« វាយតម្លៃការរៀនសូត្ររបស់អ្នក ទី ១០ ៖ ព្រះគម្ពីរមរមន នីហ្វៃទី១–មរ៉ូណៃ » ព្រះគម្ពីរមរមន សៀវភៅណែនាំគ្រូបង្រៀន ( ឆ្នាំ ២០២៤ )
« វាយតម្លៃការសិក្សារបស់អ្នក ទី ១០ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
វាយតម្លៃការរៀនសូត្ររបស់អ្នក ទី១០
ព្រះគម្ពីរមរមន នីហ្វៃទី១–មរ៉ូណៃ
ជញ្ជឹងគិត និងវាយតម្លៃលើការរៀនសូត្រខាងព្រលឹងវិញ្ញាណរបស់អ្នកអាចជួយអ្នកឲ្យខិតទៅកាន់តែជិតព្រះអង្គសង្គ្រោះ និងពង្រឹងការប្រែចិត្តជឿរបស់អ្នក ។ គោលបំណងមេរៀននេះគឺដើម្បីជួយអ្នកឲ្យវាយតម្លៃពីវឌ្ឍនភាព និងការរីកចម្រើន ដែលអ្នកបានដកពិសោធអំឡុងការសិក្សាព្រះគម្ពីរមរមនរបស់អ្នកនៅឆ្នាំនេះ ។
ការសិក្សារបស់អ្នកអំពីព្រះគម្ពីរមរមន
ក្នុងរយៈពេលមួយឆ្នាំកន្លងមកនេះ នៅក្នុងថ្នាក់សិក្ខាសាលា អ្នកបានសិក្សាព្រះគម្ពីរមរមន ៖ ទីបន្ទាល់មួយទៀតអំពីព្រះយេស៊ូវគ្រីស្ទ ។
នៅក្នុងមេរៀននេះ អ្នកនឹងមានឱកាសពន្យល់អំពីអ្វីដែលអ្នកបានរៀន និងអារម្មណ៍ដែលមាន ហើយវាយតម្លៃអំពីរបៀបដែលព្រះគម្ពីរមរមនបានជួយអ្នកឲ្យប្រែចិត្តជឿកាន់តែខ្លាំងទៅលើព្រះយេស៊ូវគ្រីស្ទ ។
តើអ្នកមានអារម្មណ៍ដូចម្ដេចអំពីព្រះគម្ពីរមរមន ?
ប្រធាន រ័សុល អិម ណិលសុន បានអញ្ជើញយើងឲ្យគិតអំពីសំណួរបី ដែលទាក់ទងនឹងព្រះគម្ពីរមរមន ៖
ទីមួយតើជីវិតរបស់អ្នកទៅជាយ៉ាងណា បើគ្មាន ព្រះគម្ពីរមរមន ? ទីពីរ តើបងប្អូន នឹងពុំស្គាល់អ្វីខ្លះ ? និង ទីបី តើបងប្អូន នឹងពុំមានអ្វីខ្លះ ? ( រ័សុល អិម ណិលសុន « The Book of Mormon: What Would Your Life Be Like without It? » Ensign ឬ Liahona ខែ វិច្ឆិកា ឆ្នាំ ២០១៧ ទំព័រ ៦១ )
-
សូមឆ្លើយសំណួរខាងក្រោមនេះ ៖
-
តើអ្នកឆ្លើយតបទៅនឹងសំណួរនីមួយៗរបស់ប្រធាន ណិលសុន យ៉ាងដូចម្ដេច ?
-
តើអារម្មណ៍របស់អ្នកអំពីព្រះគម្ពីរមរមនមានឥទ្ធិពលយ៉ាងណា នៅពេលដែលអ្នកសិក្សាព្រះគម្ពីរមរមននៅឆ្នាំនេះ ?
-
តើអ្នកយល់អ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
ប្រធាន រ័សុល អិម ណិលសុន បានពិពណ៌នាអំពីតួនាទីដ៏សំខាន់មួយនៃព្រះគម្ពីរមរមន ៖
មានរឿងអស្ចារ្យមួយកើតឡើងពេលកូនម្នាក់របស់ព្រះស្វែងយល់ចង់ដឹងបន្ថែមទៀតអំពីទ្រង់ និងព្រះរាជបុត្រាស្ងួនភ្ញាទ្រង់ ។ គ្មានកន្លែងណាផ្សេងទៀតដែលសេចក្ដីពិតទាំងនោះបានបង្រៀនយ៉ាងច្បាស់ ហើយពេញដោយអនុភាពជាងនៅក្នុងព្រះគម្ពីរមរមនឡើយ ។ ( រ័សុល អិម ណិលសុន « The Book of Mormon: What Would Your Life Be Like without It? » Ensign ឬ Liahona ខែ វិច្ឆិកា ឆ្នាំ ២០១៧ ទំព័រ ៦១ )
សូមចំណាយពេលបន្តិចដើម្បីគិតពិចារណាអំពីអ្វីដែលអ្នកបានរៀនអំពីព្រះវរបិតាសួគ៌ និងព្រះយេស៊ូវគ្រីស្ទ ដូចដែលអ្នកបានសិក្សាព្រះគម្ពីរមរមននៅឆ្នាំនេះ ។ អ្នកអាចពិនិត្យមើលព្រះគម្ពីររបស់អ្នក និងសៀវភៅកំណត់ហេតុការសិក្សាសម្រាប់សេចក្ដីពិតអំពីព្រះវរបិតាសួគ៌ និងព្រះយេស៊ូវគ្រីស្ទ ដែលអ្នកប្រហែលជាបានគូសចំណាំ ឬកត់ត្រាអំពីការសិក្សានេះពេញមួយឆ្នាំមកហើយ ។ សូមសរសេរសេចក្តីពិតឲ្យបានបី ឬបួន ដែលមានអត្ថន័យជាពិសេសសម្រាប់អ្នកនៅក្នុងសៀវភៅកំណត់ហេតុការសិក្សារបស់អ្នក ។
សូមស្វែងរកយ៉ាងហោចណាស់វគ្គបទគម្ពីរមួយដែលសម្អាងអំពីសេចក្តីពិតនីមួយៗដែលអ្នកបានរាយក្នុងសៀវភៅកំណត់ហេតុការសិក្សារបស់អ្នក ។ សូមសរសេរសេចក្ដីយោងបទគម្ពីរនៅជាប់នឹងសេចក្ដីពិតនីមួយៗ ហើយពន្យល់អំពីរបៀបដែលអ្នកអាចប្រើប្រាស់វគ្គបទគម្ពីរដើម្បីបង្រៀនសេចក្ដីពិតនោះ ។
ប្រសិនបើចាំបាច់ អ្នកអាចរំឭកវគ្គបទគម្ពីរខាងក្រោមមួយចំនួនឡើងវិញ ៖
-
សូមឆ្លើយសំណួរខាងក្រោមនេះ ៖
-
តើសេចក្ដីពិតអ្វីខ្លះដែលអ្នកបានរៀនអំពីព្រះវរបិតាសួគ៌ ឬព្រះយេស៊ូវគ្រីស្ទចេញពីការសិក្សាព្រះគម្ពីរមរមនរបស់អ្នក ដោយលើកឡើងយ៉ាងហោចណាស់ឲ្យបានពីរ ?
-
តើមូលហេតុអ្វីបានជាអ្នកគិតថា សេចក្តីពិតទាំងពីរនេះមានសារៈសំខាន់ត្រូវចេះ ?
-
តើព្រះគម្ពីរមរមនមានឥទ្ធិពលចំពោះរបៀបរស់នៅរបស់អ្នកយ៉ាងដូចម្តេច ?
សូមអានសេចក្តីថ្លែងការណ៍ខាងក្រោមដោយព្យាការី យ៉ូសែប ស៊្មីធ ( ឆ្នាំ ១៨០៥–១៨៤៤ ) ដោយរកមើលអ្វី ដែលលោកបានបង្រៀនអំពីអំណាចនៃព្រះគម្ពីរមរមន ៖
© 1998 Lisa Wray
ខ្ញុំបានប្រាប់បងប្អូនទាំងឡាយថា ព្រះគម្ពីរមរមន គឺជាគម្ពីរដ៏ត្រឹមត្រូវបំផុត ជាងគម្ពីរនានាទាំងអស់នៅលើផែនដីនេះ ហើយជាមូលដ្ឋាននៃសាសនារបស់យើង ហើយបុគ្គលម្នាក់ៗអាចចូលទៅជិតព្រះបាន ដោយសារធ្វើតាមសិក្ខាបទទាំងឡាយនៃគម្ពីរនេះជាជាងគម្ពីរដទៃទាំងអស់ ។ ( សេចក្តីផ្តើមនៃព្រះគម្ពីរមរមន សូមមើលផងដែរ ប្រវត្តិសាសនាចក្រ ៤:៤៦១ )
« ធ្វើតាមសិក្ខាបទទាំងឡាយនៃគម្ពីរនេះ » មានន័យថារស់នៅតាមគោលការណ៍ និងការបង្រៀនដែលមាននៅក្នុងព្រះគម្ពីរមរមន ។ សូមជញ្ជឹងគិតមួយភ្លែតអំពីរបៀបដែលគំនិត អាកប្បកិរិយា ឬសកម្មភាពរបស់អ្នកទទួលរងឥទ្ធិពល ដោយសារអ្វីដែលអ្នកបានរៀនសូត្រមកពីព្រះគម្ពីរមរមន ។
-
សូមឆ្លើយសំណួរខាងក្រោមនេះ យ៉ាងហោចណាស់ឲ្យបានមួយ ៖
-
តើការសិក្សាព្រះគម្ពីរមរមនរបស់អ្នកបានជួយយើងឲ្យមានអារម្មណ៍ខិតកាន់តែជិតព្រះវរបិតាសួគ៌ និងព្រះយេស៊ូវគ្រីស្ទដោយរបៀបណា ?
-
តើការបង្រៀនជាក់លាក់អ្វីខ្លះ ដែលអ្នកអាចអនុវត្តបានចេញពីការសិក្សាព្រះគម្ពីរមរមនរបស់អ្នក ?
-
តើពរជ័យអ្វីខ្លះដែលអ្នកបានទទួល នៅពេលដែលអ្នកបានសិក្សាព្រះគម្ពីរមរមនទៀងទាត់ ?
-