Faatonuga mo le Taimi o Fetufaaiga ma le Polokalama a Tamaiti i le Sauniga Faamanatuga

Susuga i Au Peresitene o Peraimeri ma Taitai Musika,

O tusitusiga paia o afioga ia a le Atua. A o e faitauina ma le agaga tatalo ia tusitusiga paia ma faaaoga ia mataupu faavae o loo aoao mai ai ma mai lenei otootoga, o le a e saunia faaleagaga e te aoao atu le talalelei a Iesu Keriso i tamaiti o lau Peraimeri. O le a mafai foi ona e faaaogaina ia tusitusiga paia e fesoasoani ai i tamaiti ia malamalama i mataupu faavae o le talalelei o le a e aoao atua i lenei tausaga, e pei o le fuafuaga a le Tama Faalelagi, le misiona a Iesu Keriso, le matafaioi a perofeta, le Toefuataiga o le Ekalesia, ma faamanuiaga o le malumalu. O le a fesoasoani ia te oe tusitusiga paia e valaaulia ai le Agaga i totonu o lau Peraimeri ma fausia se siosiomaga ina ia lagonaina ai e tamaiti le uunaiga a le Agaga Paia. O lena uunaiga o le a fesoasoani i tamaiti uma o le Peraimeri latou te faapea mai ai, “Ou te iloa e moni tusitusiga paia.”

Faafetai atu mo la outou auaunaga tuuto. Matou te tatalo mo outou ma talitonu e mafai ona outou alolofa i tamaiti ma aoao ia i latou le talalelei a Iesu Keriso.

O Le Au Peresitene Aoao o le Peraimeri

Faatonuga mo le Taimi o Fetufaaiga

Aoaoga o le Talalelei

Faaaoga le tamaitusi lenei a o e sauni e aoao atu se lesona e 15-minute i vaiaso taitasi i le taimi o le fetufaaiga. E mafai ona e faaopoopoina atu isi tusi ma mea e faaaoga ua faamaonia e le Ekalesia i lesona faalevaiaso, e pei o le Friend po o le Liahona. O le a fesoasoani taiala o loo i lalo i le fuafuaina ma le tuuina atu o lesona.

Alofa Ia i Latou E te Aoaoina. Faaali atu lou alofa i tamaiti e ala i le iloa o o latou igoa ma ia nofouta i mea latou te fiafia i ai, taleni, ma manaoga.

Aoao atu le Mataupu Faavae e ala i le Agaga. A o tapena au lesona, ia e tatalo mo le taitaiga ma ia taumafai e faamalosia lau molimau i aoaoga faavae o le a e aoaoina atu. O le a fesoasoani lea e te aoao atu ai i le Agaga.

Valaaulia le Aoaoina. Ua mamanuina lenei tamaitusi e fesoasoani e te silafia ai e le gata i mea e tatau ona aoao atu ae faapea foi i auala e aoao atu ai ma valaaulia ai le aoaoina. O le a sili atu le lelei o lou aoao atu o mataupu faavae a o e faia mea nei e tolu i lesona uma lava:

1. Faailoa atu le aoaoga faavae. Faailoa atu ma le manino le aoaoga faavae o le a aoaoina e tamaiti. Mafaufau i ni auala e faamatala gutu atu ai ma ni mea faitino. (Mo ni faataitaiga, tagai i lesona mo le vaiaso muamua o Mati, ma le vaiaso muamua o Iulai.)

2. Uunaia le [agaga] malamalama. Ia mautinoa e maua e tamaiti se malamalamaaga loloto atu o le aoaoga faavae e ala i ni metotia eseese faafaiaoga latou te punouai ai i le aoaoga, e pei o le usuina o pese, tala faatino, ma le faitauina o mau.

3. Uunaia le faaaogaaga. Tuu atu i tamaiti ni avanoa e faaaoga ai le aoaoga faavae i o latou olaga. Ia mafaufau i auala e mafai ona latou faaalia ai o latou lagona e uiga i le aoaoga faavae, pe faatu foi se sini e faatatau i ai.

O loo tuuina atu i le tamaitusi lenei ia lesona atoa lava mo nisi o vaiaso o le tausaga. O loo aofia ai foi manatu, ae le o lesona atoatoa mo isi vaiaso. Ia faaopoopo atu na manatu i ni ou lava manatu. E mafai ona e maua mai ni manatu i le faitauina o isi lesona o loo i lenei tamaitusi. A oo i Aso Sa lona lima, faaaoga le taimi lea e toe faamanatu ai lesona ua mae’a. O le Agaga e mafai ona taialaina oe a o e fuafuaina ma saunia gaoioiga mo lesona.

Ia galulue faatasi ma le taitai musika a o tapena au lesona. O le usuina o pese o le a atili faamamafaina ai mataupu faavae e te aoaoina atu. O nisi taimi e mafai ai ona e valaaulia ni faiaoga ma a latou vasega e fesoasoani atu ia te oe i vaega o aoaoga o le talalelei.

O nisi lesona o loo fautuaina ai e valaaulia ni failauga faapitoa e auai atu i le Peraimeri. E tatau ona maua mai se faatagaga a lou epikopo po o le peresitene o le paranesi ae e te lei valaauliaina nei tagata e auai.

O loo i ai faatasi ma lesona ia nai motugaafa faafaiaoga o le a fesoasoani ia te oe e faaleleia atili ai ou tomai o le aoao atu. O loo aofia ai foi i lesona ia ata o le a fesoasoani e te iloa ai foliga o se gaoioiga. E ui lava e taua le atiina ae o tomai faafaiaoga, ae o au lava sauniuniga faaleagaga ma lau molimau, o le a valaaulia ai le Agaga e faamautuina nei aoaoga faavae i loto o tamaiti.

Tusitusiga Paia: O le valaaulia o tamaiti e aoao mai tusitusiga paia o le a fesoasoani latou te atiina ae ai se fiafia i le afioga a le Atua, i o latou olaga atoa. Ia fuafua i vaiaso taitasi ni auala e valaaulia ai tamaiti e faaaoga ma aoao mai a latou tusitusiga paia. O nisi tamaiti atonu e leai ni tusitusiga paia. O isi tamaiti atonu e le’i iloa faitautusi. O gaoioiga e aoao ai o loo i lenei otootoga ma motugaafa faafaiaoga o loo i itulau 8, 13, ma le 24 o le a tuuina atu ai ni manatu i auala e aoao atu ai, e faaaoga ai tusitusiga paia.

Mea faitino: O le tele o mea faitino i lenei tamaitusi o loo maua i le initoneti i le sharingtime.lds.org. Vaai foi mo se lisi o punaoa i autu faapitoa o le talalelei mai le Friend i le friend.lds.org. O nei punaoa e mafai foi ona lolomiina ma faaaoga i le aoaoina atu o tamaiti.

Taimi o Pesepesega

O musika i le Peraimeri e tatau ona maua ai se siosiomaga faaaloalo, aoao ai le talalelei, ma fesoasoani ai i tamaiti ia latou lagonaina le uunaiga a le Agaga Paia ma le olioli lea e oo mai i pesepesega. O se vaega e 20-minute o le taimi o fetufaaiga e tatau ona faapitoa mo pesepesega ma le aoaoina o musika. O le a mautinoa ai e lava le taimi e aoao ai se musika fou ma fesoasoani ai i tamaiti ia fiafia i pesepesega.

O loo i ai i le tamaitusi lenei se pese fou mo tamaiti e aoaoina i le tausaga lenei (tagai i le itulau 28). O loo i ai foi se vaega ua faaautuina “Auala e Faaaoga ai Musika i le Peraimeri” (tagai i itulau 26–27) ma manatu faaopoopo mo le aoaoina atu o pese i tamaiti (tagai i le itulau 7).

Sauniuniga: Tatalo mo le taitaiga ma saili le uunaiga a le Agaga a o e tapenapena mo au taimi o fetufaaiga. A o e tapenapena ma aoao atu i le Agaga, o le a Ia faamautu atu le moni o mea e te aoaoina atu. (Tagai AALVSA, 13.)

Taiala mo le Polokalama o le Sauniga Faamanatuga

I lalo o le taitaiga a le epikopo po o le peresitene o le paranesi, o le polokalama a tamaiti i le sauniga faamanatuga e faia i le vaitaimi o le kuata lona fa o le tausaga. Ia vave fono i le amataga o le tausaga ma le fesoasoani o le au epikopo po o le au peresitene o le paranesi o loo vaaia le Peraimeri e talanoaina ni fuafuaga faataitai. Ia maua mai lana faamaoniga pe a maea ia fuafuaga.

Ia fuafua ina ia tuuina atu e tamaiti le polokalama e faatatau i autu o taimi o fetufaaiga o masina taitasi. A o faagasolo le tausaga, ia teu ni faamatalaga o tautalaga ma aafiaga patino o tamaiti e ono mafai ona faaaoga i le polokalama. A o e fuafuaina e faasoa atu e tamaiti mea na latou aoaoina e uiga i le autu o lenei tausaga, mafaufau i ni auala e mafai ona latou fesoasoani ai i le potopotoga ia taulai atu i aoaoga faavae o le talalelei o loo latou aoaoina atu. O se tasi o le au epikopo e mafai ona faaiuina le sauniga i se saunoaga puupuu.

A o e saunia le polokalama, ia manatua taiala nei:

• O faataitaiga e le tatau ona tele se taimi e o ese ai mai vasega po o aiga.

• O mea faitino, teuga, ma aoaoga e faia i ala o faasalalauga e le talafeagai mo le sauniga faamanatuga.

Primary children and teachers sitting together as a group in the chapel.

E mafai ona usuina ia pese e faaaoga i le polokalama e ni vaega toatele pe toalaiti, e pei o ni pese taitoatasi pe taitoalua, o se aiga, pe faaaoga mea faifaaili e i ai uaua. Ia mautinoa e iloa lelei e tamaiti upu ma mafai ona pepese mai o latou loto.

Punaoa o loo Faaaogaina i Lenei Tamaitusi

O faapuupuuga nei o loo faaaogaina i le tamaitusi atoa:

(TT Tusipese a Tamaiti

AALVSAO Le Aoao Atu, E Leai Se Isi Valaauga E Sili Ai

O le tele o lesona o loo aofia ai fautuaga mo le faaaogaina o ata. E mafai ona e maua ata i le Tusi Ata o le Talalelei, o le Pusa Ata o le Talalelei, taga ata o tusi lesona a le Peraimeri, ma mekasini a le Ekalesia ma le initoneti i le images.lds.org.

A page layout of Lehi with the lLahona and the title "Liahona".

A thumbnail of the front cover of the January 2010 Friend.

Thumbnail for Catalogs.

Punaoa: E mafai ona e maua ni punaoa faaopoopo faaleaoaoga e pei o itulau valivali, tala, ma gaoioiga i le Liahona, tusi lesona a le vasega pepe, ma le Tusi Ata o le Talalelei. Faaaoga nei punaoa e faaopoopo atu i au lesona.

Mataupu Aoaoina mo le 2016

Mataupu Aoaoina Lautele

Vasega Pepe: Vaai Ia I O Outou Tamaiti; Aveolela: Peraimeri 1; FMT 4–7: Peraimeri 2; Valiana 8–11: Peraimeri 4

Mataupu Aoaoina Faavae

Aveolela: Peraimeri 1; FMT 4–7: Peraimeri 2; Valiana 8–11: Peraimeri 4