ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

អាលម៉ា ៥:៣៣–៦២ ៖ « អ្នកគង្វាលល្អនឹងស្រែកហៅអ្នក »

« អាលម៉ា ៥:៣៣–៦២ ៖ ‹ អ្នកគង្វាលល្អនឹងស្រែកហៅអ្នក › » ព្រះគម្ពីមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« អាលម៉ា ៥:៣៣–៦២ » ព្រះគម្ពីមរមន សៀវភៅសិក្សាសម្រាប់គ្រូបង្រៀន

អាលម៉ា ៥:៣៣–៦២

« អ្នកគង្វាលល្អនឹងស្រែកហៅអ្នក »

បន្ទាប់ពីបានលើកទឹកចិត្តសមាជិកសាសនាចក្រនៅសារ៉ាហិមឡាឲ្យពិចារណាយ៉ាងស៊ីជម្រៅអំពីជំហររបស់ពួកគេជាមួយនឹងព្រះវរបិតាសួគ៌ និងព្រះយេស៊ូវគ្រីស្ទ ( សូមមើល អាលម៉ា ៥:១–៣២ ) អាលម៉ាបានអញ្ជើញពួកគេឲ្យមករកព្រះគ្រីស្ទ ដោយប្រើការប្រៀបធៀបទន់ភ្លន់ដូចជា « ព្រះពាហុនៃសេចក្ដីមេត្តាករុណាបានលាតសន្ធឹងមក » ( អាលម៉ា ៥:៣៣ ) « ចូរប្រែចិត្តចុះ នោះយើងនឹងទទួលអ្នក » ( អាលម៉ា ៥:៣៣ ) និង « អ្នកគង្វាលល្អនឹងស្រែកហៅអ្នក » ( អាលម៉ា ៥:៣៨ ) ។ មេរៀននេះអាចជួយអ្នកក្នុងការខិតខំរបស់អ្នកដើម្បីមករកព្រះយេស៊ូវគ្រីស្ទ ហើយទទួលបានពរជ័យដែលទ្រង់ប្រទានដល់អ្នក ។

សូមផ្តោតលើតួនាទីរបស់ព្រះយេស៊ូវគ្រីស្ទ ។សូមជួយសិស្សឲ្យស្គាល់ និងស្រឡាញ់ព្រះអង្គសង្គ្រោះដោយទទួលស្គាល់ពីរបៀបដែលទ្រង់បំពេញតួនាទីទ្រង់ជាព្រះអង្គសង្គ្រោះ និងជាព្រះប្រោសលោះរបស់ពួកគេ ។ សូមលើកទឹកចិត្តពួកគេឲ្យសញ្ជឹងគិតអំពីរបៀបដែលព្រះយេស៊ូវគ្រីស្ទបានបង្ហាញសេចក្តីស្រឡាញ់ និងព្រះទ័យយកចិត្តទុកដាក់របស់ទ្រង់ចំពោះពួកគេផ្ទាល់ ។

ការរៀបចំសិស្ស ៖ សូមអញ្ជើញសិស្សឲ្យសិក្សា អាលម៉ា ៥:៣៣–៣៤ ហើយមករៀនដោយរៀបចំខ្លួន ដើម្បីចែកចាយអ្វីដែលពួកគេបានរៀនអំពីព្រះអង្គសង្គ្រោះពីខគម្ពីរទាំងនេះ ។

សកម្មភាពរៀនសូត្រដែលអាចមាន

ចូរប្រែចិត្តចុះ នោះយើងនឹងទទួលអ្នក

សូមពិចារណាបង្ហាញរូបភាពពីរបីសន្លឹកដែលអាចឲ្យសិស្សចាប់អារម្មណ៍ ហើយអញ្ជើញសិស្សក្នុងថ្នាក់ឲ្យពិភាក្សាអំពីមូលហេតុដែលពាក្យចាស់ខាងក្រោមអាចជាការពិត ។

ពាក្យចាស់លោកពោលថា « រូបភាពមួយមានអត្ថន័យស្មើមួយពាន់ពាក្យ » ។

ឥឡូវនេះ សូមបង្ហាញរូបភាពខាងក្រោម ហើយអញ្ជើញសិស្សឲ្យចែកចាយអ្វីដែលរូបទាំងនេះបង្ហាញ ។

រូបភាព

ព្រះគ្រីស្ទលាតសន្ទឹងព្រះពាហុ

រូបភាព

ព្រះគ្រីស្ទលាតសន្ទឹងព្រះពាហុ

អ្នកប្រហែលជាចងចាំថា អាលម៉ា ៥ មានការបង្រៀនរបស់អាលម៉ាដល់សមាជិកសាសនាចក្រនៅសារ៉ាហិមឡា ដែលអ្នកខ្លះបានក្លាយជាមានសេចក្តី ឆ្មើងឆ្មៃ ហើយធ្លាក់ក្នុងអំពើបាប ( សូមមើល អាលម៉ា ៤:៨–១២ ) ។ បន្ទាប់ពីសួរបណ្ដុំសំណួរទាំងនេះដល់ប្រជាជន ដើម្បីជួយពួកគេវាយតម្លៃការរីកចម្រើនខាងវិញ្ញាណរបស់ពួកគេ អាលម៉ាបានបង្រៀនសេចក្តីពិតដ៏សំខាន់អំពីព្រះអង្គសង្រ្គោះ ។

សូមអាន អាលម៉ា ៥:៣៣–៣៤ ដោយស្វែងរកអ្វីដែលអាលម៉ាចង់ឲ្យប្រជាជនរបស់លោកយល់អំពីព្រះយេស៊ូវគ្រីស្ទ ។

ការណ៍នេះអាចជាឱកាសដ៏ល្អមួយដើម្បីអញ្ជើញសិស្សឲ្យចែកចាយអ្វីដែលពួកគេបានរៀនក្នុងការរៀបចំខ្លួនរបស់ពួកគេ ។

តើពាក្យ ឬឃ្លាអ្វីខ្លះពីខគម្ពីរទាំងនេះមានអត្ថន័យបំផុតចំពោះអ្នក ? ហេតុអ្វី ?
តើភាពស្រដៀងគ្នាអ្វីខ្លះដែលអ្នកបានឃើញរវាងខគម្ពីរទាំងនេះ និងរូបភាពនៃព្រះអង្គសង្គ្រោះដែលអ្នកបានមើល ?
តើការយល់ដឹងអំពីគោលការណ៍នៅក្នុងខគម្ពីរទាំងនេះអាចផ្លាស់ប្តូររបៀបដែលបុគ្គលម្នាក់មានទស្សនៈទៅលើព្រះយេស៊ូវគ្រីស្ទយ៉ាងដូចម្តេច ?

បើសិស្សអាចទទួលបានអត្ថប្រយោជន៍ពីការសិក្សាកាន់តែស៊ីជម្រៅ អំពីការអញ្ជើញរបស់ព្រះអង្គសង្គ្រោះឲ្យមករកទ្រង់ សូមពិចារណាអញ្ជើញពួកគេឲ្យសិក្សាខគម្ពីរខាងក្រោមមួយចំនួន ឬទាំងអស់ប្រហែលជាមួយដៃគូ ឬក្រុមតូចមួយ ៖ ម៉ាថាយ ១១:២៨–៣០; នីហ្វៃទី២ ២៦:៣៣; នីហ្វៃទី៣ ៩:១៤ និង អេធើរ ១២:២៧ ។ សិស្សក៏អាចបន្ថែមវគ្គបទគម្ពីរទាំងនេះជាសេចក្ដីយោងឆ្លងទៅ អាលម៉ា ៥:៣៣–៣៤ នៅក្នុងគម្ពីររបស់ពួកគេ ។ នៅពេលសិស្សបានសិក្សាវគ្គបទគម្ពីរបន្ថែមទាំងនេះចប់ហើយ សូមអញ្ជើញអ្នកស្ម័គ្រចិត្តឲ្យចែកចាយការយល់ដឹងបន្ថែម ដែលពួកគេទទួលបានអំពីព្រះយេស៊ូវគ្រីស្ទពីខគម្ពីរទាំងនេះ ។

សូមគិតអំពីបំណងប្រាថ្នាបច្ចុប្បន្នរបស់អ្នកដើម្បីទទួលយកការអញ្ជើញរបស់ព្រះយេស៊ូវគ្រីស្ទឲ្យប្រែចិត្ត ហើយមករកទ្រង់ ហើយថាតើអ្នកប្រឈមមុខនឹងឧបសគ្គ ដែលធ្វើឲ្យពិបាកក្លាយជាអ្នកដើរតាមទ្រង់ដែរឬទេ ។ នៅពេលអ្នកបន្តសិក្សា សូមរកមើលការបង្រៀនដែលអាចជួយអ្នកខិតខំជំនះឧបសគ្គទាំងនោះ ហើយដើរតាមព្រះយេស៊ូវគ្រីស្ទ ។

ការស្តាប់សំឡេងរបស់អ្នកគង្វាលល្អ ។

បន្ទាប់ពីបង្រៀនអំពីការអញ្ជើញរបស់ព្រះអង្គសង្គ្រោះឲ្យប្រែចិត្ត ហើយមករកទ្រង់អាលម៉ាបានចែកចាយការបង្រៀនបន្ថែមអំពីព្រះយេស៊ូវគ្រីស្ទ ដើម្បីបញ្ចុះបញ្ចូលប្រជាជនរបស់លោកឲ្យដើរតាមព្រះអង្គសង្គ្រោះ ។

សូមអាន អាលម៉ា ៥:៣៧–៣៩ ហើយរកមើលសារលិខិតរបស់អាលម៉ា ទៅកាន់ប្រជាជនរបស់លោក ។

សូមពិចារណាអញ្ជើញសិស្សឲ្យពិភាក្សាសំណួរខាងក្រោមជាមួយនឹងដៃគូម្នាក់ ៖

តើអ្នកគិតថា អាលម៉ាចង់ឲ្យប្រជាជនរបស់លោកដឹង និងទទួលអារម្មណ៍យ៉ាងណាអំពីព្រះយេស៊ូវគ្រីស្ទ ( អ្នកគង្វាលល្អ ) ពីការប្រៀបធៀបនេះ ?
តើអ្នកគិតថា អាលម៉ាចង់ឲ្យប្រជាជនរបស់លោកដឹង និងទទួលអារម្មណ៍យ៉ាងណាអំពីខ្លួនពួកគេ ( ចៀម ) ពីការប្រៀបធៀបនេះ ?

សេចក្តីពិតមួយដែលយើងអាចរៀនពីខគម្ពីរទាំងនេះគឺថា យើងត្រូវតែស្ដាប់សំឡេងរបស់អ្នកគង្វាលល្អ ដើម្បីធ្វើជាចៀមរបស់ទ្រង់ ។

ប្រធាន រ័សុល អិម ណិលសុន បានចែកចាយនិយមន័យខាងក្រោមសម្រាប់ពាក្យ ប្រុងស្តាប់ ៖

រូបភាព
ប្រធាន រ័សុល អិម ណិលសុន

វាមានន័យថា « ស្ដាប់ដោយបំណងចិត្តគោរពតាម » ។ ដើម្បីប្រុងស្ដាប់មានន័យថា « ស្ដាប់ទ្រង់ »—ដើម្បី ឮ នូវអ្វីដែលព្រះអង្គសង្គ្រោះមានបន្ទូល បន្ទាប់មក ផ្ទៀង ស្ដាប់ ដំបូន្មានរបស់ទ្រង់ ។ ( រ័សុល អិម ណិលសុន « Hear Him » Ensign ឬ Liahona ខែ ឧសភា ឆ្នាំ ២០២០ ទំព័រ ៨៩ )

តើអ្នកដឹងអ្វីខ្លះអំពីព្រះអង្គសង្គ្រោះដែលធ្វើឲ្យអ្នកចង់ស្ដាប់តាមទ្រង់ ហើយត្រូវបានរាប់ក្នុងចំណោមហ្វូងចៀមរបស់ទ្រង់ ?

អែលឌើរ ហ្គែរី អ៊ី ស្ទីវ៉ែនសុន ក្នុងកូរ៉ុមនៃពួកសាវកដប់ពីរនាក់បានចែកចាយពរជ័យមួយចំនួន ដែលព្រះអង្គសង្គ្រោះប្រទានឲ្យយើង នៅពេលយើងអនុញ្ញាតឲ្យទ្រង់ធ្វើជាអ្នកគង្វាលដ៏ល្អរបស់យើង ។ សូមអានសេចក្ដីថ្លែងការណ៍ខាងក្រោម ឬមើលវីដេអូ « Hearts Knit Together » មាននៅ ChurchofJesusChrist.orgចាប់ពី នាទីទី ១៣:៥៦ ដល់នាទីទី ១៤:៥១ ។

រូបភាព
អែលឌើរ ហ្គែរី អ៊ី ស្ទីវ៉ែនសុន

ពេលយើងមើលតាមកញ្ចក់នៃដំណឹងល្អ នោះយើងទទួលស្គាល់ថា យើងក៏ស្ថិតនៅក្រោមការឃ្លាំមើលរបស់អ្នកមើលថែដែលមានចិត្តអាណិតអាសូរផងដែរ ដែលបានបង្ហាញអង្គទ្រង់ដោយសេចក្ដីសប្បុរស និងការបីបាច់ថែរក្សា ។ អ្នកគង្វាលចៀមល្អស្គាល់យើងម្នាក់ៗតាមឈ្មោះរបស់យើង និងមានចំណាប់អារម្មណ៍ផ្ទាល់របស់ទ្រង់ចំពោះយើង ។ ព្រះអម្ចាស់ព្រះយេស៊ូវទ្រង់អង្គទ្រង់មានបន្ទូលថា « ខ្ញុំជាអ្នកគង្វាលល្អ ខ្ញុំស្គាល់ចៀមរបស់ខ្ញុំ ។ … ហើយខ្ញុំ [ នឹង ] ស៊ូប្តូរជីវិតខ្ញុំនឹងចៀម » [ យ៉ូហាន ១០:១៤, ១៥ ] ។

… ខ្ញុំរកឃើញភាពសុខសាន្ដដ៏ឋិតថេរពេលដឹងថា « ព្រះអម្ចាស់គឺជាអ្នកគង្វាលខ្ញុំ » [ ទំនុកដំកើង ២៣:១ ] ហើយថាទ្រង់ស្គាល់យើងម្នាក់ៗ ហើយយើងស្ថិតនៅក្រោមការមើលថែរបស់ទ្រង់ ។ ពេលយើងជួបនឹងខ្យល់ និងព្យុះភ្លៀងនៃជីវិត ជំងឺ និងគ្រោះថ្នាក់នានា នោះព្រះអម្ចាស់—អ្នកគង្វាលយើង អ្នកមើលថែរបស់យើង—នឹងចិញ្ចឹមបីបាច់យើងដោយក្តីស្រឡាញ់ និងចិត្តសប្បុរស ។ ទ្រង់នឹងព្យាបាលដួងចិត្តរបស់យើង ហើយស្តារព្រលឹងរបស់យើងឡើងវិញ ។ ( ហ្គែរី អ៊ី ស្ទីវ៉ែនសុន « Hearts Knit Together » Liahona ខែ ឧសភា ឆ្នាំ ២០២១ ទំព័រ ២៣ )

តើអ្នកចាប់អារម្មណ៍អ្វីជាងគេពីមូលហេតុដែលយើងចង់ធ្វើតាមអ្នកគង្វាលដ៏ល្អគឺព្រះយេស៊ូវគ្រីស្ទ ?

របៀបដែលអ្នកអាចស្តាប់សំឡេងរបស់អ្នកគង្វាលល្អ

អាលម៉ាបានណែនាំរបៀបជាច្រើនដែលប្រជាជនសារ៉ាហិមឡាអាចស្ដាប់តាមសំឡេងនៃអ្នកគង្វាលដ៏ល្អ ។ សូមអាន អាលម៉ា ៥:៤០–៤១, ៥០–៥១, ៥៧ ហើយរកមើលអ្វីដែលអាលម៉ាបានទូន្មាន ។

នៅពេលសិស្សឆ្លើយសំណួរខាងក្រោម អ្នកប្រហែលជាចង់សរសេរចម្លើយរបស់ពួកគេនៅលើក្ដារខៀន ឬអញ្ជើញសិស្សឲ្យឡើងសរសេរចម្លើយរបស់ពួកគេ ។

តើអ្នកបានរៀនអ្វីខ្លះពីខគម្ពីរទាំងនេះអំពីរបៀបដែលអ្នកអាចស្ដាប់តាមសំឡេងនៃអ្នកគង្វាលដ៏ល្អ ?
តើមានរបៀបណាខ្លះដែលយើងអាច « ចេញ … ពីពួកទុច្ចរិតមក » និង « កុំប៉ះពាល់ដល់វត្ថុទាំងឡាយដែលឥតស្អាតរបស់ពួកនោះឡើយ » ? ( ខទី ៥៧ ) ។

សូមពិចារណាអញ្ជើញអ្នកស្ម័គ្រចិត្តពីរបីនាក់ឲ្យចែកចាយបទពិសោធន៍ ដែលពួកគេមាននៅក្នុងជីវិតរបស់ពួកគេ នៅពេលពួកគេបានសម្រេចចិត្តស្តាប់សំឡេងរបស់អ្នកគង្វាលល្អ និងពរជ័យដែលពួកគេសង្កេតឃើញតាមរយៈការធ្វើដូច្នោះ ។ អ្នកអាចពិចារណាចែកចាយបទពិសោធន៍ជីវិតផ្ទាល់ខ្លួនរបស់អ្នកផងដែរ ។

ហេតុផលមួយចំនួនដែលខ្ញុំចង់ដើរតាមព្រះយេស៊ូវគ្រីស្ទគឺ
របៀបមួយដែលខ្ញុំនឹងស្ដាប់តាមព្រះសូរសៀងរបស់ទ្រង់គឺ

វិចារណកថា និងព័ត៌មានសាច់រឿង

តើយើងអាចទទួលអត្ថប្រយោជន៍ពីការស្តាប់សំឡេងរបស់ព្រះយេស៊ូវគ្រីស្ទដោយរបៀបណា ?

ប្រធាន រ័សុល អិម ណិលសុន បានផ្តល់នូវការយល់ដឹងដូចខាងក្រោមអំពីការស្តាប់ព្រះសូរសៀងរបស់ព្រះយេស៊ូវគ្រីស្ទ ៖

រូបភាព
ប្រធាន រ័សុល អិម ណិលសុន

ព្រះវរបិតាយើងដឹងថា នៅពេលយើងត្រូវបានហ៊ុមព័ទ្ធដោយភាពមិនប្រាកដប្រជា និងភាពភ័យខ្លាច តើអ្វីនឹងជួយយើងបំផុតដើម្បីស្ដាប់ព្រះរាជបុត្រាទ្រង់ ។

ដោយសារនៅពេលយើងព្យាយាមស្ដាប់—ពិតជាស្ដាប់ឮ—ព្រះរាជបុត្រាទ្រង់ នោះយើងនឹងត្រូវបានដឹកនាំឲ្យដឹងនូវអ្វីដែលត្រូវធ្វើនៅក្នុងស្ថានភាពនានា ។

… ព្រះប្រទានលំនាំសម្រាប់ជោគជ័យ សុភមង្គល និងអំណរនៅក្នុងជីវិតនេះ ។ យើងត្រូវ ស្ដាប់ ព្រះបន្ទូលរបស់ព្រះអម្ចាស់ ប្រុងស្ដាប់ ព្រះបន្ទូលទាំងនោះ ហើយ ផ្ទៀងស្ដាប់ អ្វីដែលទ្រង់បានប្រាប់ដល់យើង !

នៅពេលយើងព្យាយាមធ្វើជាសិស្សរបស់ព្រះយេស៊ូវគ្រីស្ទ កិច្ចខិតខំរបស់យើងដើម្បី ស្ដាប់ ទ្រង់ចាំបាច់ត្រូវមានដោយបំណងចិត្តកាន់តែខ្លាំង ។ វាចំណាយការខិតខំដោយមនសិកា និងខ្ជាប់ខ្ជួនដើម្បីបំពេញជីវិតប្រចាំថ្ងៃរបស់យើងដោយព្រះបន្ទូលរបស់ទ្រង់ ការបង្រៀនរបស់ទ្រង់ និងសេចក្ដីពិតរបស់ទ្រង់ ។ ( រ័សុល អិម ណិលសុន « Hear Him » Ensign ឬ Liahona ខែ ឧសភា ឆ្នាំ ២០២០ ទំព័រ ៨៩ )

វីដេអូខាងក្រោម « #HearHim: Listen to the Voice of Jesus Christ » បង្ហាញពីសារៈសំខាន់នៃភាពស្ងប់ស្ងាត់ដែលនៅជុំវិញយើង ដើម្បីយើងអាចស្តាប់ឮព្រះសូរសៀងរបស់ព្រះយេស៊ូវគ្រីស្ទ ។

អាលម៉ា ៥:៥៧ ។ តើព្រះអង្គសង្គ្រោះមានព្រះទ័យយ៉ាងណាចំពោះវត្ថុទាំងឡាយដែលឥតស្អាតក្នុងជីវិតរបស់យើង ?

បើដោយនិយាយអំពីព្រះយេស៊ូវជាអ្នកគង្វាលល្អ អែលឌើរ ឌែល ជី រិនឡាន់ ក្នុងកូរ៉ុមនៃសាវកដប់ពីរនាក់បានបង្រៀន ៖

រូបភាព
អែលឌើរ ឌែល ជី រិនឡាន់

ដោយសារនៅក្នុងព្រះគម្ពីរទាំងមូលព្រះប្រៀបធៀបជំងឺនានាទៅនឹងអំពើបាប ដូច្នេះវាសមហេតុផលដើម្បីសួរថា « តើព្រះយេស៊ូវគ្រីស្ទមានប្រតិកម្មបែបណា នៅពេលទ្រង់ជួបនឹងជំងឺប្រៀបធៀបរបស់យើង—គឺអំពើបាបរបស់យើងនោះ ? » ក្រៅពីនោះទៀត ព្រះអង្គសង្គ្រោះបានមានបន្ទូលថាទ្រង់ « ពុំអាចទតមើលអំពើបាប សូម្បីតែបន្តិចបន្តួចបានឡើយ » [ គោលលទ្ធិ និងសេចក្តីសញ្ញា ១:៣១ ] ដោយសារយើងពុំល្អឥតខ្ចោះ តើទ្រង់អាចទតមើលយើង ដោយពុំដកអង្គទ្រង់ថយចេញទាំងតក់ស្លុត និងស្អប់ខ្ពើមយើងតាមរបៀបណាទៅ ?

ចម្លើយនោះគឺសាមញ្ញ ហើយច្បាស់លាស់ ។ ក្នុងនាមជាអ្នកគង្វាលល្អ ព្រះយេស៊ូវគ្រីស្ទទតមើលជំងឺដែលមាននៅក្នុងចៀមរបស់ទ្រង់ថា ជាលក្ខខណ្ឌមួយដែលត្រូវតែព្យាបាល ថែទាំ និងផ្តល់ក្តីអាណិតមេត្តា ។ អ្នកគង្វាលនេះគឺអ្នកគង្វាលល្អរបស់យើង រកឃើញអំណរនៅក្នុងការទតមើលឃើញចៀមដែលមានជំងឺរបស់ទ្រង់ ដំណើរការទៅរកការជាសះស្បើយ ។

ព្រះអង្គសង្គ្រោះបានព្យាករថា ទ្រង់នឹង « ឃ្វាលហ្វូងរបស់ទ្រង់ ដូចជាអ្នកគង្វាល » [ អេសាយ ៤០:១១ ] « ស្វែង [ រក ] សត្វណា [ ដែល ] វង្វេងបាត់ …នាំសត្វណា [ ដែល ] ត្រូវប្រដេញឲ្យមកវិញ … សត្វណា [ ដែល ] បាក់ជើងនោះយើងនឹងរុំអបឲ្យ ហើយ … ចម្រើនកម្លាំងដល់សត្វណា [ ដែល ] ឈឺ » [ អេសាយ ៣៤:១៦ ] ។ ទោះជាពួកអ៊ីស្រាអែលដែលក្បត់សាសនាបានបង្ហាញថា បានធ្លាក់ខ្លួនទៅក្នុងអំពើបាបដែលមាន « របួស និងជាំ ហើយស្នាមរំពាត់ថ្មី » [ អេសាយ ១:៦ ] ក្តីព្រះអង្គសង្គ្រោះបានលើកទឹកចិត្ត ទូន្មាន និងសន្យាថានឹងជាសះស្បើយ [ សូមមើល អេសាយ ១:១៨ ] ។ ( ឌែល ជី រិនឡាន់ « Our Good Shepherd » Ensign ឬ Liahona ខែ ឧសភា ឆ្នាំ ២០១៧ ទំព័រ ៣០ )

សកម្មភាពរៀនសូត្របន្ថែម

អាលម៉ា ៥:៤៥–៤៨ ។ « ខ្ញុំដឹងរឿងទាំងនោះដោយខ្លួនខ្ញុំ ថាជារឿងពិត »

សិស្សអាចអានខគម្ពីរទាំងនេះដោយរកមើលពីរបៀបដែល អាលម៉ាបានទទួលចំណេះដឹងរបស់លោកអំពីសេចក្តីពិត ។ អ្នកអាចចង្អុលបង្ហាញថា ទោះបីជាអាលម៉ាបានឃើញទេវតាមួយអង្គក៏ដោយ លោកបានសន្មតថា ចំណេះដឹង និងទីបន្ទាល់អំពីសេចក្តីពិតរបស់លោកចំពោះវិវរណៈ គឺលោកបានទទួលតាមរយៈព្រះវិញ្ញាណបរិសុទ្ធ ។ សូមពិចារណាអានសេចក្ដីថ្លែងការណ៍ខាងក្រោមដោយប្រធាន យ៉ូសែប ហ្វិលឌីង ស្ម៊ីធ ( ឆ្នាំ ១៨៧៦–១៩៧២ ) ។

« នៅពេលមនុស្សម្នាក់មានការបើកបង្ហាញនៃព្រះវិញ្ញាណបរិសុទ្ធ វាបន្សល់ទុកនូវចំណាប់អារម្មណ៍ដែលមិនអាចបំភ្លេចបានចំពោះរបស់គាត់ ដែលមិនងាយនឹងលុបចេញបានឡើយ ។ វាគឺជាព្រះវិញ្ញាណដែលមានបន្ទូលទៅកាន់វិញ្ញាណ ហើយវាកើតឡើងដោយមានកម្លាំងបញ្ចុះបញ្ចូល ។ ការបើកបង្ហាញពីទេវតា ឬក៏ព្រះរាជបុត្រានៃព្រះទ្រង់ផ្ទាល់ នឹងធ្វើឲ្យភ្នែក និងគំនិតចាប់អារម្មណ៍ ហើយនៅទីបំផុតនឹងប្រែទៅជាបាត់ពន្លឺវិញ ប៉ុន្តែចំណាប់អារម្មណ៍ដែលមកពីព្រះវិញ្ញាណបរិសុទ្ធបានចូលទៅយ៉ាងជ្រៅក្នុងព្រលឹង ហើយពិបាកនឹងលុបចេញណាស់ » ( យ៉ូសែប ហ្វិលឌីង ស្ម៊ីធ Answers to Gospel Questions, comp. Joseph Fielding Smith Jr. [ ឆ្នាំ ១៩៥៨ ] ២:១៥១ ) ។

សូមពិចារណាសួរសំណួរដូចតទៅនេះ ៖ ហេតុអ្វីវិវរណៈតាមរយៈព្រះវិញ្ញាណបរិសុទ្ធមានឥទ្ធិពលម៉្លេះ ? ហេតុអ្វីអ្នកគិតថា វាសំខាន់សម្រាប់យើងម្នាក់ៗដើម្បីទទួលបានទីបន្ទាល់អំពីព្រះយេស៊ូវគ្រីស្ទ តាមវិវរណៈតាមរយៈព្រះវិញ្ញាណបរិសុទ្ធ ? តើអាលម៉ាបានយកគំរូតាមការស្ដាប់តាមអ្នកគង្វាលល្អយ៉ាងដូចម្ដេច ?

អាលម៉ា ៥:៥៣–៥៥ ។ « តើអ្នកអាចទ្រាំទ្រនឹងពាក្យទាំងនេះបានឬ ? »

អ្នកអាចឲ្យសិស្សអានខគម្ពីរទាំងនេះ ហើយរកមើលអាកប្បកិរិយា និងសកម្មភាពដែលធ្វើឲ្យមានការលំបាកសម្រាប់នរណាម្នាក់ក្នុងការប្រុងស្តាប់ព្រះសូរសៀងរបស់ព្រះអង្គសង្គ្រោះ ។ សូមពិចារណាសរសេរចម្លើយនៅលើក្ដារខៀន ។ តើបញ្ហាប្រឈមមួយណាដែលហាក់ដូចជាពិបាកសម្រាប់យុវវ័យនៅសព្វថ្ងៃនេះ ? តើមានគំរូអ្វីខ្លះនៃរបៀបដែលព្រះអង្គសង្គ្រោះបានបង្រៀនយើងឲ្យឆ្លើយតបនឹងបញ្ហាទាំងនេះ ?