umahan sa pagsubang sa adlaw

Distrito sa Daviess, Missouri

Hunyo 14–20

Doktrina ug mga Pakigsaad 64–66

“Ang Ginoo Nagkinahanglan sa Kasingkasing ug sa Usa ka Andam nga Hunahuna“

Samtang nangandam ka sa pagtudlo, ikonsiderar unsaon nimo sa pagpahaum ang imong paagi aron motukma sa mga panginahanglan sa mga bata. Hinumdumi nga ikaw makagamit sa bisan hain sa mga kalihokan niini nga outline alang sa mas gagmay o mas dagko nga mga bata.

Irekord ang Imong mga Impresyon

pagpaambit nga icon

Dapita ang Pagpaambit

Hatagi ang matag bata og kahigayunan sa paggunit og litrato sa Manluluwas ug pagpakigbahin og butang nga ilang nakat-unan mahitungod Kaniya ug sa Iyang ebanghelyo.

pagtudlo nga icon

Itudlo ang Doktrina: Mas Gagmay nga mga Bata

Doktrina ug mga Pakigsaad 64:9–10

Si Jesukristo misugo nako sa pagpasaylo sa uban.

Unsa nga mga leksyon nga maggamit og butang o mga kalihokan ang imong mahunahunaan nga makatabang sa mga bata nga makasabut unsay gipasabut sa pagpasaylo? Samtang hisgutan nimo ang pagpasaylo, pahinumdumi ang mga bata nga ang pagpasaylo wala magpasabut nga motugot sa uban nga mopasakit kaninyo.

Posible nga mga Kalihokan

• Basaha ang mga pulong “kamo kinahanglan gayud nga mopasaylo sa usag usa” (Doktrina ug mga Pakigsaad 64:9), ug pangutan-a ang mga bata unsay gipasabut sa pagpasaylo og usa ka tawo. Aron sila matabangan, ipakigbahin ang pipila ka yanong mga ehemplo. Tabangi sila nga magdrama niini nga mga ehemplo sa pagbansay sa pagpasaylo.

• Basaha og hinay ang Doktrina ug mga Pakigsaad 64:10 ngadto sa mga bata, ug palamanoha sila sa laing bata kon sila makadungog sa pulong “pasaylo.” Ipakigbahin ang imong pagpamatuod sa kalinaw ug kalipay nga moabut kon kita mopasaylo sa uban.

• Kantaha ang usa ka awit mahitungod sa pagpasaylo, sama sa “Tabangi Ko, Mahal nga Amahan” (Songbook sa mga Bata, 52). Unsa ang gitudlo niini nga kanta kanato mahitungod sa pagpasaylo sa uban?

Doktrina ug mga Pakigsaad 64:34

Ako makasunod ni Jesus sa akong kasingkasing ug hunahuna.

Ang Ginoo mitudlo sa mga Santos nga sa pagtukod sa Zion, sila kinahanglan nga mohatag Kaniya sa ilang mga kasingkasing ug andam nga hunahuna. Ikonsiderar kon unsaon nimo pagtabang ang mga bata nga magsugod sa paghunahuna mahitungod unsay kahulugan niini alang kanila.

Posible nga mga Kalihokan

• Basaha ngadto sa mga bata ang gikan sa Doktrina ug mga Pakigsaad 64:34: “Tan-awa, ang Ginoo nagkinahanglan sa kasingkasing ug sa usa ka andam nga hunahuna.” Balika kini nga mga pulong sa pipila ka higayon, motudlo sa imong kasingkasing ug ulo samtang ikaw magbasa niadto nga mga pulong, ug dapita ang mga bata sa pagbuhat sa ingon. Sa unsa nga paagi nato mahatag ang atong mga kasingkasing ug mga hunahuna ngadto sa Manluluwas? (Tingali makatabang ang pagpasabut nga ang atong kasingkasing nagpasabut sa atong mga pagbati ug gugma ug ang atong hunahuna nagpasabut sa atong mga alimpatakan.)

• Kantaha ang usa ka awit mahitungod sa paghigugma ug pagsunod sa Manluluwas, sama sa “Gibati Ko ang Gugma sa Akong Manluluwas” (Songbook sa mga Bata, 42–43; ilabi na sa bersikulo 3). Unsaon nato pagpakita sa Manluluwas nga gihigugma nato Siya? Ipakigbahin ang imong mga pagbati alang ni Jesukristo.

Doktrina ug mga Pakigsaad 66

Ang Ginoo nakaila kinsa ako ug nahigugma kanako.

Si William E. McLellin adunay lima ka piho ka mga pangutana alang sa Ginoo. Si Joseph Smith nakadawat og mga tubag niini pinaagi sa usa ka pagpadayag bisan og siya wala makahibalo unsa ang mga pangutana ni William. Kini nga kasinatian makatabang kanimo sa pagtudlo sa mga bata nga ang Dios nakaila kanila ug makatubag sa ilang mga pangutana.

Posible nga mga Kalihokan

• Isulti kon sa unsa nga paagi nga ang Ginoo mitubag sa mga pangutana ni William E. McLellin pinaagi sa usa ka pagpadayag gikan ni Propeta Joseph Smith (tan-awa sa Doktrina ug mga Pakigsaad 66, ulohan nga seksyon). Ipamatuod nga ang Langitnong Amahan nakaila nato ug gusto nga motabang kanato. Hangyoa ang mga bata sa pagpakigbahin giunsa nila sa pagkahibalo nga ang Dios nahigugma kanila.

• Basaha ngadto sa mga bata ang Doktrina ug mga Pakigsaad 66:4. Sultihi ang mga bata mahitungod sa usa ka panahon sa dihang ang Ginoo mipakita kanimo unsa ang gusto Niya nga imong buhaton. Basaha pag-usab ang bersikulo, niining higayona isal-ot ang ngalan sa usa sa mga bata. Balika alang sa matag bata.

  Jesus ug ang mga bata

  Si Jesukristo nahigugma sa matag usa kanato.

pagtudlo nga icon

Itudlo ang Doktrina: Mas Dagko nga mga Bata

Doktrina ug mga Pakigsaad 64:7–10

Ang Ginoo gusto nga ako mopasaylo sa tanan.

Sa gipakita niini nga mga bersikulo, bisan ang mga disipulo ni Jesukristo usahay maglisud sa pagpasaylo sa uban. Ikonsiderar unsaon nimo pagtabang ang mga bata nga makasabut sa sugo sa Ginoo “sa pagpasaylo sa tanan.” (Klaruha nga ang pagpasaylo wala magpasabut nga motugot sa mga tawo nga mopasakit nato; kinahanglang mosulti sila ngadto sa gisaligan nga hamtong kon dunay mopasakit nila.)

Posible nga mga Kalihokan

• Dapita ang mga bata sa paghunahuna nga sila gisugo sa pagtudlo sa manghud nga igsoon mahitungod sa pagpasaylo sa uban. Unsaon nila sa paghimo niini? Dapita sila sa pagbasa sa Doktrina ug mga Pakigsaad 64:7–10 nga magpares ug sa pagpangita sa mga pulong nga ilang gamiton sa ilang pagtudlo. Mahimo usab nga magbansay sila sa pagtudlo sa usag usa.

• Kantaha pagdungan ang “Tabangi Ko, Mahal nga Amahan” (Songbook sa mga Bata, 52). Sa unsa nga paagi nga ang Langitnong Amahan motabang nato sa pagpasaylo sa uban?

• Hunahunaa ang sambingay nga makatabang sa mga bata nga makasabut sa unsa nga paagi kita “gisakit” kon kita dili mopasaylo (bersikulo 8). Sama pananglit, ipakita sa mga bata ang usa ka bag sa lapok; hangyoa sila sa paghunahuna nga dunay molabay nila og lapok. Sa unsa nga paagi nga ang pagkapakyas sa pagpasaylo sama sa pagtigum sa lapok ug pagdala niini uban nato? Ngano nga mas maayo ilabay ang lapok? Tabangi ang mga bata sa paghunahuna sa ubang mga sambingay nga nagtudlo ngano nga importante ang pagpasaylo.

Doktrina ug mga Pakigsaad 64:33–34

Ang Ginoo nagkinahanglan sa akong “kasingkasing ug usa ka andam nga hunahuna.”

Ang pagtukod sa Zion—o pagtabang sa Simbahan nga molambo—mao ang “usa ka mahinungdanon nga buhat.” Sa pagtuman niini, ang Ginoo nagkinahanglan nga kita mohalad ngadto Kaniya sa atong mga kasingkasing ug andam nga mga hunahuna. Kadtong mopuyo sa Zion “usa sa kasingkasing ug usa sa hunahuna” (Moises 7:18).

Posible nga mga Kalihokan

• Ipakita sa mga bata ang pipila ka butang nga gihimo gikan sa daghang gagmay nga mga bahin, sama sa puzzle o trapo. Tabangi sila sa paghunahuna sa ubang mga ehemplo. Dapita ang mga bata sa pagbasa sa Doktrina ug mga Pakigsaad 64:33. Unsa ang gusto sa Dios nga atong buhaton sa pagtabang Kaniya nga matuman ang Iyang “mahinungdanon nga buhat”? Unsa ang “gagmay nga mga butang” nga atong mahimo nga makatabang pagtuman niini nga buhat?

• Hangyoa ang mga bata sa pagkompleto sa usa ka lihok nga magkinahanglan og duha ka butang, apan hatagi sila og usa lang (sama pananglit, pagsulat diha sa pisara nga walay tisas o pagputol og piraso sa papel nga walay mga gunting). Dapita ang mga bata sa pagbasa sa Doktrina ug mga Pakigsaad 64:34 sa pagpangita unsa ang duha ka butang nga gipangayo sa Ginoo kanato. Ngano nga kinahanglan natong ihatag ang atong kasingkasing ug hunahuna ngadto sa Ginoo? Unsaon nato sa pagbuhat niini?

Doktrina ug mga Pakigsaad 65

Ako makatabang sa pag-andam sa kalibutan nga modawat ni Jesukristo.

Ang misyon sa Simbahan—ang gingharian sa Dios sa yuta—mao ang pag-andam sa kalibutan alang sa pagbalik sa Manluluwas. Ang mga bata nga imong gitudloan mao ang importante nga bahin niini nga misyon. Unsa ang imong mahimo sa pagtabang nila nga moapil?

Posible nga mga Kalihokan

• Isip usa ka klase o magpares-pares, basaha ang Doktrina ug mga Pakigsaad 65, ug ipha pila ka higayon ang pulong nga “pangandam” nahisulat. Unsa ang gisugo sa Ginoo nga atong pangandaman? Unsay atong mahimo sa pagpangandam sa atong kaugalingon ug sa yuta?

• Ipakita ang litrato sa Ikaduhang Pag-anhi sa Manluluwas (tan-awa sa Libro sa Hulagway sa Ebanghelyo, nu. 66), ug hangyoa ang mga bata sa paghulagway unsay ilang nakita o unsay ilang nahibaloan mahitungod niini nga panghitabo. Hatagi ang mga bata sa importante nga mga pulong nga pangitaon sa Doktrina ug mga Pakigsaad 65 (sama sa “pun-a ang tibuok yuta” ug “talagsaon nga mga buhat”). Unsa ang gitudlo niini nga mga pulong kanato mahitungod sa Ikaduhang Pag-anhi ug sa atong tahas sa pagpangandam alang niini?

pagkat-on nga icon

Awhaga ang Pagkat-on diha sa Panimalay

Tabangi ang mga bata sa pagpangita og bersikulo diha sa Doktrina ug mga Pakigsaad 64–66 nga ilang ganahan ug gusto nila nga ipakigbahin sa usa ka sakop sa pamilya o higala.

Pagpalambo sa Atong Pagtudlo

Pagkat-on sa pag-ila og pagpadayag. Samtang mag-ampo ug mamalandong ka sa mga kasulatan, imong makaplagan nga ang mga ideya ug mga impresyon moabut bisan unsang oras ug bisan asa—“samtang mopadulong ka sa trabaho, magbuhat sa mga buluhaton sa balay, o makig-istorya sa pamilya ug mga higala” (Pagtudlo sumala sa Pamaagi sa Manluluwas, 12).

pahina sa kalihokan: Ako makasunod ni Jesukristo sa akong hunahuna ug sa kasingkasing