Iulai

O Le Malumalu o Le Maota o le Atua

Pese: “Ou te Fia Vaai i le Malumalu”

(TT, 99)

“O sauniga paia ma feagaiga e maua i le malumalu paia e mafai ona toe foi atu ai tagata taitoatasi i le afioaga o le Atua ma toe faatasia aiga e faavavau. (“O Le Aiga: O se Folafolaga i le Lalolagi,” parakalafa 3).

Ia faaopoopo ni ou manatu i manatu ua tuuina atu iinei. Ia fuafua ni auala e faailoa atu ai le aoaoga faavae i tamaiti ma fesoasoani ia latou malamalama i ai ma faaaoga i o latou olaga. Fesili ifo ia te oe lava, “O le a se mea e fai e tamaiti e aoao ai, ma e mafai faapefea ona ou fesoasoani ia latou lagonaina le Agaga?”

Vaiaso 1: Na poloaiina e le Atua Lona nuu e fausia ia malumalu.

Faailoa atu le aoaoga faavae: Faaali se ata o se malumalu ma tusi i luga o le laupapa “O le Malumalu o le .” Valaaulia ia tamaiti e usuina le fuaiupu muamua o le pese “Ou te Fia Vaai i le Malumalu” (TT, 99). Tau atu ia i latou e faailoa mai i le piilima o latou lima pe a latou usuina le faaupuga lea e faauma ai le fuaiupu o loo i luga o le laupapa. Fesili atu ia i latou po o le a le malumalu (o se maota o le Atua). Faamatala atu o se malumalu o se fale moni lava o le Alii ma sa poloaiina e le aunoa e le Atua Lona nuu ina ia fausia ia malumalu.

Uunaia le [agaga] malamalama: Saunia ni faaataataga e uiga i le malumalu na fausia e Mose (tagai i le Esoto 25:1–2, 8–9), Nifae (tagai i le 2 Nifae 5:16), ma le Iosefa Samita (tagai i leMFF 124:31) ma e na mulimuli ia i latou. Mo se faataitaiga: “O la matou malumalu sa faaigoaina o le tapeneko, ma sa matou tauaveina a o matou femalagaai” (Mose) po o “Sa matou fausia se malumalu ina ua matou tea ese ma Ierusalema ma malaga ai i le sami” (Nifae). Filifili ni tamaiti se toatolu e fai ma sui o nei perofeta, ma valaaulia i latou e faitau atu nei faaataataga i le Peraimeri. Valaaulia isi tamaiti e mate pe o ai o loo sui ai tamaiti taitasi. A sa’o la latou mate, ona faaali atu lea o se ata o le perofeta po o le malumalu lea na ia fausiaina ma lona nuu.

The Book of Mormon prophet Lehi and his family aboard a ship. The family members are looking at and pointing to the shores of the promised land. Birds are flying around the ship.

A depiction of the Israelite tabernacle in the wilderness. The tabernacle is viewed from above. The interior and exterior of the tabernacle are depicted.

Night time shot of the Nauvoo Illinois Temple. The photograph is taken looking west, showing the temple from the back.

E maua ata i le sharingtime.lds.org

Uunaia le faaaogaaga: Faaali se ata o le malumalu e lata i le mea e te nofo ai. Talanoaina ia fesili nei: Aisea e te manatu ai na poloaiina e le Atua i tatou e fausia ni malumalu? O le a se mea e te faia e te saunia ai e alu i le malumalu i se aso?

Valaaulia ni tali: E tele lava ina tali mai tamaiti i fesili pe a tuu atu ia i latou se taimi e mafaufau ai. Mafaufau e ta’u atu ia i latou o le a e tuuina atu se taimi latou te mafaufau ai a o lei talosaga atu mo ni tali. (Tagai i le AALVSA, 72.)

Vaiaso 2: E faamanuiaina aiga e ala i sauniga paia o le malumalu.

Faailoa atu le aoaoga faavae: Valaaulia se tamaitiiti matua e faitau i le Peraimeri le fuaiupu e lua mai le parakalafa lona 3 o le “O Le Aiga: O Se Folafolaga i le Lalolagi”. Tuu upu ma fasi fuaitau nei i luga o se isi fasi pepa: O le malumalu o se, nofoaga paia, lea e, faamauina faatasi ai, i tatou. Faapipii i luga o le laupapa i soo se faasologa. Tuu atu i se tamaitiiti e faatulaga sao se uputusi se tasi. Ia fai pea seia i ai upu uma i le faasologa sa’o. Usu le fuaiupu lona lua o le pese “Ou te Fia Vaai i le Malumalu,” ma fai i le isi afa o tamaiti e faalogologo mo ni mea se lua tatou te faia i totonu o le malumalu (o feagaiga ma folafolaga ia usiusitai) ma le isi afa e faalogologo mo se upu moni na latou aoaoina (o se aiga e faavavau). Fesoasoani i tamaiti ia malamalama o le faamauina i o latou aiga i le malumalu o lona uiga o le a mafai ona faatasia i latou e faavavau.

2016 Outline for Sharing Time/Children's Sacrament Meeting Program

Ia faailoa manino atu le aoaoga faavae o loo e aoaoina atu. E fesoasoani lenei i tamaiti e malamalama ma faaaoga lelei ai.

O le malumalu o se nofoaga paia lea e faamau faatasi ai i tatou.

E maua uputusi i le sharingtime.lds.org

Uunaia le faaaogaaga: Valaaulia se aiga po o ni nai tamaiti e faasoa mai ni o latou lagona i la latou asiasiga i le lotoa o le malumalu po o ni auala na faamanuiaina ai i latou ona o sauniga ma faamauga i le malumalu. Valaaulia ia tamaiti e tusi ni ata o o latou aiga i fafo o le malumalu.

Alofa ia i latou o loo e aoaoina: A o e aoao atu e uiga i aiga e faavavau, ia faaeteete i tamaiti o e leai se tina ma se tama i o latou aiga. Ia faaeteete foi i tamaiti e i ai matua po o tei e le toaaga mai pe e le auai i le Ekalesia. Uunaia tamaiti uma ia ola agavaa ma saunia ina ia mafai ona latou maua ni o latou lava aiga e faavavau i se aso. (Tagai i le AALVSA, 33–34.)

Vaiaso 3: Na galulue malosi le au paionia ma ositaulaga e fausia ia malumalu.

Uunaia le [agaga] malamalama: Tuufaatasia ni faamatalaga e uiga i le fausiaina o Malumalu o Katelani ma Sate Leki ma, pe a mafai, le malumalu o loo lata i le mea o loo e nofo ai. (Tagai i le Peraimeri 5, lesona e 25 ma le 44 po o le LDS.org mo ni faamatalaga o Malumalu o Katelani ma Sate Leki.) Talosaga atu i ni tagata matutua e auai mai i le Peraimeri ma faasoa mai se faamatalaga i tamaiti. Vaevae tamaiti i ni vaega se lua, ma ia auauai nei vaega e lua e feiloai atu i tagata matutua taitasi. Valaaulia ia tamaiti e usu le pese “Ou te Fia Vaai i le Malumalu” a o latou faasolo mai le tasi o failauga faapitoa i le isi.

Primary teachers gathered in groups in a large room. They are each being taught by a different teacher.

Atonu e te manao e faafetaui au gaoioiga i manaoga o lau Peraimeri. Mo se faataitaiga, afai e toatele lau Peraimeri, e mafai ona faasolo ia failauga faapitoa mai le tasi vaega i le isi vaega nai lo le faasolo o tamaiti mai le tasi failauga faapitoa i le isi (tagai i le AALVSA, 179).

Vaiaso 4: E mafai ona ou saunia ia agavaa e alu i le malumalu.

Uunaia le [agaga] malamalama ma le faaaogaina: Faaali le “O Ou Tulaga Faatonuina o le Talalelei” ma faamatala atu o nei tulaga faatonuina o le a fesoasoani ia i tatou ia agavaa e o i le malumalu. Vaevae tamaiti i ni vaega. Tuu atu i se faiaoga o vaega taitasi e talanoaina ia tulaga faatonuina o le a fesoasoani i tamaiti e saunia ai e o i le malumalu ma molimau atu i auala na fesoasoani ai ia te ia le ola ai i tulaga faatonuina. Fai atu i vaega taitasi e filifili se tulaga faatonuina o le talalelei se tasi ma tusia pe tusi se ata o a latou tautinoga e mulimuli ai i lena tulaga faatonuina. Valaaulia le epikopo po o le peresitene o le paranesi i le Peraimeri, ma tuu atu i vaega taitasi e faasoa atu ia te ia a latou tautinoga. Valaaulia le epikopo po o le peresitene o le paranesi e faasoa mai lana molimau e uiga i le taua o malumalu.

2016 Outline for Sharing Time/Children's Sacrament Meeting Program

E maua pepa o loo i ai se savali i le sharingtime.lds.org

Luitau Faaletausaga: Manatua e tuu i tamaiti le avanoa e faasoa mai se aoaoga na latou maua mai le faitauina o tusitusiga paia (tagai ia Ianuari, vaiaso 2).