“Faatomuaga i le Tusi Lesona a le Tamaitiiti Aoga Seminare o le Tusi a Mamona,” Tusi Lesona a le Tamaitiiti Aoga o le Tusi a Mamona (2024)
“Faatomuaga,” Tusi Lesona a le Tamaitiiti Aoga o le Tusi a Mamona
Faatomuaga i le Tusi Lesona a le Tamaitiiti Aoga Seminare o le Tusi a Mamona
O le faamoemoega o Seminare ma Inisitituti o Mataupu Faalelotu o le fesoasoani lea i le autalavou ma talavou matutua e faalolotoina lo latou liua ia Iesu Keriso ma Lana talalelei toefuataiina, ia agavaa mo faamanuiaga o le malumalu, ma ia saunia i latou lava, o latou aiga, ma isi mo le ola e faavavau faatasi ma lo latou Tama oi le Lagi.
O lesona o i lenei tusi lesona ua mamanuina e fesoasoani ia te oe e ausia ai lenei faamoemoega a o e suesue i le Tusi a Mamona. O lenei tusi lesona o loo i ai lesona e 255. O le a le manaomia ona e faamae’aina uma nei lesona. O le tele o nei lesona e ogatusa ma le poloka mau o le Sau, Mulimuli Mai ia te A’u o le a suesueina e tagata taitoatasi ma aiga. O isi lesona e o faatasi ma le atamai i aoaoga faavae. O le a fesoasoani lou faiaoga ia te oe e iloa po o le fea lesona e faamae’a i le fale ma po o a foi lesona o le a outou faia faatasi o se vasega.
O le galuega mo lesona taitasi e aofia ai galuega atofa o le a e auina atu i lou faiaoga. O nei galuega atofa o loo faailoa atu i le aikona lenei: . Mafaufau ma le faaeteete pe faapefea ona e faamaeaina nei galuega atofa. O le a fesoasoani lenei mea ia te oe e maua ai ni aafiaga anoa a o e aoao ma faaaoga upumoni mai tusitusiga paia. Tatalo ae e te lei amataina au lesona, ma saili le taitaiga ma le taiala mai le Agaga Paia e fesoasoani i au suesuega. Saili ni avanoa e faasoa atu ai i lou aiga ma isi mea o loo e aoaoina. A o e faia, o le a e faalolotoina lou liua i le Faaola ma Lana talalelei toefuataiina.