ព្រះគម្ពីរមរមន សៀវភៅសិក្សាសម្រាប់សិស្សថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់សិស្សថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០

ចំណេះចំណានខាងគោលលទ្ធិ ៖ ម៉ូសាយ ៤:៩— « សូមជឿដល់ព្រះចុះ »

« ចំណេះចំណានខាងគោលលទ្ធិ ៖ ម៉ូសាយ ៤:៩— ‹ សូមជឿដល់ព្រះចុះ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« ចំណេះចំណានខាងគោលលទ្ធិ ៖ ម៉ូសាយ ៤:៩ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

ចំណេះចំណានខាងគោលលទ្ធិ ៖ ម៉ូសាយ ៤:៩

« សូមជឿដល់ព្រះចុះ »

នៅក្នុងការសិក្សារបស់អ្នកអំពី ម៉ូសាយ ៤:៩–១០ អ្នកបានរៀនពីសារៈសំខាន់នៃការជឿលើព្រះ ។ មេរៀននេះអាចជួយអ្នកឲ្យទន្ទេញសេចក្ដីយោងចំណេះចំណានខាងគោលលទ្ធិនេះ និងឃ្លាបទគម្ពីរគន្លឹះសម្រាប់ ម៉ូសាយ ៤:៩ ពន្យល់គោលលទ្ធិ និងអនុវត្តគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្តែង ។

ទន្ទេញ និងពន្យល់

សូមរំឭកពីបទពិសោធន៍របស់អ្នកក្នុងការសិក្សាការអញ្ជើញរបស់ស្តេចបេនយ៉ាមីននៅក្នុង ម៉ូសាយ ៤:៩–១០ ដើម្បីឲ្យប្រជាជនរបស់ទ្រង់ជឿដល់ព្រះ ។ ប្រសិនបើចាំបាច់ សូមពិចារណាអានខគម្ពីរទាំងនេះម្តងទៀត ហើយរំឭកឡើងវិញនូវដ្យាក្រាមដែលអ្នកបានបង្កើតនៅក្នុងសៀវភៅកំណត់ហេតុការសិក្សារបស់អ្នកពីមេរៀនមុន ។

តើស្ដេចបេនយ៉ាមីនបានអញ្ជើញប្រជាជនរបស់ទ្រង់ឲ្យជឿដល់លក្ខណៈ ឬគុណលក្ខណៈដ៏សំខាន់អ្វីខ្លះរបស់ព្រះ ?
តើការជឿលើគុណលក្ខណៈដ៏ទេវភាពទាំងនេះរបស់ព្រះអាចមានឥទ្ធិពលលើជីវិតរបស់អ្នកយ៉ាងដូចម្ដេច ?

សូមជ្រើសរើសលក្ខណៈ ឬគុណលក្ខណៈរបស់ព្រះដែលបានរៀបរាប់នៅក្នុង ម៉ូសាយ ៤:៩–១០ ដែលស្តេចបេនយ៉ាមីនបានបង្រៀនជនរបស់ទ្រង់ឲ្យជឿ ។ សូមចែកចាយពីរបៀបដែលអ្នកអាចពន្យល់វាទៅនរណាម្នាក់ដែលមិនយល់ពីអត្ថន័យរបស់វា ។

ឃ្លាគន្លឹះសម្រាប់ ម៉ូសាយ ៤:៩ គឺ « សូមជឿដល់ព្រះចុះ … សូមជឿថា ទ្រង់មានគ្រប់ប្រាជ្ញា » ។ សកម្មភាពខាងក្រោមអាចជួយអ្នកឲ្យទន្ទេញនូវសេចក្តីយោងបទគម្ពីរ និងឃ្លាបទគម្ពីរគន្លឹះ ។

នៅក្នុងសៀវភៅកំណត់ហេតុការសិក្សារបស់អ្នក សូមសរសេរពាក្យ ជឿ ជាអក្សរធំ ។ នៅខាងក្រោមនេះ សូមសរសេរឃ្លា ដល់ព្រះ ហើយខាងក្រោមនេះសរសេរឃ្លា សូមជឿថា ទ្រង់មានគ្រប់ប្រាជ្ញា ។ បន្ទាប់មក សូមសរសេរសេចក្ដីយោងបទគម្ពីរ ម៉ូសាយ ៤:៩ ជាអក្សរធំនៅពីក្រោម ។ ចាប់ផ្តើមពីខាងលើ សូមសូត្របន្ទាត់នីមួយៗឲ្យឮៗនៅពេលអ្នកចង្អុលទៅពាក្យ ឃ្លា ឬសេចក្តីយោង ។ សូមធ្វើសកម្មភាពនេះឲ្យបានច្រើនដង រហូតទាល់តែអ្នកចាំអស់ ។

រៀនអនុវត្ត

សូមរំឭកដោយសង្ខេបនូវគោលការណ៍នៃការទទួលបានចំណេះដឹងខាងវិញ្ញាណនៅក្នុង កថាខណ្ឌទី ៥–១២ នៅក្នុងផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ។ អ្នកអាចព្យាយាមរាយបញ្ជីគោលការណ៍ទាំងបីចេញពីការចងចាំ ។ បន្ទាប់មក នៅក្នុងសៀវភៅកំណត់ហេតុការសិក្សារបស់អ្នក សូមកត់ត្រាពីរបៀបដែលអ្នកបានប្រើ ឬអាចប្រើគោលការណ៍ទាំងនេះ ។

សូមអានស្ថានភាពខាងក្រោមដោយគិតពីស្ថានភាពក្នុងជីវិតរបស់អ្នកដែលជំនឿរបស់អ្នកលើព្រះមានឧបសគ្គ ឬគ្មានភាពរឹងមាំដូចដែលអ្នកចង់បាន ។

មីរ៉ា រៀននៅក្នុងថ្នាក់មួយដែលគ្រូបង្រៀនលេងសើចរឿងសាសនា ហើយមិនជឿដល់ព្រះនោះទេ ។ យោបល់ទាំងនេះរំខានដល់ មីរ៉ា តាំងពីដំបូង ប៉ុន្តែក្នុងរយៈពេលពីរបីខែនៅក្នុងថ្នាក់ នាងចាប់ផ្តើមឆ្ងល់ថា តើគ្រូបង្រៀនរបស់នាងអាចនិយាយត្រូវឬអត់ ។ នាងតែងតែជឿលើព្រះ ប៉ុន្តែឥឡូវនេះ នាងមានអារម្មណ៍ថា នាងប្រហែលជាចាប់ផ្ដើមសង្ស័យអំពីអត្ថិភាពរបស់ព្រះ ។

អ្នកប្រហែលជាចង់រៀបចំដើម្បីអនុវត្តគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពរបស់ មីរ៉ា ដោយមើលវីដេអូ « His Grace: Choosing to Believe in God » ( ៤:០៧ ) ដែលមាននៅលើគេហទំព័រ ChurchofJesusChrist.org ។ នៅពេលអ្នកមើល សូមកត់សម្គាល់ពីរបៀបដែលយុវជននៅក្នុងវីដេអូនេះបានប្រើគោលការណ៍នៃការទទួលបានចំណេះដឹងខាងវិញ្ញាណ និងរបៀបដែលវាអាចអនុវត្តចំពោះ មីរ៉ា ។

សូមប្រើគោលការណ៍នៃការទទួលបានចំណេះដឹងខាងវិញ្ញាណ និងគោលលទ្ធិនៅក្នុង ម៉ូសាយ ៤:៩ ដើម្បីជួយក្នុងស្ថានភាពរបស់ មីរ៉ា ឬជាមួយនឹងស្ថានភាពផ្សេងដែលទាក់ទងនឹងការជឿដល់ព្រះ ដែលពាក់ព័ន្ធខ្លាំងជាងទៅនឹងជីវិតរបស់អ្នក ។

សូមគិតអំពីចម្លើយរបស់អ្នកចំពោះសំណួរខាងក្រោមនៅពេលអ្នកពិចារណាពីរបៀបដែលអ្នកនឹងជួយ មីរ៉ា ។

ធ្វើសកម្មភាពដោយសេចក្ដីជំនឿ

តើទង្វើដ៏ស្មោះត្រង់ណាមួយដែលមនុស្សម្នាក់អាចធ្វើ ប្រសិនបើពួកគេកំពុងពុះពារដើម្បីជឿដល់ព្រះ ?
តើការធ្វើសកម្មភាពទាំងនេះអាចជួយពួកគេយ៉ាងដូចម្តេច ?

ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បជានិច្ច

តើការបង្រៀនអ្វីពី ម៉ូសាយ ៤:៩ អាចជួយបុគ្គលម្នាក់ក្នុងស្ថានភាពនេះឲ្យមានទស្សនវិស័យដ៏អស់កល្បជានិច្ច ?
តើការសម្រេចចិត្តរបស់បុគ្គលម្នាក់ក្នុងការជឿ ឬមិនជឿលើព្រះអាចជះឥទ្ធិពលយ៉ាងណាទៅលើអនាគតរបស់ពួកគេ ?

ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព

តើវគ្គបទគម្ពីរ ឬបទពិសោធន៍បន្ថែមអ្វីខ្លះ ( ដែលអ្នក ឬអ្នកផ្សេងទៀតមាន ) អាចជួយបុគ្គលម្នាក់ជាមួយនឹងបញ្ហាប្រឈមនេះ ?
តើមនុស្សអាចរកព័ត៌មាននៅកន្លែងណាទៀតដើម្បីជួយពួកគេក្នុងស្ថានភាពនេះ ? សូមស្វែងរកយ៉ាងហោចណាស់ប្រភពមួយផ្សេងទៀត ហើយពន្យល់ពីរបៀបដែលវាអាចជួយបាន ។

សូមចែកចាយពីរបៀបដែលអ្នកនឹងប្រើគោលការណ៍នៃការទទួលបានចំណេះដឹងខាងវិញ្ញាណ និងគោលលទ្ធិដែលបានបង្រៀននៅក្នុង ម៉ូសាយ ៤:៩ ដើម្បីជួយ មីរ៉ា ក្នុងស្ថានភាពរបស់នាង ។