Ngondu Muitanu 5–11: “Milayi … Neyikumbajibua”

Dilongesha ne Bipungidi 45

Dibuluila mu tshitupa 45 divua dipetshibua, bilondeshela mutu wa tshitupa, “ku disanka dia Bansantu.” Ne kudi bia bungi bia kusankila mu dibuluila edi. Momu emu Mupandishi udi ufila mulayi mulenga wa kutulombela kudi Tatu (tangila kanungu 3–5). Udi wakula bua Tshipungidi tshienda tshia kashidi tshitangalaja pa buloba bujima, bu mutumuibua bua kulongolola njila kumpala kuenda (kanungu 9). Ne wakamba bua dilua Dienda Dibidi dia butumbi. Mupandishi udi wenza bionsu ebi mu kujadika kabidi kua tshikondu tshia dipampakana (tangila kanungu 34), ne bua njiwu yikalaku kumpala kua dilua Dienda. Kadi njiwu eyi, mîdima eyi kayena ne bukola bukumbana bua kujima bukenka bua ditekemena to. “Mu bulelela ndi nuambila,” Mukalenga mutuambila ne udi bukenka budi bukenkesha mu mîdima (kanungu 7). Tshiotshi nkayatshi ki kabingila ka dipeta dibuluila edi—nansha mubelu ne madimuisha ne bulelela bidiye musua kufila—ne disanka.

Ngenyi bua Kulonga mu Dîku ne mu Ekelezia

Dilongesha ne Bipungidi 45:1–5

Yezu Kilisto udi mulumbuluidi wanyi ne Tatu.

Patudi tudiumvua batekeshibua anyi katuyi tukumbana kumpala kua Nzambi, tudi mua kupeta dituishibua difumina ku miaku ya Mupandishi mu Dilongesha ne Bipungidi 45:1–5 Panudi nukeba tunungu etu, elayi meji ku nkonku bu eyi:

• Miaku anyi biambilu kayi mu tunungu etu bidi biumvuika bikutangila wewa?

• Mulumbuluidi udi muntu udi utua muntu mpanda anyi umuakuila patoka bua bualu. Kupitshila ku tunungu etu mushindu kayi udi Yezu Kilisto mua kukuenzela nunku? Tshinyi tshidi tshimupesha dikumbana bua Yeya kuenza nunku?

• Tshinyi tshidi tshikuata ntema yeba pa miaku ya Mupandishi kudi Tatu? (kanungu 4–5).

Udi mua kulonga kabidi tshidi Mukulu Dale G. Renlund mulongesha pa Yezu Kilisto, Mulumbuluidi wetu, mu “Choose You This Day” (Liahona, Ngondu wa Dikumi ne Umua 2018, 104–5). Kupitshila ku Mukulu Renlund, mushindu kayi udi kipatshila ka Mupandishi mukufuanyikija ne ka Lusifele?

Mifundu idi ilonda eyi idi mua kukumbaja tshiumvuidi tshieba bua mudimu wa Mupandishi bu Mulumbuluidi. Pawudi uyilonga, funda biambilu anyi malelela awudi mua kuabanyangana ne bakuabu: 2 Nefi 2:8–9; Mosiya15:7–9; Moloni 7:27–28; Dilongesha ne Bipungidi 29:5; 62:1. Buatshinyi biambillu ebi bidi bia mushinga kûdi?

Tangila kabidi “I Stand All Amazed,” Hymns, no. 193; Biena Bualu ne Nkonku, “Atonement of Jesus Christ,” Tshisangi tshia Lumu Luimpa; “The Mediator” (video), Tshisangi tshia Lumu Luimpa.

The Mediator

Dilongesha ne Bipungidi 45:9–10

Lumu luimpa ludi tshimanyishilu kudi bukua bisamba.

Ku kala, tshimanyishilu tshivua dibendela divua diambula bua kusangisha ne kutuangaja bisumbu. Tshimanyishilu tshidi kabidi tshilejilu anyi mukandu udi bikuabu bintu mua kupiminyibua. Pawudi ubala Dilongesha ne Bipungidi 45:9–10, nana meji pa mushindu udi bipungidi bieba ne Mukalenga bikala tshimanyishilu kuwudi.

Dilongesha ne Bipungidi 45:11–75

Yezu Kilisto neapingana mu butumbi.

Dilua Dibidi dia Mukalenga dikavua dilejibua bu “dinene” ne “dikuatshisha bôwa” (Malaki 4:5). Mu Dilongesha ne Bipungidi 45, bilejilu bionsu bibidi ebi bidi bimueka bipetangana. Dibuluila edi didi diangata madimuisha makesa ne milayi ya ditekemena bua dilua dia Mukalenga. Pawudi ulonga kanungu 11–75, nana meji pa mushindu kayi uwudi mua kudilongolola bua Dilua Dibidi ne ditabuija mu Yezu Kilisto pa mutu pa kuikala ne bôwa. Funda tshiwudi mupeta mu dibaya dia kufunda bu edi:

Mambi anyi milayi	Tshindi mua kuenza
Mambi anyi milayi Bukenka (lumu luimpa) nebulua kudi aba badi basomba mu mîdima (kanungu 28)	Tshindi mua kuenza Peta bukenka—ne buabanya (kanungu 29)
Mambi anyi milayi	Tshindi mua kuenza
Mambi anyi milayi	Tshindi mua kuenza
Mambi anyi milayi	Tshindi mua kuenza

Mu video “Men’s Hearts Shall Fail Them” (Tshisangi tshia Lumu Luimpa), mubelu kayi uvua Mulombodi Mukulu Russell M. Nelson mutupa bua kutuambuluisha bua kukungamangana ne tshikondu tshia bôwa mu ditalala?

Men's Hearts Shall Fail Them

Dilongesha ne Bipungidi 45:31–32, 56–57

Ndi mua “kuimana mu miaba ya tshijila” ntshiyi ntenkakana.

Tshinyi tshiwudi mulonga mu Dilongesha ne Bipungidi 45:31–32, 56–57 pa didilongolola bua dilua dia Mukalenga? Miaba kayi yeba idi mikala “miaba ya tshijila ”? “Kubenga kutenkakana” kudi kumvuija tshinyi? Mushindu kayi ûdi mua kuvuija muaba ûudi wa tshijila?

Funda ne Mukalenga udi ushindamena pa lusumuinu lua mishika kunda dikumi , mu kufuanyikija mafuta mu lusumuinu ku bulelela ne ku Nyuma wa Tshijila. Keba mua kubala lusumuinu mu Matayo 25:1–13 ululama mu meji. Muenenu kayi uwudi upeta?

Tangila kabidi David A. Bednar, “If Ye Had Known Me,” Liahona, Ngondu wa Dikumi ne Umua 2016, 102–5.

Lusumuinu lua Mishika nkunda Dikumi, kudi Dan Burr

Dilongesha ne Bipungidi 45:11–15, 66–71

Siona udi muaba wa bukubi bua Bansantu ba Nzambi.

Bansantu ba tshikondu tshia Joseph Smith bavua ne dijinga dia kuibaka Siona, Yelushalema Mupia-mupia (tangila Etele 13:2–9; Mose 7:18, 62–64). Tshinyi tshiwudi mulonga pa tshidi pa Siona—tshimenga tshia kala tshia tshikondu tshia Enoke ne tshimenga tshia matuku a ku ndekelu—ku Dilongesha ne Bipungidi 45:11–15, 66–71? Lelu mukenji wa kuasa Siona udi uleja kuasa bukalenga bua Nzambi muaba onsu utudi tusombela. Tshinyi tshiwudi mua kuenza bua kuambuluisha ku dibaka Siona muaba onsu uwudi usombela?

Ngenyi bua Kulongesha Bana

Dilongesha ne Bipungidi 45:3–5

Yezu Kilisto udi Mulumbuluidi wanyi ne Tatu.

• Udi mua kujinga kuambuluisha bana beba bua bumvua ne mulumbuluidi udi muntu udi utua mukuabu mpanda. Pashisha udi mua kuakula pa bilejilu bia kuikala mulumbuluidi bidibu mua kuikala nabi tshibidilu (bumudi kuakuila mulunda). Panudi nubala Dilongesha ne Bipungidi 45:3–5 pamua, ambuluisha bana beba bua bajandula nganyi udi muikala mulumbuluidi wetu ne mushindu kayi udiye utuambuluisha.

Dilongesha ne Bipungidi 45:32

Ndi mua kuimana mu miaba ya tshijila.

• Bidi mua kuikala bimpa bua kuteka tshimfuanyi tshia nzubu, tshia Nzubu wa Ekelezia, ne tshia ntempelo mu nzubu. Pashisha udi mua kupesha bana beba bimanyishilu biumvuija miaba eyi ne kubabikila bua bimana pabuipi ne tshimfuanyi tshiwudi umvuija. Balomba bua bashala bimana pawudi ubala mulongu wa kumpala wa Dilongesha ne Bipungidi 45:32. Imua miaba ya tshijila kayi idi Nzambi mutupesha? Ambuluisha bana beba bua bumvua ne “kuimana mu miaba ya tshijila … ntshiyi ntenkakana” bidi biumvuija kusungula malu mimpa mu tshikondu tshionsu, nansha tshia mushindu kayi. Mushindu kayi utudi mua kushiya nzubu wetu muaba wa tshijila?

Dilongesha ne Bipungidi 45:9

Lumu luimpa lua Yezu Kilisto ludi tshimanyishilu kudi buloba bujima.

• Udi mua kumvuija bana beba ne ku kala, tshimanyishilu tshivua dibendela divuabu bambula mu mvita. Tshivua tshiambuluisha basalayi bua bamanya muaba wa kusambakena ne tshia kuenza. Balayi pamua Dilongesha ne Bipungidi 45:9, ne yukilanganayi mishindu kayi yidi lumu luimpa luikala bu tshimanyishilu. Bana beba badi bua kusanka bua kudienzela biabu bimanyishilu ne mabendela, pamua ne bimfuanyi anyi miaku idi ileja ngumvuilu wabu wa Mupandishi.

Lumu luimpa ludi bu tshimanyishilu, anyi dibendela.

Dilongesha ne Bipungidi 45:44–45

Yezu Kilisto nealua tshiakabidi.

• Dibutuka dialua kumpala kua Dilua Dibidi didi mua kukuatshisha bana bôwa. Kubatuala kudi Yezu Kilisto kudi mua kubambuluisha bua kuya kumpala ne ditabuija! Babikila bua bela meji pa mushindu udibu bumvua padi muntu wa mushinga ulua kubakumbula, bumudi kaku anyi mulunda. Mushindu kayi udibu badilongolola ku dikumbula? Pashisha udi mua kuleja tshimfuanyi tshia Mupandishi ne kubala Dilongesha ne Bipungidi 45:44–45. Abanyanganayi mushindu unudi numvua dilua dia Mupandishi.

• Bua kuambuluisha bana beba bua bumvua disanka dia dilua dibidi dia Mupandishi, udi mua kufunda pa bitupa bia dibeji imua ya ku milayi mitekemena mu tshitupa 45 (tangila, tshilejilu, kanungu 44–45, 51–52, 55, 58–59, 66–71). Pesha bana beba mabeji ne balomba bua bela tshianza mûlu padi mulayi udibu nawu utedibua pawudi ubala tunungu. Yukilanganayi pa tshidi milayi yumvuija. Udi mua kuimba kabidi ne bana beba musambu udi wamba dilua dibidi dia Mupandishi, bumudi “When He Comes Again” (Mukanda wa misambu ya bana, 82–83).

Ambuluisha bana bua bamanya Nyuma. Paudi ulongesha bana beba, bambila muwutu umvua Nyuma wa Tshijila. Bambila mushindu wa kumanya buenzeji buenda. Tshilejilu, udi mua kumvua ditalala anyi disanka paudi wimba musambu pa Mupandishi.

Bua ngenyi ya bungi, tangila bualu bua ngondu ewu bua makazina a Mulunda .

Dilua Dibidi, kudi Harry Anderson