First Furrow [Dibula dia kumpala], kudi James Taylor Harwood

Ngondu Muitanu 26–Ngondu Muisambombu 1: “Mukubi wa Lulamatu, Muakana ne wa Lungenyi”

Dilongesha ne Bipungidi 51–57

Bua bidimba bia Ekelezia mu bidimu bia 1830, kusangisha Bansantu ne kuasa tshimenga tshia Siona kuvua mu nyuma nansha mu mubidi, mudimu mukola, ne malu a bungi a kujikija mu tshienzedi: bivua bikengela muntu wa kusumba tshipapu tshia muaba uvua Bansantu bua kusomba. Bivua bikengela muntu wa kupatula mikanda ne bibejibeji bikuabu. Ne bivua bikengela muntu wa kukuba nzubu wa tshipanyinu bua kufila bia kusumba kudi bantu mu Siona. Mu dibuluila didi difunda mu Dilongesha ne Bipungidi 51–57, Mukalenga wakasungula ne wakulongesha bantu bua kulombola midimu eyi.

Kadi dimanya dia midimu bu eyi divua dilombibua mu Siona, mabuluila â adi alongesha kabidi ne Mukalenga udi ujinga ne Bansantu Benda balua bakumbana mu nyuma bua kubikidibua bantu bena mu Siona—Bantu benda. Udi ubikila yonsu wa kutudi bua kuikala “mukubi wa lulamatu, muakana ne wa lungenyi” muikala ne nyuma munyingalala “muimana kûlu” mu midimu idi mitupeshela bukokeshi (tangila Dilongesha ne Bipungidi 51:19; 52:15; 54:2). Tuetu mua kuenza nunku—katuyi tutangila dimanya dietu dia midimu ya bianza—Mukalenga udi mua kukuata netu mudimu wa kuibaka Siona.

Ngenyi bua Kulonga mu Dîku ne mu Ekelezia

Dilongesha ne Bipungidi 51

Mukalenga musua bua mema ngikala Mukubi wa lulamatu, Muakana, ne wa Lungenyi.

Bu wewa muikala tshidimba tshia Ekelezia mu tshidimu tshia 1831, uvua mua kuikala mulombibua bua kuteka mu tshienzedi mukenji wa kujidila bintu bieba ku Ekelezia kupitshila kudi Muepiskopo. Udi mua kukualujila, imua misangu amu biwuvua mufila, mikuabu misangu bipitshila biwuvua mufila. Kadi kabivua amu bintu bieba to—bivua bintu bia kukuba.

Lelu ngenzelu mishilangana, kadi nshindamenu mmishala ya momumua mu mudimu wa Mukalenga. Pawudi ubala tshitupa 51, ela meji pa bidi Nzambi mukupesha. Tshinyi tshidi muaku ewu “mukubi” (kanungu 19) ne “kujidila” (kanungu 5) yumvuija pa ditekemena dia Nzambi pa wewa?

Mulombodi Mukulu Spencer W. Kimball mumvuija ne: “Mu Ekelezia dikuba didi bunema bua nyuma ne bua mubidi butudi ne bua kufidila mulubu wa bulami. Bualu bintu bionsu bidi bia Mukalenga, tudi bakubi ba mibidi yetu, lungenyi, mêku, ne bidi bu bietu. (Tangila Dilongesha ne Bipungidi 104:11–15.) Mukubi wa lulamatu, ngewu udi ukuata mudimu ne bukalenga buakana, ne utangila bapela ne badi bapangila” (“Welfare Services: The Gospel in Action,” Ensign, Ngondu wa Dikumi ne Umua 1977, 78).

Tangila kabidi “The Law of Consecration” (video), Tshisangi tshia lumu luimpa.

The Law of Consecration

Dilongesha ne Bipungidi 52:9–11, 22–27

Ndi mua kubikila bakuabu bua balua kudi Kilisto muaba onsu undi ngiya.

Pakatuma Mukalenga balombodi ba bungi mu Missouri, wakabambila ne benzela diba didibu bapitshisha mu luendu ne “bayisha mu njila wa luendu” (kanungu 25–27). Mushindu kayi uwudi mua kuyisha lumu luimpa “ mu njila wa luendu,” anyi mu malu a bikuma a mu moyo weba?

Dilongesha ne Bipungidi 52:14–19

Mukalenga mmungambuluisha bua kuepuka didinga.

Muvua bantu ba bungi badiamba ne mbapeta mamuenesha a nyuma, Bansantu ba mbingilu bavua ne dipampakana dia kulua kudingibua. Didimuisha kayi didi Mukalenga mubapesha mu Dilongesha ne Bipungidi 52:14? Tshinyi tshivua bu tshipeta tshienda? (tangila kanungu 14–19).

Tshikadilu tshidi tshintu tshidi tshialukila misangu ya bunyi. Bilejilu bidi biangata kubala ne nomba ya bibidi anyi ne dijuka ne dibuela dia dîba dituku dionsu. Bilejilu kayi bikuabu biwudi mua kuelela meji? Pawudi ukeba Dilongesha ne Bipungidi 52:14–19, jingulula bikadilu bia Mukalenga bua kuepuka didingibua. Bidi mua kuambuluisha bua bakuata ne “munyingalala” udi umvuija diumvua dia didipuekesha ne dikudimuna mutshima; “mudipuekeshi” udi umvuija buimpa ne didikanda ; ne “kukolesha” kudi kumvuija kulongesha, kulengeja, anyi kuibaka. Buatshinyi udi umvua bikadilu bia Mukalenga biangata ne ngikadilu yeba, bu mudi ditumikila? Mushindu kayi uwudi mua kuenzela ngikadilu ewu bua kuepuka didinga?

Umvuija miaku mikola. Mu Tshisangi tshia Lumu Luimpa udi mua kufunda muaku ne pashisha kusungula “Diumvuija.” Newupeta diumvuija dia muaku awu. Teta nunku pawudi upeta muaku uwudi kuyi muibidila nawu—anyi muaku uwudi muibidila nawu kadi ujinga bua kuwumvua bimpa.

Bilejilu kayi bia didingibua mu matuku etu a lelu? Mushindu kayi utudi mua kumanya ne tudi badingibua?

Tshilejilu, udi mua kuela meji bua kupima masungula eba pa tshidi tshitangila video, misambu, anyi reseaux sociaux bilondeshela bidi biamba mu “Walk in God’s light” in For the Strength of Youth: A Guide for Making Choices, 16–21.

Tangila kabidi Gary E. Stevenson, “Deceive Me Not,” Liahona, Ngondu wa Dikumi ne Umua 2019, 93–96; “Guide Me to Thee,” Hymns, no. 101; Biena Bualu ne Nkonku, “Seeking Truth and Avoiding Deception,” Gospel Library.

Dilongesha ne Bipungidi 54

Ndi mua kupingana kudi Mukalenga pangikala mutapika kudi masungula makuabu.

Bikatu bikufikila bua kutatshishibua ne didingibua padi muntu uwudi mutekela meji upanga kukumbaja mêyi enda anyi? Etshi tshiakafikila Bansantu ba mu Colesville, New York, bavua batekemena bua kusomba mu tshipapu tshia bulaba tshia Leman Copley mu Ohio. Bua kulonga kupitshila ku dimanya edi, suaku umonununa mutu wa tshitupa 54 (tangila kabidi Saints, 1:125–28; “A Bishop unto the Church,” in Revelations in Context, 78–79). Bu wewa ne mulunda munkatshi mua Bansantu ba mu Colesville, mubelu kayi uwuvua mua kupeta mu tshitupa 54 bua kuabanyangana nabu?

Tshipapu tshia ntshiamba tshia Leman Copley

Dilongesha ne Bipungidi 56:14–20

Badi ne mutshima mukezuka badi babeneshibua.

Mu tunungu etu, Mukalenga udi wakula kudi bantu bonsu babanji ne bapela; bidi mua kuikala bia mushinga bua kufuanyikija mibelu yenda ku bisumbu bibidi ebi. Tshinyi tshiwudi umvua tshikutangila wewa mu tunungu etu?

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga .

Ngenyi bua Kulongesha Bana

Dilongesha ne Bipungidi 51:9

Ndi mua kuikala muena bulelela.

• Bua kuambuluisha bana beba bua balonga tshidi tshiumvuija kuikala ne muena bulelela, nudi mua kubala pamua Dilongesha ne Bipungidi 51:9 ne balondela miyuki ya bana batu bangata mapangadika a kuikala bena bulelela. Uvua mua kuenzela bimfuanyi, bana ba bindundu, anyi ba mabeji bua kuvuija miyuki ne mushinga wa bungi. Mushindu kayi udi Mukalenga utubenesha patudi tudienzeja bua kuika bena bulelela?

• Ela meji mushindu wa kuenza ka dinaya ne bana beba. Pashisha, yukilayi mushindu kayi uvua dinaya mua kuikala dishilangana pavua muntu wibila. Mbuatshinyi bidi ne mushinga bua “kuikala mu bulelela” bamua ne bakuabu?

Dilongesha ne Bipungidi 52:10; 53:3; 55:1

Ndi mupeta dipa dia Nyuma wa Tshijila mu kutenteka kua bianza.

• Kupeta kua Nyuma wa Tshijila mu kutenteka kua bianza nkufundibua misangu ya bungi mu Dilongesha ne Bipungidi 51–57. Tshidi mua kuikala mushindu munena wa kulongesha bana beba mululu ewu. Tshilejilu, badi mua kutangila ku tshimfuanyi tshia muana bamujadika ne kumvuija tshidi tshipitakana mu tshimfuanyi. Balomba batuta bikashi padibu bumvua “kutenteka kua bianza” pawudi ubala Dilongesha ne Bipungidi 52:10; 53:3; 55:1

• Udi mua kuimba kabidi “The Holy Ghost” (Mukanda wa Misambu ya Bana, 105) anyi musambu wa mufuanangana. Ambuluisha bana beba bapeta miaku ne biambilu mu musambu bidi bilongesha tshidi tshiamba dipa dia Nyuma wa Tshijila.

  

Dilongesha ne Bipungidi 52:14–19

Nzambi udi ne mushindu wa kungambuluisha bua kubenga kudingibua.

• Bua kulongesha bua mishindu ya Mukalenga bua kuepuka didinga, udi mua kubangisha ne kuambuluisha bana bua kupeta bilejilu bia mishindu—mu bifukibua, anyi mu mbulanketa ya mekala anyi bilamba, anyi mu nsombelu wetu wa matuku onsu. Bambuluisha bua bapeta mishindu idi Mukalenga mufila mu Dilongesha ne Bipungidi 52:14–15. Ikala mutuishibua ne badi bumvua miaku idibu kabayi bibidilangana nayi mu tunungu etu. Mushindu kayi utudi mua kuenzela bulelela kupitshila ku mushindu ewu?

Dilongesha ne Bipungidi 54:4–6

Nengikala ndama bipungidi bianyi mu mishindu yonsu.

• Mu miaku yeba nkayeba, abanyangana ne bana beba tshivua tshifikila Bansantu bavua balua kusomba mu bulaba bua Leman Copley (tangila mutu wa tshitupa 54). Bana beba badi bua kuelangana meji bua kuikala bu bidimba bia Ekelezia biakafika mu Ohio. Bavua mua kudiumvua bishi panyima pa Leman mumana kukosa tshipungidi tshienda? Bidi bitulongesha tshinyi pa tshidi tshiamba kunemeka bipungidi anyi milayi bietu? Balayi pamua Dilongesha ne Bipungidi 54:6 bua kupeta mabenesha a bantu badi banemeka bipungidi.

Dilongesha ne Bipungidi 55:1–4

Ndi mua kukuata mudimu ne mabenesha adi Nzambi mumpesha bua kubenesha bakuabu.

• Bua kubanga tshitupa 55, udi mua kusua kumvuija ne William W. Phelps uvua muenji wa bibejibeji wakalonga bualu bua lumu luimpa ne kubuela mu Ekelezia. Bala ne bana beba Dilongesha ne Bipungidi 55:1–4, ne bambuluisha bua bapeta tshidi Nzambi musua bua William enza. Mushindu kayi udi mulongolola bua kukuata mudimu ne dimanya dia William? Tshidi mua kutuma ku muyuki wa kumanya mushindu kayi udi Nzambi utubikila bua tuetu kukuata mudimu ne dimanya ditudi nadi bua kubenesha bana benda.

Bua ngenyi ya bungi, tangila bualu bua ngondu ewu bua makazina a Mulunda .

Bishop Partridge Receives Consecration [Muepiskopo Partridge Wakidila Dijidila], kudi Albin Veselka