« នីហ្វៃទី ១ ៦–៧ ៖ ការស្វែងយល់ ‹ រឿងទាំងឡាយនៃព្រះ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« នីហ្វៃទី ១ ៦–៧ ៖ ការស្វែងយល់ ‹ រឿងទាំងឡាយនៃព្រះ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
នីហ្វៃទី ១ ៦–៧
ការស្វែងយល់ « រឿងទាំងឡាយនៃព្រះ »
ប្រសិនបើអ្នកត្រូវសរសេរកំណត់ត្រាទុកសម្រាប់មនុស្សជំនាន់ក្រោយរៀនសូត្រ តើអ្នកអាចសរសេរអ្វីខ្លះ ? នីហ្វៃបានបង្ហាញពីបំណងប្រាថ្នារបស់លោកថា ការសរសេររបស់លោកនឹងគាប់ព្រះហឫទ័យដល់ព្រះ ហើយបញ្ចុះបញ្ចូលអ្នកដទៃឲ្យដើរតាមព្រះយេស៊ូវគ្រីស្ទ ។ មេរៀននេះនឹងជួយអ្នកឲ្យយល់ពីរបៀបដែលគោលបំណងនៃព្រះគម្ពីរមរមនអាចជួយអ្នកក្នុងការសិក្សា និងក្នុងជីវិតរបស់អ្នក ។
ហេតុអ្វីបានជាសិក្សាព្រះគម្ពីរមរមន ?
ស្រមៃមើលថាតើអ្នកអាចឆ្លើយតបយ៉ាងដូចម្តេច ប្រសិនបើនរណាម្នាក់សួរអ្នកនូវសំណួរខាងក្រោមនេះ ៖
-
មានគម្ពីរជាច្រើនអំពីសាសនា និងការធ្វើជាមនុស្សល្អប្រសើរ ហេតុអ្វីខ្ញុំគួរអានព្រះគម្ពីរមរមន ? តើព្រះគម្ពីរនេះនឹងធ្វើអ្វីខ្លះសម្រាប់ខ្ញុំ ? តើព្រះគម្ពីរនេះខុសគ្នា ឬល្អជាងព្រះគម្ពីរដទៃយ៉ាងណាខ្លះ ?
នីហ្វៃបានចែកចាយពីចេតនា ឬគោលបំណងរបស់លោកក្នុងការកត់ត្រានូវអ្វីដែលលោកបានធ្វើនៅក្នុងព្រះគម្ពីរមរមន ។ ការដឹងពីគោលបំណងទាំងនេះអាចជួយយើងឲ្យយល់ពីមូលហេតុដែលយើងគួរអានព្រះគម្ពីរនេះ និងអ្វីដែលវាអាចជួយយើងបាន ។
សូមអាន នីហ្វៃទី ១ ៦:៣–៦ ហើយពិចារណាពីការគូសចំណាំពាក្យ ឬឃ្លាដែលបង្ហាញពីគោលបំណងរបស់នីហ្វៃក្នុងការរក្សាបញ្ជីរបស់លោក ។ វាអាចមានប្រយោជន៍ក្នុងការដឹងថា « ព្រះនៃអ័ប្រាហាំ … អ៊ីសាក និង … យ៉ាកុប » ( ខទី ៤ ) គឺជាព្រះបរមងារសម្រាប់ព្រះយេស៊ូវគ្រីស្ទ ។
-
សូមឆ្លើយសំណួរខាងក្រោមនេះ ៖
-
តើអ្នកនឹងពន្យល់យ៉ាងណាអំពីមូលហេតុដែលនីហ្វៃកត់ត្រានូវអ្វីដែលលោកបានធ្វើ ?
-
យោងតាមនីហ្វៃ ការសរសេររបស់លោកមានន័យដើម្បីបញ្ចុះបញ្ចូលយើងឲ្យមករកព្រះយេស៊ូវគ្រីស្ទ ហើយមានតែអ្វីដែលគាប់ព្រះហឫទ័យដល់ព្រះប៉ុណ្ណោះ ។
សូមចំណាយពេលបន្តិចដើម្បីគិតអំពីបទពិសោធន៍របស់អ្នកក្នុងការអានព្រះគម្ពីរមរមនកន្លងមក ។
-
តើព្រះគម្ពីរមរមនជួយអ្នកឲ្យស្គាល់អ្វីដែលគាប់ព្រះហឫទ័យដល់ព្រះដែរឬទេ ? ប្រសិនបើដូច្នោះ តើតាមរបៀបណា ?
-
តើអ្នកមានអារម្មណ៍ថាការសិក្សាព្រះគម្ពីរមរមនកំពុងជួយអ្នកឲ្យចូលកាន់តែជិតព្រះយេស៊ូវគ្រីស្ទ ហើយបានសង្គ្រោះដែរឬទេ ? ហេតុអ្វីព្រួយបារម្ភ ឬហេតុអ្វីមិនព្រួយបារម្ភ ?
-
តើការដឹងរឿងទាំងឡាយនៃព្រះ និងការចូលកាន់តែជិតព្រះយេស៊ូវគ្រីស្ទ អាចជាពរជ័យក្នុងជីវិតរបស់អ្នកដោយរបៀបណា ?
ការមករកព្រះយេស៊ូវគ្រីស្ទ និងការស្គាល់អ្វីដែលគាប់ព្រះហឫទ័យដល់ព្រះ
ជំនាញសិក្សាព្រះគម្ពីរដ៏មានប្រយោជន៍មួយគឺត្រូវស្វែងរកគោលបំណងរបស់នីហ្វៃ ពេលអ្នកអានព្រះគម្ពីរមរមន ។ អ្នកនឹងមានឱកាសហាត់ធ្វើដូចនេះ នៅពេលអ្នកសិក្សា នីហ្វៃទី ១ ៧ ។
ព្រឹត្តិការណ៍ដែលនីហ្វៃបានរៀបរាប់ឡើងវិញនៅក្នុង នីហ្វៃទី ១ ៧ អាចបំបែកជាបីផ្នែកធំៗ ។ សូមអានសេចក្តីសង្ខេបខាងក្រោមនៃផ្នែកនីមួយៗ ។ សូមជ្រើសរើសផ្នែកមួយ ហើយសិក្សាវាបន្ថែមទៀត ដោយរកមើលអ្វីដែលគាប់ព្រះហឫទ័យដល់ព្រះជាម្ចាស់ ហើយជួយយើងមករកព្រះគ្រីស្ទ ។
ផ្នែកទី ១. នីហ្វៃទី ១ ៧:១–៥ ។ នីហ្វៃ និងបងប្អូនរបស់លោកបានត្រឡប់ទៅក្រុងយេរូសាឡិមម្តងទៀតដើម្បីបញ្ចុះបញ្ចូលគ្រួសាររបស់អ៊ីសម៉ាអែលឲ្យចូលរួមក្នុងការធ្វើដំណើររបស់ពួកគេទៅកាន់ដែនដីសន្យា ។ ការណ៍នេះបានអនុញ្ញាតឲ្យនីហ្វៃ និងបងប្អូនរបស់លោករៀបការ និងមានគ្រួសារ ។
ផ្នែកទី ២. នីហ្វៃទី ១ ៧:៦–១៨ ។ លេមិន និងលេមយួលបានចងនីហ្វៃ ដោយមានចិត្តចង់ទុកឲ្យលោកស្លាប់នៅទីរហោស្ថាន ។ ប៉ុន្តែនីហ្វៃបានអនុវត្តសេចក្តីជំនឿដ៏អស្ចារ្យ ហើយព្រះអម្ចាស់បានរំដោះលោកដោយអព្ភូតហេតុ ។
ផ្នែកទី ៣. នីហ្វៃទី ១ ៧:១៧–២២ ។ នីហ្វៃបានអភ័យទោសដល់បងប្អូនរបស់លោកដោយស្មោះស្ម័គ្រចំពោះការប៉ុនប៉ងសម្លាប់លោក ហើយពួកគេក៏បានត្រឡប់ទៅជួបលីហៃ និងសារ៉ាយវិញ ។
-
សូមកត់ត្រាបណ្តុំបទគម្ពីរដែលអ្នកបានជ្រើសរើសដើម្បីសិក្សា ហើយឆ្លើយសំណួរខាងក្រោមនេះ ៖
-
តើអ្នកបានរៀនអ្វីខ្លះពីការសិក្សារបស់អ្នក ដែលអ្នកគិតថានឹងគាប់ព្រះហឫទ័យដល់ព្រះជាម្ចាស់ ហើយជួយអ្នកឲ្យមករកព្រះគ្រីស្ទ ?
-
-
តើអ្វីដែលអ្នកបានរៀន អាចជួយអ្នកក្នុងជីវិតរបស់អ្នកនៅពេលឥឡូវនេះបានយ៉ាងដូចម្តេច ?
សូមសញ្ជឹងគិតអំពីបទពិសោធន៍របស់អ្នកក្នុងការសិក្សាថ្ងៃនេះ កាលអ្នកបានស្វែងរកជាពិសេសនូវអ្វីដែលនឹងជួយអ្នកមករកព្រះយេស៊ូវគ្រីស្ទ និងដែលគាប់ព្រះហឫទ័យដល់ព្រះ ។
-
សូមឆ្លើយសំណួរខាងក្រោមនេះ ៖
-
តើការសិក្សាព្រះគម្ពីររបស់អ្នកអាចកែលម្អយ៉ាងដូចម្ដេច ប្រសិនបើអ្នកអនុវត្តការសិក្សារបស់អ្នកតាមរបៀបនេះដោយជាប់លាប់នោះ ?
-