« អាលម៉ា ៥–៧ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« អាលម៉ា ៥–៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
អាលម៉ា ៥–៧
ទិដ្ឋភាពទូទៅ
អាលម៉ាបានសួរសមាជិកសាសនាចក្រនៅសារ៉ាហិមឡា នូវសំណួរជាបន្តបន្ទាប់ដែលលើកទឹកចិត្តពួកគេឲ្យសញ្ជឹងគិតលើការផ្តោតចិត្តរបស់ពួកគេ និងការឈរនៅចំពោះមុខព្រះ ។ លោកបានអញ្ជើញពួកគេឲ្យមករកព្រះគ្រីស្ទដោយប្រើការស្រមៃដ៏ទន់ភ្លន់ដូចជា « ព្រះពាហុនៃសេចក្ដីមេត្តាករុណា [ របស់ទ្រង់ ] បានលាតសន្ធឹងមក » ( អាលម៉ា ៥:៣៣ ) « ចូរប្រែចិត្តចុះ នោះយើងនឹងទទួលអ្នក » ( អាលម៉ា ៥:៣៣ ) ហើយ « អ្នកគង្វាលល្អនឹងស្រែកហៅអ្នក » ( អាលម៉ា ៥:៣៨ ) ។ លោកបានបង្រៀនថាព្រះអង្គសង្គ្រោះបានស្ម័គ្រព្រះទ័យរងទុក្ខគ្រប់យ៉ាងសម្រាប់យើង « ស្របតាមសាច់ឈាម ដើម្បីទ្រង់អាចដឹងស្របតាមសាច់ឈាមថា តើត្រូវជួយរាស្ត្រទ្រង់បែបណាតាមជំងឺរបស់គេ » ( អាលម៉ា ៧:១២ ) ។ លោកក៏បានបង្រៀនពីរបៀបដើម្បីបន្តលើ « ផ្លូវដែលនាំទៅរកនគរនៃព្រះ » ( អាលម៉ា ៧:១៩ ) ។
រៀបចំខ្លួនដើម្បីបង្រៀន
ព័ត៌មានខាងក្រោមនេះផ្តល់ជាគំនិតដល់គ្រូបង្រៀនអំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។
អាលម៉ា ៥:១–៣២
គោលបំណងមេរៀន ៖ គោលបំណងមេរៀននេះគឺដើម្បីជួយសិស្សឲ្យវាយតម្លៃការរីកចម្រើនខាងវិញ្ញាណរបស់ពួកគេ និងពង្រឹងការប្រែចិត្តជឿរបស់ពួកគេចំពោះព្រះយេស៊ូវគ្រីស្ទ ។
-
ការរៀបចំសិស្ស ៖ សូមអញ្ជើញសិស្សឲ្យអានត្រួសៗ អាលម៉ា ៥ ហើយគូសសញ្ញាសួរទាំងអស់នៅក្នុងជំពូកនេះ ។ សិស្សក៏អាចសួរខ្លួនឯងនូវសំណួរមួយចំនួនដែលអាលម៉ាបានសួរប្រជាជនរបស់លោកនៅក្នុងជំពូកនេះផងដែរ ។
-
វីដេអូ ៖ « Return and Receive » ( ១៦:១០ សូមមើលពីនាទីទី ៨:១៤ ដល់នាទីទី ៨:៥៨ )
-
យោបល់សម្រាប់ការបង្រៀនតាមសន្និសីទវីដេអូ ៖ គោលបំណងសំខាន់នៃមេរៀននេះគឺដើម្បីឲ្យសិស្សអាន និងពិចារណាលើសំណួរមួយចំនួនអំពី អាលម៉ា ៥ ។ របៀបមួយក្នុងការធ្វើបែបនេះគឺទុកពេលឲ្យសិស្សបិទមីក្រូហ្វូន និងកាមេរ៉ា សិក្សា គិតពិចារណា និងសរសេរចម្លើយរបស់ពួកគេចំពោះសំណួរទាំងនេះ នៅក្នុងសៀវភៅកំណត់ហេតុការសិក្សារបស់ពួកគេ ។ វាអាចមានប្រយោជន៍ក្នុងការអនុញ្ញាតឲ្យពួកគេដឹងថា នៅពេលពួកគេមានពេលនៅសល់ពីរនាទី ហើយបន្ទាប់មកនៅពេលពួកគេនៅសល់ ៣០ វិនាទី ។
អាលម៉ា ៥:៣៣–៦២
គោលបំណងមេរៀន ៖ មេរៀននេះអាចជួយសិស្សឲ្យខិតខំមករកព្រះយេស៊ូវគ្រីស្ទ ហើយទទួលបានពរជ័យដែលទ្រង់ប្រទានដល់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យសិក្សា អាលម៉ា ៥:៣៣–៣៤ ហើយមករៀនដោយរៀបចំខ្លួន ដើម្បីចែកចាយអ្វីដែលពួកគេបានរៀនអំពីព្រះអង្គសង្គ្រោះពីខគម្ពីរទាំងនេះ ។
-
រូបភាព ៖ រូបភាពមួយចំនួនដែលគួរឲ្យចាប់អារម្មណ៍សម្រាប់សិស្សមើល រូបភាពព្រះយេស៊ូវគ្រីស្ទពីរបីដែលលាតសន្ធឹងព្រះពាហុរបស់ទ្រង់
-
វីដេអូ ៖ « Hearts Knit Together » ( ១៥:១០ សូមមើលពីនាទីទី ១៣:៥៦ ដល់នាទីទី ១៤:៥១ )
អាលម៉ា ៧:១–១៣
គោលបំណងមេរៀន ៖ មេរៀននេះអាចជួយសិស្សឲ្យពឹងផ្អែកលើ និងទទួលអារម្មណ៍នៃសេចក្តីស្រឡាញ់ព្រះអង្គសង្គ្រោះរបស់ពួកគេកាន់តែខ្លាំង ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យសិក្សា អាលម៉ា ៧:១១–១៣ ហើយរកមើលនៅក្នុងខគម្ពីរទាំងនេះអំពីអ្វីដែលព្រះយេស៊ូវគ្រីស្ទបានរងទុក្ខ តាមរយៈដង្វាយធួនរបស់ទ្រង់ និងមូលហេតុដែលទ្រង់បានរងទុក្ខចំពោះរឿងទាំងនេះ ។
-
មាតិកា ដែលត្រូវបង្ហាញ ៖ តារាងអំពីការរងទុក្ខរបស់ព្រះអង្គសង្គ្រោះដែលបង្ហាញ ឬចម្លងដាក់លើក្ដារខៀន ដើម្បីសិស្សអាចចម្លងចូលទៅក្នុងសៀវភៅកំណត់ហេតុការសិក្សារបស់ពួកគេ
-
វីដេអូ ៖ « Strengthened by the Atonement of Jesus Christ » ( ១៥:៥៤ សូមមើលពីនាទីទី ៣:១៣ ដល់នាទីទី ៤:០១ )
-
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាប្រើក្ដារខៀនឌីជីថល ឬឯកសារចែកចាយដើម្បីអនុញ្ញាតឲ្យសិស្សបំពេញតារាងជាមួយគ្នា ។
ចំណេះចំណានខាងគោលលទ្ធិ ៖ អាលម៉ា ៧:១១–១៣
គោលបំណងមេរៀន ៖ មេរៀននេះអាចជួយសិស្សឲ្យទន្ទេញសេចក្តីយោងនៃចំណេះចំណានខាងគោលលទ្ធិ និងឃ្លាបទគម្ពីរគន្លឹះសម្រាប់ អាលម៉ា ៧:១១–១៣ ពន្យល់ពីគោលលទ្ធិដែលបានបង្រៀននៅក្នុងវគ្គបទគម្ពីរនេះ ហើយអនុវត្តគោលការណ៍នៃការទទួលបានចំណេះដឹងខាងវិញ្ញាណទៅក្នុងស្ថានភាពជីវិតជាក់ស្តែង ។
-
ការរៀបចំសិស្ស ៖ សូមពិចារណាឲ្យសិស្សសញ្ជឹងគិតដោយការអធិស្ឋាន នូវអ្វីដែលពួកគេអាចធ្វើបានដើម្បីទទួលបានជំនួយ និងកម្លាំងដែលព្រះយេស៊ូវគ្រីស្ទប្រទានឲ្យតាមរយៈដង្វាយធួនរបស់ទ្រង់ ។
-
យោបល់សម្រាប់ការបង្រៀនតាមសន្និសីទវីដេអូ ៖ ដើម្បីជួយសិស្សឲ្យទន្ទេញសេចក្ដីយោងបទគម្ពីរ និងឃ្លាបទគម្ពីរគន្លឹះ សូមពិចារណាអញ្ជើញពួកគេឲ្យវាយបញ្ចូលក្នុងឈែត ចេញពីការចងចាំឲ្យអស់ពីលទ្ធភាពរបស់ពួកគេ ។ បន្ទាប់មករំឭកសេចក្តីយោង និងឃ្លានេះពីរបីដង ហើយឲ្យសិស្សវាយបញ្ចូលសេចក្ដីយោង និងឃ្លានេះទៅក្នុងឈែតម្ដងទៀត ដើម្បីមើលថាតើពួកគេចងចាំបានប៉ុន្មានថែមទៀត ។ បន្តធ្វើបែបនេះរហូតដល់សិស្សភាគច្រើនអាចសូត្រសេចក្តីយោង និងឃ្លាទាំងនេះបានត្រឹមត្រូវចេញពីការចងចាំ ។
អាលម៉ា ៧:១៤–២៧
គោលបំណងមេរៀន ៖ មេរៀននេះមានគោលបំណងជួយសិស្សឲ្យខិតខំ ដើម្បីទទួលបាននូវលក្ខណៈដូចជាព្រះគ្រីស្ទ នៅពេលពួកគេដើរតាមផ្លូវដែលនាំទៅរកព្រះវិញ ។
-
ការរៀបចំសិស្ស ៖ សូមឲ្យសិស្សគិតអំពីលក្ខណៈដូចជាព្រះគ្រីស្ទដែលពួកគេចង់អភិវឌ្ឍឲ្យកាន់តែពេញលេញ ហើយមករៀនដោយត្រៀមខ្លួនដើម្បីចែកចាយហេតុផលនោះ ។
-
មាតិកាដែលត្រូវបង្ហាញ ៖ សេចក្តីណែនាំដើម្បីធ្វើសកម្មភាពបុគ្គលិកលក្ខណៈដូចជាព្រះគ្រីស្ទនៅចុងបញ្ចប់នៃមេរៀន
-
រូបភាព ៖ ផ្លូវមួយ ដែលតំណាងឲ្យផ្លូវដែលនាំទៅដល់នគរព្រះ រូបភាពផ្សេងៗរបស់ព្រះយេស៊ូវគ្រីស្ទ
-
វីដេអូ ៖ « Daily Restoration » ( ១៣:៤៣ សូមមើលពីនាទីទី ១:៤០ ដល់នាទីទី ៣:២៥ )
-
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាប្រើប្រាស់មុខងារក្តារខៀននៅក្នុងកម្មវិធីសន្នីសីទវីដេអូរបស់អ្នក ។ សូមដាក់រូបផ្លូវនៅលើវា ហើយអញ្ជើញសិស្សឲ្យសរសេរសកម្មភាពគុណលក្ខណៈ និងអាកប្បកិរិយាជុំវិញរូបភាពនោះ ក្នុងអំឡុងមេរៀនដូចដែលបានណែនាំ ។