Iloilo Lou Aoaoina 7

Alema 53–3 Nifae 7

alii talavou o loo mafaufau loloto a o suesue i tusitusiga paia

O le manatunatu i ai ma le iloiloina o lou aoaoina faaleagaga e mafai ona fesoasoani ia te oe e faalatalata atili atu ai i le Faaola. O lenei lesona e mafai ona fesoasoani ia te oe e manatua ai ma iloilo pe na faapefea ona fesoasoani ou aafiaga i le Alema 53–3 Nifae 7 e te tuputupu ae ai faaleagaga.

O le taua o le manatuaina

Na aoao mai Peresitene Spencer W. Kimball e faapea o le upu aupito sili ona taua i le lolomifefiloi atonu o le manatua. (Tagai “Circles of Exaltation” [address to Church Educational System religious educators, June 28, 1968], 5.)

• Aisea e te manatu na saunoa ai Peresitene Kimball i le mea sa ia fai mai ai e uiga i le upu manatua?

• O a nisi o lesona na e aoaoina mai le Alema 53–3 Nifae 7 o le a taua mo oe e manatua? Aisea?

Atonu e te manatua na uunaia e Helamana ona atalii o Nifae ma Liae ia manatua lesona taua ma tagata (tagai Helamana 5:4–14). E faapena foi, o lenei lesona ua faamoemoe e fesoasoani ia te oe e manatua ai upumoni ua e aoaoina ma tautinoga na e faia i vaiaso talu ai nei.

Faamatala le matafaioi a perofeta

Mafaufau faapea ua musuia oe e valaaulia se uo lua te matamata faatasi i le konafesi aoao. A o e sauniuni ma le agaga tatalo e faatino lenei uunaiga, ua e filifili e faamalamalama atu i lau uo po o le a le perofeta ma pe aisea ua e fiafia ai e faalogo atu ia te ia. Ua e manatua na e aoao e uiga i nisi o perofeta maoae i le Tusi a Mamona e mafai ona fesoasoani ia te oe e faamatala ai le matafaioi a se perofeta i lau uo.

Nifae o loo tatalo i le olo i se faatoaga

Samuelu le sa Lamanā i luga o le papuipui

Filifili le tala a Nifae (Helamana 7–11) po o Samuelu le sa Lamanā (Helamana 13–15). Toe iloilo a laua tala i mataupu e faatatau i ai e ala i le siakiina o fuaiupu ma vaavaai i ulutala o mataupu po o faamatalaga atonu na e faia i lau api talaaga mo suesuega.

aikona, faamaumau

1. Tali fesili nei:

• E mafai faapefea ona e faaaogaina le tala lenei e faamalamalama ai le matafaioi a perofeta i lau uo?

• O a ni fuaiupu mai tusitusiga paia e mafai ona e faaaofia ai o se vaega o lau faamalamalamaga?

• O a nisi o upumoni faaopoopo po o aafiaga patino e mafai ona e faasoa atu e fesoasoani ai i lau uo ia malamalama i le taua o perofeta?

Iloilo ou uiga faaalia ma manaoga

atatusi o le taamilosaga o le faamaualuga

A o e vaai atu i lenei ata, e mafai ona e manatua faamaoniga o le taamilosaga o le faamaualuga i le Helamana 1–16 ma le 3 Nifae 1–7. Atonu foi e te iloaina faataitaiga ua e vaaia i lou lava olaga po o le lalolagi o siomia ai oe.

Ina ua e suesueina le Helamana 11–12, atonu na e iloiloina au taumafaiga ina ia lotomaualalo. Atonu foi na e tusi faamaumauina se tautinoga i lau api faamaumau mo suesuega ina ia faateleina le lotomaualalo ma faatoilalo le faamaualuga. Toe iloilo mea na e tusia ma manatunatu i ai pe o a mai lou faia o lena tautinoga. Mafaufau loloto i fesili nei, ma tusi au tali i lau api faamaumau mo suesuega.

• O a ni mea na e faia i vaiaso talu ai nei e manatua ai le Alii ma mea uma ua Ia faia mo oe? O le a sou lagona i le manatuaina o le Alii na fesoasoani ia te oe e tumau ai i le lotomaualalo?

• Pe o i ai ni suiga e te manao e fai e fesoasoani ia te oe e manatua ai le Alii i aso uma ma faateleina ai le lotomaualalo?

Mafaufau i ni fuafuaga e atinae ai lou faavae ia Iesu Keriso

I lesona talu ai nei, sa e suesue ai i le tele o tala o tagata taitoatasi o e na faatoilaloina osofaiga i o latou olaga, tapuaiga, ma molimau ia Iesu Keriso. A o e suesue, atonu na e faia ni tautinoga e fesoasoani ia te oe e atinae ai se faavae malosi atu ia Iesu Keriso e tetee atu ai i osofaiga a Satani.

Faaalu ni nai minute e iloilo ai se tasi pe sili atu o tala nei:

Leoneti ma Amalekia

Leoneti ma Amalekia (Alema 47:10–18)

aai papuipui ma le ’autu

Kapeteni Moronae o loo fausia olo (Alema 50:1–6)

fale i luga o se faavae

Fautuaga a Helamana i ona atalii (Helamana 5:12)

• O a nisi o lesona e mafai ona tatou aoao mai nei tala e mafai ona fesoasoani ia i tatou e tetee atu ai i faaosoosoga?

Mafaufau i sini na e faia talu ai nei e atiina ae ai lou faavae i luga o Iesu Keriso.

aikona, faamaumau

2. Tali fesili nei:

• O a faamanuiaga ua e mauaina e ala i le faia o taumafaiga e atiina ae lou faavae i luga o Iesu Keriso?

• O a ni mea faalavefau ua e vaaia i le fausiaina o se faavae malosi? Na faapefea ona e taumafai e faatoilalo na mea?

• Ua faapefea ona faamanuiaina oe i le taumafai e atiina ae lou faavae i luga o Iesu Keriso? O le a le eseesega ua faia ai mo oe?

Toe faitau le Helamana 5:12 ma mafaufau ma le agaga tatalo pe i ai se mea e tatau ona e amata, taofi, pe faaauau pea ona faia e atiina ae ai se faavae malosi atu ia Iesu Keriso. Afai e te lagona e tatau ona e fetuunaia soo se sini na e faia, e mafai ona e tusia i lau api faamaumau mo suesuega po o se isi nofoaga e mafai ona e manatunatu soo i ai.