17). Vaevae tamaiti i ni paga. Tuu atu i paga taitasi e piki se kata mai le ato ona galulue faatasi lea e faitau le mau i luga o le kata ma talanoa po o le a le uiga o le mataupu faavae ia i latou. Fesoasoani ia malamalama tamaiti i mea o loo latou faitauina pe a manaomia.

• Valaaulia se tagata talavou mai lau uarota po o le paranesi ua ulu i le malumalu e faasoa atu lona aafiaga ma ta’u atu i tamaiti mea e mafai ona latou faia e saunia ai mo le malumalu.

• Faaaoga le tusiga “O Lo Outou Ala i le Malumalu” (i le O Malumalu a Le Ekalesia a Iesu Keriso o le Au Paia o Aso e Gata Ai [lomiga faapitoa o le Ensign po o le Liahona, Oct. 2010], 72–75) e fesoasoani ai i tamaiti ia malamalama i mea e faia i totonu o malumalu ma le auala e mafai ai ona latou saunia. Mafaufau e tuu atu i tamaiti taitasi se vaega o le tusiga e faitau ma tuu atu latou te faasoa mai mea ua latou aoaoina.

• Faasoa atu le vitio “Two Apostles Lead a Virtual Tour of the Rome Italy Temple” (ChurchofJesusChrist.org), ma valaaulia tamaiti e faasoa mai o latou lagona e uiga i le alu atu i le malumalu i se aso.

• Usu faatasi se pese e faatatau i le malumalu, e pei o le “Ou Te Fia Vaai i le Malumalu” (Tusipese a Tamaiti, 99). O a fuaiupu i lenei pese o loo aoao mai ia i tatou mafuaaga e paia ai le malumalu?

Mataupu Faavae ma Feagaiga 97:1–2, 8–9, 21

O Siona o “e loto mama.”

Fesoasoani i tamaiti ia malamalama o Siona e le na o se nofoaga; o i foi e i ai “e ua loto mama” (Mataupu Faavae ma Feagaiga 97:21).

Gaoioiga e Mafai Ona Fai

• Valaaulia tamaiti e faitau le Mataupu Faavae ma Feagaiga 97:21, ma fai atu ia i latou po o le a le uiga o le upu “mama”. Ina ia faaalia, faaali atu se ipu vai mama, ma talanoa pe aisea e taua ai le i ai o le vai mama. Faaopoopo se mea i le vai e le mama ai (e pei o le palapala po o le pepa fai meaai). Valaaulia tamaiti e toe faitau le Mataupu Faavae ma Feagaiga 97:21 ma faasino i le upu “mama.” O le a le uiga o le, mo tatou loto ia mama? Fesoasoani i tamaiti ia malamalama o le loto mama e le faapea e le taitai ona tatou faia ni mea sese. O le a se mea e mafai ona tatou faia ina ia mama atili ai o tatou loto? E faapefea ona fesoasoani le Faaola ia i tatou?

• Fesoasoani i tamaiti e saili i totonu o le Mataupu Faavae ma Feagaiga 97:1–2, 8–9, 21, ma vaavaai mo upu po o fasifuaitau o loo faamatala mai ai le avea ma tagata e loto mama. Fai atu ia i latou e piki se upu po o se fuaitau, tusi i luga o se fasi pepa, ma tuu i totonu o se koneteina. Se’i taitasi fasipepa, ma fai atu i tamaiti e faalau mai ni mea e mafai ona latou faia ma faaaoga lena manatu i o latou olaga. Mo se faataitaiga, o le a se mea tatou te faia e “maua [ai] le upumoni” (fuaiupu 1) pe avea atili ma tagata “faamaoni” (fuaiupu 8)?

aikona o le aoaoina

Uunaia le Aoaoina i le Aiga

Valaaulia tamaiti e faaaoga le itulau o gaoioiga o lenei vaiaso e faasoa ai ma o latou aiga mea na latou aoaoina e uiga i le malumalu.

Faaleleia o Lo Tatou Aoao Atu

Fautuaina tamaiti e fai fesili. “Taumafai e tagai atu i [fesili a tamaiti] o ni avanoa, ae le o se faalavelave po o ni faalavefau i lau lesona. … O na fesili e tuuina atu ia te oe ni malamalamaaga taua e uiga i mea o loo mafaufau i ai tamaiti, o a popolega o ia i latou, ma pe faapefea ona latou tali atu i mea o loo latou aoaoina. Fesoasoani ia latou vaai o tali i a latou fesili e mafai ona maua i totonu o tusitusiga paia ma upu a perofeta soifua” (Aoao Atu i le Ala o le Faaola, 25–26).

itulau o gaoioiga: o le malumalu o le maota o le Alii