Ngondu Muitanu 19–25: “Tshidi Tshia Nzambi Tshidi Bukenka”

Dilongesha ne Bipungidi 49–50

Musungidi udi wetu “mulami wa mikoku muimpa” (Dilongesha ne Bipungidi 50:44). Mumanya ne imua misangu mikoku itu yendakana ne mu tshipela mudi njiwu ya bunyi. Ki buatshinyi udi utulombola ne dinanga ku bukubi bua dilongesha Dienda. Udi utuepula ku njiwu bu mudi nyuma ya mashimi, idi mitangalaka pa buloba, bua kushima buloba bujima (Dilongesha ne Bipungidi 50:2). Kumulonda kudi kumvuija kumbusha ngenyi ne ngikadilu idi kayiyi mijalama. Bivua bulelela bua Leman Copley ne bakuabu mu Ohio. Bavua bitaba lumu luimpa kadi batungunuka ne kuitaba tumua tunungu tua ditabuija tuvua katuyi tujalama. Mu Dilongesha ne Bipungidi 49, Mukalenga wakela patoka malelela avua ajalamija tunungu tua ditaba dia kala dia Leman pa tshidi tshitangila dibaka ne Dilua Dibidi dia Mupandishi. Ne pakapeta bavua bakudimuna mitshima mu Ohio nyuma ivuabu kabayi bumvua, Mukalenga wakabambila mushindu kayi wa kujandula bimanyinu bilelela bia Nyuma (Dilongesha ne Bipungidi 50:15). Mulami muimpa udi netu lutulu, tudi bana Benda bakesa, badi mua kukola mu ngâsa ne mu dimanya dia bulelela (Dilongesha ne Bipungidi 50:40).

Ngenyi bua Kulonga mu Dîku ne mu Ekelezia

Dilongesha ne Bipungidi 49; 50:24

Yezu Kilisto mmusua bua ngakidila bulelela bua Lumu Luimpa luenda.

Kumpala kua kubuela mu Ekelezia, Leman Copley uvua mu ntendelelu mumanyika mu dîna dia Tshisumbu Tshisanga tshia Ditabi ba Dimueneka Dibidi dia Kilisto, bamanyika kabidi bu ba Shakers. Panyima pa muyuki ne Leman, Joseph Smith wakakeba bua kupeta butoka bufuma kudi Mukalenga pa amua malongesha a ba shakers. Mukalenga wa kandamuna ne dibuluila didi mu tshitupa 49. Amua a ku mitaba a ba shakers mafunda mu tshitupa tshitela kulu eku.

Tshinyi tshidi Mukalenga ulongesha mu tshitupa 49 bua kujalamija mitaba a ba shakers? Tshinyi tshiwudi mumona mu dibuluila edi tshidi tshileja dinanga ne malu enda bua badi kabayi ne bulelela buenda bonsu? Mushindu kayi uwudi mua kufika kudibu ne dinanga ne kalolu?

Tshinyi tshidi tshikuata ntema yeba pa miaku idi Mukalenga muamba mu kanungu 2? Udi mua kufuanyikija esthi ne tshidi tshifika pawudi umona tshitupa tshia video, umona tshitupa tshimua tshia puzzle, anyi umvua tshibadi tshimua tshia bualu. Mushindu kayi udi Mukalenga utudimuisha kupitshila ku Dilongesha ne Bipungidi 50:24? Lama mu meji tshiwudi wenza bua kupeta bukenka bua bunyi bufuma kudi Mukalenga.

Tangila kabidi “Leman Copley ne ba Shakers,”mu Revelations in Context, 117–21.

Dilongesha ne Bipungidi 49:15–17

Dibaka pankatshi pa muluma ne mukaji didi ne mushinga mu dilongolola dia Nzambi.

Mu budienzeji bua kubumbula dilongolola dia Tatu wa mu Diûlu, Satana udi wenda ukeba kubueja dielakana pa dibaka. Mukalenga, udi wenza muenda monsu bua kutungunuka ne kubuluila bulelela pa dibaka kupitshila kudi bambi benda. Udi mua kupeta amua a ku malelela â mu Dilongesha ne Bipungidi 49:15–17; Genese 2:20–24; 1 Kolinto 11:11; ne “Dîku: Dimanyisha kudi ba pa Buloba.” Enza lista wa malelela awudi mupeta. Buatshinyi Dibaka didi ne mushinga mu dilongolola dia Nzambi?

Mukulu Ulisses Soares muamba ne “Lumu Luimpa lua Yezu Kilisto ludi luela patoka dilongesha dia dituangana dia mpanda pankatshi pa mukaji ne muluma, mu moyo wa pa buloba ne mu tshiendelela” (“In Partnership with the Lord,” Liahona, Ngondu wa Dikumi ne umua 2022, 42). Udi ne bua kulonga mukenji ewu, mu dikeba dia malongesha “adi akolesha dituangana dia mpanda pankatshi pa muluma ne mukaji.” Mushindu kayi uwudi mua kuteka malonga â mu tshienzedi mu moyo weba? Pikala muntu wa ditabuija dikuabu mukukonka ne buatshinyi dibaka didi ne mushinga, udi mua kumuandamuna bishi? Buatshinyi udi ne disakidila bua tshiumvuidi etshi?

Tangila kabidi bienabualu ne nkonku, “Marriage [Dibaka],” “Family [Dîku],” Tshisangi tshia Lumu Luimpa; David A. Bednar, “Marriage Is Essential to His Eternal Plan, ” Ensign, Ngondu muisambombu 2006, 83–84; “Renaissance of Marriage” (video), Tshisangi tshia Lumu Luimpa.

Renaissance of Marriage

Ikala ne ntema ku malu a nkaya a muntu. Nansha pikala dibaka dia disanka ne nsombelu wa dîku bidi kipatshila ka lumu luimpa lua Yezu Kilisto, katuakusankishibua bonsu ne mabenesha â patudi pa buloba apa. Mu diyukila pa tshiena bualu etshi, tekayi ntema ku malu a nkaya ne a mu dîku nangananga bua bantu badi, “ bindila ne lutulu mu Mukalenga” bua milayi ya tshiendelela ikumbanyina (tangila Dilongesha ne Bipungidi 98:1–3

Dilongesha ne Bipungidi 50

Malongesha a Mukalenga adi mua kunkuba ku mashimi a Satana.

Bidimba bipia-bipia bia Ekelezia mu Ohio bavua ne dijinga dia kupeta mamuenesha a nyuma avua malaya mu mifundu. Satana, penda, uvua ne dijinga dia kubashima. Bobu bakulomba bua kuambuluisha bidimba ebi bua biumvua mushindu kayi wa kujingulula bulelela mudi Nyuma wa Tshijila ukuata mudimu, nshindamenu kayi mu Dilongesha ne Bipungidi 50 yiwudi mua kuabanyangana? (tangila nangananga kanungu 22–25, 29–34, 40–46). Mushindu kayi uvua Mupandishi mukuambuluisha bua kumanya dishilangana pankatshi pa bulelela ne mashimi?

Tangila kabidi 1 Kolinto 14:1–28; 2 Timote 3:13–17.

Dilongesha ne Bipungidi 50:13–24

Balongeshi ne balongi bavua bakoleshangana pamua kupitshila ku nyuma.

Kuteka lumu luimpa lua Yezu Kilisto mu tshienzedi kudi kufila mpunga ya bunyi ya kuikala balongeshi ne balongi, mu dîku ne mu Ekelezia. Mushindu umua uwudi mua kulonga Dilongesha ne Bipungidi 50:13–24 udi wa kuzola tshimfuanyi tshia mulongeshi ne tshia mulongi. Muntu yonsu, enza lista wa miaku ne biambilu bifumina mu tunungu etu bidi bimulongesha pa dilonga ne dilongesha lumu luimpa. Tshikondu kayi tshiwuvua mupeta dimanya divua dikuleja mushinga wa Nyuma mu dilongesha ne mudilonga? Ela meji tshiwudi mua kuenza bua kushindamija dinanukila dieba bu mulongi ne mulongeshi wa lumu luimpa.

Dilongesha ne Bipungidi 50:23–25

“Tshidi tshia Nzambi tshidi Bukenka.”

Pawudi unana meji pa miaku ya Musungidi mu Dilongesha ne Bipungidi 50:23–25, ela meji mushindu uwudi mupeta bukenka bua Nzambi mu moyo weba ne mushindu kayi uwudi “muipata midima” kûla. Tshilejilu, mushindu kayi udi tunungu etu tulombola masungula eba pa mushindu wa kupitshisha dîba dieba? manaya kayi ne bisanji kayi bia kukeba? miyuki kayi ya kubuela? Mapangadika kayi makuabu adi tunungu etu mua kukuambuluisha nawu? Musambu bu mudi “The Lord Is My Light” (Hymns, no. 89) udi mua kutuma ku dipeta dia ngenyi mikuabu.

Tangila kabidi “Walk in God’s light,” For the Strength of Youth: A Guide for Making Choices, 16–21.

Ngenyi bua Kulongesha Bana

Dilongesha ne Bipungidi 49:12–14

Ndi mua kulonda Yezu Kilisto.

• Longesha bana beba malongesha adi mu tunungu etu, udi mua kulongolola mabeji matua bitampi ne bimfuanyi binayi bidi bileja ditabuija mu Yezu Klisto, dikudimuna mutshima, ditambula, ne dipeta dia Nyuma wa Tshijila (tangila bimfuanyi bia lumingu elu mu dibeji dia tshibilu Bana beba badi mua kuteka mabeji a bitampi panshi ne bimfuanyi pabuipi nabu. Pashisha badi mua kuendela pa mabeji a bitampi pawudi wenda ubala Dilongesha ne Bipungidi 49:12–14. Bambuluisha bua bumvua ne patudi tuenza bintu bidi mu bimfuanyi ebi tudi tulonda Yezu Kilisto.

• Udi kabidi mua kubikila bana beba bua kufuanyikija Dilongesha ne Bipungidi 49:12–14 ne Bienzedi 2:38 ne kanungu ka ditabuija kinayi. Difuanangana kayi didibu bapeta? Buatshinyi malelela â adi ne mushinga?

Dilongesha ne Bipungidi 49:15–17

Dibaka pankatshi pa muluma ne mukaji didi ne mushinga mu dilongolola dia Nzambi.

• Bua kuakula bua tunungu etu, udi mua kumvuija ne ba Shakers bavua ntendelelu uvua witabuija ne bantu kabavua bua kuselangana to (tangila tshitupa tshia mutu tshia Dilongesha ne Bipungidi 49). Bikila bana beba bua bapeta bintu bidi Mukalenga mulongesha pa dibaka mu Dilongesha ne Bipungidi 49:15–17. Tshinyi tshidi tshiumvuija ne “dîku didi dianyishibua kudi Nzambi”? Nudi mua kubala pamua bitupa bisatu bia mbangilu wa “Dîku: Dimanyisha kudi ba pa Buloba.” Pashisha akula pa tshidi tshiamba, buatshinyi dibaka ne dîku bidi ne mushinga kudi Tatu wa mu Diûlu.

Dilongesha ne Bipungidi 50:23–25

“Tshidi tshia Nzambi tshidi Bukenka.”

• Bua kubangisha Dilongesha ne Bipungidi 50:23–25, akula ne bana beba pa tshidi tshitangila dishilangana pankatshi pa bukenka ne mîdima. Buatshinyi tudi dijinga ne bukenka? Nudi mua kubala pamua tshitupa tshia kumpala tshia “Walk in God’s light” mu Bua Dikankamika dia Bansonga: A Guide for Making Choices (page 17) ne Dilongesha ne Bipungidi 50:23–25. Akulayi pa tshidi tshitangila mishindu itudi tupeta bukenka ne mishindu itudi mua kuipata mîdima kula netu. Nudi mua kuimba pashisha musambu udi wamba bua bukenka buabu bua nyuma, bu mudi “Shine On” (Mukanda wa misambu ya bana, 144).

Dilongesha ne Bipungidi 50:40–46

Yezu Kilisto udi wanyi mulami wa mikoku muimpa.

• Panyima pa dibala Dilongesha ne Bipungidi 50:40–46 pamua, udi mua kuleja tshimfuanyi tshia Mupandishi tshidi ku ndekelu ne kuela nkonku bu eyi: Mushindu kayi udi mulami udiumvua pa bualu bua mikoku yenda? Mushindu kayi udi Mupandishi muenza bu mulami wetu?

Bua ngenyi ya bungi, tangila bualu bua ngondu ewu bua makazina a Mulunda .

Gentle Shepherd [Mulami wa Mikoku Muimpa], kudi Yongsung Kim