Auala e Faaaoga ai Musika i le Peraimeri

O le faamoemoega o musika i le Peraimeri o le aoaoina atu lea i tamaiti o le talalelei a Iesu Keriso ma fesoasoani ia latou aoao e ola ai. O pese a le Peraimeri o le a sili atu ai ona fiafia i le aoaoina, fesoasoani ai i tamaiti e aoaoina ma manatuaina upu moni o le talalelei, ma valaaulia ai le Agaga.

O tomai nei e mafai ona e faaaogaina e aoao ai se pese i tamaiti. O faataitaiga o le a fesoasoani ia te oe i pese o loo fautuaina mai i lenei otootoga. Tagai i le vaega o “Auala e Faaaoga ai Musika i le Peraimeri” i le otootoga o le 2015 mo ni manatu faaopoopo.

Faatosina mai Mafaufau o Tamaiti

Ae e te lei amata usuina le pese, ia mautinoa o loo gauai atu tamaiti ia te oe. E mafai ona e faatosina mai o latou mafaufau e ala i le faaaogaina o mea faitino e pei o ata, o ni mea faitino faigofie, po o tamaiti lava latou. E mafai foi ona e suia le tulaga o lou leo. O gaoioiga faatosina e tatau ona pupuu ma taitai sao atu ai lava i le pese. Mo se faataitaiga:

• A o lei usuina le pese “Ou te Fia Vaai i le Malumalu” (TT, 99), fai atu i tamaiti e sii i luga o latou lima pe afai ua latou vaai i se malumalu. Valaaulia i latou e mafaufau pe faapefea ni o latou lagona pe a vaai atu i se malumalu a o latou pepese.

• O tamaiti e mafai ona avea ma au fesoasoani vaaia sili. Valaaulia i latou e faaaoga ni fesoasoaniga faigofie e pei o fusiua po o tusitusiga paia e fai ma sui o faifeautalai a o latou usuina le pese o le “Matou Te Aumai Le Upu Moni I Le Lalolagi” (TT, 92–93).

A woman standing in front of a mirror practicing leading music.

Ia faataitai pese i le fale a oo loa i le taimi e te aoaoina atu ai i tamaiti, o le a mafai ona e tilotilo atu ia i latou, ae le o lau tusipese.

A woman leading music in Primary. A girl is standing at her side holding a copy of the Book of Mormon.

Ia faafaigofie ia fesoasoani vaaia. O lenei mea o le a faatagaina ai tamaiti e taulai atu i le savali o le pese, ma faatagaina ai le Agaga e molimau atu e moni mea o loo latou usuina.

Taitaia le Faalogologo a Tamaiti

O le talosaga atu i tamaiti e faalogologo mo se tali o se fesili o le a fesoasoani lea ia i latou e aoao ai ia upu ma le savali o le pese. E mafai ona e fai atu ia i latou e faalogologo mo ni tali o fesili e pei o le “o ai?” “o le a?” “o fea?” “o a fea?” po o le “aisea?” E mafai foi ona e fai atu i tamaiti e faalogologo mo upu autu po o upu e tutusa faaleoga pe faitau i o latou lima le aofai o taimi latou te usuina ai se upu faapitoa.

A o e aoao atua le pese “A Ou Faalogo Ma Lo’u Loto” (itulau e 28 i lenei tamaitusi), tusi se tasi o fesili nei i luga o le laupapa: “O fea e mafai ona ou faalogo ai i le siufofoga o le Faaola?” “O ai na te aoaoina i tatou i se auala tatou te ola amiotonu ai?” “O ai na te talanoa filemu mai ia i tatou?” Valaaulia ia tamaiti e faalogologo mo se tali a o latou usuina se pese ma faailoa mai (e ala i le piilima o latou lima, tutu i luga, po o le fetagofi i o latou taliga) pe a latou usuina se tali. Tuu atu i tamaiti tou te usuina faatasi le tali mo ni nai taimi. Tusi se isi fesili i luga o le laupapa ma toe fai.

Thumbnail for Catalog

Ia saunia e aoao atu le savali o le talalelei o se pese e ala i le suesue i mau faasino o loo tuuina mai i le Tusipese a Tamaiti.

A woman leading the singing in Primary.

O le a lagona ai e tamaiti lou alofa ma lou naunautai mo le talalelei a o outou pepese faatasi. A o faasoa atu lau molimau o le Faaola, o le a latou lagona foi Lona alofa mo i latou.

Faaaofia ai Tamaiti

Faaaofia ia tamaiti i ni auala eseese a o e usuina le pese. Mo se faataitaiga:

• Valaaulia ia tamaiti e mafaufau i ni taga faigofie e fai i lima ina ia fesoasoani latou te manatua ai upu ma le savali o se pese (tagai i le “Fesoasoaniga mo le taitai musika” i le itulau e 7).

• Valaaulia ia tamaiti e faafoliga o ni faifeautalai a o latou usuina le pese “Matou te Aumai le Upu Moni i le Lalolagi.” Fai atu ia i latou e savali faafitafita i le mea o loo tutu ai, pe faatamilo i le potu ma uu a latou tusitusiga paia ma pepese.

• A o lei usuina le pese “A Ou Faalogo Ma Lo’u Loto,” tuu i tamaiti taitasi se pepa e foliga i se fatu ma fai i ai e tusi le upu “Faalogo” i le tasi itu ma le “Lagona” i le isi itu. Faamatala atu o nei upu o loo ta’u faafia i le pese. Fai atu i tamaiti e faaali le itu sao o le fatu pe a latou usuina lena upu.

2016 Outline for Sharing Time/Children's Sacrament Meeting Program

2016 Outline for Sharing Time/Children's Sacrament Meeting Program

E maua fatu i le sharingtime.lds.org

Faalogologo

Lagona

A Korean woman standing in front of a group of Primary children. She is holding a songbook.

Pese fou: Pe a e faailoa atu se pese fou i tamaiti, usu muamua atu ia i latou. E sili atu ona aoaoina e tamaiti o se pese pe a latou faalogo muamua i ai i ni nai taimi ae latou te lei amata usuina.

Usu, Usu, Usu

E sili le iloa e tamaiti o pese pe a latou faalogo ma usu ma toe usu.

Toe faamanatu ma usu ni pese i ni auala malie eseese. Mo se faataitaiga:

• Valaaulia ia tamaiti e amata ona aoaoina le fati o se pese fou e ala i le faalogologo i ai pe usuusu le fati i le taimi a o lei amataina le sauniga.

• Toe faamanatu le pese “O Le a Ou Mulimuli i le Fuafuaga a le Atua” (TT, 86–87), fai ni nai faailo o le auala. Tusi se upu ese mai le pese i luga o faailo taitasi o le auala. Tuu i luga se faailo, ma tau atu i tamaiti pe a latou usuina le pese e le tatau ona latou usuina lena upu. Toe fai i isi faailo o le auala.

• Fai se pusa faatafafa i se pepa po o se pepa malo, ma tusi i itu uma o le pusa faatafafa ni auala eseese e usu ai le pese (mo se faataitaiga, patipati i le fati, fai ni taga i lima, pese lemu, usu ia tama, usu ia teine, pe hamu le fati). I se isi pusa faatafafa tusi ai igoa o ni isi pese a le Peraimeri o loo aoaoina e tamaiti. Valaaulia se tamaititi e faataavale le tamai pusa faatafafa muamua e filifili ai pe faapefea ona latou usuina le pese, ma valaaulia se isi tamaitiiti e faataavale le isi tamai pusa faatafafa e filifili ai po o le a se pese latou te usuina.

Two young girls standing by a table in Primary. There are song cubes on the table.

E maua ia mamanu o pusa faatafafa i le sharingtime.lds.org