« នីហ្វៃទី ១ ១–៥ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« នីហ្វៃទី ១ ១–៥ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
នីហ្វៃទី ១ ១–៥
ទិដ្ឋភាពទូទៅ
លីហៃត្រូវបានព្រះហៅឲ្យផ្សាយពីការប្រែចិត្តដល់ប្រជាជននៅក្រុងយេរូសាឡិម ។ លោកបានគោរពតាមវិវរណៈមកពីព្រះអម្ចាស់ ឲ្យប្តូរទីលំនៅរបស់គ្រួសារលោកទៅក្នុងទីរហោស្ថាន ។ កូនប្រុសរបស់លោក នីហ្វៃបានងាកទៅរកព្រះអម្ចាស់ដើម្បីទទួលបានការយល់ដឹងបន្ថែមទៀត ហើយបានធ្វើឲ្យចិត្តរបស់លោកទន់ ។ បន្ទាប់ពីធ្វើដំណើរអស់រយៈពេលជាច្រើនថ្ងៃតាមទីរហោស្ថាន នីហ្វៃ និងបងប្អូនរបស់លោកបានប្រឈមមុខនឹងការសាកល្បងនៃការស្តាប់បង្គាប់ និងសេចក្ដីជំនឿរបស់ពួកលោកលើព្រះ នៅពេលពួកលោកត្រូវបានបង្គាប់ឲ្យត្រឡប់ទៅក្រុងយេរូសាឡិមវិញ ដើម្បីទទួលផ្ទាំងលង្ហិនពីឡាបាន់ ។
រៀបចំខ្លួនដើម្បីបង្រៀន
ព័ត៌មានខាងក្រោមនេះផ្តល់ជាគំនិតដល់គ្រូបង្រៀន អំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។
នីហ្វៃទី ១ ១
គោលបំណងមេរៀន ៖ មេរៀននេះអាចជួយសិស្សយល់ពីសារៈសំខាន់នៃការទទួល និងការធ្វើតាមព្យាការីរបស់ព្រះ ។
-
ការរៀបចំសិស្ស ៖ សូមអញ្ជើញសិស្សឲ្យមករៀនដោយបានត្រៀមខ្លួនដើម្បីចែកចាយការព្រមានថ្មីៗដែលពួកគេបានឮពីព្យាការី ហើយសញ្ជឹងគិតពីរបៀបដែលពួកគេបានឆ្លើយតបនឹងការព្រមានទាំងនោះ ។
-
រូបភាព ៖ រូបភាពទន្លេ និងទឹកធ្លាក់ពីមេរៀន
-
វីដេអូ ៖ « The Lord Commands Lehi’s Family to Leave Jerusalem » ( ១៨:១៤ សូមមើលចាប់ពីនាទីទី ០:៣៩ ដល់នាទីទី ៥:៥៣ និងចាប់ពីនាទីទី ៥:៥៣ ដល់នាទីទី ៧:២៦ )
-
យោបល់សម្រាប់បង្រៀនតាមសន្និសីទវីដេអូ ៖ អំឡុងពេលសកម្មភាពចុងក្រោយ នៅពេលដែលសិស្សកំពុងរៀបចំចម្លើយរបស់ពួកគេដើម្បីឆ្លើយសារមកពីមិត្តម្នាក់ សូមអញ្ជើញពួកគេឲ្យរង់ចាំដើម្បីចែកចាយពីសារនេះរហូតដល់សិស្សគ្រប់គ្នាបានធ្វើរួចរាល់ ។ សូមប្រើមុខងារឈែតដើម្បីអនុញ្ញាតឲ្យសិស្សគ្រប់គ្នាបញ្ជូនចម្លើយរបស់ពួកគេក្នុងពេលតែមួយ ។ តាមវិធីនេះ សិស្សនឹងបង្កើតចម្លើយដោយខ្លួនពួកគេផ្ទាល់ ប៉ុន្តែក៏នឹងមានឱកាសពិនិត្យមើលគំនិតរបស់អ្នកដទៃផងដែរ ។
នីហ្វៃទី ១ ២
គោលបំណងមេរៀន ៖ គោលបំណងនៃមេរៀននេះគឺជួយសិស្សឲ្យកាន់តែមានបំណងដើម្បីងាកទៅរកព្រះអម្ចាស់ នៅពេលទ្រង់បង្គាប់ឲ្យពួកគេឲ្យធ្វើកិច្ចការលំបាកៗនោះ ។
-
ការរៀបចំសិស្ស ៖ សូមសួរទៅមិត្តភក្តិ ឬសមាជិកគ្រួសារថា « តើនៅពេលណាដែលអ្នកបានស្វែងរក និងទទួលបានជំនួយពីព្រះអម្ចាស់ដើម្បីជឿ និងគោរពតាមព្រះបន្ទូលរបស់ទ្រង់ ទោះជាវាលំបាកយ៉ាងណាក៏ដោយ ? »
-
រូបភាព ៖ ផែនទីនៃផ្លូវដែលគ្រួសាររបស់លីហៃអាចធ្វើដំណើរចេញពីក្រុងយេរូសាឡិម
-
វីដេអូ ៖ « Lehi Counsels with His Family to Leave Jerusalem »( ២:២៧ ) និង « Nephi Prays for Laman and Lemuel » ( ៦:០២ ) « The Prophet of God » ( ១៦:០៤ សូមមើលចាប់ពីនាទីទី ១១:៥១ ដល់នាទីទី ១២:៣៧ )
-
យោបល់សម្រាប់បង្រៀនតាមសន្និសីទវីដេអូ ៖ បន្ទាប់ពីបង្ហាញផែនទីនៃផ្លូវដែលគ្រួសាររបស់លីហៃប្រហែលធ្វើដំណើរទៅទីរហោស្ថាន និងពន្យល់ពីចម្ងាយដែលពួកលោកទំនងជាបានធ្វើដំណើរ សូមពិចារណាប្រើកម្មវិធីផែនទីអនឡាញ ដើម្បីបង្ហាញសិស្សនូវទីតាំងមួយចំនួនដែលមានចម្ងាយប្រហាក់ប្រហែលគ្នាពីកន្លែងដែលពួកគេរស់នៅ ។ សិស្សអាចត្រូវបានអញ្ជើញឲ្យស្រមៃមើលថា តើវានឹងទៅជាយ៉ាងណាក្នុងការធ្វើដំណើរទៅទីនោះដោយគ្មានយានជំនិះ ដោយដឹងថាពួកគេត្រូវតែនាំយកអីវ៉ាន់ណាមួយដែលពួកគេចង់រក្សាទុកជាមួយពួកគេតែប៉ុណ្ណោះ ។
នីហ្វៃទី ១ ៣
គោលបំណងមេរៀន ៖ មេរៀននេះអាចជួយសិស្សអនុវត្តសេចក្ដីជំនឿលើព្រះ ដើម្បីសម្រេចបាននូវអ្វីដែលទ្រង់បានបង្គាប់ពួកគេឲ្យធ្វើ ។
-
ការរៀបចំសិស្ស ៖ សូមអញ្ជើញសិស្សឲ្យទន្ទេញវគ្គបទគម្ពីរចំណេះចំណានខាងគោលលទ្ធិ នីហ្វៃទី ១ ៣:៧ ហើយត្រូវគិតអំពីរបៀបដែលវាអនុវត្តចំពោះស្ថានភាពដែលពួកគេប្រឈមមុខក្នុងជីវិតរបស់ពួកគេ ។
-
វីដេអូ ៖ « Nephi Is Led by the Spirit to Obtain the Plates of Brass » ( ២៥:៤៤ ចាប់ពីនាទីទី ៤:៤៣ ដល់នាទីទី ៨:១៨ និងចាប់ពីនាទីទី ៨:១៨ ដល់នាទីទី ១៥:១០ )
-
យោបល់សម្រាប់បង្រៀនតាមសន្និសីទវីដេអូ ៖ មធ្យោបាយមួយដែលអាចធ្វើទៅបាន ដើម្បីចាប់ផ្តើមមេរៀនគឺត្រូវអញ្ជើញសិស្សឲ្យបង្ហាញនៅលើកាមេរ៉ារបស់ពួកគេនូវអ្វីមួយដែលមានន័យបំផុតចំពោះពួកគេ ឬគ្រួសាររបស់ពួកគេ ដោយសារតែការខិតខំប្រឹងប្រែងដែលតម្រូវឲ្យមានដើម្បីរកប្រាក់ ឬទទួលបានវា ។ សូមអញ្ជើញសិស្សមួយចំនួនឲ្យនិយាយអំពីសារៈសំខាន់នៃវត្ថុរបស់ពួកគេ និងរបៀបដែលបានវា និងទទួលវាមក ។ បន្ទាប់មក សូមបង្ហាញរូបភាពគ្រួសាររបស់លីហៃកាន់ផ្ទាំងលង្ហិន ហើយអញ្ជើញសិស្សម្នាក់ឲ្យពន្យល់ពីអ្វីដែលគ្រួសាររបស់លីហៃ ត្រូវធ្វើដើម្បីទទួលបាន និងមូលហេតុដែលពួកលោកប្ដេជ្ញាចិត្តធ្វើដូច្នេះ ។
ចំណេះចំណានខាងគោលលទ្ធិ ៖ នីហ្វៃទី ១ ៣:៧
គោលបំណងមេរៀន ៖ មេរៀននេះអាចជួយសិស្សឲ្យទន្ទេញសេចក្ដីយោង និងឃ្លាបទគម្ពីរគន្លឹះសម្រាប់ នីហ្វៃទី ១ ៣:៧ ពន្យល់គោលលទ្ធិ និងអនុវត្តគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្តែង ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីបទពិសោធន៍ដែលពួកគេ ឬមនុស្សជាទីស្រឡាញ់បានមាន ដែលបង្ហាញថាព្រះអម្ចាស់រៀបចំផ្លូវមួយដើម្បីសម្រេចនូវអ្វីដែលទ្រង់បានបង្គាប់យើង ។
-
រូបភាពដែលត្រូវបង្ហាញ ៖ នីហ្វៃមានប្រសាសន៍ទៅកាន់ លីហៃជាឪពុករបស់លោក
-
មាតិកាដែលត្រូវបង្ហាញ ៖ សេចក្តីណែនាំ និងសំណួរទាក់ទងនឹងគោលការណ៍ទាំងបីនៃការទទួលបានចំណេះដឹងខាងវិញ្ញាណ ( ចាប់ផ្តើមជាមួយ « ធ្វើសកម្មភាពដោយសេចក្ដីជំនឿ » នៅក្នុងផ្នែក « រៀនអនុវត្ត » )
-
យោបល់សម្រាប់បង្រៀនតាមសន្និសីទវីដេអូ ៖ ជំនួសឲ្យការប្រើសាច់រឿងដែលបានណែនាំនៅក្នុងផ្នែក « រៀនអនុវត្ត » នេះ សូមពិចារណាអញ្ជើញសិស្សឲ្យចុះផ្សាយក្នុងប្រអប់ឈែតអំពីស្ថានភាពជាក់ស្តែងដែលពិបាកគោរពតាមបទបញ្ញត្តិ ។ ( សូមរំឭកពួកគេកុំឲ្យចុះផ្សាយអ្វីដែលមានលក្ខណៈផ្ទាល់ខ្លួនពេកអំពីខ្លួនឯង ឬអ្នកដទៃ ) ។ បន្ទាប់មក សិស្សអាចជ្រើសរើសការចុះផ្សាយមួយរបស់មិត្តរួមថ្នាក់របស់ពួកគេដើម្បីផ្ដោតលើ ខណៈដែលពួកគេអនុវត្តតាមគោលការណ៍នៃការទទួលបានចំណេះដឹងខាងវិញ្ញាណ ។
នីហ្វៃទី ១ ៤–៥
គោលបំណងមេរៀន ៖ គោលបំណងនៃមេរៀននេះគឺដើម្បីពង្រឹងទំនុកចិត្តរបស់សិស្សទៅលើព្រះវរបិតាសួគ៌ និងព្រះទ័យរបស់ទ្រង់ក្នុងការដឹកនាំពួកគេ ។
-
ការរៀបចំសិស្ស ៖ សូមផ្តល់ឲ្យសិស្សនូវច្បាប់ចម្លងនៃសេចក្ដីថ្លែងការណ៍របស់ប្រធាន រ័សុល អិម ណិលសុន ដែលបង្ហាញនៅដើមមេរៀន ។ សូមអញ្ជើញពួកគេឲ្យមករៀនដោយត្រៀមនូវគំនិតអំពីស្ថានភាពដែលពួកគេអាចទទួលបានប្រយោជន៍ផ្ទាល់ខ្លួនពីការទទួលបានការណែនាំពីព្រះអម្ចាស់ ។
-
វីដេអូ ៖ « វិវិវរណៈសម្រាប់សាសនាចក្រ វិវរណៈសម្រាប់ជីវិតរបស់យើង » ( ២០:២៨; ចាប់ពីនាទីទី ៩:១៤ ដល់នាទីទី ៩:៤០ ) « The Spirit Directs Nephi to Slay Laban »( ៣:២៦ ) « Nephi Obtains the Sacred Records » ( ៤:២០ )
-
យោបល់សម្រាប់បង្រៀនតាមសន្និសីទវីដេអូ ៖ មុនពេលសិស្សជុំគ្នាចូលរៀន សូមពិចារណាអញ្ជើញពួកគេពីរបីនាក់ឲ្យមករៀនដោយត្រៀមខ្លួនដើម្បីចែកចាយបទពិសោធន៍នៃការដឹកនាំដោយព្រះវិញ្ញាណបរិសុទ្ធ ។ សូមស្វែងរកឱកាសនៅក្នុងការពិភាក្សានេះទាំងមូល ដើម្បីអនុញ្ញាតឲ្យសិស្សថ្លែងទីបន្ទាល់អំពីព្រះចេស្ដារបស់ព្រះអម្ចាស់ដើម្បីដឹកនាំពួកគេ ។