Diumvuija ku Campfire on the Missouri [Mudilu wa kamponyi pa Missouri], kudi Bryan Mark Taylor

Ngondu Muisambombu 9–15: Ndi ne Bena Lulamatu Diba dionsu

Dilongesha ne Bipungidi 60:63

Ku ntuadijilu wa Ngondu wa Muanda Mukulu 1831, Joseph Smith ne bakuabu bakulu ba Ekelezia bavua badilongolola bua kupingana ku Kirtland panyima pa dikumbula dikesa dia buloba bua Siona (Dilongesha ne Bipungidi 59:3). Mukalenga uvua musua bua bayisha lumu luenda mu luendu luabu Dilongesha ne Bipungidi 52:10), ne bamua ba ku bobu bakatshienza ne dinanukila. Kadi bakuabu bavua belakana. Mukalenga udi wamba ne badi basokoka tshipedi tshindi mubapesha bua ditshina dia muntu (Dilongesha ne Bipungidi 60:2). Ba bungi ba ku tuetu mbamanya mushindu uvua bakulu aba bumvua. Nansha mutudi bananga lumu luimpa, ditshina ne mpata bidi mua kutupangisha bua dilutangalaja. Kadi Mukalenga udi muena lusa. Mumanya buteketa bua muntu ne mushindu wa kutuambuluisha (Dilongesha ne Bipungidi 62:1). Bitangalaja kupitshila ku mabuluila â ku bena bukenji ba bangabanga adi matuishibua ne adi mua kutuambuluisha bua kutamba ditshina dietu ne buteketa buetu: Mukalenga udi mua kutuenza ba tshijidila. Musunyi onsu udi munda mua tshianza tshianyi. Ndi ne bena lulamatu diba dionsu. Ne ewu udi ne lulamatu ne dinanukila neatamba bia pa buloba. (Dilongesha ne Bipungidi 60:7; 61:6; 62:9; 63:47.)

Ngenyi bua Kulonga mu Dîku ne mu Ekelezia

Dilongesha ne Bipungidi 60; 62

Ndi mua kutangalaja dinanga dianyi ne bujadiki buanyi bua Yezu Kilisto.

Mushindu kayi udi bujadiki bueba bua lumu luimpa buikala bu “tshipedi” anyi bu bubanji bua kudi Nzambi? Mu mishindu kayi itudi mua kusokoka tshipedi tshietu misangu mikuabu? (Dilongesha ne Bipungidi 60:2; tangila kabidi Matayo 25:14–30).

Mikenji kayi ya dikankamika ya Mukalenga iwudi mupeta mu tshitupa 60 ne 62? Mushindu kayi udi mikenji eyi ikolesha lulamatu lueba mu ditangalaja dia lumu luimpa? Pawudi unana meji pa nkonku eyi, ela meji bua dimba anyi dibala miaku ku “I Want to Be a Missionary Now” (Mukanda wa Misambu ya Bana, 168). Tshinyi tshiwudi ulonga ku musambu wa bana pa ditangalaja dia lumu luimpa?

Tangila kabidi “Sharing the Gospel” collection in Gospel Library.

Ndi mua kuikala munzuluka pa ditangalaja dia ditabuija dianyi mu Kilisto.

Dilongesha ne Bipungidi 60:2–4; 61:1–2, 20, 36–38; 62:1, 6

Mifundu idi ilongesha bua Yezu Kilisto.

Pavuaye ulongesha bena bukenji benda, Mukalenga wakabuluila malelela a mushinga pa Yeya nkayenda. Keba malelela â mu Dilongesha ne Bipungidi 60:2–4; 61:1–2, 20, 36–38; 62:1, 6. Milubu kayi ya ku mifundu idi ileja midimu ne ngikadilu ya Mupandishi iwudi mupeta? (tangila, tshilejilu, Yone 8:1–11; Etele 2:14–15).

Dilongesha ne Bipungidi 62

Mapangadika anyi adi mua kupima dijingulula ne dilombola dia Nyuma.

Mukalenga udi utupesha buludiki pa malelela ne nshindamenu bia tshiendelela, kadi udi utulekela yoyi bua tupangadika mu tuntu tukesa pa mushindu wa kuteka mu tshienzedi nshindamenu eyi. Mushindu kayi uwudi umona nshindamenu ewu udi muleja mu Dilongesha ne Bipungidi 62? (tangila kabidi Dilongesha ne Bipungidi 60:5; 61:22). Mushindu kayi uwvua mumona nshindamenu ewu mu moyo weba? Buatshinyi bidi bimpa buetu bua tuenza mapangadika kampanda katuyi tuindila ne Nzambi atuambila tshia tuetu kuenza menamena?

Tangila kabidi Etele 2:18–25; Dilongesha ne Bipungidi 58:27–28.

Dilongesha ne Bipungidi 63:7–12

Bimanyinu bidi bilua ku ditabuija ne ku disua dia Nzambi.

Ku ndekelu kua tshifundu etshi, kudi dizola didi dileja tshishima tshivua tshikoka ntema ya Ezra Booth: diboku dia Elsa Johnson divua diondopibua mu tshishima. Panyima pa etshi, Ezra wakatambuishibua pa lukasa. Ne kabidi, amu mu ngondu mikesa, Ezra wakajimija ditabuija dienda ne kulua mujanyi wa muambi. Mushindu kayi uvuatshi tshikala, pakumona tshishima tshivuaye mujadika?

Nana meji pa tshiotshi pawudi ubala Dilongesha ne Bipungidi 63:7–12. Malelela kayi awudi mulonga pa bimanyinu ne ditabuija?

Tangila kabidi Matayo 16:1–4; Yone 12:37; Molomo 9:10–21; Etele 12:12, 18.

Dilongesha ne Bipungidi 63:16

Ndi mua kuikala munonoka mu meji anyi ne mu bienzedi bianyi.

Mu Dilongesha ne Bipungidi 63:16, Mupandishi udi ujadikilula tshivuaye mulongesha mu Dipungila Dipia-Dipia—ne mukenji wa bunonoka kawena amu bua bienzedi bietu to kadi udi utangila kabidi meji etu (tangila Matayo 5:27–28). Pawudi ubala Dilongesha ne Bipungidi 63:16, funda madimuisha adi Mukalenga mufila pa meji a buluma ne bukaji. Udi mua kunana meji kabidi pa dipangakana dia didimuisha dionsu. Tshilejilu, miaku ne biambilu kampanda kayi bidi bikala dipangakana dia ditshina? Mabenesha makuabu kayi adi alua ku dikala munonoka mu meji ne mu bienzedi?

Bantu ba bungi badi bela meji ne tshipimu tshia Mukalenga tshia bunonoka bua meji ne bienzedi bikadi bia kala anyi dikengesha. Dishilangana kayi divua mua kuikala koku bu bana bonsu ba Nzambi badienzeja bua kuteka mu nsombelu wabu dîyi edi? Udi mua kukeba mandamuna ku lukonku elu mu mukenji wa Mukulu David A. Bednar “We Believe in Being Chaste” (Liahona, Ngondu Muitanu 2013, 41–44) anyi “Mubidi weba udi wa tshijila” (For the Strength of Youth: A Guide for Making Choices, 23–26). Mikenji kayi ya ditekemena iwudi mupeta?

Nansha patuikala tuetu bamanya mabenesha a kuikadi banonoka mu meji etu ne mu bienzedi bietu, katshiena tshiumvuija ne mbiteketa to. Udi mua kuangata diba bua kunana meji pa tshidi tshienza ne tshikala tshikola bueba bua kulama tshipimu tshia bunonoka tshia Mukalenga—ne tshinyi tshidi tshitshienza tshiteketa. Mibelu kayi iwudi mua kuabanyangana ne bakuabu pa tshia kuenza pawudi mutetshibua ne meji adi kaayi makana?

Ambuluishanganayi. Dimua dia ku mabenesha manena a didisangisha mu bisangilu bia Ekelezia ne mu tulasa didi mushindu wa dipeta diambuluisha dia kudi Bansantu bakuabu mu didienzeja dietu bua kulonda Mupandishi. Babungi ba kutudi badi ne ntatu ya momumua, ne mamanya a momumua adi mua kuikala dikankamika dinena. Kutshinyi bua kuamba ne udi ne ntatu. Abanyanganayi tshidi tshinuambuluisha bua kusomba mu dîyi dia Nzambi ne kutamba ditêtshibua.

Tangila kabidi Dilongesha ne Bipungidi 121:45; Biena Bualu ne Nkonku, “Virtue,” Tshisangi tshia Lumu Luimpa; “Standards: Sexual Purity and Modesty—True Confidence” (video), Tshisangi tshia Lumu Luimpa; AddressingPornography.ChurchofJesusChrist.org.

Standards: Sexual Purity and Modesty - True Confidence

Dilongesha ne Bipungidi 63:58–64

Bintu bia tshijila bidi ne tshia kuangatshibua ne kanemu.

Nshindamenu idi miamba mu Dilongesha ne Bipungidi 63:58–64 idi yiya ne kudiangata dia dîna dia Mukalenga tshianana. Bintu kayi bikuabu bia tshijila bidi bifuma “ mûlu,” anyi kudi Nzambi? Bueba wewa, tshinyi tshidi tshiumvuija bua kuakula bintu ebi “ne budimu”?

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga .

Ngenyi bua Kulongesha Bana

Dilongesha ne Bipungidi 60:4; 61:1–2, 36; 62:1

Mifundu idi ilongesha bua Yezu Kilisto

• Pamuapa udi mua kufunda amua a ku mamanyisha pa Mupandishi awudi mupeta mu Dilongesha ne Bipungidi 60–62 pa katupa kakesa ka dibeji. Pashisha bana beba badi mua kutuangaja mamanyisha ku bimfuanyi bia Yezu bidi biangata ku mudimu wenda wa pa buloba (tangila Gospel Art Book, nos. 34–61) bidi bileja ngikadilu eyi. Mushindu kayi udiyi udileja kutudi lelu?

  

Diumvuija ku For This Purpose [Bua Kipatshila Aka], kudi Yongsung Kim

Dilongesha ne Bipungidi 60:7; 61:1–2; 62:1

Mukalenga neambuikidila pandi nkudimuna mutshima.

• Pawudi ubala Dilongesha ne Bipungidi 60:7; 61:2 ne bana beba, bambuluisha bua bapeta miaku idi tunungu etu tuikala nayi momumua. Bavuluija ne mabuluila â avua mafidibua kudi Joseph Smith ne kudi balombodi bakuabu ba Ekelezia. Tshinyi tshidi Mukalenga musua bua bamanya? Udi kabidi mua kuakula pa mushindu udi Mupandishi umvua patudi tuenza bilema ne tshidi tshiumvuija kukudimuna mutshima. Bilondeshila ku Dilongesha ne Bipungidi 62:1, mushindu kayi udi Yezu mua kutuambuluisha patudi tutêtshibua?

Dilongesha ne Bipungidi 62:3, 9

Yezu Kilisto mmusua bua ntangalaja lumu luimpa luenda.

• Udi mua kukonka bana beba tshinyi tshidibu mua kuamba padibu mua kubakonka ne tshinyi tshidibu bananga pa Yezu Kilisto ne pa Ekelezia wenda. Mu dimba pamua musambu pa ditangalaja dia lumu luimpa, bu mudi “I Want to Be a Missionary Now” (Children’s Songbook, 168), didi mua kubapesha ngenyi. Pashisha udi mua kubala Dilongesha ne Bipungidi 62:3 ne lomba bana beba bua bateleja tshidi tshipitakana patudi tutangalaja majadiki etu. Mushindu kayi udi mulayi mu kanungu 9 wambuluisha tuetu bafika tshiji?

Dilongesha ne Bipungidi 63:64

Ndi mua kuikala munemekibua.

• Bua kubangisha Dilongesha ne Bipungidi 63:64, udi mua kuimba musambu pa kanemu ne bana beba, bu mudi “Reverence Is Love” (Children’s Songbook, no. 31). Pashisha nudi mua kuakula pa mishindu mishilangana bua kuleja kanemu bua Tatu wa mu Diûlu ne Yezu Kilisto.

• Udi mua kuambuluisha bana beba bua kumvua tshidi kanemu kikala ku diakula nabu pa tshintu tshisunguluka kudibu, bu mudi tshia dinaya natshi, mukanda, anyi tshia kudibuikila tshidibu bananga. Bakonka mushindu kayi udibu balama ne bakuba bintu bidi bikala bia bisunguluka kudibu. Nudi pashisha mua kubala pamua Dilongesha ne Bipungidi 63:64. Bintu kayi bidi bisunguluka—anyi bia tshijila—kudi Tatu wa mu Diûlu? (tangila, tshilejilu, kanungu 61 ne mu dibeji dia bibilu bia lumingu elu). Mushindu kayi utudi tuangata bintu ebi—ne miaku yetu ne bienzedi bietu?

Bua ngenyi ya bungi, tangila bualu bua ngondu ewu bua makazina a Mulunda .

Healing of Elsa Johnson’s Shoulder [Londopu lua Dikaya dia Elsa Johnson], kudi Sam Lawlor