Մոսիա 21–24, Մաս 2

Դիմեք Տիրոջը փորձություններից ազատվելու համար

երիտասարդ տղան դիմում է սուրբ գրություններին

Ինչպե՞ս եք արձագանքում, երբ փորձություններ ու դժվարություններ եք ունենում: Ըստ ձեզ՝ ինչո՞ւ որոշ մարդիկ ավելի են մոտենում Տիրոջը, մինչդեռ մյուսները հեռանում են Նրանից: Մոսիա 21–24 գլուխներից իմանում ենք, որ Լիմքիի ժողովուրդը և Ալմայի ժողովուրդը դիմեցին Տիրոջը ուժեղանալու և գերությունից ազատում ստանալու համար: Այս դասը նախատեսված է օգնելու ձեզ ապավինել Երկնային Հորը և Հիսուս Քրիստոսին, որպեսզի օգնեն ձեզ անցնել ձեր փորձությունների միջով:

Օգնեք ուսանողներին հասկանալ Տիրոջ ազդեցությունն իրենց կյանքում: Երբ ուսանողները սովորեն, թե սուրբ գրություններում Փրկիչն ինչպես օրհնեց մարդկանց, օգնեք նրանց ճանաչել Նրա դերը նաև իրենց կյանքում: Ուսանողներին առաջարկեք մտածել, թե Փրկիչն ինչպես է օգնում իրենց՝ բժշկելով և ուժեղացնելով նրանց:

Ուսանողի նախապատրաստում. ուսանողները կարող են ընտանիքի անդամի հետ խոսել նրա ապրած փորձության կամ տառապանքի և այն եղանակների մասին, որոնցով Տերն ուժեղացրել է նրան՝ դիմակայելու դրանց:

Հնարավոր ուսումնական վարժություններ

Սա երկու դասերից երկրորդն է, որն անդրադառնում է Մոսիա 21–24 գլուխներին: Եթե առաջին դասը դեռ չեք անցկացրել, այս դասից առաջ ուսուցանեք Մաս 1-ը: Եթե դասի ժամանակը սահմանափակ է, և Մոսիա 21–24 գլուխների վերաբերյալ միայն մեկ դաս է հնարավոր անցկացնել, մտածեք, թե ինչպես կարող եք արդյունավետորեն համատեղել այդ երկու դասերը:

Ինչպես արձագանքել փորձություններին

Ստորև ներկայացվող վարժությունը նախատեսված է օգնելու ուսանողներին ինքնագահատում կատարել իրենց ներկայիս կամ անցած փորձության վերաբերյալ: Կարող եք գրատախտակին գրավոր հուշումներ կամ հարցեր գրել, որոնք կուղղորդեն ուսանողներին իրենց մտքերը գրի առնելիս: Դասի այս հատվածում կարիք չկա, որ ուսանողները ներկայացնեն իրենց պատասխանները:

Նախորդ դասին ձեզ առաջարկվել էր մտածել ձեր ներկայիս կամ անցյալի որևէ փորձության մասին: Մոսիա 21–24 գլուխներն ուսումնասիրելիս դուք գուցե որոշ ճշմարտություններ եք սովորել, որոնք օգնել են ձեզ հասկանալ, թե Տերն ինչու է թույլ տալիս, որ փորձություններ ունենաք: Այսօր կրկին մտածեք ձեր փորձությունների մասին, բայց այս անգամ ուշադրություն դարձրեք, թե ինչպես եք արձագանքել դրանց: Կարող եք գրի առնել ձեզ հանդիպած խոչընդոտներն ու ձեր ունեցած հաջողությունները և այն, թե ինչպես եք զգացել Տիրոջ ազդեցությունը կամ օրհնությունները:

Տիրոջ՝ ազատման զորությունը

Կարող եք մեկ կամ մի քանի ուսանողի առաջարկել ամփոփ ներկայացնել, թե նախորդ դասից ինչ են հիշում Լիմքիի և Ալմայի ժողովուրդների գերության մասին: Անհրաժեշտության դեպքում կարելի է օգտագործել հետևյալ ամփոփումը:

Դուք գուցե հիշում եք Լիմքիի ժողովրդի (Նեփիի երկրում) և Ալմայի ժողովրդի (Հելամի երկրում) մասին ուսումնասիրությունը: Նրանք երկուսն էլ դժվար փորձությունների ենթարկվեցին Լամանացիների կողմից գերության մեջ գտնվելու ժամանակ: Այս նկարում պատկերված են Մոսիա 21–24 գլուխներում նկարագրված նրանց արշավները:

Մոսիա 21–24 գլուխներում նկարագրված վայրերի պատկերը

Այսօր դուք կսովորեք, թե Տերն ինչպես գերությունից ազատեց մարդկանց երկու խմբերին և ուղարկեց նրանց Զարահեմլայի երկիր: Ուսումնասիրելիս մտածեք ձեր փորձությունների մասին և փնտրեք ճշմարտություններ, որոնք կօգնեն ձեզ ճանաչել, թե Տերն ինչ եղանակներով է Իր ազատման զորությունը գործադրում ձեր կյանքում:

Ստորև ներկայացվող վարժությունը նախատեսված է օգնելու ուսանողներին սովորել Լիմքիի ժողովրդի և Ալմայի ժողովրդի ազատման մասին: Օգտակար կլինի, եթե դասարանը բաժանեք փոքր խմբերի և նրանց հանձնարարեք ուսումնասիրել կա՛մ Լիմքիի ժողովրդին, կա՛մ Ալմայի ժողովրդին: Ուսանողները կարող են ամփոփել իրենց պատմությունները և կիսվել այն կարևոր հատվածներով կամ արտահայտություններով ու սկզբունքներով, որոնք տպավորիչ են եղել իրենց համար:

Սուրբ գրությունների ուսումնասիրության ձեր օրագրում պատկերեք հետևյալ աղյուսակը: Յուրաքանչյուր վանդակում մի քանի պատասխան գրելու համար տարածք թողեք:

Մոսիա 21–24. ուժ և ազատում

Մորմոնի Գիրք. Ուսուցչի ձեռնարկ (2024). «Մոսիա 21–24, Մաս 2. Դիմեք Տիրոջը փորձություններից ազատվելու համար»

	Լիմքիի ժողովուրդը Մոսիա 21.13–16, 36, 22.1–13, 29.18–20	Ալմայի ժողովուրդը Մոսիա 23.25–29, 24.8–25
Ի՞նչ գործողությունների դիմեց ժողովուրդը՝ Տիրոջ օգնությունը ստանալու համար:
Տերն ինչպե՞ս էր մասնակցում նրանց ազատմանը:
Ի՞նչ սիրելի արտահայտություններ ունեք այս հատվածներում, որոնք պետք է հիշել:

© 2023 by Intellectual Reserve, Inc. All rights reserved.

Ուսումնասիրության համար բավարար ժամանակ տրամադրելուց հետո ուսանողներին առաջարկեք կիսվել աղյուսակի հարցերի իրենց պատասխաններով: Անպայման մի քանի ուսանողի առաջարկեք կիսվել իրենց մտքերով:

• Ժողովուրդները ի՞նչ գործողությունների դիմեցին Տիրոջ օգնությունը ստանալու համար:

• Այդ պատմություններն ուսումնասիրելիս ի՞նչ սովորեցիք Տիրոջ և Նրա զորության մասին:

• Ձեր ուսումնասիրած հատվածներից մեկից ի՞նչ արտահայտություն առանձնացրիք, որը ձեզ դուր եկավ:

Ինչպե՞ս ճանաչել Տիրոջ զորությունը և ցնծալ Տիրոջ զորությամբ

Ի թիվս բազմաթիվ ճշմարտությունների, որոնք կարող ենք սովորել այս հատվածներից, ձեր ուսումնասիրություններում գուցե նկատած լինեք, որ երբ դիմում ենք Երկնային Հորը, Նա զորակցում է մեզ մեր փորձությունների ժամանակ և ազատում է մեզ Իր ժամանակին (տես Մոսիա 21.14–16): Մենք նաև իմանում ենք, որ երբ պատրաստակամությամբ և համբերությամբ դիմանում ենք մեր փորձություններին, Տերը կարող է զորացնել մեզ, որպեսզի հեշտությամբ կրենք մեր բեռները (տես Մոսիա 24.15):

• Տիրոջ մասին այս գիտելիքն ինչպե՞ս կարող է ազդել փորձություններին արձագանքելու ձեր եղանակի վրա:

• Տերն ինչպե՞ս է աջակցել և զորացրել ձեզ կամ ձեզ ծանոթ որևէ մեկին՝ որևէ փորձության դիմանալու կամ որևէ բեռ կրելու համար: Ինչպե՞ս է այս փորձառությունն ազդել Նրա հանդեպ ունեցած ձեր զգացմունքների վրա:

Որպես նախորդ հարցի վերաբերյալ քննարկման մաս՝ կարող եք կիսվել անձնական օրինակով: Կախված դասի ժամանակից՝ կարող եք ցուցադրել նաև հետևյալ տեսանյութը:

Դիտեք «Զգալ Տիրոջ սերը և բարությունը փորձությունների ժամանակ» տեսանյութը (4:18) այստեղ՝ ChurchofJesusChrist.org: Փնտրեք, թե սուրբ գրություններում ձեր գտած ճշմարտությունները կամ արտահայտությունները ինչպես կարող են առնչվել Գուտիերեսի ընտանիքի փորձառությանը:

Ձեր հաջորդ քայլերը

Հետևյալ ցուցումները ներկայացնելուց հետո կարող եք գրատախտակին ցուցադրել հարցերը, որպեսզի պատասխանները գրելիս ուսանողները կարողանան օգտվել հարցերից:

Մտածեք, թե ինչ սովորեցիք այսօր, որը կարող է օգնել ձեզ դիմակայել ձեր փորձություններին:

Դասի ընթացքում ձեր կազմած աղյուսակին նոր սյունակ ավելացրեք և այդ սյունակի վերևի տողն անվանեք «Ես»: Ապա նոր սյունակում լրացրեք հետևյալ հարցերի պատասխանները (եթե նոր սյունակ ավելացնելու տեղ չկա, հարցերին պատասխանեք ձեր օրագրի առանձին հատվածում):

• Ի՞նչ գործողություններ կարող եք կատարել՝ ձեր փորձություններում Տիրոջ օգնությունն ավելի մեծ չափով ստանալու համար:

• Այսօր ի՞նչ սովորեցիք Տիրոջ մասին, որը կարող է օգնել ձեզ հասկանալ, թե Նա ինչ տեսակի օգնություն կամ ուժ կարող է տալ:

• Ձեր կարծիքով ձեր ուսումնասիրած հատվածներից ո՞ր բառերը կամ արտահայտությունները կարող են առնչվել ձեր կյանքի իրավիճակներրն: Ինչո՞ւ։

Մի քանի ուսանողի առաջարկեք ըստ ցանկության կիսվել նախորդ հարցերի վերաբերյալ իրենց պատասխաններով: Վկայեք այսօր ձեր քննարկած ճշմարտությունների և մեզ մեր չարչարանքներից ազատելու Տիրոջ զորության մասին:

Բացատրական և պատմականտեղեկություններ

Ինչո՞ւ Աստված միշտ չի անմիջապես ազատում մեզ փորձություններից:

Յոթանասունից երեց Էվան Ա․ Շմուցը նկատել է.

Երեց Էվան Ա․ Շմուց

Աստված հրավիրում է մեզ հավատքով արձագանքել մեր առանձնահատուկ չարչարանքներին, որպեսզի մենք օրհնություններ հնձենք և գիտելիք ձեռք բերենք, որը ոչ մի այլ ուղիով հնարավոր չէր լինի ստանալ: …

Մեզանից շատերը աղերսել են Աստծուն վերացնել մեր տառապանքի պատճառը, և երբ մեր փնտրած սփոփանքը չի եկել, մենք գայթակղվել ենք մտածել՝ Նա չի լսում: Ես վկայում եմ, որ նույնիսկ այդ պահերին Նա լսում է մեր աղոթքները, ունի պատճառ թույլ տալու, որ մեր չարչարանքները շարունակվեն [տես Վարդապետություն և Ուխտեր 121.7–8, 122] և կօգնի մեզ տանել դրանք [տես Մոսիա 24.12–15]: (Էվան Ա․ Շմուց, «Աստված կսրբի բոլոր արցունքները», Ensign կամ Լիահոնա, նոյեմբեր 2016թ., 116):

Կարող եք դիտել «Հիշիր Քո տառապող Սրբերին, Օ՜, մեր Աստված» տեսանյութը (10:18) կամ կարդալ Յոթանասունից երեց Էնթոնի Դ. Փերքինսի ելույթը հետևյալ հղումով՝ ChurchofJesusChrist.org: Երբ երեց Փերքինսի մոտ քաղցկեղ ախտորոշվեց, և երբ նա իմացավ, որ իր մահկանացու կյանքը հավանականորեն ընդհատվելու է, նա կարևոր դասեր սովորեց իր փորձությունների և տառապանքների մասին:

Ի՞նչ ճանապարհներով կարող է գալ Տիրոջ օգնությունը կամ ազատումը:

Առաջին Նախագահությունից նախագահ Դալլին Հ. Օուքսն ուսուցանել է.

Նախագահ Դալլին Հ. Օուքս

Բժշկող օրհնությունները գալիս են շատ ուղիներով, յուրաքանչյուրը մեր անձնական կարիքներին համապատասխան՝ ըստ Նրա իմացության, ով մեզ ամենաշատն է սիրում: Երբեմն «բժշկումը» ապաքինում է մեր հիվանդությունը կամ թեթևացնում մեր բեռը: Բայց երբեմն մենք բժշկվում ենք մեզ վրա դրված բեռները կրելու համար՝ ուժ, հասկացողություն կամ համբերություն ստանալով: (Դալլին Հ․ Օուքս, «Նա բժշկվում է ծանր բեռ կրողին», Ensign կամ Լիահոնա, նոյեմբեր 2006թ., 7-8):

Տասներկու Առաքյալների Քվորումից երեց Լ. Թոմ Փերին (1922–2015) խոսել է այն դասերի մասին, որոնք մենք կարող ենք սովորել Լիմքիի և Ալմայի ժողովուրդների ազատումից: Այդ դասերը տեսնելու համար դիտեք «Ազատման զորությունը» տեսանյութը:

Անցած փորձությունները հիշելը ինչպե՞ս կարող է օգնել ինձ ավելի լավ դիմակայել իմ փորձություններին:

Դիտեք «Բարի բաները գալու են» տեսանյութը (4:55) հետևյալ հղումով՝ ChurchofJesusChrist.org: Փնտրեք, թե Տասներկու Առաքյալների Քվորումից երեց Ջեֆրի Ռ. Հոլլանդն ինչ խորհուրդ է տալիս, երբ բացատրում է, թե փորձությունն ինչպես սովորեցրեց իրեն, որ Տիրոջը վստահելը կարող է հույս տալ մեզ դժվարին ժամանակներում:

Օժանդակ ուսումնական վարժություններ

Առարկայական դաս

Այս ցուցադրական նյութը կարող է օգտագործվել դասի սկզբում կամ դասի մեկ այլ հատվածում:

Ապակե տարան երեք չորրորդի չափով լցրեք բրնձով կամ ցորենով, վրան դրեք սեղանի թենիսի գնդակ, ապա փակեք այն։ Բացատրեք ուսանողներին, որ գնդակը ներկայացնում է իրենց, իսկ բրինձը կամ ցորենը ներկայացնում են այն փորձությունները և չարչարանքները, որոնց նրանք բախվում են: Ուսանողներին առաջարկեք նկարագրել, թե պատանիները սովորաբար ինչ փորձությունների կամ դժվարությունների են հանդիպում: Տարան շրջեք հատակով դեպի վեր, որպեսզի գնդակը թաղվի բրնձի մեջ: Ապա վերուվար անելով թափահարեք տարան այնպես, որ գնդակը վերև բարձրանա: Ուսանողներին առաջարկեք մտածել, թե այս երևույթն ինչպես կարող է նման լինել մեզ, երբ մեր բաժինը կատարելով՝ մենք դիմում ենք Երկնային Հոր օգնությանը, որպեսզի բարձրացնի մեզ մեր փորձություններից:

Սովորել Տիրոջ մասին Մոսիա 21–24 գլուխներում

Կարող եք մատնանշել, որ Հիսուս Քրիստոսի տիտղոսներից մեկն է՝ Ազատիչ (տես 2 Սամուել 22.2, Սաղմոս 40.17, Հռովմեացիս 11.26): Մոսիա 21–24 գլուխների պատմությունները նկարագրում են, թե ինչ գործողություններ ձեռնարկեց Տերը, որպեսզի Լիմքիի ժողովրդին և Ալմայի ժողովրդին ազատի գերությունից: Կարող եք գրատախտակին գրել սուրբ գրությունների հետևյալ հղումներից մի քանիսը կամ բոլորը և առաջարկել ուսանողներին նշել, թե այդ հատվածներից ինչ են սովորում Տիրոջ և Նրա բնավորության մասին (որպես առաջարկներ՝ տես ստորև ներկայացվող օրինակները): Ուսանողները կարող են քննարկել, թե այդ ճշմարտությունները որքանով են կիրառելի այն միջոցների համար, որոնցով Տերը կարող է ազատել նրանց իրենց փորձություններից:

• Տերը չէր շտապում լսել Լիմքիի ժողովրդի աղաղակները նրանց անօրինության պատճառով, բայց Նա լսեց նրանց:

• Տերը փափկացրեց Լամանացիների սրտերը Լիմքիի ժողովրդի հանդեպ:

• Տերը նրանց «աստիճանաբար» բարգավաճում տվեց:

Մոսիա 23.2

• Տերը զորացրեց Ալմայի ժողովրդին՝ Նոյ թագավորի բանակից փախչելու համար:

Մոսիա 23.21–22

• Տերը խրատում է (մաքրում է) Իր ժողովրդին. Նա փորձում է նրանց համբերությունն ու նրանց հավատքը:

• Տերը կբարձրացնի նրանց, ովքեր վստահում են Իրեն վերջին օրը:

Մոսիա 23.29

• Տերը փափկացրեց Լամանացիների սրտերը Ալմայի ժողովրդի հանդեպ:

Մոսիա 24.13–19

• Տիրոջ ձայնը հասավ նրանց՝ իրենց չարչարանքների մեջ:

• Տերը զորացրեց նրանց, որպեսզի հեշտությամբ կրեն իրենց բեռները:

• Տերը խոստացավ, որ գերությունից կազատի նրանց հաջորդ օրը:

• Տերը խոր քուն բերեց Լամանացիների վրա:

Մոսիա 24.23

• Տերը կանգնեցրեց Լամանացիներին Ալմայի ժողովրդին հետապնդելու ճանապարհին:

handout Mosiah 21-24: strength and deliverance