« មរមន ១–២ ៖ ព្យាការីមរមន » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« មរមន ១–២ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
មរមន ១–២
ព្យាការីមរមន
នៅពេលដែលអ្នកព្យាយាមធ្វើតាមព្រះគ្រីស្ទ ជួនកាលអ្នកអាចសម្គាល់ឃើញថា អ្នកមានអាកប្បកិរិយាខុសពីមនុស្សនៅជុំវិញអ្នក ។ ប្រហែលជាអ្នកគិតថា « តើខ្ញុំអាចរឹងមាំគ្រប់គ្រាន់ដើម្បីធ្វើតាមព្រះគ្រីស្ទដោយរបៀបណា នៅពេលដែលអ្នកដទៃមើលទៅហាក់ដូចជាមិនធ្វើតាមទ្រង់ផងនោះ ? ព្យាការីមរមនបានជួបកាលៈទេសៈស្រដៀងគ្នានេះកាលលោកនៅវ័យកុមារ ។ មេរៀននេះអាចជួយអ្នកឲ្យយល់ពីគំរូរបស់មរមនអំពីរបៀបធ្វើតាមព្រះគ្រីស្ទ ដោយមិនគិតអំពីអ្វី ដែលអ្នកផ្សេងទៀតជ្រើសរើសនោះទេ ។
បង្រៀនដល់សិស្សឲ្យរកមើលគុណលក្ខណៈរបស់ព្រះអង្គសង្គ្រោះនៅក្នុងជីវិតរបស់អ្នកដទៃ ។ព្រះគម្ពីរមានដំណើររឿងជាច្រើនអំពីបុរសនិងស្ត្រីដ៏ស្មោះត្រង់ ដែលបានបង្ហាញពីគុណលក្ខណៈរបស់ព្រះយេស៊ូវគ្រីស្ទ ។ សូមជួយសិស្សឲ្យរៀនអំពីព្រះអង្គសង្គ្រោះ ដោយការពិនិត្យមើលជីវិតអស់អ្នក ដែលខិតខំធ្វើតាមទ្រង់ ។
ការរៀបចំសិស្ស ៖ សូមអញ្ជើញសិស្សឲ្យមករៀនដោយរៀបចំខ្លួនដើម្បីចែកចាយបទពិសោធន៍ពេលពួកគេបានជ្រើសរើសខុសគ្នាពីអ្នកដទៃ ដើម្បីធ្វើតាមព្រះយេស៊ូវគ្រីស្ទ ហើយមូលហេតុដែលវាមានតម្លៃ ។
សកម្មភាពរៀនសូត្រដែលអាចមាន
ការមានភាពលេចធ្លោក្នុងនាមជាសិស្សរបស់ព្រះយេស៊ូវគ្រីស្ទ
សូមពិចារណាបង្ហាញរូបភាពបែបនេះ ដែលបង្ហាញពីអ្វីមួយដែលមានភាពខុសគ្នាដាច់ពីវត្ថុនៅជុំវិញវា ។ បន្ទាប់មក សូមសួរសំណួរដូចខាងក្រោមនេះ ៖
-
តើអ្នកអាចប្រៀបធៀបបានអ្វីខ្លះរវាងរូបភាពនេះ និងនរណាម្នាក់ដែលព្យាយាមធ្វើតាមព្រះគ្រីស្ទក្នុងពិភពលោកសព្វថ្ងៃនេះ ?
-
តើស្ថានភាពអ្វីខ្លះដែលយុវវ័យត្រូវតែជ្រើសរើសរវាងការធ្វើអ្វីដែលត្រឹមត្រូវ និងការធ្វើតាមអ្វីដែលអ្នកដទៃនៅជុំវិញខ្លួនកំពុងធ្វើ ?
នៅពេលដែលអ្នកចាប់ផ្តើមការសិក្សា និងការបង្រៀនអំពីជីវិតរបស់ព្យាការីមរមន សូមរកមើលចំណេះដឹងដែលអាចជួយអ្នកឲ្យធ្វើតាមព្រះអង្គសង្គ្រោះ នៅពេលដែលអ្នកដទៃទៀតនៅជុំវិញរបស់អ្នកអាចជ្រើសរើសធ្វើខុសពីអ្នក ។
ព្យាការីមរមន
សូមពិចារណាបង្ហាញរូបភាពរបស់មរមនខាងក្រោម ។ សុំឲ្យអ្នកស្ម័គ្រចិត្ដម្នាក់មកពន្យល់អំពីអ្វីទៅដែលជាផ្ទាំងចំណារលោហៈដែលគាត់កំពុងធ្វើនេះ ។ បើចាំបាច់ សូមចែកចាយព័ត៌មានមកពីកថាខណ្ឌខាងក្រោម ។
ព្រះបានជ្រើសរើសមរមនដើម្បីថែរក្សា និងការពារកំណត់ត្រាដ៏ពិសិដ្ឋនៃប្រជាជនរបស់លោក និងដើម្បីបន្ថែមប្រវត្តិ និងបទពិសោធន៍ផ្ទាល់ខ្លួនរបស់លោកទៅក្នុងកំណត់ត្រាពិសិដ្ឋនេះ ។ កំណត់ត្រាមួយចំនួនដែលលោកបានសរសេរ សង្ខេប និងរក្សាទុកដែលក្រោយមកព្យាការី យ៉ូសែប ស្ម៊ីធ បានបកប្រែជាព្រះគម្ពីរមរមន ។
សម្រាប់បទពិសោធន៍ដែលទាក់ទងគ្នាបន្ថែមទៀត អ្នកអាចធ្វើបានដូចខាងក្រោម ៖ សូមអញ្ជើញសិស្សឲ្យគិតស្រមៃថា ពួកគេកំពុងបង្កើតកម្រងព័ត៌មានប្រព័ន្ធផ្សព្វផ្សាយសង្គមសម្រាប់មរមន ឬរៀបចំដើម្បីណែនាំលោកទៅកាន់មនុស្សមួយក្រុមទៀត ។ សូមផ្អាកសិន បន្ទាប់ពីចប់វគ្គខគម្ពីរនីមួយៗ ហើយអញ្ជើញសិស្សឲ្យបន្ថែមអ្វីផ្សេងទៀតដែលពួកគេបានរៀនសូត្រទៅក្នុងកម្រងព័ត៌មាន ឬការណែនាំនោះ ។
សូមអានវគ្គបទគម្ពីរខាងក្រោម ដើម្បីរៀនសូត្រពីរឿងមួយចំនួនអំពីមរមន ៖
-
តើមានអ្វីខ្លះដែលទាក់ទាញចំណាប់អារម្មណ៍របស់អ្នកចេញពីការពិណ៌នារបស់មរមន ?
សូម្បីតែកាលនៅវ័យក្មេងក៏ដោយ មរមនត្រូវតែសម្រេចចិត្តថា តើលោកនឹងធ្វើតាមអ្វីដែលមនុស្សជាច្រើននៅជុំវិញលោកកំពុងធ្វើ ឬបើសិនលោកមានឆន្ទៈក្នុងការបង្ហាញពីការខិតខំព្យាយាម ក្នុងនាមជាសិស្សរបស់ព្រះយេស៊ូវគ្រីស្ទមួយរូប ។
អ្នកប្រហែលជាចាំពីការរៀនសូត្រអំពីអរិយធម៌ដ៏សុចរិត ដែលបានបង្កើតឡើងបន្ទាប់ពីការធ្វើដំណើររបស់ព្រះអង្គសង្គ្រោះទៅកាន់ទ្វីបអាមេរិក ។ គួរសោកស្ដាយ បន្ទាប់ពីការរស់នៅដោយសុចរិតជិត ២០០ ឆ្នាំ សាសន៍នីហ្វៃ និងសាសន៍លេមិនបានចាប់ផ្ដើមមានការឆ្មើងឆ្មៃ ។ នៅទីបំផុត ពួកគេបានក្លាយជាមនុស្សអាក្រក់ ហើយការទាស់ទែងគ្នាយ៉ាងខ្លាំង ( សូមមើល នីហ្វៃទី ៤ ១:២៤–៤៩ ) ។
សូមអាន មរមន ១:១៣–១៤, ១៦; ២:១៨–១៩ ស្វែងរកការពិណ៌នារបស់មរមនអំពីសង្គមដែលលោកបានធំដឹងក្តីឡើង ។
-
តើអ្នកអាចរៀនសូត្រអ្វីខ្លះមកពីគំរូរបស់មរមន ?
សេចក្តីពិតមួយដែលសិស្សអាចស្វែងយល់នោះ គឺថា យើងអាចជ្រើសរើសធ្វើតាមព្រះអង្គសង្គ្រោះ សូម្បីតែនៅពេលដែលអ្នកដទៃនៅជុំវិញយើងមិនធ្វើក៏ដោយ ។ អ្នកប្រហែលជាចង់សរសេរសេចក្ដីពិតនេះនៅលើក្ដារខៀន ។
ដោយសារភាពសុចរិតរបស់មរមន លោកបានទទួលពរជ័យដ៏អស្ចារ្យមកពីព្រះ សូម្បីតែនៅក្នុងវ័យជំទង់ក៏ដោយ ។ សូមអាន មរមន ១:១៥ រកមើលពរជ័យមួយក្នុងចំណោមពរជ័យទាំងនេះ ។
-
តើមានរបៀបណាខ្លះដែលក្មេងជំទង់នៅសម័យសព្វថ្ងៃនេះអាចនឹងទទួលបានពរជ័យដើម្បី « [ ភ្លក់ ] ហើយ [ ស្គាល់ ] នូវសេចក្ដីល្អសប្បុរសនៃព្រះយេស៊ូវ » ?
ចម្លើយដែលអាចមានចំពោះសំណួរនេះ រួមមានការអភ័យទោសចំពោះអំពើបាប ឬទទួលបានសេចក្តីសុខសាន្តនៅក្នុងអំឡុងគ្រាមានទុក្ខលំបាក ។ សិស្សក៏អាចលើកឡើងពីពេលដែលពួកគេមានអារម្មណ៍ថា កម្លាំងរបស់ព្រះយេស៊ូវជួយដល់ពួកគេឲ្យធ្វើអ្វីមួយបានសម្រេច ដែលពួកគេមិនមានសមត្ថភាពឬមិនអាចធ្វើបាន ។
-
តើព្រះវរបិតាសួគ៌បានប្រទានពរជ័យដល់អ្នកឲ្យធ្វើតាមគំរូរបស់ព្រះយេស៊ូវគ្រីស្ទដូចម្តេចខ្លះទោះបីជាអ្នកដទៃទៀតមិនបានធ្វើតាមក៏ដោយ ?
ប្រសិនបើសិស្សបានរៀបចំខ្លួនរួចរាល់ដើម្បីណែនាំមរមន ឬបានរៀបចំកម្រងព័ត៌មានប្រព័ន្ធផ្សព្វផ្សាយសង្គមសម្រាប់លោកហើយនោះ សូមអញ្ជើញពួកគេឲ្យចែកចាយនូវអ្វីដែលពួកគេបានរៀបចំជាមួយក្រុមតូចមួយ ។
គំរូរបស់មរមន
គំរូរបស់មរមនអាចជួយដល់អ្នករកឃើញវិធីជាក់លាក់មួយចំនួន ដែលអ្នកអាចធ្វើតាមព្រះគ្រីស្ទ ទោះបីជាអ្នកដទៃទៀតនៅជុំវិញអ្នកមិនធ្វើក៏ដោយ ។ សកម្មភាពខាងក្រោមនេះអាចជួយដល់អ្នកឲ្យយល់កាន់តែស៊ីជម្រៅអំពីបុគ្គលិកលក្ខណៈរបស់មរមន និងស្វែងយល់អំពីរបៀបដើម្បីអនុវត្តតាមការធ្វើតាមព្រះគ្រីស្ទ ។
សូមពិចារណាបែងចែកសិស្សជាក្រុមតូចៗ ។ សូមចាត់ឲ្យក្រុមនីមួយៗផ្តោតលើគុណសម្បត្តិមួយក្នុងចំណោមគុណសម្បត្តិទាំងនេះ ដើម្បីសិក្សា និងសំណៅចែកដែលមានព័ត៌មានអំពីគុណសម្បត្តិដែលបានដាក់ឲ្យនោះទៅឲ្យពួកគេ ។ បន្ទាប់មក សូមអញ្ជើញសិស្សឲ្យចែកចាយអំពីអ្វីដែលពួកគេបានរៀនសូត្រទៅដល់ក្រុមដែលសិក្សាអំពីគុណសម្បត្តិផ្សេងៗទៀត ។
សកម្មភាពទី ១
ការមានភាពម៉ឺងម៉ាត់
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )—« មរមន ១–២ ៖ ព្យាការីមរមន »
សូមអាន មរមន ១:២, ១៥ ហើយពិចារណាគូសចំណាំពាក្យ « ដ៏ម៉ឺងម៉ាត់ » ។ ( អ្នកអាចនឹងកត់ត្រានៅក្នុងបទគម្ពីររបស់អ្នកថា ដ៏ម៉ឺងម៉ាត់ អាចមានន័យថា គារវភាព ម៉ត់ចត់ និងចេះគិតវែងឆ្ងាយ ) ។
សូមអានសេចក្តីថ្លែងការណ៍ខាងក្រោមដោយ ប្រធាន ប៊យដ៍ ខេ ផាកកឺ ( ឆ្នាំ ១៩២៤–ឆ្នាំ ២០១៥ ) ក្នុងកូរ៉ុមនៃពួកសាវកដប់ពីរនាក់ ៖
យើងបានមើលឃើញលំនាំនៃគារវភាព និងការមិនមានគារវភាពនៅក្នុងសាសនាចក្រ ។ ខណៈពេលដែលមនុស្សជាច្រើនកំពុងតែមានគេសរសើរយ៉ាងខ្លាំង យើងក៏កំពុងត្រូវបានផាត់ចេញទៅដែរ ។ យើងមានហេតុផលដែលត្រូវឲ្យយើងមានការព្រួយបារម្ភជាខ្លាំង ។ …
ការគ្មានគារវភាពគឺត្រូវនឹងគោលបំណងរបស់មារសត្រូវ ដោយរារាំងផ្លូវដ៏ពិសេសនៃវិវរណៈទាំងក្នុងគំនិត និងវិញ្ញាណ ។ ( ប៊យដ៏ ខេ ផាកកឺ « Reverence Invites Revelation » Ensign ខែ វិច្ឆិកា ឆ្នាំ ១៩៩១ ទំព័រ ២២ )
-
តើមានអ្វីខ្លះដែលគួរមានគារវភាព និងម៉ឺងម៉ាត់ ប៉ុន្តែអ្នកខ្លះមិនប្រព្រឹត្តបែបដូច្នេះទេ ?
-
តើរបៀបណាខ្លះដែលព្រះអង្គសង្គ្រោះធ្វើជាគំរូអំពីការមានភាពម៉ឺងម៉ាត់ ( គារវភាព ម៉ត់ចត់ និងចេះគិតគូរវែងឆ្ងាយ ) ?
© ឆ្នាំ ២០២៣ ដោយ Intellectual Reserve, Inc. ។ All rights reserved.
សកម្មភាពទី ២
ចេះសង្កេតដោយឆាប់រហ័ស
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )—« មរមន ១–២ ៖ ព្យាការីមរមន »
សូមអាន មរមន ១:២ ហើយពិចារណាគូសចំណាំឃ្លា « ចេះសង្កេតដោយឆាប់រហ័ស » ។
សូមអានសេចក្ដីថ្លែងការណ៍ខាងក្រោមដោយអែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់ ៖
នៅពេលដែលយើងចេះសង្កេតដោយឆាប់រហ័ស យើងក្រឡេកមើល ឬកត់សម្គាល់ និងគោរពតាមបានយ៉ាងលឿន ។ ធាតុដែលជាមូលដ្ឋានគ្រឹះទាំងពីរនេះ—ការមើលទៅ និងការគោរពប្រតិបត្តិ—គឺមានសារៈសំខាន់ណាស់ក្នុងការចេះសង្កេតដោយឆាប់រហ័ស ។ ហើយព្យាការីមរមន គឺជាគំរូដ៏គួរឲ្យចាប់អារម្មណ៍នៃអំណោយទាននេះនៅក្នុងការអនុវត្តបែបនេះ ។ ( ដាវីឌ អេ បែដណា « Quick to Observe » Ensign ខែ ធ្នូ ឆ្នាំ ២០០៦ ទំព័រ ៣២ )
-
តើការបង្រៀនអ្វីខ្លះដែលអ្នកបានរកឃើញថា វាមានប្រយោជន៍ក្នុងការកត់សម្គាល់ និងគោរពតាមដោយឆាប់រហ័ស ? ហេតុអ្វី ?
-
តើមានដំបូន្មានអ្វីខ្លះដែលអ្នកនឹងផ្តល់ទៅដល់មិត្តម្នាក់ដែលគិតថា ការគោរពប្រតិបត្តិព្រះអម្ចាស់អាចចាំដល់រហូតពេលដែលមានវ័យចំណាស់ ។
-
តើព្រះយេស៊ូវគ្រីស្ទបានធ្វើជាគំរូចំពោះការចេះសង្កេតដោយឆាប់រហ័សតាមរបៀបណាខ្លះ ?
© ឆ្នាំ ២០២៣ ដោយ Intellectual Reserve, Inc. ។ All rights reserved.
ជំនួយ និងកម្លាំងក្នុងការរក្សានូវភាពស្មោះត្រង់
សូមពិចារណាបំបែកសិស្សជាក្រុមតូចៗ ដើម្បីបំពេញសកម្មភាពដូចខាងក្រោមនេះ ។ បន្ទាប់មក សូមអញ្ជើញពួកគេឲ្យចែកចាយចម្លើយរបស់ពួកគេជាមួយសិស្សនៅក្នុងថ្នាក់ ។
ដើម្បីជួយអ្នកកំណត់អំពីរបៀបដើម្បីអនុវត្តគុណកលក្ខណៈឲ្យដូចជាព្រះគ្រីស្ទទាំងនេះនៅក្នុងជីវិតផ្ទាល់ខ្លួនរបស់អ្នក សូមរាយបញ្ជីបញ្ហាប្រឈមមុខយ៉ាងតិចបំផុតពីរ ដែលយុវវ័យកំពុងប្រឈមមុខក្នុងការរស់នៅក្នុងពិភពលោកសព្វថ្ងៃនេះ ។ បន្ទាប់មក សូមសរសេរអំពីរបៀបដែលគុណលក្ខណៈមួយ ឬទាំងពីរ ដែលអ្នកបានសិក្សាដែលអាចជួយដល់យុវវ័យឲ្យទទួលបានជំនួយ និងកម្លាំងមកពីព្រះវរបិតាសួគ៌ និងព្រះយេស៊ូវគ្រីស្ទ ។
សូមពិចារណាអំពីការចែកចាយពរជ័យ ដែលអ្នកបានទទួលតាមរយៈការធ្វើតាមព្រះគ្រីស្ទ ។ បន្ទាប់មក សូមលើកទឹកចិត្តសិស្សឲ្យធ្វើផែនការដើម្បីធ្វើសកម្មភាពលើអ្វីដែលពួកគេបានរៀន និងមានអារម្មណ៍នៅថ្ងៃនេះ ។