Jacob 5–7

Kinatibuk-ang Pagpasabot

Gipaambit ni Jacob ang pasumbingay ni Zenos sa mga kahoy nga oliba, nga simbolo nga naghulagway sa pagkatibulaag sa Israel ug sa makanunayon nga mga paningkamot sa Ginoo sa pagpundok sa tanang mga anak sa Langitnong Amahan ngadto Kaniya. Ang kataposang bahin niini nga pasumbingay nagsimbolo sa buhat sa Ginoo sa kataposang mga adlaw, lakip ang mga paningkamot nga Iyang gihimo ug sa Iyang mga sulugoon sa pagpundok og mga kalag ngadto Kaniya alang sa kataposang higayon. Pipila ka tuig human si Jacob mipaambit niini nga mga pagtulun-an, usa ka tawo nga ginganlan og Sherem miabot taliwala sa mga Nephite ug “siya naghago sa kakugi nga siya unta makalingla sa mga kasingkasing sa katawhan” (Jacob 7:3). Kini nga mga leksiyon makatabang sa mga estudyante sa pag-atubang sa mga hagit sa ilang hugot nga pagtuo ug pag-andam sa paghago sa ubasan sa Ginoo.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Jacob 5:1–53

Katuyoan sa leksiyon: Kini nga leksiyon makatabang sa mga estudyante nga mobati sa gugma ni Jesukristo alang kanila ug alang sa tanang tawo.

• Pagpangandam sa estudyante: Ikonsiderar ang paghatag sa mga estudyante sa dayagram nga giulohan nga “Ang Pasumbingay sa mga Kahoy nga Oliba (Jacob 5)” makita diha sa seksiyon nga “Komentaryo ug Background nga Impormasyon”. Dapita ang mga estudyante sa paggamit sa dayagram aron matabangan sila sa pagtuon sa pasumbingay sa Jacob 5 ug mahimong pamilyar sa kinatibuk-ang mensahe niini.

• Content nga ipakita: Ang tsart nga nagpasabot sa mga simbolo gikan sa pasumbingay

• Handout: Ang dayagram nga giulohan og “Ang Pasumbingay sa mga Kahoy nga Oliba (Jacob 5)” diha sa seksiyon nga “Komentaryo ug Background nga Impormasyon”. (Ikonsiderar ang paghatag og kopya sa matag estudyante.)

• Sugyot sa pagtudlo pinaagi sa videoconference: Ikonsiderar ang paggamit sa whiteboard feature aron tugotan ang mga estudyante sa pagrekord sa ilang mga tubag sa kalihokan nga “Unsa ang akong nakat-onan mahitungod ni Jesukristo gikan sa Jacob 5”.

Jacob 5:54–77; 6:1–13

Katuyoan sa leksiyon: Kini nga leksiyon gituyo aron matabangan ang mga estudyante nga mobati og mas dakong tinguha nga maghago uban sa Ginoo sa pagtabang sa mga anak sa Langitnong Amahan sa pagduol ngadto Kaniya.

• Pagpangandam sa estudyante: Ikonsiderar ang pagdapit sa mga estudyante sa pagbuhat sa kalihokan sa pagtuon ubos sa ulohan nga “Jacob 5:61–75: Ang Ginoo nagdapit kanako sa paghago uban Kaniya sa Iyang ubasan” diha sa outline sa pagtuon “Abril 8–14. Jacob 5–7: ‘Ang Ginoo Nag-ugmad uban Kanato’” sa Dali, Sunod Kanako—Alang sa mga Indibidwal ug mga Pamilya: Basahon ni Mormon 2024.

• Mga Bidyo: “Paglaom sa Israel” (1:01:34; tan-awa gikan sa time code 31:24 hangtod sa 33:42)

Jacob 7

Katuyoan sa leksiyon: Kini nga leksiyon makatabang sa mga estudyante nga maandam sa pagbuntog sa mga hagit sa ilang hugot nga pagtuo diha ni Jesukristo ug sa Iyang ebanghelyo.

• Pagpangandam sa estudyante: Dapita ang mga estudyante nga motambong sa klase nga andam sa pagpaambit og ehemplo sa usa ka tawo nga lig-on nga nagbarog sa iyang hugot nga pagtuo sa dihang ang uban mihagit kaniya.

• Mga Bidyo: “Si Sherem Milimod kang Kristo” (7:16); “Mga Espirituhanong Panumduman nga Angay Hinumduman” (16:43; tan-awa gikan sa time code 13:40 hangtod sa 14:46)

• Sugyot sa pagtudlo pinaagi sa videoconference: Ang pag-role-play makaandam sa mga estudyante sa pagsanong sa mga sitwasyon diin ang ilang hugot nga pagtuo gihagit. Ikonsiderar ang pagpili og usa o duha ka hagit nga lagmit masugatan sa mga estudyante sa inyong lugar. Sama pananglitan, kon ang ingon nga mga pamahayag komon sa inyong lugar, mahimo nimong pilion ang “Ang mga miyembro sa ‘Mormon’ nga Simbahan dili mga Kristiyano,” o “Ang Basahon ni Mormon dili mahimong tinuod tungod kay ang Biblia mao lamang ang basahon sa kasulatan nga maglungtad.” Mahimo nimong ibutang ang mga estudyante sa gagmay nga mga grupo diha sa mga breakout room aron mag-role-play nga matinud-anong motubag niini nga mga hagit.

Sukda ang Imong Nakat-onan 3

Katuyoan sa leksiyon: Kini nga leksiyon gituyo aron sa pagtabang sa mga estudyante nga makakita kon sa unsang paagi sila milambo o nausab atol sa ilang pagtuon sa 2 Nephi 26–Jacob 7.

• Pagpangandam sa estudyante: Ikonsiderar ang pagdapit sa mga estudyante sa pagpamalandong kon sa unsang paagi sila milambo sa espirituhanong paagi pinaagi sa ilang pagtuon sa Basahon ni Mormon sa miaging upat ka semana. Mahimo nimong dapiton sila sa pag-ila sa piho nga mga pagtulun-an nga ilang gigamit o mga bersikulo nga labi ka makahuluganon ngadto kanila.

• Sugyot sa pagtudlo pinaagi sa videoconference: Mahimong pilion sa mga estudyante nga buhaton ang kalihokan A o kalihokan B. Ibutang kadtong mopili sa kalihokan A sa usa ka breakout room ug kadtong mopili sa kalihokan B sa lain. Kon ang matag grupo makahuman sa pagbuhat sa ilang kalihokan nga magkauban, mahimo silang mopili og representante nga mopaambit sa ilang pagpasabot diha sa klase.

Rebyo 5 sa Doktrinal nga Kahanas

Katuyoan sa leksiyon: Kini nga leksiyon makatabang sa mga estudyante sa pagsag-ulo sa mga pakisayran sa kasulatan ug sa mahinungdanon nga mga hugpong sa mga pulong sa kasulatan alang sa mga tudling sa doktrinal nga kahanas sa Basahon ni Mormon.

• Pagpangandam sa estudyante: Dapita ang mga estudyante sa pagtambong nga andam sa pagpaambit og mga paagi nga ilang mahinumduman si Jesukristo kada adlaw.

• Content nga ipakita: Ang tsart sa mga tudling sa doktrinal nga kahanas uban sa ilang mahinungdanon nga mga hugpong sa mga pulong sa kasulatan

• Mga Materyal: Papel ug gunting nga gamiton sa mga estudyante sa paghimo sa ilang mga ginunting nga pulong

• Sugyot sa pagtudlo pinaagi sa videoconference: Ang pagmemorya nga kalihokan niini nga leksiyon mahimong mahagiton sa usa ka klase sa videoconference. Ikonsiderar ang pagdapit sa mga estudyante sa pagbuhat og susama nga kalihokan sa app sa Doktrinal nga Kahanas.