Ngondu wa Muanda Mukulu 4–10: Imanayi mu Miaba ya Tshijila

Dilongesha ne Bipungidi 85–87

Dituku dia diledibua dia Kilisto didi pa tshibidilu tshikondu tshia kunana meji pa mikenji bu mudi “ditalala pa buloba” (tangila Luka 2:14). Kadi mu Ngondu wa Dikumi ne Muibidi 25, 1832, meji a Joseph Smith avua matatshishibua ne mikanu ya mvita. Ditunga dia Carolina du Sud mu Etats-Unis divua difuma ku ditua nkanana ku bulombodi bua ditunga ne didilongolola bua mvita. Mukalenga wakabuluila amu mushindu wa mbangilu wa mvita, Wakamba ne, neyimuangalaka mu bukua bisamba (Dilongesha ne Bipungidi 87:2). Bivua bimueneka ne buambi ebu buvua ne tshiakukumbana pa lukasa.

Kadi pashisha kabiakafika to. Mu mbingu mikesa, Carolina du Sud ne bulombodi bua Etas-Unis bakapeta diumvuangana, ne bakepuka mvita. Nansha nanku, buambi kabutu amu bukumbana mu tshikondu atshi anyi mu mushindu utudi tutekemena to. Pabuipi ne bidimu 30 bipita, ntanta mula panyima pa Joseph Smith mumana kufuila ditaba, Carolina du Sud wakatomboka ne mvita ya bena ditunga ya kalonda. Lelu, mvita idi itungunuka pa buloba bujima ikeba “miadi ya buloba”(Dilongesha ne Bipungidi 87:6). Mushinga wa dibuluila edi kawena wamba tshikondu tshidi malu makola afika to kadi nangananga mu dilongesha tshiakuenza pafikawu. Mubelu udi wa momumua mu 1831, 1861, ne 2025: Imanayi mu Miaba ya Tshijila, ne kanutenkakanyi to (kanungu 8).

Ngenyi bua Kulonga mu Dîku ne mu Ekelezia

Dilongesha ne Bipungidi 85:1–2

Mukalenga mmusua bua mema “mfunda ne kulama malu a kala.”

Leja tshivua Mukalenga munjinga bua tshibuela mu “malu a kala” adi mumvuija mu Dilongesha ne Bipungidi 85:1–2. Buatshinyi udi wela meji ne Mukalenga mmusua bua mema mfunda ne ndama malu a kala? Tshinyi tshiwudi mua kukuata pa tshidi tshitangila “ngezelu wa malu mu moyo weba, ditabuija dieba, ne mudimu weba” tshidi mua kuikala dibenesha bueba ne bua ba bikondu bialua? Mushindu kayi udi kulama kua malu a kala a muntu kukuambuluisha bua kulua kudi Kilisto?

Tangila kabidi “Journals: ‘Of Far More Worth than Gold,’” Teachings of Presidents of the Church: Wilford Woodruff (2011), 125–33; “Turning Hearts” (video), ChurchofJesusChrist.org.

Turning Hearts

Dilongesha ne Bipungidi 85:6

Nyuma udi wakula ne “dîyi diteketa dikesa.”

Nana meji pa mêyi adi Joseph Smith muenzela bua kumvuija Nyuma mu Dilongesha ne Bipungidi 85:6. Mu mushindu kayi udi dîyi dia Nyuma “diteketa” ne “dikesa”? Angata diumvuija dia nsakidilu didi difila kupitshila kudi Joseph Smith: Dilongesha ne Bipungidi 6:22–24; 8:2–3; 9:7–9; 11:12–13; 128:1. Mushindu kayi udi Nyuma wakula kuwudi?

Tangila kabidi Luka 24:32; Mosiya 5:2; Alama 32:28; Helamana 5:30; Dilongesha ne Bipungidi 6:22–23; 11:12–13.

Enzela malonga a bintu. Bantu badi bavuluka malonga bimpa padibu bamona anyi babuela mu malonga a bintu bilondeshila bidibu balonga. Tshilejilu, pawudi ulongesha pa dîyi diteketa ne dikesa dia nyuma, pamuapa udi mua kuimba ku tshisanji musambu mushema, wa tshijila, ne balongi badi mua kuamba tshidi musambu muenza bua bumvua ne mushindu kayi uvuabi bibakolela bua kumvua pavua mitoyi ya manaya koku. Tshidi mua kutuma ku diyukila pa manaya mu nsombelu yetu adi atupangisha bua kumvua dîyi diteketa ne dikesa.

Mifundu idi yumvuija dîyi dia Nyuma bu diteketa ne dikesa.

Dilongesha ne Bipungidi 86

Bakana ne basangishibua mu Kilisto mu matuku a ku ndekelu.

Dilongesha ne Bipungidi 86 udi ne dikudimuna dia lusumuinu lua mponda ne lupela, bipeta mu Matayo 13:24–30, 37–43. Pawudi ulonga pa diumvuija dia lusumuinu elu, ela meji bua kupatula tabulo bu mudi ewu:

Bimanyishilu	Diumvuija didi dikumbana	Nkonku bua kunana meji
Bimanyishilu Bakunyi ba maminu	Diumvuija didi dikumbana Bambi ne bapostolo	Nkonku bua kunana meji Maminu a mishindu kayi adi bambi ne bapostolo bakuna?
Bimanyishilu muluishi	Diumvuija didi dikumbana Satana	Nkonku bua kunana meji Mushindu kayi udi muluishi uteta bua kuimanyika mudimu wa Mukalenga?
Bimanyishilu	Diumvuija didi dikumbana	Nkonku bua kunana meji
Bimanyishilu	Diumvuija didi dikumbana	Nkonku bua kunana meji

Eyi idi nkonku mikesa ya nsakidilu ya kuangata:

• Panyima pa dikudimuna lusumuinu, Mukalenga wakakula bua buakuidi, dipinguluja, ne lupandu lua bantu benda (tangila kanungu 8–11). Dilamakana kayi diwudi umona pankatshi pa bintu ebi ne lusumuinu lua mponda ne lupela?

• Mudimu weba udi tshinyi mu kuikala “bukenka kudi bukua Bisamba” ne “bu Mupandishi kudi bantu ba Mukalenga”? (kanungu 11).

Dilongesha ne Bipungidi 87

Ditalala didi disanganyibua mu “miaba ya tshijila.”

Buambi mu tshitupa 87 budi budimuisha pa njiwu ya mupimbu idi mu dipetangana ne mvita ya matuku a ndekelu. Kadi mubelu mu dibuluila edi udi wenzekela kabidi ku njiwu ya nyuma. Nana meji ku nkonku bu idi ilonda:

• buambi tshidi dibuluila dia kua Nzambi kudi muambi, misangu mivula pa matuku atshilualua. Bilejilu kayi bikuabu bia mambi a bambi ba kala ne bapia-bapia adi mafidibua? (tangila Yone 3:14; Mosiya 3:5; Helamana 14:2–6). Mushindu kayi uvuabi bikumbajibua? (tangila Luka 23:33; Matayo 15:30–31; 3 Nefi 1:15–21).

• Mabenesha kayi a ditaba dia mambi a bambi ba Nzambi?

Ne ngenyi ayi ku meji, bala tshitupa 87. (Bua bikuabu bibadi bia miyuki, udi kabidi mua kujinga kubala mêyi a mbangilu ku tshifundu etshi.) tshinyi tshiwudi mulonga pa buambi kupitshila ku dibuluila edi ne mushindu uvuadi dikumbana? Tshinyi tshiwudi mua kuambila muntu udi ne mpata bualu buambi ke mbukumbana pa diba?

Mubelu kayi udi Mukalenga ufila mu kanungu 8? Yeba miaba ya “tshijila kayi” yiudi upeta ditalala ne bukubi? Tshinyi tshidi tshiwenza muaba wa tshijila? Bua sakidila ku miaba, pamuapa kudi dîba dia tshijila, bienzedi bia tshijila, anyi ngenyi ya tshijila idi mua kukupesha ditalala. Tshilejilu, mushindu kayi udi mêyi a bambi ba Nzambi mua kuikala muaba wa tshijila bueba? Tshinyi tshidi tshiumvuija “kuimana” ne “kubenga kutenkakana” mu miaba eyi?

Tangila kabidi “Where Love Is,” Mukanda wa Misambu ya Bana, 138–39; Saints, 1:163–64; “Peace and War,” mu Revelations in Context, 158–64.

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga .

Ngenyi bua Kulongesha Bana

Dilongesha ne Bipungidi 85:6

Nyuma udi wakula ne “dîyi diteketa dikesa.”

• Tshinyi tshidi bana beba mua kuamba padi muntu ubakonka mushindu kayi udibu bamanya padi Nyuma wa Tshijila wakula nabu? Babikila bua babala mushindu uvua Joseph Smith mumvuija dîyi dia Nyuma mu Dilongesha ne Bipungidi 85:6. Pashisha badi mua kuidikija kumvua ne kuakula mu dîyi dikesa. Udi mua kuyisha mamanya avua Nyuma wakula neba mu dîyi dikesa ne diteketa.

• Bua kuambuluisha bana bua bumvua tshiambilu “dîyi diteketa dikesa,” udi mua kuimba musambu wa bana biteketa, bu mudi “The Holy Ghost” (Mukanda wa Misambu ya Bana, 105). Konka umua wa ku bana bua abuka musambu padi bakuabu benza mitoyi bua ku munayisha. Pashisha udi mua kuambulula musambu kakuyi manaya. Manaya kayi atudi mua kumbusha mu nsombelu wetu bua kuikala tumvua Nyuma misangu yonsu?

Dilongesha ne Bipungidi 86

Ndi mua kuambuluisha bua kusangisha bantu ba Nzambi.

• Bua kuambuluisha bana beba bua kumvua lusumuinu luvua lumvuija mu tshitupa 86, udi mua kulongolola bimfuanyi bikesa bia bungi anyi udi mua kumumbusha ne kumusokoka ku luseka lua tshibambalu. Umvuija bana beba lusumuinu lua mponda ne lupela (tangila Matayo 13:24–30), ne balayi pamua diumvuija mu Dilongesha ne Bipungidi 86:1–7. Pashisha bana beba badi mua kusangisha bimfuanyi bisokoka bia mponda ne kufundapu dîna dia muntu kampanda udibu mua “kusangisha” ku Yezu Kilisto. Kusangisha bantu ku Yezu Kilisto tshidi tshiumvuija tshinyi? Mishindu kayi mikuabu itudi mua kutshienza?

Dilongesha ne Bipungidi 86:11

Ndi mua kuikala bu bukenka bua bakuabu.

• Eyi idi imua nkonku iudi mua kukonka bana beba panudi nuyukilangana Dilongesha ne Bipungidi 86:11: mushindu udi bukenka mua kutubenesha? Tshidi tshifuanangana ne tshinyi patudi katuyi ne bukenka? Mushindu kayi utudi mua kuikala bukenka bua bantu bakuabu? Ambuluisha bana beba bua “kutungunuka mu [buimpa] bua Yezu” ne abanyanganayi tshiotshi ne bakuabu.

Dilongesha ne Bipungidi 87:6, 8

Ndi mua “kuimana mu miaba ya tshijila.”

• Balayi pamua Dilongesha ne Bipungidi 87:6 bua kulonga pa bintu bidi Mukalenga muamba biafika mu matuku a ndekelu. Pashisha nudi mua kuakula pa ntatu kampanda iudi wewa ne bana beba nututakena nayi. Mu kanungu 8, tshinyi tshidi Mukalenga wamba tshitudi mua kuenza mu bikondu bikola?

• Ambuluisha bana beba bua kuenza lista wa miaba ya tshijila, ngenyi ya tshijila, ne bienzedi bia tshijila bidi mua kubambuluisha ku njiwu ya nyuma Bua ngenyi, tangila video “Standing in Holy Places (tshisangi tshia Lumu Luimpa).

  Standing in Holy Places

  Stand Ye in Holy Places - Bloom Where You’re Planted

Ntempelo udi muaba wa tshijila.

Bua ngenyi ya bungi, tangila malu a ngondu ewu bua makazina a Mulunda .

Mukalenga udi usangisha bantu benda bu mponda.