Ether 6–11

Kinatibuk-ang Pagpasabot

Bisan tuod og ang ilang panaw taas ug lisod, nakita sa mga Jaredite nga ang Ginoo nagtabang kanila paingon ngadto. Human sila miabot sa gisaad nga yuta, gusto sa mga tawo nga mopili og usa ka hari, diin ang igsoon nga lalaki ni Jared mipasidaan nga mosangpot ngadto sa pagkabihag. Ang mga tawo wala mopatalinghog niini nga pasidaan, ug kini miresulta sa grabe nga mga sangpotanan sa daghang mga henerasyon. Ang tinago nga mga kalihokan mitungha taliwala kanila ug sa kataposan misangpot sa ilang kalaglagan.

Timan-i: Karong semanaha sa seminary maglakip sa mga leksiyon sa unang katunga sa Ether 12. Adunay mga leksiyon sa ikaduhang katunga sa Ether 12 sa sunod semana sa seminary.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Ether 6

Katuyoan sa leksiyon: Kini nga leksiyon makatabang sa mga estudyante sa pagpahisama sa mga kasulatan aron sa pagkat-on sa mga kamatuoran nga makatabang kanila sa panahon sa ilang panaw sa kinabuhi.

• Pagpangandam sa estudyante:Dapita ang mga estudyante sa pagbasa sa “Tinago nga mga Kalihokan” diha sa Giya ngadto sa mga Kasulatan sa scriptures.ChurchofJesusChrist.org

• Sulod nga ipakita: Ang upat ka mga lakang sa pagpahisama sa mga kasulatan

• Sugyot sa pagtudlo pinaagi sa videoconference: Human maadunay kahigayonan ang mga estudyante sa pagpraktis sa pagpahisama sa mga kasulatan diha sa ilang kaugalingon nga sila ra, ikonsiderar ang pagbutang kanila sa mga breakout room aron ipakigbahin ang unsay ilang nakat-onan ngadto sa pipila ka mga klasmeyt.

Ether 7–11

Katuyoan sa leksiyon: Kini nga leksiyon makatabang sa mga estudyante nga mobati sa kamahinungdanon sa pagsunod sa mga propeta sa Ginoo.

• Pagpangandam sa estudyante: Dapita ang mga estudyante sa pagtambong nga andam sa pagpakigbahin sa pipila ka propetikanhong tambag o mga pasidaan nga atong nadawat sa atong panahon. Makakita sila og mga ehemplo diha sa Alang sa Kalig-on sa mga Kabatan-onan (booklet, 2022) o gikan sa bag-o lang nga mga pakigpulong sa kinatibuk-ang komperensiya.

• Hulagway: Usa ka tawo sa bilanggoan

• Mga materyal: Mga kopya sa Alang sa Kalig-on sa mga Kabatan-onan: Usa ka Giya sa Paghimo og mga Pagpili (booklet, 2022) ug sa bag-o lang nga mga edisyon sa kinatibuk-ang komperensiya sa Liahona alang sa mga estudyante kinsa walay digital nga access niini

• Bidyo: “Ang Diha-diha nga Kaayo sa Dios” (11:39; tan-awa gikan sa time code 3:37 hangtod sa 6:33)

• Sugyot sa pagtudlo pinaagi sa videoconference: Samtang magtigom ang mga estudyante og lista sa modernong propetikanhong mga pasidaan nga makatabang kanato nga makalikay sa pagkabihag, ikonsiderar ang paggamit sa whiteboard nga feature aron tugotan sila sa pagrekord sa ilang mga tubag sa mga pangutana. Ikonsiderar ang pagdapit kanila sa pagpasabot kon nganong mitubag sila sa paagi nga ilang gibuhat ug sa unsang paagi kini nga mga pasidaan nagpakita sa gugma ug mga tinguha sa Dios alang kanato.

Ether 8

Katuyoan sa leksiyon: Kini nga leksiyon makatabang sa mga estudyante nga makasabot sa panginahanglan sa pagsalikway sa tinago nga mga kalihokan pinaagi sa pagsunod ni Jesukristo.

• Pagpangandam sa estudyante: Dapita ang mga estudyante sa pagpamilyar sa ilang kaugalingon sa kahulogan sa tinago nga mga kalihokan pinaagi sa pagtuon sa pagpamubo ubos sa ulohan nga “Ether 8:7–26: Ang Ginoo dili magbuhat diha sa Kangitngit” diha sa gilatid sa pagtuon sa “Ether 6–11: ‘Nga ang Daotan Mahunong’” sa Dali, Sunod Kanako—Alang sa Panimalay ug Simbahan: Basahon ni Mormon 2024.

Ether 12:1–22

Katuyoan sa leksiyon: Kini nga leksiyon makatabang sa mga estudyante nga mogamit og hugot nga pagtuo aron makadawat og espirituhanong pagsaksi sa kamatuoran.

• Pagpangandam sa estudyante: Dapita ang mga estudyante sa paghunahuna og mga ehemplo gikan sa mga kasulatan diin ang matinud-anon nga mga binuhatan misangpot sa espirituhanong mga pagsaksi, mga panalangin, o mga tubag gikan sa Dios.

• Mga Bidyo: “Buhata Unsay Labing Mahinungdanon” (10:45; tan-awa gikan sa time code 1:56 hangtod sa 2:34 ug gikan sa time code 2:34 hangtod sa 3:10); “The Sustaining Power of Faith in Times of Uncertainty and Testing [Ang Malungtarong Gahom sa Hugot nga Pagtuo sa Panahon sa Walay Kasegurohan ug Pagsulay]” (15:54; tan-awa gikan sa time code 5:08 hangtod sa 5:53); “Pure and Simple Faith [Putli ug Yano nga Hugot nga Pagtuo]” (5:21)

• Sugyot sa pagtudlo pinaagi sa videoconference: Sa dili pa ang klase, hangyoa ang usa o subra pa sa usa ka estudyante sa pag-andam sa pagpakigbahin og mga kasinatian diin sila o ang uban nakadawat og espirituhanong pagsaksi isip resulta sa pagsunod sa ebanghelyo sa Manluluwas.

Doktrinal nga Kahanas: Ether 12:6

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan sa Ether 12:6, mapasabot ang doktrina nga gitudlo niini nga tudling, ug magamit ang mga baroganan sa pag-angkon og espirituhanong kahibalo sa tinud-anay nga mga sitwasyon sa kinabuhi.

• Pagpangandam sa estudyante: Dapita ang mga estudyante sa pagpangita og mga tudling sa kasulatan nga makatabang sa usa ka tawo sa pagpakita og hugot nga pagtuo kang Jesukristo. Mahimo nilang pangitaon ang hilisgotan sa “Hugot nga Pagtuo” diha sa Giya ngadto sa mga Kasulatan aron makakita og mga kasulatan.

• Sugyot sa pagtudlo pinaagi sa videoconference: Ikonsiderar ang pagbutang sa mga estudyante sa gagmay nga mga grupo diha sa mga breakout room aron hisgotan ang senaryo. Kon imong pilion kini nga opsiyon, seguroha nga ipakita ang mga pangutana sa diskusyon diha sa chat aron ang mga estudyante makatan-aw niini.