Ngondu Muisambombu 23–29: Mushinga…wa Mabanji a Buloba Bujima

Dilongesha ne Bipungidi 67–70

Kubangila ku 1828 tô ne 1831, muambi Joseph Smith wakapeta mabuluila a bungi a kudi Mukalenga, biangata mibelu ya bunzambi bua bantu ne maludiki bua kulombola Ekelezia, bimônyi bia matuku a ndekelu, ne malelela a bungi a tshiendelela. Kadi Bansantu ba bungi kabavua baabala to. Mabuluila kaavua manji kupatula, ne mabeji makesa avua mafunda ku bianza pa mabeji adi mua kujimina avua anyunguluka munkatshi mua bidimba ne mambula kudi bena bukenji.

Pashisha, mu Ngondu wa Dikumi ne Umua 1831, Joseph wakabikila tshipangu tshia balombodi ba Ekelezia bua kuyukilangana pa dipatula dia mabuluila. Panyima pa dikeba dia disua dia Mukalenga, balombodi aba bakenza malongolodi bua kupatula Mukanda wa Mikenji—mudianjididi wa Dilongesha ne Bipungidi wa lelu ewu. Bua ne muntu yonsu udi ukumbana bua kubala nkayenda dîyi dia Nzambi dibuluila kupitshila kudi muambi udi ne moyo, tshimanyinu tshia musangelu tshia ne nsapi ya midimu ya bukalenga bua Mupandishi wetu idi mipeshibua kudi muntu tshiakabidi. Bua tubingila etu ne tukuabu, Bansantu ba makelela ne ba lelu badi bangata mabuluila â mikala ne “Mushinga … wa mabanji a Buloba bujima” (Dilongesha ne Bipungidi 70, tshifulu tshia tshitupa).

Tangila Saints, 1:140–43.

Ngenyi bua Kulonga mu Dîku ne mu Ekelezia

Dilongesha ne Bipungidi 67:1–9; 68:3–6

Basadidi ba Mukalenga badi bakula disua dienda padibu basakibua kudi Nyuma wa Tshijila.

Dipangadika dia kupatula mabuluila avua mapeta kudi Joseph Smith divua dimueneka bu tshintu tshiteketa, kadi balombodi bakuabu ba Ekelezia kabavua batuishibua ne tshivua lungenyi luimpa to. Dipampakana dikola divua ditangila bilema mu mushindu uvua Joseph Smith ufunda mabuluila. Dibuluila mu tshitupa 67 diakalua mu diandamuna ku dipampakana adi. Tshinyi tshiwudi ulonga pa muambi ne dibuluila dia kudi Mukalenga ku kanungu 1–9? Ngenyi kayi mikuabu ya nsakidilu iwudi mupeta ku 68:3–6?

Mushindu kayi uwudi mufika ku dimanya nkayeba ne mabuluila adi Nzambi upesha basadidi benda adi malelela? Udi mua kunana meji pa mamanya pauvua mumvua ne Mukalenga mmuakula kuwudi kupitshila ku umua wa ku basadidi benda (tangila Dilongesha ne Bipungidi 68:4). Diba kayi diuvua mudiumvua musakibua kudi Nyuma wa Tshijila (kanungu 3) bua kuamba tshintu kampanda? Mushindu kayi udi Mukalenga muimana kuwudi? (kanungu 6).

Kumpala kua Mukanda wa Mikenji kupatuka, balombodi ba bungi ba Ekelezia bakatua tshiala pa bujadiki bufunda ne mabuluila adi mu mukanda adi malelela. Bua kumona dibeji dia bujadiki buabu, tangila “Testimony, circa 2 November 1831,” Revelation Book 1, 121, josephsmithpapers.org.

Dilongesha ne Bipungidi 67:10–14

Tudi mua kutungunuka mu ditukija.

Mushindu kayi udi mukawu, ditshina, ne diditambisha bitupangisha bua kusemena pabuipi ne Mukalenga? Mushindu kayi utudi mua kutamba bumuntu bua panu anyi meji a mubidi bua ne tudi mua kumumona ne kumumanya ne ki mudiye? (kanungu 12; tangila kabidi Mosiya 3:19). Tshinyi tshiwudi upeta mu tunungu etu tshidi tshikusaka bua kutungunuka mu ditukija tô ne muwudi ujalama? (kanungu 13).

Dilongesha ne Bipungidi 68:25–31

Ndi mua kuambuluisha bua Yezu Kilisto ikala munkatshi mua nzubu wanyi.

Mêyi a Mukalenga mu Dilongesha ne Bipungidi 68:25–31 adi sungasunga bua baledi, kadi nansha wewa kuyi anyi muikala muledi, udi mua kuenzela mibelu eyi bua kuenza tshitupa tshieba bua kuteka nzubu weba munkatshi mua dilongesha dia Yezu Kilisto. Bidi bitela kuinshi bidi bimua bia nshindamenu idi Mukalenga wamba ne ilongeshibua mu nzubu. Ela meji mushindu uwudi mua kuenza bua tshitupa tshionsu tshia ku tshishimikidi tshia Kilisto tshikala munkatshi mua nzubu—nzubu uwudi musombela mpindiewu anyi walua kumpala. Biambuluishi ne nkonku mifila bidi mua kuambuluisha.

• Dikudimuna mutshima: Dilonga Alama 36:17–20, ne difunda mushindu uvua Alama mubeneshibua ku diba dikola bualu tatuenda uvua mumulongesha pa mudimu wa bupikudi wa Mupandishi. Mushindu kayi uwudi mua kuambuluisha bua kusaka dîku dieba bua kutangila kudi Yezu Kilisto ne kukudimuna mutshima? (tangila kabidi 2 Nefi 25:26).

• Ditabuija mu Kilisto: Bala mishindu itanu ya dielesha meji bua ditantshisha ditabuija ya Mulombodi Mukulu Russell M. Nelson mu “Christ Is Risen; Faith in Him Will Move Mountains” (Liahona, Ngondu Muitanu 2021, 103). Nana meji pa mushindu udi dielesha meji mua kufuka ngikadilu wa ditabuija mu dîku dieba.

• Ditambula: Tangilula mululu wa ditambula mudiwu muleja mu Mosiya 18:8–10, 13. Mushindu kayi udi didienzeja dieba bua kulama tshipungidi etshi ukankamika dîku dieba?

• Dipa dia Nyuma wa Tshijila: Longa mabikila pa mabeji 17–19 of For the Strength of Youth: A Guide for Making Choices. Tshinyi tshiwudi umvua tshisaka bua kubikila bukoki bua Nyuma wa Tshijila mu nzubu weba?

• Disambila: Tshinyi tshiwudi mulonga pa bukola bua disambila mu nzubu mu “Love Is Spoken Here”? (Mukanda wa Misambu ya Bana, 190–91). Mabenesha kayi adi Mukalenga mulaya mu 3 Nefi 18:15–21?

• Nshindamenu kayi yiudi upeta mu Dilongesha ne Bipungidi 68:25–31:

Mubelu kayi uwudi mua kufila kudi ewu udi bidimba bia dîku dienda kabiyi bikuatshisha didienzeja dienda bua kuibaka ditabuija dienda mu Kilisto?

Tangila kabidi “The Family: A Proclamation to the World,” Tshisangi tshia Lumu Luimpa; Biena Bualu ne Nkonku, “Parenting,” Tshisangi tshia Lumu Luimpa; Dieter F. Uchtdorf, “Jesus Christ Is the Strength of Parents,” Liahona, Ngondu Muitanu 2023, 55–59.

Dilongesha ne Bipungidi 69:1

Balunda balelela ne ba lulamatu badi mua kungambuluisha bua kulonda Yezu Kilisto.

Buatshinyi udi wela meji ne bivua bia lungenyi mu Mukalenga bua ne muntu kampanda ashindikija Oliver Cowdery mu mudimu udi mumvuija mu kanungu aka? Mushindu kayi udi nshindamenu ewu wenzeka kuwudi?

Ambuluisha balongi bua bajulangana ku muntu ku muntu. Muntu yonsu mu kalasa anyi mu dîku dieba udi mpokolu muimpa wa bujadiki, ngenyi ne mamanya aditeka dia lumu luimpa mu tshienzedi. Babikila bua babanyangana ne bajulangana ku muntu ku muntu.

Dilongesha ne Bipungidi 70:1–4

Ndi ne bujitu bua mabuluila avua Mukalenga mufila.

Mukalenga wakapesha bakulu bakuabu bujitu bua kutshiunga dipatula dia mabuluila. Nansha wewa kuyi ne bujitu ebu busunguluka, bukubi anyi bujitu kayi bueba buwudi nabu ku bidi bitangila mabuluila anyi mikenji? (kanungu 3).

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga .

Ngenyi bua Kulongesha Bana

Dilongesha ne Bipungidi 67

Dilongesha ne Bipungidi didi dindongesha pa Yezu Kilisto.

• Londela bana beba mushindu uvua mabuluila a Joseph Smith mafika ku dipatuka mu mukanda (tangila “Chapter 23: The Doctrine and Covenants,” mu Doctrine and Covenants Stories, 90–92, anyi video idi ikumbanangana mu Tshisangi tshia Lumu Luimpa). Bambuluisha bua kuvuluka bimua bia ku bintu binudi balonga pa Yezu Kilisto mu Dilongesha ne Bipungidi tshidimu etshi tô ne katataka. Nudi kabidi mua kuyishangana tumua tua ku tunungu tuenu tunanga tua mu Dilongesha ne Bipungidi.

  Chapter 23: The Doctrine and Covenants: August–November 1831

• Udi mua kuleja bana beba Bibiliya, Mukanda wa Molomo, Dilongesha ne Bipungidi, ne Dibua dia Mushinga Mukola ne akula nabu pa mushindu udiye mishalangana ne mushindu udiye mifuanangana (tangila mumvuija a mikanda eyi mu Buludiki bua ku Mifundu). Mushindu kayi utudi mua kumanya ne mifundu idi milelela? Tshinyi tshitudi tulonga ku Dilongesha ne Bipungidi 67:4, 9 pa mabuluila avua Mukalenga mupesha Joseph Smith?

Dilongesha ne Bipungidi 68:25–31

Ndi mua kutambuishibua pandi ne bidimu muanda mukulu.

• Mu Dilongesha ne Bipungidi 68:27, Mukalenga udi usunguluja bidimu bidi muntu mua kuikala nabi bua kutambuishibua. Ambuluisha bana beba bua kujandula tshidiye wamba. Buatshinyi Yezu mmusua bua tuetu tutambushibua? Musambu pa ditambula udi mua kuambuluisha “Baptism” (Children’s Songbook, 100–101). Kudienzela dia bimfuanyi anyi kanungu 25–31 (anyi bionsu bibidi), ambuluisha bana beba bua kujandula bintu bidi Mukalenga musua bua bana balonga.

• Bala ne bana beba pa mudimu uvua Mukalenga mupesha Oliver Cowdery mu mutu wa tshitupa Dilongesha ne Bipungidi 69. Mubelu kayi udi Mukalenga mufila mu kanungu 1? Buatshinyi bidi ne mushinga bua kuikala ne bantu “bikala balelela ne ba lulamatu”? Pamuapa bana beba badi mua kuakula pa muntu kampanda udibu bamanya udi muikala “mulelela ne wa lulamatu.” Imbayi pamua musambu udi ukolesha bana bua kuikala balelela ne ba lulamatu bu lua Mupanshi; bu mudi “I’m Trying to Be like Jesus” (Children’s Songbook, 78–79). Mushindu kayi utudi mua kutuishibua ne tudi balelela ne lulamatu kudi Mukalenga? Mushindu kayi udiye mua kutuenza bua kubenesha bakuabu patudi bikala balelela ne ba lulamatu?

Bua ngenyi ya bungi, tangila bualu bua ngondu ewu bua makazina a Mulunda .

Mukanda wa Mikenji, mudianjididi wa Dilongesha ne Bipungidi, uvua mupatula mu tshiapu bu etshi.